Գործարարը պնդում է՝ Սամվել Կարապետյանի եղբորորդին ծեծել է իրեն ու գումար պահանջել. քրեական գործ է հարուցվել

Լուսանկարում՝ աջից Նարեկ Կարապետյանն է

Ռուսաստանաբնակ խոշոր գործարար, «Տաշիր» ընկերության սեփականատեր Սամվել Կարապետյանի եղբորորդին բավականին բարդ «պատմության» մեջ է հայտնվել Երեւանում: Խոսքը Սամվել Կարապետյանի եղբայր Կարեն Կարապետյանի կրտսեր որդու՝ Նարեկ Կարապետյանի մասին է:

Ըստ իրավապահ մարմինների մեր աղբյուրների՝ մի քանի օր առաջ Նարեկ Կարապետյանն իր թիկնապահներով ծեծի է ենթարկել գործարար Վահե Պարազյանին, որի հայրը՝ Աշոտ Պարազյանը, Սամվել Կարապետյանի հետ ժամանակին աշխատել է Ռուսաստանում, զբաղվել է վերջինիս խոշոր բիզնես-ծրագրերով: Մեր տեղեկություններով՝ տարիներ առաջ նրանց միջեւ Աշոտ Պարազյանի որդու՝ Վահե Պարազյանի բիզնես գործունեության հետ կապված կոնֆլիկտ է եղել: Այդ ժամանակ թե՛ Վահե Պարազյանի ընկերությունը, թե՛ Կարեն Կարապետյանի ընկերությունը հաճախ մասնակցել են ռուսական «Գազպրոմի» տենդերներին:

Հակասությունների արդյունքում Աշոտ Պարազյանը հրաժարականի դիմում է գրել եւ խզել կապերը «Տաշիր» ընկերության սեփականատիրոջ հետ: Այդ ժամանակից ի վեր երկու ընտանիքների միջեւ սուր հակասությունները միայն խորացել են: Բանը հասել է նրան, որ Պարազյանների ընտանիքը տեղափոխվել է Երեւան՝ հույս ունենալով, որ հատկապես թավշյա հեղափոխությունից հետո Կարապետյանների ազդեցությունը ՀՀ-ում շեշտակի թուլացել է, եւ նրանց ձեռքերն այստեղ չեն հասնի:

Պարազյանների՝ Հայաստան տեղափոխվելուց շուրջ մեկ տարի անց հին հաշվիները սկսել են զգացվել: Օրեր առաջ, Վահե Պարազյանի պնդմամբ, Նարեկ Կարապետյանն իր թիկնապահներով Երեւանի կենտրոնում՝ Մաշտոցի պողոտայի վրա գտնվող ու Կարապետյաններին պատկանող «Սիզնս» սրճարանում ծեծի է ենթարկել իրեն՝ պահանջելով խոշոր չափի գումար: Կարապետյանները վստահ են, որ Վահե Պարազյանն ու իր հայրը դեռեւս Ռուսաստանում միասին աշխատած ժամանակներից իրենց խոշոր գումար են պարտք, ու փորձում են «ստանալ» այն, բայց դա ձգտում են անել հայրենասիրական փաթեթավորմամբ: 

Վահե Պարազյանը մեր հետ զրույցում պատմեց, որ իրեն վախեցրել ու ասել են, որ գումարը պետք է փոխանցի Սամվել Կարապետյանի կամ նրա հարազատներից մեկի անունով բացված հիմնադրամի հաշվեհամարին, քանի որ Արցախին «գրեֆ են անելու». «Խոսքը մի քանի միլիոն դոլարի մասին է»,- ընդգծեց մեր զրուցակիցը:

Վերջինս ծեծի ենթարկվելուց հետո դիմել է իրավապահներին: Դեպքի առթիվ քրեական գործ է հարուցվել՝ բռնության կիրառման ու շորթման հատկանիշներով: Վահե Պարազյանը չհերքեց վերոնշյալ տեղակատվությունը, սակայն չցանկացավ փակագծեր բացել: «Ես չեմ հերքում այդ տեղեկատվությունը, սակայն չեմ կարող շատ բան ասել, քանի որ դիմել եմ իրավապահներին ու գործը նախաքննության փուլում է: Հույս ունեմ՝ արդարադատությունը կհաղթի, ու Հայաստանում իսկապես օլիգարխները օրենքից վեր ու արտոնյալներ չեն», - ասաց նա:

Քննչական կոմիտեի մամուլի խոսնակ Նաիրա Հարությունյանը մեր զրույցում հաստատեց, որ գործը հուլիսի 11-ին ուղարկվել է ՔԿ՝ հավելելով, որ շուտով կորոշվի, թե որ քննիչն է այն քննելու: «Կարող եմ ասել, որ գործն այժմ վարույթ է ընդունվել», - նշեց Հարությունյանը:

Մենք փորձեցինք կապ հաստատել նաեւ Նարեկ Կարապետյանի հետ, սակայն մեր հեռախոսազանգերը մնացին անպատասխան: «Հայկական ժամանակ»-ը պատրաստ է լսել նաեւ Նարեկ Կարապետյանի դիրքորոշումը:

Տպել
5897 դիտում

ՀՀ քաղաքացիական բնակչության դեմ ուղղված ագրեսիվ գործողությունները ստանալու են իրենց համարժեք պատասխանը. ԱԳՆ

Ճապոնիան մտածում է օլիմպիական խաղերի համար թուլացնել երկիր մուտք գործելու սահմանափակումները

ԶՈՒ ստորաբաժանումները ոչնչացնում են Տավուշի բնակավայրերը հրետակոծած ադրբեջանական հենակետերը (տեսանյութ)

Հակառակորդը հարվածային ԱԹՍ-ով թիրախավորել է Բերդի քաղաքացիական ենթակառուցվածքները. Շ. Ստեփանյան

Հաստատված 339 նոր դեպք և 864 առողջացած. կորոնավիրուսից Հայաստանում 8 նոր մահ է գրանցվել

Ադրբեջանը դեռ կապիտուլյացիա չի ստորագրել, խնդրում եմ իրենց կրակելու մասին լուրերը մի տարածեք. Արծրուն Հովհաննիսյան

Արմեն Սարգսյանը շնորհավորական ուղերձ է հղել Էմանուել Մակրոնին Ֆրանսիայի Հանրապետության Ազգային տոնի առթիվ

Ադրբեջանը կրկին փորձում է պատերազմ սկսել. ԱՄՆ-ի սենատոր Ֆրենկ Փելոնին դատապարտել է Ադրբեջանի գործողությունները

Աղոթում ենք, որ խաղաղություն մնա մեր տարածաշրջանում. Եպիսկոպոսաց հավաքը զորակցություն է հայտնում Հայոց բանակին

Ես աջակցում եմ Հայաստանին, նրանք պաշտպանում են իրենց տարածքային ամբողջականությունը. ԱՄՆ սենատոր

114 հայ երեխայի որդեգրման համար փոխանցվել է 1.800.000 եվրո, 26.000 դոլար. գործում ներգրավված են 2 նախարարություն, ՏԻՄ-եր

ԱՄՆ-ը դատապարտել է հայ-ադրբեջանական սահմանին տեղի ունեցածն ու կոչ արել անհապաղ դադարեցնել գործողությունները

Նախորդ շաբաթ ներկայացրած դիմումի համաձայն՝ քաղաքապետի տեղակալ Հայկ Սարգսյանը ավարտում է պաշտոնավարումը

Գիշերը հակառակորդի տանկի շարժ է գրանցվել. ՊՆ խոսնակը մանրամասնում է՝ ինչպես է անցել գիշերը սահմանին

Գվատեմալայի Կոնգրեսի առաջին փոխնախագահը դատապարտել է Ադրբեջանի սանձազերծած հարձակումը

Գիշերը համեմատաբար հանգիստ է անցել. Արծրուն Հովհաննիսյան

Ղարա դաշ. համացանցում հայտնվել է լուսանկար, որում հավանաբար գրավված ադրբեջանական դիրքն է

«ՈւԱԶ»-ային սադրանք հայ-ադրբեջանական սահմանին. 2 օրվա խրոնիկա

Մնացականյանը ԵՄ բարձրաստիճան պաշտոնյային ներկայացրել է հայ-ադրբեջանական սահմանին տիրող իրավիճակը

Ամբողջ սելավը կարկուտի տեսքով լցվել է մեր տուն. գյումրեցի Ավագյաններն արտակարգ իրավիճակում են հայտնվել (լուսանկարներ)