Եվրոպական խորհրդի նախագահ Դոնալդ Տուսկը Հուլիսի 9-11-ը տարածաշրջանային այցով հյուրընկալվել էր կովկասյան երեք հանրապետություններում: Հուլիսի 9-ին նա Բաքվում էր, որտեղ, հաջորդ օրը Երեւանում, իսկ հուլիսի 11-ին արդեն Վրաստանում: Սա Տուսկի՝ ԵԽ նախագահի կարգավիճակում վերջին այցն էր տարածաշրջան. նոյեմբերին նա հեռանալու է պաշտոնից:

Ուշագրավ է, որ երկրներից յուրաքանչյուրում Տուսկը հաճելի շեշտադրումներ է կատարել տվյալ երկրի համար: Բաթումիում, որտեղ մեկնարկում էր Արեւելյան գործընկերության 10-ամյակին նվիրված համաժողովը, նա հեռակա եւ փոքր ինչ ուշացած պատասխանել է  2005 թ. Ռուսաստանի Դաշնության Դաշնային ժողովին ուղղված խոսքում նախագահ Վլադիմիր Պուտինի հնչեցրած այն պնդմանը, թե ԽՍՀՄ փլուզումը նախորդ դարի խոշորագույն աշխարհաքաղաքական աղետն էր: ԵԽ նախագահը մասնավորապես նշել է, որ «Խորհրդային Միության փլուզումը օրհնություն էր վրացիների, լեհերի, ուկրաինացիների, ինչպես նաեւ ամբողջ կենտրոնական ու Արեւելյան Եվրոպայի», ինչպես նաեւ ռուսների համար: Սպասելի էր, որ Վրաստանում՝ Արեւելյան գործընկերության 10-ամյակին նվիրված համաժողովի ընթացքում տարվող խոսակցությունները եւ արվող հայտարարությունները, առավել եւս ռուս-վրացական հարաբերությունների վերջին լարման ֆոնին պետք է հակառուսական երանգ կրեին, եւ Տուսկը չհիասթափեցրեց վրացիներին:

Երեւանում ԵԽ նախագահը հանդիպումներ է ունեցել վարչապետ Նիկոլ Փաշինյանի, նախագահ Արմեն Սարգսյանի հետ: Տուսկը իհարկե չէր կարող շրջանցել Արցախի թեման: Եվրոպացի պաշտոնյան կարեւոր եւ ականջահաճո շեշտադրումներ է կատարել Փաշինյանի հետ հանդիպման ընթացքում: Տուսկը մասնավորապես ԵՄ աջակցությունն է հայտնել ԵԱՀԿ Մինսկի խմբի համանախագահների ջանքերին՝ արդար եւ տեւական հանգուցալուծում գտնելու գործում, կարեւորել բանակցությունների համար անհրաժեշտ միջավայրի ձեւավորումն ու պատրաստակամություն հայտնել դրա ստեղծման գործում ունենալ իր ներդրումը: Նա նաեւ նշել է, որ հակամարտությունը չունի ռազմական լուծում եւ պետք է կարգավորվի քաղաքական ճանապարհով՝ միջազգային իրավունքի սկզբունքներին համապատասխան:

Այս շեշտադրումները համապատասխանում են մի կողմից ԵՄ չեզոք եւ հավասարակշռված դիրքորոշմանը, մյուս կողմից՝ Հայաստան-ԵՄ հարաբերությունների վերջին շրջանում  խորացող հարաբերությունների ոգուն: Հայ-եվրոպական հարաբերությունների ջերմությունը նկատվում էր նաեւ ՀՀ նախագահի հետ հանդիման ընթացքում, որի ժամանակ Տուսկը նշել էր, որ Հայաստանում զգում է իրեն «ինչպես տանը»:

