Զոդի կամրջի պատահարից տուժած 20-ամյա աղջկա վիճակը շարունակում է ծայրահեղ ծանր մնալ

Արարատի մարզում` Զոդի կամրջի վրա տեղի ունեցած ողբերգական պատահարից տուժած քաղաքացիներից 8-ն այս պահին հոսպիտալացված բուժում են ստանում հանրապետության տարբեր բժշկական հաստատություններում:

ՀՀ առողջապահության նախարարության մամուլի պատասխանատու Ալինա Նիկողոսյանը «Հայկական ժամանակ»-ի հետ զրույցում հայտնեց, որ Ճառագայթային բժշկության եւ այրվածքների գիտական կենտրոնում գտնվող 3 քաղաքացուց 2-ի առողջական վիճակը շարունակում է մնալ ծանր, իսկ մեկինը` ծայրահեղ ծանր: Նա կյանքին սպառնացող վնասվածքներ ունի:

Ավելի վաղ լրագրողների հետ զրույցում  Առողջապահության նախարար Արսեն Թորոսյանը հայտնել էր, որ ծայրահեղ ծանր վիճակում գտնվողը երիտասարդ աղջիկ է: Տուժածը Արարատի մարզի Երասխ գյուղի բնակիչ 20-ամյա Ծաղիկ Հակոբյանն է:

«Սուրբ Աստվածամայր» բժշկական կենտրոնում բուժում ստացող 13-ամյա Արսեն Միքայելյանի վիճակում կա դրական տեղաշարժ, նրա կյանքին վտանգ չի սպառնում: Այս մասին «Հայկական ժամանակ»-ի հետ զրույցում հայտնեց Երեւանի Սուրբ Աստվածամայր ԲԿ-ի մամուլի խոսնակ Գեւորգ Դերձյանը: «Երեխան մեզ մոտ էր տեղափոխվել աջ ձեռքի կոտրվածքով: Վիրահատվել է, վիրահատությունը բարեհաջող է ավարտվել: Ձեռքի շրջանում մի փոքր ցավեր ունի, բայց ընդհանուր առմամբ ինքնազգացողությունը նորմալ է: Ուներ ծնոտի եւ ոտքերի քերծվածքներ, արդեն ստացել է համապատասխան բուժօգնություն եւ այս պահին վիճակը նորմալ է»,-ասաց Դերձյանը: 13-ամյա տղան «Սուրբ Աստվածամայր» բժշկական կենտրոնի վերակենդանացման բաժանմունքից տեղափոխվել է մեկ այլ համապատասխան բաժանմունք: Երեխան «Գազելի» ուղեւորներից է:

«Էրեբունի» բժշկական կենտրոնում գտնվող տուժած տղամարդը բազմաթիվ վնասվածքներով գտնվում է վերակենդանացման բաժանմաունքում: Այս մասին «Հայկական ժամանակ»-ին հայտնեց «Էրեբունի» ԲԿ մամուլի խոսնակ Շուշան Հունանյանը: «Ինքնուրույն է շնչում, գիտակցությունը տեղն է, բժիշկները վիճակը գնահատում են կայուն ծանր»,-ասաց Հունանյանը:

Արարատի բժշկական կենտրոնում բուժում ստացող 2 քաղաքացուց մեկի առողջական վիճակը գնահատվում է միջին ծանրության, մյուսինը`բավարար: 

«Արմենիա» բժշկական կենտրոնում բուժում ստացող տուժածի առողջական վիճակը եւս բժիշկները գնահատում են միջին ծանրության: Բոլոր կենտրոններում տուժածները ստանում են անհրաժեշտ ծավալով բժշկական օգնություն եւ սպասարկում:

Հիշեցենք, որ հուլիսի 6-ին ժամը 15:15-ի սահմաններում Արարատի մարզում Զոդի կամրջին տեղի էր ունեցել ողբերգական ավտովթար. Երեւան-Մեղրի ավտոճանապարհի 54-րդ կիլոմետրի հատվածում՝ Արարատի մարզի Արարատ քաղաքի ՈԿՖ Բանավանի կամրջի վրա, միմյանց էին բախվել «ԳԱԶԵԼ», «Տոյոտա Հիլուքս» եւ «ՎԱԶ 21063» մակնիշի ավտոմեքենաները, որի արդյունքում հրդեհ էր բռնկվել «ԳԱԶԵԼ» մակնիշի ավտոմեքենայում, այնուհետեւ հրդեհը տարածվել էր «Տոյոտա Հիլուքս» մակնիշի եւ «ՎԱԶ 21063» մակնիշի ավտոմեքենաներում, ինչի հետեւանքով ստացած այրվածքներից «ԳԱԶԵԼ» մակնիշի ավտոմեքենայի վարորդը եւ վերջինիս հինգ ուղեւորները տեղում մահացել են, «ԳԱԶԵԼ»-ում գտնվող մյուս ուղեւորները, ինչպես նաեւ «Տոյոտա Հիլուքս» մակնիշի ավտոմեքենայի վարորդը եւ ուղեւորները՝ ընդհանուր թվով 11 մարդ, մարմնական տարբեր վնասվածքներով տեղափոխվել բժշկական կենտրոններ:

Տպել
4183 դիտում

Արսեն Ջուլֆալակյանի մանդատը կանցնի Նարեկ Ղահրամանյանին

78-ամյա զոքանչին դաժանաբար սպանելու դեպքի առթիվ հարուցված քրեական գործն ուղարկվել է դատարան

Հայաստանի պետական տնտեսագիտական համալսարանը ժամանակավորապես դադարեցնում է ուսումնական գործընթացը

2020 թվականի հուլիսի համեմատ օգոստոսին աշխատատեղերն ավելացել են շուրջ 5 հազարով

Արարատի Շահումյան համայնքում հայտնաբերված ապօրինի ջերմոցների գործով ՔՏՀԱ տեսչական մարմինը դիմել է դատախազություն

Արցախի ԱԺ նախագահի գլխավորած պատվիրակությունն աշխատանքային այցով Երևանում է

Պարեկային ծառայության դասընթացավարները վերապատրաստվում են

Սահմանադրական դատարանում ընտրում են դատարանի նախագահ եւ փոխնախագահ

Շառլ Միշելն ինքնամեկուսացված է. ԵՄ գագաթնաժողովը հետաձգվել է մեկ շաբաթով

Նորշենից մինչև Գուսանագյուղ ճանապարհահատվածը ժամանակավորապես փակ կլինի երթևեկության համար

Հանրակրթության չափորոշիչների մասին նախագիծն ամենաքննարկվածներից է. առաջ քաշված հիմնական խնդիրներն ու ԿԳՄՍՆ պատասխանները

Հայաստանի ազգային ֆիլհարմոնիկ նվագախումբը և «Լոֆթը» ներկայացնում են «Մոցարտը՝ քաղաքում» մշակութային երեկոն

Էքստեռն ավարտական քննությունների 3-րդ քննաշրջանը կմեկնարկի հոկտեմբերի 15-ից

Ամերիկյան տեխնոլոգիական ընկերությունը նախատեսում է Հայաստանում հիմնել Տեխնոլոգիական լուծումների գլոբալ կենտրոն

Գագիկ Ծառուկյանի խափանման միջոցի հարցով հաջորդ նիստը նշանակվել է սեպտեմբերի 25-ին

Նավալնին դուրս է գրվել գերմանական «Շարիտե» կլինիկայից

Նոյեմբերին ՀՀ տարածքում կանցկացվի «Շանթ-2020» զորավարժությունը

Շրջակա միջավայրի նախարարն ընդունել է Հայաստանում ՄԱԿ-ի ՅՈՒՆԻՍԵՖ-ի ներկայացուցչի գլխավորած պատվիրակությանը

Լուկաշենկոն գաղտնի անցել է նախագահական պարտականությունների կատարմանը, երդվել

Վիվա-ՄՏՍ-ն ավելացրել է բնակարանաշինությանը հատկացվող ներդրումը