Զոդի կամրջի վրա տեղի ունեցած ողբերգական վթարի հետեւանքով այրված «Գազելը» նորմալ վիճակում է եղել․ գյուղապետ

Հուլիսի 6-ին Արարատի մարզի Զոդի կամրջի վրա տեղի ունեցած ողբերգական վթարի հետեւանքով ամբողջությամբ այրված «Գազելը» նորմալ վիճակում է եղել: 

Այս մասին «Հայկական ժամանակ»-ի հետ զրույցում ասաց Արարատի մարզի Արարատի գյուղապետ Կարեն Ղազարյանը: «Գազելի» վարորդը նույն գյուղի բնակիչ, 1962 թվականին ծնված Վաչագան Ասլանյանն է եղել:

Վթարը տեղի էր ունեցել հուլիսի 6-ին՝ ժամը 15:00-ի սահմաններում. Երեւան-Մեղրի ավտոճանապարհի 54-րդ կիլոմետրի հատվածում՝ Արարատի մարզի Արարատ քաղաքի Զոդի կամրջի վրա բախվել են «Գազել», «Տոյոտա Հիլուքս» եւ «ՎԱԶ 21063» մակնիշի ավտոմեքենաները, որի արդյունքում հրդեհ է բռնկվել «Գազել» մակնիշի ավտոմեքենայում, այնուհետեւ հրդեհը տարածվել է «Տոյոտա Հիլուքս» մակնիշի եւ «ՎԱԶ 21063» մակնիշի ավտոմեքենաներում, ինչի հետեւանքով ստացած այրվածքներից «Գազել» մակնիշի ավտոմեքենայի վարորդը և վերջինիս հինգ ուղեւորները տեղում մահացել են: «Գազել»-ում գտնվող մյուս ուղեւորները, ինչպես նաեւ «Տոյոտա Հիլուքս» մակնիշի ավտոմեքենայի վարորդը եւ ուղեւորները՝ ընդհանուր թվով 11 մարդ, մարմնական տարբեր վնասվածքներով տեղափոխվել են բժշկական կենտրոններ: 

Մահացածներից մեկը «Գազել»-ի վարորդն է՝ արական սեռի, մնացած 5-ը իգական սեռի ներկայացուցիչներ են:

Արարատի գյուղապետ Կարեն Ղազարյանը «Հայկական ժամանակ»-ի հետ զրույցում ասաց, որ Ասլանյանը 2 չափահաս երեխա ուներ՝ աղջիկ եւ տղա: Գյուղապետի խոսքով՝ Ասլանյանի ընտանիքը ֆինանսապես լավ վիճակում չէր ապրում: Ասլանյանի որդին սովորում է, նպատակ ունի դառնալ ավտոմեքենաների մեխանիկ, իսկ աղջիկն ու կինը չեն աշխատում, դուստրը քոլեջում է սովորում:

«Գազել»-ի հրդեհից մահացած երկու անձինք տատ ու թոռ էին՝ Արարատի մարզի Արմաշ գյուղի բնակչուհիներ՝ 1965 թվականին ծնված Անահիտ Բաբայանը եւ 2003 թվականին ծնված Գայանե Բադալյանը:

«Հայկական ժամանակ»-ի հետ զրույցում Արմաշի գյուղապետ Հակոբ Զեյնալյանն ասաց, որ ընտանիքն ապրել է ֆինանսական նորմալ պայմաններում. «Նորմալ եկամուտներով աշխատում եւ ապրում էին: Գյուղատնտեսությամբ էին զբաղվում, հիմնականում թռչնաբուծությամբ»,- ասաց Զեյնալյանը:

Մահացածներից երկուսն էլ Արարատի մարզի Սուրենավան գյուղի բնակչուհիներ են՝ 1996 թվականին ծնված Ժենյա Ղուկասյանը եւ 1999 թվականին ծնված Աստղիկ Ավետիսյանը: Սուրենավանի գյուղապետ Կարո Կարապետյանը մեր զրույցում ասաց, որ Ժենյա Ղուկասյանը մոտ մեկ տարի առաջ էր ամուսնացել եւ ամուսնու հետ էր ճանապարհին (ամուսինը տուժածներից է): Նրանք երեխա չունեին: 

Լուսանկարում ձախից՝ ողբերգական պատահարից մահացած Ժենյա Ղուկասյանն է, աջից նրա ամուսինը՝ Գագիկ Ղուկասյանը, որը ծանր վիճակում գտնվում է հիվանդանցում

Կարապետյանը նշեց, որ Աստղիկ Ավետիսյանը Արարատ քաղաքի քոլեջում էր սովորում, ամուսնացած չէր, ծնողներ ուներ, եղբայրներ եւ քույր: «Նրանց ֆինանսական վիճակը նույնպես լավ չէր»,- ասաց Կարապետյանը:

Հիշեցնենք, որ դեպքի առթիվ հարուցվել է քրեական գործ՝ ՀՀ քրեական օրենսգրքի 242-րդ հոդվածի 3-րդ մասով (ճանապարհային երթեւեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է երկու կամ ավելի մարդու մահ):

Տպել
9254 դիտում

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց

Գյումրու գազալցակայանի մոտ ավտովթար է տեղի ունեցել․ կան տուժածներ

ԲԸՏՄ իրականացրած ստուգումների արդյունքում արձանագրվել է ավելի քան 13 մլն դրամի շրջակա միջավայրին հասցված վնաս

Երևանում մեքենայի ստուգմամբ հրացաններ ու զինամթերք են հայտնաբերվել և առգրավվել (տեսանյութ)

Վլադիմիր Պուտինը Նիկոլ Փաշինյանի և Իլհամ Ալիեւի հետ քննարկել Է Երեւան եւ Բաքու ՌԴ պատվիրակության այցի արդյունքները

ՌԴ-ն Ստեփանակերտ է ուղարկել մարդասիրական օգնության 2-րդ խմբաքանակը. 22 բեռնատար է հասել Արցախ