Այդուամենայնիվ, նախօրեին Տուսկի՝ Բաքվում արված հայտարարությունները որոշակի տարակուսանքի տեղիք էին տալիս: Հարեւան երկրի մայրաքաղաքում նախագահ Իլհամ Ալիեւի հետ հանդիպումից հետո նա մասնավորապես նշել էր, որ «ԵՄ-ն աջակցում է Ադրբեջանի ինքնիշխանությանը, անկախությանը եւ տարածքային ամբողջականությանը»: Սա առաջին անգամ չէ. եվրոպացի պաշտոնյաների խոսքում, կամ ԵՄ-Ադրբեջան տարբեր փաստաթղթերում նման ձեւակերպումներ եւս հնչել են, ուստի որեւէ աղետալի բան, համենայն դեպս այդ օրը, տեղի չի ունեցել: Եւ ոչ այն պատճառով, որ Արցախը Ադրբեջանի տարածքային ամբողջականության հետ, մեղմ ասած, քիչ ընդհանրություն ունի: Խնդիրը նրանում է, որ ԵԽ հեռացող նախագահի կողմից հայտարարության այդ մասը դիտարկվում է մնացած հայտարարությունից զատ: Բանն այն է, որ իր խոսքում ԵԽ նախագահը նշել է ոչ միայն տարածքային ամբողջականության, այլեւ Հելսինկյան եզրափակիչ ակտի սկզբունքները, որոնց թվում են ուժի կամ ուժի սպառնալիքի չկիրառումը, ժողովուրդների իրավահավասարությունն ու ինքնորոշման իրավունքը: Այդուհանդերձ, կարելի է ենթադրել, որ Երեւանում, փակ դռների հետեւում տեղի ունեցած հանդիպումների ընթացքում Տուսկի՝ Բաքվում հնչեցրած հայտարարության այս դրվագին անդրադարձ եղել է:

Վերադառնալով Հելսինկյան սկզբունքների վերաբերյալ Տուսկի խոսքերին, հարկ է նշել Ադրբեջանական մամուլն, ինչպես միշտ, շրջանցել է անդրադարձն այդ սկզբունքներին եւ իրավիճակը ներկայացրել միակողմանի: Տուսկի՝ Ադրբեջան կատարած այցի վերաբերյալ տեղեկատվության սկզբնաղբյուրներում քիչ էր շրջանառվում նաեւ այն, որ ԵԽ նախագահը արցախյան խնդրի մասին խոսելիս հատուկ ընդգծել է, որ հակամարտությունը չունի ռազմական լուծում եւ պետք է լուծվի քաղաքական ճանապարհով՝ միջազգային իրավունքին ու սկզբունքներին համապատասխան։  Ամփոփելով այս ամենը՝ կարելի է փաստել, որ արցախյան խնդրի շուրջ եվրոպական մոտեցումներում փոփոխություն չկա:

Տուսկը պատրաստվում է նոյեմբերին փոխանցել պաշտոնը Բելգիայի վարչապետ Շառլ Միշելին, եւ այս այցը յուրահատուկ նախապատրաստություն է պաշտոնի փոխանցման գործընթացին: Այլ կերպ ասած՝ ԵԽ հեռացող նախագահի տարածաշրջանային այցի բուն նպատակը հարավկովկասյան երեք հանրապետությունների հետ ԵՄ հարաբերությունների ամփոփումն ու ներկա իրավիճակի ամրագրումն էր:

Տպել
5240 դիտում

ՀՀ վարչապետն այսօր ուղիղ եթերում կպատասխանի քաղաքացիներին հուզող հարցերին (տեսանյութ)

Քննարկվում է Հայաստանում և Ադրբեջանում ՀԱՊԿ դիտորդական խմբեր օգտագործելու հնարավորությունը. Լավրով

Վարչապետի որոշմամբ՝ Գեղամ Շախբազյանն ազատվել է պաշտոնից

Քննարկվել է Հա­յաս­տա­նի շեն­քե­րի էներ­գիա­յի սպառման և ջերմոցային գազերի ար­տա­նե­տում­նե­րի կրճատման ծրագիրը

Տրանսպորտային ուղիների ապաշրջափակումը միանշանակ դրական կլինի բոլոր կողմերի համար. Օվերչուկ

Նախաձեռնվել է քրեական վարույթ հակառակորդի կողմից երեք զինծառայողի սպանության դեպքի առթիվ. ՔԿ

Վարչապետի որոշմամբ՝ նշանակվել է Կադաստրի կոմիտեի ղեկավարի տեղակալ

Մի քանի ժամով լույս չի լինի Երևանի և 5 մարզերի մի մասում

Հայաստանի, Ռուսաստանի և Ադրբեջանի փոխվարչապետներն «արտատարածքային միջանցքի» հարց չեն քննարկում. Օվերչուկ

Մոլորեցրել են հակառակորդին ու դուրս եկել շրջափակումից, ոչնչացրել են թշնամու մեծաթիվ ուժեր. նոր հերոսական դրվագներ

Այս տարի «ՀԱՅ ՖԵՍՏ»-ը կանցկացվի «Հաջորդ 20 տարիները կլինեն ավելի լավը» խորագրի ներքո. ԿԳՄՍՆ

Ժնևում տեղի կունենա Հայաստանի և Ադրբեջանի արտաքին գործերի նախարարների հանդիպումը

Խարդախությամբ կատարված հափշտակության դեպքերը կտրուկ աճել են. դատախազությունը հորդորում է չփոխանցել անձնական տվյալներ

Վայոց ձորի մարզի Շատին գյուղում սողանք է ակտիվացել

Պատահականություն, դիտավորություն կամ դիվերսիա. ինչ է հայտնի «Հյուսիսային հոսք» գազատարի ստորջրյա պայթյունների մասին

Երևան-Մեղրի ավտոճանապարհին մեքենան ընկել է Դարբ գետը. վարորդն ու 3 ուղևորները տեղափոխվել են հիվանդանոց

Հայ-ադրբեջանական սահմանին իրավիճակը հարաբերականորեն կայուն է. ՊՆ

Պուտինը ճանաչել է Խերսոնի և Զապորոժիեի շրջանների «անկախությունը». ինչու էր դա անհրաժեշտ, և ինչ է սպասվում հետո

Ինչու են պատերազմական իրավիճակում գտնվող երկրում քննարկվում տնտեսական և ֆինանսական հարցեր․ Բաբկեն Թունյան

Արմեն Գրիգորյանը հանդիպումներ է ունեցել ԱՄՆ Կենտրոնական հետախուզական գործակալությունում

«Կապիտուլյացիոն փաստաթո՞ւղթ», թե՞ ելույթներ. «Կիկոսի մահը» հեքիաթի մոտիվներով

Լեռնանիստ գյուղի դաշտերն այրվել են

Ադրբեջանի ԶՈՒ-ն դաժանաբար սպանել է վիրավոր հայ զինծառայողներին, վայրագ կերպով վարվել զոհերի մարմինների հետ․ Մարտիկյան

Ժամը 22:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Սյունիքում իրավիճակը շարունակում է մնալ հարաբերականորեն հանգիստ․ Դավիթ Դանիելյան

Կարևոր է՝ ռուս-թուրք-ադրբեջանական թակարդից դուրս գալով՝ այժմ էլ չընկնենք Արևմուտք-Ադրբեջան հյուսած ծուղակը. Բաբաջանյան

Հայկական կողմը գիտի, թե որտեղ քանի դի կա, սակայն դուրս բերելու փորձերը հանդիպել են Ադրբեջանի ԶՈՒ ուժեղ կրակին․ Մարտիկյան

Հոխիկյանը, ԵՊՀ-ին մեղադրելով քաղաքական պատվեր կատարելու մեջ, ինքն է քաղաքականացման առերևույթ քայլ կատարում. Գրիգորյան

Ծաղկունք գյուղում տնակ է հրդեհվել

Հայկական ԶՈՒ-ն սպասում է հակառակորդին դիմակայելու և ջախջախելու․ Առաքել Մարտիկյան

ՌԴ-ից մեծ թվով անձանց ներհոսքն ինչ ազդեցություն կունենա Հայաստանում ժողովրդագրական աճի վրա

Հայաստանն Ադրբեջանին մի քանի անգամ արդեն առաջարկել է զորքերի հայելային հետքաշում

Ադրբեջանական ԶՈՒ-ին Վարդենիսի ուղղությամբ հաջողվել է գրավել մի քանի մարտական դիրք. ԳՇ պետի տեղակալ

Հայաստանը ՀԱՊԿ զորավարժություններին ուժեր չի ուղարկելու․ ՌԴ ԱԳՆ-ն արձագանքել է այս որոշմանը

ՀԱՊԿ-ում մնալով՝ նշանակում է տալ այն, ինչը պահանջում է Ադրբեջանը՝ սկսած «Զանգեզուրի միջանցքից» և անկլավներից. քաղաքագետ

ՀՀ ՄԻՊ-ը Լեյլա Կայաչիկին է ներկայացրել այս օրերին տեղահանված 7600 անձի կենսապայմանների ապահովման անհրաժեշտությունը

Քննարկվել են Ներքին գործերի նախարարության ֆունկցիոնալ և ռեսուրսների կառավարմանն առնչվող հարցեր

Գեղարքունիքի մարզի Ծաղկաշեն գյուղին հարակից սարերում այրվել է խոտածածկույթ

Վահրամ Դումանյանը մասնակցել է ՅՈՒՆԵՍԿՕ-ի «Մշակութային քաղաքականության և կայուն զարգացման համաշխարհային համաժողովին»

Խորհրդակցություններ Հայաստանի և Չեխիայի ԱԳՆ-ների միջև. քննարկվել են երկկողմ օրակարգին առնչվող հարցեր