Ով ով է․ Ուկրաինայի նոր խորհրդարանում 5 ուժերից 4-ը կլինեն եվրոպամետ

Ուկրաինայում կիրակի օրը՝ հուլիսի 21-ին տեղի ունեցած արտահերթ խորհրդարանական ընտրությունների նախնական արդյունքներով առավելագույն թվով ձայներ է ստացել երկրի նորընտիր նախագահ Վլադիմիր Զելենսկու «Ժողովրդի ծառա» (Слуга народа) կուսակցությունը՝ 44.2 տոկոս։ Այս մասին ասված է «Իրազեկ քաղաքացիների միավորում» ՀԿ-ի հրապարակած հոդվածում։

Ընդհանուր առմամբ, ըստ ընտրությունների նախնական արդյունքների, ուկրաինական խորհրդարան՝ Գերագույն ռադա, բացի «Ժողովրդի ծառայից», անցել է ևս չորս քաղաքական ուժ՝ «Ընդդիմադիր պլատֆորմը» (11.4%), «Եվրոպական համերաշխությունը» (8.8%), «Բատկիվշինան» («Հայրենիք», 7.4%) և «Ձայնը» (Голос, 6․5%):

Ուկրաինայում տեղի ունեցած խորհրդարանական ընտրություններն արտահերթ էին։ Վլադիմիր Զելենսկին Ուկրաինայի նախագահ է ընտրվել ապրիլի 21-ին տեղի ունեցած ընտրությունների արդյունքում։ Իր երդմնակալության ժամանակ՝ մայիսի 20-ին, Զելենսկին հայտարարել էր խորհրդարանը ցրելու և արտահերթ ընտրություններ անցկացնելու մասին։

Հարկ է նշել, որ Ուկրաինայի սահմանադրությամբ խորհրդարանն ունի 450 պատգամավոր, որոնցից կեսն ընտրվում է համամասնական ցուցակով, իսկ մյուս կեսը՝ մեծամասնական։ Քանի որ Ուկրաինայի մաս կազմող Ղրիմը ներկայում միացված է Ռուսաստանին, իսկ Դոնեցկի և Լուգանսկի որոշ հատվածներ գտնվում են անջատական ուժերի վերահսկողության ներքո, այդ շրջաններից մեծամասնական թեկնածուներ չեն ընտրվել, ուստի Գերագույն ռադան կունենա 424 պատգամավոր։ Ըստ նախնական արդյունքների, Զելենսկու կուսակցությունը կարող է ստանալ 227 մանդատ, ինչը բավարար կլինի առանց կոալիցիայի խորհրդարանական մեծամասնություն կազմելու համար։

Ով ով է

Ուկրաինայի նախագահ Վլադիմիր Զելենսկու «Ժողովրդի ծառա» կուսակցությունը թեև գրանցված է 2016 թվականից, սակայն ակտիվ գործունեություն է ծավալում միայն 2019-ի նախագահական ընտրությունների քարոզչական շրջանից։ Կուսակցությունը, ինչպես և Վլադիմիր Զելենսկին, հանդես են գալիս Ուկրաինայի և Արևմուտքի միջև հարաբերությունների խորացման օգտին։ Միևնույն ժամանակ, որպես արտաքին քաղաքական կարևորագույն նպատակներ Զելենսկին նշել է Դոնբասում կրակի դադարեցումը և Ղրիմի, Դոնեցկի ու Լուգանսկի վերադարձն Ուկրաինայի վերահսկողության ներքո։

«Ընդդիմադիր պլատֆորմ – Հանուն կյանքի» դաշինքն Ուկրաինայում համարվում է պրոռուսական ուժ։ Ուշագրավ է, որ դաշինքի առաջնորդներ Յուրի Բոյկոն և Վիկտոր Մեդվեդչուկն ընտրություններից առաջ՝ հուլիսի 11-ին, այցելել էին Մոսկվա և հանդիպում ունեցել Ռուսաստանի վարչապետ Դմիտրի Մեդվեդևի և ռուսական պետական գազային «Գազպրոմ» ընկերության ղեկավար Ալեքսեյ Միլերի հետ։ Ըստ Բոյկոյի, հանդիպմանը քննարկվել էին Ուկրաինա ռուսական գազի մատակարարման հետ կապված հարցեր։ Ընդհանուր առմամբ, այս քաղաքական ուժը հանդես է գալիս մի շարք պրոռուսական դիրքորոշումներով և հայտնվում սկանդալների կենտրոնում։ Մասնավորապես, նրանք Ուկրաինայի արևելքում կոնֆլիկտը համարում են քաղաքացիական պատերազմ, մտահոգություն հայտնում Ուկրաինայում ռուսալեզու բնակչության նկատմամբ խտրականության կապակցությամբ, իսկ 2014-ին Ուկրաինայում տեղի ունեցած հեղափոխությունը՝ Եվրամայդանը, անվանում պետական հեղաշրջում։

Ուկրաինայի նախկին նախագահ Պյոտր Պորոշենկոյի «Եվրոպական համերաշխություն» կուսակցությունը «Համերաշխություն» անվանումով գործում է 2001 թվականից։ 2014 թվականից որպես «Պյոտր Պորոշենկոյի դաշինք» այն ներկայացված է Գերագույն ռադայում, սակայն 2019-ի նախագահական ընտրություններում Պորոշենկոյի պարտությունից հետո կուսակցությունը վերանվանվել է և հանդես է գալիս ներկայիս անվամբ։

«Եվրոպական համերաշխությունը» արևմտամետ քաղաքական ուժ է, սակայն Պորոշենկոյի կառավարման տարիներին գրանցված ձախողումների, կոռուպցիայի խորացման և Ռուսաստանի հետ հակամարտության փակուղային վիճակի պատճառով այն ներկայում չունի լայն հանրային աջակցություն, ինչն էլ վկայում են ընտրությունների արդյունքները։

Քանակով չորրորդ ամենաշատ ձայն ստացած կուսակցությունը՝ «Բատկիվշինան», համարվում է պրոեվրոպական ուժ, որը հանդես է գալիս ՆԱՏՕ-ին Ուկրաինայի միանալու օգտին։ Կուսակցության առաջնորդ Յուլիա Տիմոշենկոն նախկինում զբաղեցրել է Ուկրաինայի վարչապետի պաշտոնը, այնուհետ 2011 թվականին դատապարտվել 7 տարվա ազատազրկման Ռուսաստանի հետ գազային պայմանագրերը ստորագրելիս պաշտոնեական լիազորությունները չարաշահելու համար։ Այն ժամանակ Ուկրաինայի գրեթե բոլոր ընդդիմադիր ուժերը Տիմոշենկոյի դատապարտումը համարել են քաղաքական հետապնդում։ Տիմոշենկոն ազատ է արձակվել և անմեղ ճանաչվել միայն 2014-ին՝ Եվրամայդանի հեղափոխությունից հետո։

Հուլիսի 21-ին տեղի ունեցած ընտրություններում անակնկալ կերպով խորհրդարանի անցողիկ 5 տոկոսն է հաղթահարել ուկրաինական հանրահայտ «Օկեան Էլզի» ռոք-խմբի երգիչ Սվյատոսլավ Վակարչուկի «Ձայն» նորաստեղծ կուսակցությունը։ Այս քաղաքական ուժը հանդես է գալիս ԵՄ-ին և ՆԱՏՕ-ին անդամակցության օգտին, ինչպես նաև հայտարարում Ղրիմի՝ Ուկրաինայի կազմ վերադառնալու անխուսափելիության մասին։

Այսպիսով, ամփոփելով Ուկրաինայի խորհրդարան անցած քաղաքական ուժերի արտաքին քաղաքական կողմնորոշումները, կարելի է արձանագրել, որ Գերագույն ռադա անցած հինգ ուժերից չորսը հստակորեն արտահայտվում են Արևմուտքի հետ հարաբերությունների խորացման և ԵՄ-ին ու ՆԱՏՕ-ին ինտեգրվելու օգտին։

Տպել
3506 դիտում

Կադրային նոր փոփոխություններ Լոռու մարզպետարանում. թափուր են վարչության ու բաժնի պետերի հաստիքներ

Արագածոտնի նախկին մարզպետ Սարգիս Սահակյանը չի կալանավորվի. դատարանը մերժեց քննիչի միջնորդությունը

Զանգել են Քաշաթաղի նախկին բնակիչներին եւ վաղը կանչել հրապարակ. «Մեզ ուզում են ներքաշել Փաշինյանի դեմ պայքարի մեջ»

Մեխակ Արզումանյանը նշանակվել է ՆԳ նախարարության համակարգում գործող ԱԻ պետական ծառայության տնօրեն

Հավաքվել են հարյուրավոր արկղեր. Վենետիկից մարդասիրական օգնություն կուղարկվի պատերազմից տուժած հայ բնակչությանը

Ասում էր՝ չվախենաս, հետ կգամ, ես քեզ սիրում եմ. մայոր Սարգիս Նավասարդյանն անմահացավ Շուշիում (տեսանյութ)

JTI ընկերությունը ճանաչվել է Լավագույն գործատու Հայաստանում

Պուտինի ու Բայդենի հեռախոսազրույցը՝ առաջատար լրատվամիջոցների ուշադրության կենտրոնում. ինչու է այն կարևոր

Ապարանը զարգացման բարձր տեմպեր է արձանագրում (տեսանյութ)

Հայ-ադրբեջանական շփման գծի ամբողջ երկայնքով օպերատիվ իրավիճակը չի փոփոխվել

Հայկ Մարությանը մասնակցել է Լենինգրադի պաշարման ավարտի 77-ամյա տարեդարձին նվիրված հանդիսավոր արարողությանը

Ֆինանսների փոխնախարարը Զարգացման ֆրանսիական գործակալության պատվիրակության հետ քննարկել է համագործակցության հարցեր

Իրենց իսկ շահերից է բխում ժողով չանցկացնել. ՀՖՖ գլխավոր տնօրենը՝ նոր կանոնադրության և 9 անդամների ժողով հրավիրելու մասին

31-ամյա ջաղացաձորցին գողացած հեռուստացույցը նվիրել էր զոքանչին. հարուցվել է քրեական գործ (տեսանյութ)

«Հավանաբար արդեն բժշկի կարիք կա». քաղաքագետները եւ պատգամավորները՝ Վազգեն Մանուկյանի երեկվա հայտարարությունների մասին

Խեղճ կնոջը հասցրել են ինքնասպանության․ նախկին պատգամավորը՝ հարսի ինքնասպանության հնարավոր պատճառների մասին

Հայտնի է Հայաստանի, Ռուսաստանի և Ադրբեջանի փոխվարչապետների հանդիպման օրը

Արտեմ Հարությունյանը նշանակվել է ԱՀ ՆԳՆ ոստիկանության պետ

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն քաղաքների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները