Խոշորացված Տաթեւ համայնքում գյուղատնտեսությունը հետընթաց է ապրում (լուսանկարներ)

Սյունիքի մարզի Տաթեւ համայնքը առաջին խոշորացված համայնքներից մեկն է: 2016 թ-ի փետրվարին իրականացված խոշորացման ժամանակ Տաթեւին միացավ 8 գյուղ:

Տաթեւի բնակչությունը զբաղվում է անասնապահությամբ, դաշտավարությամբ: Տաթեւ եւ հարակից համայնքներում զարգացած է նաեւ տուրիզմը:

Համայնքապետ Մուրադ Սիմոնյանը ՀԺ-ի հետ զրույցում ասաց, որ անասնապահությունը տարիների ընթացքում հետընթաց է ապրում տարածաշրևջանում. «Ակնհայտ առաջխաղացում չկա անասնապահության մեջ: Մեր երիտասարդներն այսօր խուսափում են անասնապահությամբ զբաղվել, չնայած որ եկամտաբեր է: Եթե միս էլ արտադրեն, կաթ էլ արտադրեն, ամբողջությամբ կռեալիզացվի: Մարդիկ կան, ովքեր գալիս, գյուղից հավաքում, տանում են, ճիշտ է՝ մթերման գնից դժգոհում են բնակիչները, որ անգամ ջերմուկից է էժան, բայց դե հիմա ունենք այն, ինչ ունենք»,-ասաց նա՝ նշելով, որ դաշտավարությամբ եւս բնակչության փոքր թիվն է զբաղվում:

Լուսանկարում՝ Մուրադ Սիմոնյան

Խոշորացված համայնքի ղեկավարն ասում է, որ թեպետ արտագաղթ չկա, սակայն շատերը մեկնում են Կապան եւ Քաջարան՝ կոմբինատում աշխատելու. «Չնայած գիտեն, որ որոշակի առողջական խնդիրներ կունենան, սակայն գերադասում են այնտեղ աշխատել ու ապրել, քան թե գյուղատնտեսությամբ զբաղվել»:

«Սատանի կամուրջ» կոչվող հատվածից մինչեւ Տաթեւի վանական համալիր տանող ճանապարհը թեպետ հիմնորոգվել է միայն վերջերս, սակայն համայնքի ճանապարհները ամբողջությամբ անմխիթար վիճակում են: Համայնքի ղեկավարի խոսքով՝ համայնքի ներսի ճանապարհները հիմնանորոգելը բավականին խնդիրներ է առաջացնում՝ կապված աշխարհագրական դիրքի ու նեղ լինելու հետ. «Մենք խճապատում ենք, սելաֆը գալիս քշում, լցնում ա ձորը, անգամ գրեյդեր տեսակի ծանր տեխնիկան չի կարողանում գնալ հարթեցնել»:

Նոր կառավարության ուշադրությունից խոշորացված համայնքի ղեկավարը գոհ է, ասում է՝ ծրագրեր ու նախագծեր կան, դրանց մի մասն արդեն ընթացքի մեջ է:

Խոշորացված համայնքի ղեկավարն ասում է, որ բնակչության հիմնական դժգոհությունն ու պահանջը աշխատատեղեր բացելն է, որը, սակայն, համայնքի ուժերից վեր է. «Դա պետք է կառավարության ու բարերարների միջոցով իրականանա, ինչքան էլ հարցը բարձրացնում ենք, մեզ ասում են, որ գյուղում գյուղացին պետք է գյուղատնտեսությամբ զբաղվի, բայց մարդիկ աշխատատեղ են ուզում, արտադրամասեր են ուզում, հիմնական դժգոհությունը դա է: Անծայրածիր վարելահողեր ունենք, մշակողներն էլ զլանում են էդ մշակածից ու ստացած բերքից տարեկան 5000 դրամ հողի հարկ վճարել»:

160 մլն դրամ բյուջե ունեցող Տաթեւ համայնքում սեփական եկամուտների հավաքագրման հարցը լուրջ է. «Ընկնում ենք դռնեդուռ, խնդրում, աղաչում ենք, որ բերեն տան, դեռ մտածում են, թե կառավարությունը պետք է սառեցինի ու զրոյացնի իրենց պարտքերը»,-ասում է համայնքապետն ու վերհիշում տարիներ առաջ վարչապետ Տիգրան Սարգսյանի կողմից համայնքների սեփական եկամուտների պարտքերը զրոյացնելը. «Վարչապետ Տիգրան Սարգսյանի ժամանակ հին պարտքերն ու ապառքները 2008թ-ի զրոյացրեցին, պարտաճանաչ հարկ վճարողները նեղացան ու նեղվեցին, թե ինչու իրենք պետք է տային, եթե պետք է զրոյանար, այսօր էլ արդեն իրենք չեն վճարում՝ մտածելով, թե մեկ է՝ հեչ ա արվելու: Համայնքի եկամուտներին կառավարությունը իրավասություն չուներ խառնվեր, առավել եւս՝ զրոյացներ»:

Լուսանկարները՝ «Հայկական Ժամանակ»-ի

Տպել
2802 դիտում

Արմեն Սարգսյանին Անկախության տոնի առթիվ շնորհավորական ուղերձ է հղել Ղազախստանի առաջին նախագահ Նուրսուլթան Նազարբաևը

Վնասվել են Beeline-ի օպտիկական մալուխները. անջատվել են Հայաստան մուտք գործող ինտերնետը և միջազգային կապուղիները

«20-րդ դարի ականավոր հայ կանայք. ճանաչիր քո պատմությունը» խորագրով ցուցահանդես ՀՀ Ազգային ժողովի այգում

Հայաստանի վերափոխման մինչեւ 2050 թվականի ռազմավարությունը. ամբողջական

Նախագահ Արմեն Սարգսյանին շնորհավորական ուղերձ է հղել Ղազախստանի նախագահ Կասիմ-Ժոմարտ Տոկաևը

Հայոց պետականություն, կրթություն, անհատ, աշխատանք. Փաշինյանը ներկայացրեց ռազմավարության մեջ առկա ազգային արժեքները

Ահազանգ է ստացվել, որ Նոր Ամանոս գյուղում անասնակեր է այրվում. հրդեհը մեկուսացվել է

Անկախ պետականության օրը մեր հավատի և մեր համոզմունքների խորհրդանիշն է. ԲԴԽ նախագահի շնորհավորական ուղերձը

Ֆրանսիան ձեր կողքին է՝ նպաստելու ձեր տնտեսության նոր վերելքին. Էմանուել Մակրոնը շնորհավորել է նախագահ Արմեն Սարգսյանին

Գեղամ Ստեփանյանը նշանակվել է ԱՀ մարդու իրավունքների պաշտպանի աշխատակազմի Գործադիր քարտուղարի պաշտոնակատար

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան