Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Վենետիկի հանձնաժողովի 119-րդ նստաշրջանի արձանագրությունը խորհրդատվական ներքին շրջանառության փաստաթուղթ է, մենք պետք է պարզենք՝ այն ինչպես է հրապարակվել ու լույս տեսել մամուլում։ Այս մասին «Հայկական ժամանակ»-ի հետ զրույցում ասաց ՀՀ վարչապետի մամուլի քարտուղար Վլադիմիր Կարապետյանը՝ անդրադառնալով Հայաստանում ընթացող գործընթացների վերաբերյալ Վենետիկի հանձնաժողովի հնչեցրած նկատառումներին։

Կարապետյանն ասաց, որ Հայաստանի Հանրապետությունը Վենետիկի հանձնաժողովում պաշտոնական ներկայացուցիչներ ունի, եւ իրենց էլ դեռ պետք է հարցեր ուղղեն՝ պարզելու, թե ինչպես կարող է իր բնույթով խորհրդապահական ներքին փաստաթուղթը հրապարակվել։

Մեր ճշտող հարցին՝ այսինքն՝ հրապարակման ենթակա չէ՞ր այդ փաստաթուղթը, վարչապետի մամուլի քարտուղարը պատասխանեց՝ ոչ, որովհետեւ Վենետիկի հանձնաժողովի՝ պետությունների հետ հարաբերվելու ձեւերը պաշտոնական հայտարարություններն են, կամ հաղորդումները, կամ նամակները, որոնցից մեկը մայիսի վերջին Վենետիկի հանձնաժողովի նախագահ Ջիանի Բուքիքիոյի նամակն էր՝ ուղղված Նիկոլ Փաշինյանին, որը հրապարակվել է մամուլում։

Ի դեպ՝ համացանցում այս արձանագրության Հայաստանին վերաբերող մասերը սկսեցին տարածվել նախկին իշխանություններին մոտ կանգնած անձանց կողմից, սա արձանագրել էր նաեւ արդարադատության նախարարությունը՝ իր պարզաբանման մեջ նշելով, որ տարօրինակ է եւ տարակուսելի, որ այդ փաստաթուղթը որոշակի շրջանակների է հասանելի դարձել։ Վլադիմիր Կարապետյանից հետաքրքրվեցինք՝ ո՞ւմ միջոցով էր հնարավոր ստանալ այդ արձանագրությունը։ Վերջինս պատասխանեց, որ միայն Վենետիկի հանձնաժողովի անդամների միջոցով․

«Դրա համար եմ ասում, որ մենք պետք է հասկանանք՝ ինչպես, երկրորդը՝ ակնհայտ է, որ որոշ անձանց, նախկին իշխանության ջղաձիգ բեկորների եւ իրենց սպասարկող լրատվամիջոցների արձագանքը պայմանավորված է նրանով, որ անհանգստացած են դատավորների գույքային պարզաբանումներով, որոնցով զբաղվելու են կառավարական համապատասխան սահմանադրական մարմիները, եւ այն հանգամանքով, որ կառավարությունը եւ համապատասխան մարմիները վճռական են դատաիրավական համակարգում բարեփոխումներ իրականացնելու հարցում։ Ամենակարեւորն այն է, որ մենք ինքներս ենք նշում՝ ինչպես պետք է անցկացվեն բարեփոխումները եւ մենք այս հարցում շատ սերտ համագործակցում ենք բոլոր այն կազմակերպությունների հետ, որոնց անդամ ենք, որոնց հետ ինստիտուցիոնալ համագործակցության մեջ ենք, եւ որոնք բոլորը հայտնել են իրենց աջակցութունն ու պատրաստակամությունը՝ մեզ հետ համագործակցելու եւ օժանդակելու»,- ասաց մեր զրուցակիցը։

Մեր դիտարկմանը, որ, ըստ էության, այդ արձանագրության բովանդակությունն ու ՀՀ կառավարության անելիքներն ու նպատակները իրար չեն հակասում, եւ լինի դա վեթինգ անվան տակ, թե այլ՝ խոսքը բարեփոխումների մասի՞ն է, Վլադիմիր Կարապետյանն արձագանքեց․

«Չէի ուզի նման իրավաբանական վերլուծություններ անել եւ խորանալ տերմինների մեջ, բայց այն, որ ապօրինի հարստացման յուրաքանչյուր դեպք պատկան մարմինների կողմից ուսումնասիրվելու է, դա ակնհայտ է, եւ ակնհայտ է նաեւ, որ մենք ունենք միջազգային հանրության աջակցությունը այդ հարցում։ Եւ դա այն դեպքում, երբ նաեւ Եվրոպական միությունն ու Եվրոպայի խորհուրդն են հայտարարում, որ չկա վստահություն դատական համակարգի նկատմամբ, իսկ դա ակնհայտ է եւ մենք դա տեսել ենք նաեւ իրենց հայտարարություններով»։

Մեր հարցին՝ եթե պարզվի՝ ում կողմից են այդ արձանագրությունները հասանելի դարձել, ապա ի՞նչ պատասխանատվություն պիտի լինի, ո՞վ պետք է կրի պատասխանատվությունը, վարչապետի մամուլի քարտուղարը պատասխանեց․

«Ես չեմ ուզում մեկնաբանել մի հարց, որը գործադիրին չի վերաբերում։ Դա արդեն կվերաբերի այն մարմիններին, որոնք ներգրավված կլինեն այս պրոցեսի մեջ եւ համապատասխան որոշումներն էլ իրենք կկայացնեն։ Նաեւ ուզում եմ տեղեկացնել, որ գործադիրի ղեկավարը՝ վարչապետը, առաջիկայում համալիր կմեկնաբանի այս խնդիրները, ինչպես նաեւ Սահմանադրական դատարանի շուրջ ստեղծված իրավիճակը»,- երզափակեց մեր զրուցակիցը։

Հիշեցնենք՝ այսօր սահմանափակ տարածմամբ հրապարակվել է Վենետիկի հանձնաժողովի 119-րդ նստաշրջանի (հունիսի 21-22) արձանագրությունը, որը որոշ նկատառումներ է պարունակում Հայաստանում ընթացող գործընթացների վերաբերյալ։ Հետաքրքրական է, որ սահմանափակ տարածմամբ այս արձանագրությունը առաջինը սկսեցին շրջանառել նախկին իշխանությանը շատ մոտ կանգնած անձինք՝ այն մեկնաբանելով որպես «կոշտ արձագանք» մեր երկրում տեղի ունեցող գործընթացներին։ 

Իսկ արձանագրության մեջ, մասնավորապես, նշված է, որ

1) Եվրոպայից ժամանած պատվիրակության հետ քննարկումների արդյունքում ՀՀ իշխանություններն ընդունել են, որ գործող դատավորների համընդհանուր վեթինգը ո՛չ անհրաժեշտ է, ո՛չ էլ օգտակար։

2) Եվրոպայից ժամանած պատվիրակությունը և ՀՀ իշխանությունները համաձայնության են եկել, որ վեթինգի փոխարեն պետք է ուժեղացնել կարգապահական ընթացակարգերը՝ դրանք կապակցելով եկամուտների և գույքի հայտարարագրման համակարգին։

3) Վենետիկի հանձնաժողովում ողջամիտ չի համարվել Սահմանադրական դատարանի «դատավոր»-«անդամ» բառախաղը։

4) Սահմանադրական դատարանի դատական կազմի հետագա պաշտոնավարումը նախատեսող դրույթը (ՀՀ Սահմանադրության 213-րդ հոդված) Վենետիկի հանձնաժողովում համարում են «հստակ» և «աներկբա»։

5) Վենետիկի հանձնաժողովում մտահոգիչ է գնահատվել Վահե Գրիգորյանի հայտնի պնդումները ՀՀ խորհրդարանի կողմից ողջունելը։

6) Վենետիկի հանձնաժողովում տեսնում են Սահմանադրական դատարանի գործող դատավորների մանդատի նկատմամբ միջամտության վտանգ։

Տպել
5271 դիտում

Ստեփանակերտում կշահագործվեն շուրջ 300 բնակարաններ. ԱՀ նախագահն աշխատանքային շրջայց է կատարել

Վահրամ Դումանյանն ընդունել է ռեկտորների խորհրդի անդամներին եւ լսել նրանց դժգոհությունները նոր օրինագծի մասին

Մարտակերտի շրջանի 29 հանրակրթական դպրոցներում վերսկսվել է ուսումնական գործընթացը՝ 1800 աշակերտով

Սեք­սո­ւալ բնույ­թի բռնի գոր­ծո­ղութ­յուն­ներ կատարելու համար մեղադրվող անձը փորձել է դիմել փախուստի․ գործը դատարանում է

ԵՊՀ դեկանները պահանջում են ԱԺ-ից անհապաղ հետ կանչել օրենքի նախագիծը

Հայկական եւ ադրբեջանական կողմերը գերիների ցուցակները փոխանցել են Կարմիր խաչի միջազգային կոմիտեին

Ռուս խաղաղապահների միջնորդությամբ գերությունից ազատվել է Ադրբեջանում գտնվող երկու քաղաքացի

Բոլորս խոնարհվում ենք մեր ժողովրդի օրգանական, անքակտելի մաս մեր ազգային բանակի առջև․ ԱԳ նախարար

Մարմաշեն, Եղեգիս և Գլաձոր համայնքները նորից տեխնիկա են ստացել․ ներդրվել է ավելի քան 100 միլիոն դրամ․ ՀՏԶՀ

Արարատ Միրզոյանը Եռաբլուրում հարգանքի տուրք է մատուցել հայրենիքի պաշտպանության համար նահատակված հերոսների հիշատակին

Արաբկիրի նախկին ղեկավարը որպես մեղադրյալ է ներգրավվել․ նրա նկատմամբ հայտարարվել է հետախուզում

Նախագահական նստավայրում տեղի է ունեցել Լոռու մարզի առաջին ատյանի դատարանի դատավոր Լ․ Ալավերդյանի երդման արարողությունը

Տիգրան Ավինյանն ընդունել է ԱՄՆ դեսպանին․ քննարկվել են մի շարք հարցեր

Վարչապետը վերահաստատել է Հայաստանի ակտիվ համագործակցության պատրաստակամությունը՝ ի նպաստ ԵԱՏՄ հետագա զարգացման

Ստեղծվել է 10-15 րոպեում Թբիլիսյան խճուղուց Դավթաշեն կամ Զովունի հասնելու հնարավորություն

Նայելիս տանջվում էինք, ասես՝ մեր գրածն ու նկարածը չլիներ․ Նարինե Դովլաթյանի նոր երգը՝ նվիրված հայ մարտիկներին

Գագիկ Ծառուկյանը վաղը կայանալիք հանրահավաքից առաջ հրավիրվել է ԱԱԾ՝ լրացուցիչ հարցաքննության

Առաջիկա օրերին ՀՀ 3 մարզերում եղանակը ցրտելու է, առանձին վայրերում սպասվում են տեղումներ

Գողթանիկ գյուղում վայրի արջի քոթոթը խճճվել էր ցանցավանդակների մեջ. օգնել են մասնագետները (լուսանկարներ)

Օժանդակություն ստանալու համար արցախցիները պետք է մինչեւ դեկտեմբերի 20-ը էլեկտրոնային դիմում ներկայացնեն