Մարտունիում տղամարդ աշխատակիցների կարիքը մեծ է. բոլորը արտագնա աշխատանքի են մեկնել

Գեղարքունիքի մարզի Մարտունի համայնքը 13500 բնակիչ ունի: Այստեղ զբաղվում են հիմնականում մանր բիզնեսով ու գյուղատնտեսական աշխատանքներով: Մարտունեցի տղամարդկանց մեծ մասը մեկնում է արտագնա աշխատանքի. «Մարտունեցիները միշտ էլ մեկնել են արտագնա աշխատանքի դեռ ԽՍՀՄ տարիներից, բայց այնպես չի, որ աշխատանք չլինելու պատճառով են գնում: Այսօր Մարտունիում գործարարներ ունենք, որոնք լուրջ խնդիրներ ունեն՝ աշխատող չլինելու պատճառով: Այսօր մարդկանց միջինում 160 հազար դրամի աշխատանք են առաջարկում, բայց դրանով չեն բավարարվում, մեկնում են արտագնա աշխատանքի: Մեզ մոտ՝ Մարտինում, կոնկրետ տղամարդ աշխատակցի կարիք կա»,- ՀԺ-ի հետ զրույցում ասաց Մարտունու համայնքապետ Արմեն Ավեիտսյանը:

Արմեն Ավետիսյանն ասում է, որ թեպետ համայնքում շատ են գյուղատնտեսությամբ զբաղվողները, սակայն մթերման խնդիրը լուրջ է. «Նախկին իշխանություններին առաջ այս հարցը բարձրացրեցի, անգամ թեթեւ կոնֆիկտ եղավ նախկին վարչապետ Կարեն Կարապետյանի հետ: Նախ մենք պետք է գյուղացուն կենտրոնացնենք, թե ինչի վրա պետք է ինքը հենվի: Գյուղացիները բոլորով մի տարի կարտոֆիլ են ցանում, գինը իջնում է, լրացում է տեղի ունենում, մյուս տարի՝ կաղամբ, բայց էս դեպքում էլ կարտոֆիլի գինն է բարձրանում: Մենք գյուղնախից խնդրեցինք մեզ տալ ինֆորմացիա՝ միջպետական պայմանագրերից ելնելով, թե որ ապրանքն է արտերկրում պահանջված, որ լճացում չունենանք: Պետք է հստակ գնահատել պահանջարկը, նոր մշակել, որ չտանենք տարվա վերջ տոննաներով կաղամբ ու կարտոֆիլ թափենք: Ես նույն առաջարկը նոր իշխանությանն եմ ներկայացրել: Ներկայիս իշխանությունը պրպտում է, աշխատում է, հույսեր ունենք, որ լավ է լինելու»:

Խոսելով համայնքի խնդիրներից՝ համայնքապետն ասում է, որ թիվ 1 խնդիրը պետության կողմից Մարտունուն տրվող դոտացիան է, որն էլ իր հերթին բազմաթիվ խնդիրներ է առաջ քաշում. «Մարտունուն տրված դոտացիան Մարտունու բնակչության թվաքանակի ու մնացած բաների վրա համաչափ չի բաշխվել նախկին իշխանությունների ժամանակ… Մարտունին շուրջ 245 մլն դրամ դոտացիա է ստանում պետության կողմից: Միայն 231 մլն դրամ մենք աշխատավարձ ենք տալիս, մենք ունենք 11 ենթակա կառույց ու 250 աշխատող, 4 մանկապարտեզ ունենք՝ 365 սաներով, մշակույթի տուն ու գրադարան ունենք, նկարչական խումբ ունենք, որից ամբողջ շրջանն է օգտվում: Իմ հույսը միայն սեփական եկամուտներն են, որը 80-100 մլն է կազմում, դրանից 25 մլն դրամ սանմաքրմանն է գնում, տակը մնացած 75 մլն դրամով մենք պետք է քաղաք կառուցենք, սուբվենցիոն ծրագրերին մասնակցենք, մենք պետք է սոցաիալապես անապահով մարդկանց աջակցություն տանք: 70 մլն դրամը ամբողջ քաղաքի համար ոչինչ է: Եթե ինչ-որ բան ենք ուզում անել, առաջինը մեր գրպանից ենք ներդրում անում, հետո գործարարներին ենք մասնակցային դարձնում»:

Չնայած սուղ բյուջեին, Մարտունի համայնքը մասնակցում է նաեւ կառավարության հայտարարած սուբվենցիոն ծրագրերին: Համայնքում ներկայումս ընթացքի մեջ են 2 ճանապարհների ասֆալտապատման աշխատանքները:

«Հայաստանի ամենամեծ գյուղը Մարտունու տարածաշրջանում է, ունի 9000 բնակիչ ու ստանում է գրեթե նույն դոտացիան, բայց պահում է միայն իր ապարատը, իր զարգացումը շատ լավ տեղի կունենա, բայց մենք, ասեցի արդեն, թե ինչ աշխատանքներ ունենք ու ինչ ենք անում….գյուղերի ճանապարհները պետության պահպանման տակ են, իսկ մեր ճանապարհները՝ համայնքի, սրանք խնդիրներ են, որոնք պետք է պետությունը վերանայի ու գուցե նաեւ փոփոխություններ անի»:

Սեւանա լճի ծաղկումը իր բացասական ազդեցությունն է թողել նաեւ Մարտունու համայնքի վրա: Համայնքապետն ասում է, որ հատկապես Վայոց Ձորի մարզից հենց իրենց համայնք էին գալիս հանգստանալու, այսօր արդեն զբոսաշրջիկներ չկան, արված ներդրումները արդեն իսկ հետք են թողնում համայնքում տուրիզմի վրա. բացասական է ազդել նաեւ Մարտունու տուրիզմի զարգացման վրա. «Եթե մի քանի հոգի զբոսաշրջիկ էլ ունեինք, այսօր իրենց էլ կորցրեցինք, հեկտարներով տարածքներ տոննաներով աղբից ենք մաքրել, տոննաներով ավազ ենք բերել, բարեկարգել ու թեթեւ հանգստի գոտի ենք կառուցել, ներդրումներ ենք արել, հիմա մենք կորցրել ենք դա… մենք այլ պետությունների քաղաքների հետ պայմանավորվածություն ունեինք, որ պետք է փոխադարձ այցով գային մեզ մոտ, բայց այսօր դա չեղարկվել է: Այս հարցի հետ կապված մասնագետները պետք է խոսեն, իսկ մենք՝ բոլորս, լռենք, բայց հակառակն է այսօր ստացվել, մասնագետները լռում են՝ մենք, բոլորս, խոսում»:

Հոդվածը պատրաստվել է «Հանուն հավասար իրավունքների» ՀԿ-ի կողմից կազմակերպված«Լրագրողական ցանցմիջհամայնքային մեդիատուր» ծրագրի շրջանակներում:

Տպել
4272 դիտում

Գերմանիան կշարունակի որպես հուսալի գործընկեր կանգնած լինել Հայաստանի կողքին. նախագահ Շթայնմայերի ուղերձը

ԱՄՆ-ը ողջունում է օրենքի գերակայության ամրապնդման, անկախ դատական համակարգի ստեղծման Հայաստանի ջանքերը. Մայք Պոմպեո

ՍԴ նախագահին կընտրեն չորեքշաբթի օրը. նախագահ դառնալու համար անհրաժեշտ է 5 կողմ ձայն

Այս ռազմավարական փոփոխությունները պետք է արտահայտվեն ՀՀ-ի կամայական քաղաքացիների հարաբերություններում. Փաշինյան

ՀՀ զինված ուժերի ռազմաօդային ուժերի տոնական թռիչքը՝ լուսանկարներով

Ես և լիբանանահայ փոքրիկ Լորին Երևանի սրտից շնորհավորում ենք համայն հայությանը. Զարեհ Սինանյանի շնորհավորանքը

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը

Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է հայկական դրոշի գույներով (տեսանյութ)

Մենք՝ զինվորականներս, լավ գիտակցում ենք, որ մենք ենք այսօր անկախության երաշխավորները. ԶՈՒ ԳՇ պետի շնորհավորանքը