Սյունիքի մարզի Տաթեւ գյուղի բնակիչը տնական գարեջրի արտադրությամբ է զբաղվում (լուսանկարներ)

Սյունիքի մարզի զբոսաշրջային կենտրոն համարվող Տաթեւ գյուղի բնակիչ Դերենիկ Հարությունյանը արդեն մի քանի տարի է՝ տնական պայմաններում գարեջուր է արտադրում:

Դերենիկն ասում է, որ տարիներ առաջ թեպետ սկսել էր առաջին քայլերն անել գարեջրի արտադրության մեջ, սակայն դա ընդլայնելու համար կարիք կար ստեղծել փոքրիկ անկյուն, որտեղ կկարողանար առաջին հերթին փոքր քանակի արտադրանքը տեղավորել, համապատասխանեցնել անհրաժեշտ ջերմաստիճանին, հետո նաեւ ստեղծել մի անկյուն, որտեղ կկարողանար ընդունել զբոսաշրջիկներին, համտես ու հյուրասիրություն կազմակերպեր, ներկայացներ նաեւ իրենց մյուս ապրանքները՝ օգտակար բույսերի թեյերից մինչեւ չրերի տեսականին:

Ծրագրերը կյանքի կոչելու համար գումարներ էին պետք, որը 5 հոգանոց ընտանիքը չուներ:

«Պահպանվող Տարածքների Աջակցման Ծրագիր-Հայաստան»-ը, որ մի շարք ծրագրեր էր իրականացնում Սյունիքի մարզում, հերթական դրամաշնորհի մասին էր հայտարարել: Դերենիկն իմացավ, ծրագիր ներկայացրեց ու ստացավ 450 հազար դրամ: Ընտանիքը եւս ներդրում արեց՝ մոտ 1 մլն դրամ գումարի չափով:

«Գարեջրի արտադրության որոշակի պրոցեսների, մասնավորապես չորացման, ծլեցման համար տարածքների բարեկարգում էր պետք: Ծրագրով ստացած գումարը կարծես մեկնարկը լիներ, որ պետք է նոր թափ հաղորդեինք մեր սկսած գործին, ու կարեւորը այն էր, որ իրենց տված գումարը ոչ վարկ էր, ոչ էլ վերադարձնելու էինք, դա մեզ շատ օգնեց: Աշխատանքները դեռ շարունակական են, ներդրումներ էլի են անհրաժեշտ, փոքր հատված բարեկարգեցի, համապատասխանեցրի անրաժեշտ պայմաններին, մեծ աջակցություն էր սկզբի համար, բայց նպատակները ավարտին հասցնելու եւ ծավալները մեծացնելու համար դեռեւս մեծ գումարներ են անհրաժեշտ»,-ասաց նա՝ նշելով, որ բանկերը հրաժարվում են վարկ տրամադրել, ինչը մեծ խոչընդոտ է իրենց համար:

Իսկ ինչու հենց գարեջրի արտադրություն, այն էլ՝ տան պայմաններում: Դերենիկի խոսքով՝ ինքը գիտեր, որ Հայաստանում գարեջուր հիմնականում միայն գործարաններում են արտադրում: Նախ համացանցն է օր ու գիշեր փորփրել, հետո արդեն՝ գարեջրի արտադրությամբ զբաղվողներից է խորհուրդներ հարցրել:

 «Սկսեցինք գարու ծլեցումից՝ ստերիլ, մաքուր պայմաններում, բայց մինչեւ դա ամբողջ օրը համացանցն էի փորփրում, արտադրման պրոցեսն ուսումնասիրում, արդեն 4-րդ տարին է: Թե՛ գարնանը, ու թե աշնանը արդեն պատրաստի գարեջուր ենք ստանում, որն իր համային հատկանիշներով խիստ տարբերվում է գործարանայինից»:

Գարեջրի արտադրմանը զուգահեռ, սակայն,  լուրջ է դրված իրացման հարցը: Տնական գարեջուրը ներկայումս իրացվում է միայն Տաթեւի վանքի հարեւանությամբ դրված վաճառքի կետերում. «Բայց դա սպառման ձեւ չի, մեզ տեխնիկա-սարքավորումներ են պետք, որ նորմալ շշալցում անենք, գավաթներ ձեռք բերենք ու նորմալ տեսքով առաջարկենք»:

Դերենիկի խոսքով՝ տարեկան արտադրում է 300-400 լիտր գարեջուր, մեկ լիտր տնական գարեջուրը վաճառվում է 800 դրամով: Ասում է՝ մարդկանց գնահատականը տարբեր է, մի մասը հավանում է, մի մասը՝ ոչ. «Պարզապես մարդիկ սովորել են գործարանայինի համին: Արտասահմանցի զբոսաշրջիկներն են շատ գոհ լինում, իսկ տեղացիները սովորել են գործարանայինին, բայց մերը չֆիլտրված է, ինչն օրգանիզմի համար կարեւոր նշանակություն ունի»:

Իսկ թե ինչու չի կարողացել այս տարվա մեջ իրացման ուղիներ գտնել, պատասխանում է, որ պահման ու պահպանման պայմաններ չունեն, արտադրվածը պետք է հնարավորինս շուտ իրացվի, հակառակ դեպքում կփոխվի գարեջրի որակական ու համային հատկանիշը:

Ընտանեկան փոքրիկ բիզնեսը զարգացնելու համար Դերենիկին դեռեւս շատ բան է պետք, ոչնչից չի բողոքում ու դժգոհում, ասում է՝ ընտանիքում բոլորը գիտեն աշխատանքի իրենց բաժինը: Ու եթե համապատասխան տեխնիկա-սարքավորումներ լինեն, համապատասխան տարածքներ ունենա, ինքը կկարողանա գարեջրի արտադրությամբ ոչ միայն իր 5 հոգանոց ընտանիքի հոգսերը հոգալ, իսկ մինչ դա, ինչպես ինքն է ասում, ընտանեկան գարեջրի արտադրությունն ու վաճառքը պարզապես օժանդակում է կենցաղային խնդիրները լուծելուն:

Տպել
2685 դիտում

ՀՀ դիվանագիտական զինանոցում կա Արցախի ճանաչման հարցը. Էդմոն Մարուքյան

Լեռնային Ղարաբաղի խնդիրը չի կարող լուծվել բռնությամբ. Դմիտրի Մեդվեդեւ

Պարոն Ալիևը ուզում է կյանքի կոչել Էրողանի երազանքները. Պետդումայի նախկին պատգամավոր

«Ես ձեր ցավը տանեմ, մենք միասին ենք». ազգությամբ քուրդ եւ եզդի ԱԺ պատգամավորները աջակցություն հայտնեցին հայ ժողովրդին

Եվրախորհրդարանի 2 ամենամեծ կուսակցությունները դատապարտել են Ադրբեջանի գործողությունները

Դավիթ Տոնոյանն ու ԱՀ նախագահ Արայիկ Հարությունյանն այցելել են բանակի մարտական կառավարման կենտրոն

Հայկական կողմը եւս 28 զոհ ունի. ՊԲ-ն հրապարակել է այսօր նահատակված զոհերի անունները

ՀՀ երեք օպերատորների հայտարարությունը Արցախում ռոումինգը վերացնելու պահանջի վերաբերյալ

Հրետանու կրակի խտությունը աննախադեպ է, երբևէ նման խտության կրակ այս տարածաշրջանում չի եղել. Ա. Հովհաննիսյան

118 կողմ. ՀՀ ԱԺ-ն ընդունեց Ադրբեջանի կողմից Արցախի սահմանին սկսված զինված հարձակումը դատապարտող հայտարարություն

Մարտակերտ քաղաքը և շրջակա բնակավայրերը շարունակում են մնալ հարվածի տակ (տեսանյութ)

Առաջնագծում թշնամին ոչ մի հաջողություն չունի. Վահրամ Պողոսյան

Հանրային հեռուստաընկերությունը հետաձգել է գործադիր տնօրենի ընտրության գործընթացը

ԱԺ նախագահը ներկայացրեց Ադրբեջանի ռազմական ագրեսիան դատապարտող հայտարարության նախագիծը (տեսանյութ)

Վարչապետը հրապարակել է իր հարցազրույցից Արցախի հարցին վերաբերող մի հատված (տեսանյութ)

Ամբողջ մաքսային ծառայությունն անցել է 24-ժամյա աշխատանքային գրաֆիկի. բոլոր մաքսակետերն աշխատում են

Պետությունն ի վիճակի է զբաղվել Արցախից ժամանած ընտանիքների կացարանների հարցով. Բաթոյանը վերահաստատում է ասածը

Հարգելի գերագույն գլխավոր հրամանատար, խնդրում եմ, հաշվի առեք խնդրանքս, զորակոչեք ինձ. կին պատգամավոր (տեսանյութ)

Աննա Հակոբյանն այցելել է Ստեփանակերտում գտնվող մի քանի ապաստարաններ. լուսանկարներ

Հայաստանն ու Արցախը վճռական են՝ դիմակայելու թուրք-ադրբեջանական դաշինքի դեմ. ԱԳՆ հայտարարությունը