Պետք է կարդալ ոչ միայն վերնագրերը. առողջապահության նախարարի խորհրդականը՝ պետպատվերով բուժօգնության մասին

Ընթացիկ օգոստոսի սկզբին հայտնի դարձավ առողջապահության նախարարության նոր նախաձեռնության մասին: Այն է՝ գերատեսչությունն առանձնահատուկ վերահսկողություն է սահմանելու մեծ ծավալով պետպատվեր իրականացնող բուժհաստատությունների նկատմամբ, եւ դա պետք է կազմակերպվի այդ հաստատություններ ներկայացուցիչներ գործուղելով:

Ծրագրի առաջին իրագործողը լինելու էր առողջապահության նախարարի խորհրդական Աշոտ Սարգսյանը: «Մենք հետեւողական ենք առողջապահական ոլորտում մեր կողմից իրականացվող փոփոխություններին: ՀՀ Առողջապահության նախարար Արսեն Թորոսյանի հանձնարարությամբ հանրապետության տարբեր բժշկական կենտրոններում մոտ ապագայում կլինեն նախարարության աշխատակիցներ, ում դուք կարող եք տեղում դիմել խնդիրների դեպքում: Այս մոդելի կիրառումը սկսվում է ինձնից եւ ուրեմն, ես այսօրվանից կլինեմ «Արմենիա» ԲԿ-ում (Հանրապետական հիվանդանոց), որպեսզի հետեւեմ պետպատվերով մատուցվող ծառայությունների որակին»,- նշել էր Աշոտ Սարգսյանը:

Իսկ նախարար Թորոսյանը հավելել էր. «Այո՛, փոփոխությունների հանդեպ հետեւողական ենք լինելու։ Մոտ 2 ամսից ՀՀ ԱՆ պետական առողջապահական գործակալությունը մշտական ներկայացուցիչներ է ունենալու մայրաքաղաքի 1մլրդ եւ ավելի դրամ պետական պատվեր ունեցող բժշկական հաստատություններում, ովքեր տեղում վերահսկելու են ծառայությունների մատուցման ընթացքը»:

Տպավորություն է ստեղծվում, որ քաղաքացին, դեռեւս միայն «Արմենիա» բժշկական կենտրոնում, պետպատվերով մատուցվող ծառայությունների հետ կապված խնդիրների բախվելու դեպքում կարող է փնտրել-գտնել նախարարության ներկայացուցչին, վերհանել իրավիճակը եւ ակնկալել նրա միջամտությամբ լուծում: Նախաձեռնության մեկնարկից միառժամանակ անց՝ արդեն օգոստոսի երրորդ տասնօրյակում, այցելեցինք նշված բուժհաստատություն՝ տեղում պատկերացնելու համար, թե ինչպես է կազմակերպվում այդ աշխատանքը, հիմնականում ինչ բնույթի բարդությունների են առնչվում քաղաքացիները, նախարարության ներկայացուցիչն ինչ լիազորություններով է օժտված, ինչ գրաֆիկով է այնտեղ աշխատում եւ այլն:

Բուժաշխատողների շրջանում մեր հարցումները, թե որտեղ կարելի է տեսնել առողջապահության նախարարության ներկայացուցչին, միայն զարմանք էին առաջացնում: Տնօրենի ընդունարանում նույնպես ասացին, որ տեղյակ չեն նմանատիպ գործառույթներով իրենց մոտ գտնվող անձի մասին:

Առողջապահության նախարարի խորհրդական Աշոտ Սարգսյանն ավելի ուշ մեր զրույցում պարզաբանեց, որ բժշկական կենտրոնում մշտական ներկայություն ապահովելն իր պարտադիր անելիքը չէ, քանի որ նախարարությունում այլ զբաղվածություն ունի: Նա մանրամասնեց, որ իրականացվող ծրագիրն առայժմ պիլոտային է, որը նաեւ պետք է օգնի հասկանալ, թե մնացած կենտրոններում նախարարության ներկայացուցիչների աշխատանքն ինչ մեխանիզմով պետք է կազմակերպվի, ինչի վրա է անհրաԺեշտ կենտրոնացնել նրանց ուշադրությունը եւ այլն:  

«Կարող եմ ասել, որ սա պիլոտային վերսիա ենք մենք համարում: Ես շրջում եմ տարբեր բաժանմունքներում, դիմող կամ արդեն բուժում ստացող քաղաքացիների հետ եմ խոսում, ընդհանուր պետպատվերի տրամադրման կարգի մասին կարծիքներն ենք հաշվի առնում՝ արդյոք ամեն ինչ անվճար է, հասանելի է, թե ոչ, կամ ովքեր համավճարային սկզբունքով են բուժում ստանալու, արդյոք այդպես է, թե ոչ, հավելավճարումներ պահանջվում են, թե ոչ: Այդ ամենը ունի երկրորդ կողմը. նաեւ խոսում եմ բժիշկների հետ, քանի որ իրավիճակը ճիշտ պատկերացնելու համար պետք է երկու կողմին էլ լսել: Պրակտիկ կիրառվող աշխատանքի վերաբերյալ նաեւ պետք է հարցնել մարդկանց՝ որտե՞ղ, ըստ իրենց, կա խնդիր, որը պետք է լուծել, թեկուզ մեր կարգերի մեջ: Այսինքն՝ մենք հետեւողական ենք թե՛ քաղաքացիների եւ թե՛ բժիշկների կարծիքները ստանալու հարցում: Խնդիրների դեպքում միանգամից տեղեկացնում ենք տնօրինությանը: Իսկ եթե առաջարկներ են լինում այս կամ այն թերությունները շտկելու վերաբերյալ, ըստ այդմ փորձում ենք համակարգը ավելի հասանելի դարձնել քաղաքացիներին»,- ասաց Աշոտ Սարգսյանը:

Հարցին, թե այս օրերին «Արմենիա» բժշկական կենտրոնում իրականացրած իր աշխատանքի ընթացքում ինչ խնդիրներ են մատնացույց արվել, որոնք մինչեւ այս անհայտ էին, առողջապահության նախարարի խորհրդականը պատասխանեց.  «Մենք ինչքան էլ փորձում ենք իրազեկել քաղաքացիներին պետական պատվերով տրամադրվող ծառայությունների կարգերի վերաբերյալ, շատ ժամանակ տեղեկացված չեն լինում անգամ այն մասին, որ կարող են ուղղակի իրենց հետաքրքրող հարցով զանգահարել նախարարության թեժ գիծ՝ 8003 եւ ստանալ պատասխան: Շատ ժամանակ բժիշկների ու քաղաքացիների միջեւ լինում են տհաճ խոսակցություններ, որովհետեւ մի քիչ թյուրըմբռնում կա, այսինքն՝ լսում են, որ այսինչը անվճար է, բայց պետք է իմանան, որ դրա համար անհրաժեշտ են այս կամ այն փաստաթղթերը»:

Նա նկատեց, որ մարդիկ սովոր են կարդալ միայն վերնագրերը: «Երբ ասում ենք տվյալ խմբի համար ծառայությունը անվճար է, պետք է բացել եւ ծանոթանալ մանրամասներին»,- նշեց առողջապահության նախարարի խորհրդականը:

Տպել
3298 դիտում

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)