Կոտայքի մարզպետի դեմ դատական հայց են ներկայացրել. նա լրջությամբ չի վերաբերում խնդրին

Քաղաքացի Վեներա Գյուլինյանը Կոտայքի մարզպետ Ռոմանոս Պետրոսյանի դեմ դատական հայց է ներկայացրել: Գյուլինյանը մարզպետից պահանջում է հերքել զրպարտությունը:

 

Գործը մակագրվել է Կոտայքի մարզի առաջին ատյանի ընդհանուր իրավասության դատարանի դատավոր Մեխակ Գեւորգյանին:

Նշենք, որ հունիսի 9-ին՝ Աբովյանի քաղաքապետի ընտրություններում Ռոմանոս Պետրոսյանը ընտրատեղամասերից մեկում Գյուլինյանի մոտ անուններով եւ հեռախոսահամարներով ցուցակ էր հայտնաբերել։

Մարզպետը նշել էր, որ Գյուլինյանը գործող քաղաքապետ, այդ ժամանակ նաեւ քաղաքապետի թեկնածու Վահագն Գեւորգյանի վստահված անձն է եւ «Գագիկ Ծառուկյան բարեգործական հիմնադրամի» Աբովյանի ուսանողական խորհրդի ղեկավարը:

Պարզվում է՝ Կոտայքի մարզպետ Ռոմանոս Պետրոսյանը տեղյակ չէր իր դեմ ներկայացված հայցից: Այս մասին «Հայկական ժամանակ»-ի հետ զրույցում հայտնեց ինքը՝ Պետրոսյանը:

«Ճիշտն ասած՝ տեղյակ չեմ դրա մասին ու, առհասարակ, Գյուլինյանի անձն ու գործունեությունը ինձ շատ քիչ է հետաքրքրում: Ես պարզապես մեկ դրվագով եմ իր հետ առնչություն ունեցել, երբ Աբովյանի քաղաքապետի ընտրություններին մենք բոլորս ականատես եղանք այն, որ «Իմ քայլը» դաշինքի հանձնաժողովական Անի Չիլինգարյանը Վեներա Գյուլինյանի ձեռքին ցուցակ էր հայտնաբերել, որի մասին իրազեկել էր հավուր պատշաճի՝ թե՛ մեր շտաբի պետին, եւ թե; ինձ՝ որպես շտաբի անդամ: Այդ պահին, երբ ես դեռեւս ընտրատեղամասի տարածքում էի եւ լրատվամիջոցների հետ էի շփվում, զանգահարեց՝ չպատասխանեցի, ապա վերադարձա եւ տեղամասի առջեւ այդ ցուցակը նկարահանեցին, որպեսզի հանկարծ ծածկադմփոցի ականատես չլինենք: Այդ դրվագով եմ ես առնչվել այդ տիկնոջ հետ: Հայցի մասին ես առհասարակ տեղյակ չեմ ու շատ անլուրջ եմ վերաբերում այդ հարցի առկայությանը»,- ասաց Պետրոսյանը:

Հարցին՝ թե իր կարծիքով Գյուլինյանն ի՞նչն է զրպարտություն համարել, Պետրոսյանը պատասխանեց. «Ճիշտն ասած տեղեկություն չունեմ, թե տիկինն ինչ է ուզում հերքեմ կամ որտեղ է այդ զրպարտությունը, բացարձակ չեմ կարող պատկերացնել իր մտքի թռիչքը: Այս պահին ինձ շատ քիչ է հետաքրքրում տվյալ անձը, քանի որ զբաղված եմ մարզի զարգացման ծրագրերով, ինչպես նաեւ հաստատված սուբվենցիոն ծրագրերի համայնքներում բարեհաջող ներդրմամբ: 36 սուբվենցիոն ծրագիր ունենք այս պահին հաստատված: Օրերս աշխատանքային խումբ ենք կազմել, որպեսզի նաեւ հետամուտ լինենք դրանց պատշաճ կատարմանը համայնքներում եւ նաեւ մրցույթների արդյունքում բարեխիղճ իրականացմանը, որպեսզի շինարարությունը համայնքներում բարեխղճորեն իրականացնեն: Նաեւ պատրաստվում ենք «Իմ քայլը հանուն Կոտայքի մարզի» բիզնես ներդրումային համաժողովին, որը տեղի է ունենալու օգոստոսի 17-ին՝ Ծաղկաձորում, ինչպես նաեւ մի շարք կլոր սեղան քննարկումներ ունենք ներդրողների եւ տուրիստական ոլորտի օպերատորների, ձեռնարկությունների հետ: Հետեւում ենք ներդրումային այն ծրագրերին, որոնք այս ընթացքում հայտ են ներկայացրել մարզ գալու եւ մարզում որոշակի ծրագրեր իրականացնելու՝ Ձորաղբյուրում, Սեւաբերդում, Լենահիստում, Բջնի համայնքում: Այսօր այցելել էի նաեւ Մեղրաձոր գոլդ լեռնահարստացման կոմբինատ, մտել եմ նաեւ փակ ոսկու հանք: Շրջել եմ, աշխատողների հետ եմ շփվել՝ աշխատանքներին եմ ծանոթացել»,- մեր զրույցում ներկայացրեց մարզպետը՝ հավելելով, որ լիարժեքորեն իրականացնում են մարզի զարգացման իրենց տեսլականը

«Եւ մեզ շատ քիչ է հետաքրքրում, թե իրենց քաղաքական օպոնենտների տարբեր կալիբրի ներակայացուցիչներ ինչ գործունեություն են ծավալում: Եթե իրավական առումով կա որեւէ արարք՝ գնահատականի արժանի, ապա պետք է այդ գնահատականը հնչի: Մնացած առումներով որեւէ մեկնաբանություն չեմ անի»:

Հարցին՝ ինչ-որ վիրավորական արտահայտություն արե՞լ է Գյուլինյանի հասցեին, Պետրոսյանը պատասխանեց. «Ես առհասարակ վիրավորական հայտարարություններ չեմ անում: Քաղաքականության մեջ ես շատ զուսպ ու տոլերանտ եմ, բայց նաեւ թույլ չեմ տալիս երբեւէ մեր զսպվածությունը, պարկեշտությունը, բարեպաշտությունը շփոթել թուլության, թուլակամության հետ: Բայց նաեւ ուզում եմ մատնանշել, որ մեր թիմի համար եւ ինձ համար անձամբ քաղաքականությունը հնարավորինի արվեստ է եւ այդ քաղաքականությունը մենք իրականացնում ենք բացառապես բարոյական ոճի մեջ»,- եզրափակեց Կոտայքի մարզպետ Ռոմանոս Պետրոսյանը:

Տպել
4748 դիտում

Արմեն Սարգսյանը շնորհավորական ուղերձ է հղել Մայրության և գեղեցկության տոնի առթիվ

Աբովյան քաղաքի 3-րդ միկրոշրջանի բնակարաններից մեկում հայտնաբերվել է դի

Երեկվա դրությամբ 2 միլիարդ 353 միլիոն դրամ աջակցություն է բաշխվել. վարչապետ

Պոլսահայ մտավորական Մասիս Քյուրքչյուգիլը կորոնավիրուսի կասկածանքով հիվանդանոցում է

ՀՀ 4 մարզերում ձյուն է տեղում. Սարավան-«Զանգեր» հատվածում տեղ-տեղ առկա է մերկասառույց

Մեծ Բրիտանիայի վարչապետի վիճակը վատթարացել է. տեղափոխել են ինտենսիվ թերապիայի բաժանմունք

Կորոնավիրուսի վարակի կասկածով 400 քաղաքացի դուրս է եկել մեկուսացումից

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը