Կարեն Գրիգորյանն առաջադրված մեղադրանքը չի ընդունում. նրա մասնակցությամբ առերեսում է կատարվել

Ազգային ժողովի նախկին պատգամավոր, ԵԿՄ նախկին նախագահ Մանվել Գրիգորյանի որդուն՝ Էջմիածնի նախկին քաղաքապետ Կարեն Գրիգորյանին նոր մեղադրանք է առաջադրվել:

Նա այժմ էլ մեղադրյալ է ՀՀ քննչական կոմիտեում քննվող քրեական գործով: Մինչ այդ Կարեն Գրիգորյանը մեղադրվում է նաեւ ՀՀ հատուկ քննչական ծառայությունում քննվող քրեական գործով՝ մասնավորապես հոր՝ Մանվել Գրիգորյանի եւ մի շարք այլ անձանց հետ առանձնապես խոշոր չափերով գույք հափշտակելու մեջ։ Նրա նկատմամբ որպես խափանման միջոց է ընտրվել ստորագրությունը չհեռանալու մասին:

Կարեն Գրիգորյանը այժմ մեղադրվում է նաեւ մի քանի դրվագներով առանձնապես խոշոր չափերի հափշտակության համար: Նրա նկատմամբ կրկին որպես խափանման միջոց է ընտրվելու երկրից չհեռանալու մասին ստորագրությունը:

Քննչական կոմիտեի փոխանցմամբ՝ առերեւույթ չարաշահումներն արձանագրվել են 2015թ. հունվարի 1-ից մինչեւ 2018թ. հուլիսի 30-նն ընկած ժամանակահատվածում:

Ըստ այդմ՝ 2015-ից մինչեւ 2018 թվականը մի շարք անձինք որպես աշխատող են գրանցվել Էջմիածնի համայնքապետարանում, սակայն աշխատանքի չեն հաճախել եւ փաստացի զբաղված լինելով այլ աշխատանքով համայնքային բյուջեից ստացել են աշխատավարձ:

Մասնավորապես, Կարեն Գրիգորյանը Երկրապահ կամավորականների միության եւ իրենց տան աշխատակիցներին գրանցել է համայնքապատկան հիմնարկներում եւ համայնքի բյուջեից աշխատավարձ վճարել։ Նրա ցուցումով աշխատակից է գրանցվել իր ընտանիքի վարորդը կամ հոր՝ Մանվել Գրիգորյանին պատկանող տան կենդանիներին խնամող անձը եւ ինչպես նաեւ անվտանգության աշխատակիցը: «Համայնքի ղեկավարն իր հորը՝ Մանվել Գրիգորյանին, մշտապես ուղեկցող եւ անվտանգության ապահովման ծառայություններ մատուցող անձի վարձատրությունն ապահովելու նպատակով բանավոր ցուցում է տվել «Բարեկարգում» բյուջետային հիմնարկի տնօրենին՝ նրան գրանցել որպես համայնքապետարանի աշխատող: Արդյունքում՝ նշված հիմնարկի տնօրենն անվտանգության ապահովման ծառայություններ մատուցող անձին ընդունել է աշխատանքի՝ որպես իր ղեկավարած հիմնարկի զոդող, նույն օրը նրա հետ կնքել աշխատանքային պայմանագիր, սակայն վերջինիս կողմից այդ աշխատանքը չկատարելու, այլ փաստացի համայնքի ղեկավարի հոր՝ Մանվել Գրիգորյանի անվտանգությունն ապահովող աշխատակից լինելու պայմաններում, համայնքապետարանի բյուջեից որպես աշխատավարձ նրան վճարվել է ընդհանուր 440.153 ՀՀ դրամ»,- նշված է ՔԿ հաղորդագրությունում:

Քննչական կոմիտեի տարածած հաղորդագրությունում նաեւ նշվում է, որ Կարեն Գրիգորյանի անչափահաս երեխաները ներառվել են Էջմիածնի քաղաքապետարանի աշխատակիցների բժշկական ապահովագրության ծառայությունների մատուցման փաթեթում: «Նրանց համար նախատեսված 2013-2018թթ. տարեկան ապահովագրավճարները՝ ընդհանուր 876.440 ՀՀ դրամ, համայնքի ղեկավարի կարգադրությամբ, ապահովագրական ընկերությանը վճարվել է համայնքապետարանի բյուջեից»,- ասվում է հաղորդագրությունում:

Այպիսով՝ հարուցված քրեական գործի շրջանակում մեղադրանք է առաջադրվել էջմիածնի նախկին քաղաքապետին, «Բնակարանային կոմունալ վարչություն» բյուջետային հիմնարկի նախկին պետին եւ «Բարեկարգում» տնօրինության բյուջետային հիմնարկի տնօրենին: Երեքի նկատմամբ էլ խափանման միջոց է ընտրվել ստորագրությունը:

Կարեն Գրիգորյանը, մասնավորապես, մեղադրվում է ՀՀ քրեական օրենսգրքի 38-179-րդ հոդվածի 3-րդ մասի 1-ին կետով (առանձնապես խոշոր չափերի հափշտակությունը կազմակերպելը) (երեք դրվագ) , 38-179-րդ հոդվածի 2-րդ մասի 1-ին եւ 3-րդ կետերով (երկու դրվագ), 38-179-րդ հոդվածի 2-րդ մասի 1-ին կետով եւ ՀՀ քրեական օրենսգրքի 179-րդ հոդվածի 2-րդ մասի 1-ին եւ 3-րդ կետերով (առանձնապես խոշոր չափերի հափշտակություն, որը կատարվել է պատոենական դիրքն օգտագործելով):

Առաջադրված մեղադրանքում, սակայն, Կարեն Գրիգորյանն իրեն մեղավոր չի ճանաչում: Այս մասին մեր զրույցում ասաց նրա պաշտպան Արսեն Մկրտչյանը:

- Պարոն Մկրտչյան, ի՞նչ դիրքորոշում ունի ձեր պաշտպանյալը առաջադրած մեղադրանքի վերաբերյալ, ընդունո՞ւմ է այն, թե՝ ոչ:

- Կարծում եմ, Կարեն Գրիգորյանի մեղադրանքը շարունակությունն է Մանվել Գրիգորյանի եւ նրա ընտանիքի հանդեպ դրսեւորված քաղաքականության: Իհարկե, Կարեն Գրիգորյանն իրեն մեղավոր չի ճանաչում, բայց եւ այնպես այդ մեղսագրվող արարքները բացարձակապես որեւէ կապ եւ առնչություն չունեն պարոն Գրիգորյանի հետ: Խոսքը այնպիսի մի իրավահարաբերությունների մասին է, որոնց մի մասը մինչեւ Կարեն Գրիգորյանի պաշտոնավարելն էլ է եղել, հետո շարունակական է եղել. Կարեն Գրիգորյանը տեղյակ չի եղել դրա մասին: Իսկ մի մասով էլ, որքանով որ ես տեղյակ եմ, կոնկերտ անձինք, ովքեր վնասներ են պատճառել, վնասների մի մասը հատուցել են: Այնպես որ լավ կլիներ, որ պարոն Գրիգորյանի անունը շահարկումների առարկա չդառնար:

- ՀՀ քննչական կոմիտեն նշել է, որ համայնքին պատճառված վնասը նախաքննության ընթացքում մասամբ վերականգնվել է: Կարեն Գրիգորյանը նույնպե՞ս փոխհատուցել է:

- Վնասի մի մասը փոխհատուցվել է լրիվ ուրիշ անձի կողմից եւ ճիշտ հակառակը՝ Կարեն Գրիգորյանին սեփականության իրավունքով պատկանող գույքն է, որ առաջարկվել է փոխհատուցման՝ Գրիգորյանի ընտանիքի անդամներին մեղսագրվող արարքների համար:

- Խոսքը Ակնալիճ համայնքում գտնվող «Ակնալճի կուղբաբուծական տնտեսություն» ընկերության մասի՞ն է:

- Այո, դա գրանցված է Կարեն Գրիգորյանի անունով:

- Ըստ պաշտոնական հաղորդագրության՝ ձեր պաշտպանյալը ցուցում է տվել համայնքապետարանի ենթակայությամբ գործող «Բնակարանային կոմունալ վարչություն» բյուջետային հիմնարկի պետին, եւ «Բարեկարգում» տնօրինություն բյուջետային հիմնարկի տնօրենին, որպեսզի մի շարք անձինք, այդ թվում անվտանգության աշխատակիցը, վարորդը տարբեր հաստիքների տակ գրանցվեն որպես համայնքապետարանի աշխատողներ: Սա ի՞նչպես եք մեկնաբանում:

- Ցավոք սրտի, նախաքննության փուլում շատ մանրամասներ չեմ կարող բացահայտել, բայց հիմնական եւ գլխավոր դիրքորոշումը հետեւյալն է՝ Կարեն Գրիգորյանը որեւէ առնչություն չունի իրեն մեղսագրվող արարքների հետ, հատուցումները աձնամբ նրա կողմից չեն կատարվել:

Ինքը ցուցմունք տվե՞լ է, ասե՞լ է, թե ինչպես են իր վարորդը, անվտանգության աշխատակիցները դարձել համայնքապետարանի աշխատակիցներ:

- Նախաքննական գաղտնիքով կաշկանդված եմ, որպեսզի հերքողական պատասխաններ տամ:

- Պարոն Մկրտչյան, ձեր պաշտպանյալը տեւական ժամանակ զբաղեցրել է համայնքի ղեկավարի պաշտոնը տեղեկություն չի՞ ունեցել այս ամենի մասին:

- Չեմ կարող պատասխանել:

- Ձեր պաշտպանյալի մասնակցությամբ քննչական գործողություններ կատարվե՞լ են:

- Այո, եղել է, չեմ կարող եւ չեմ ցանկանում մանրամասնել, թե կոնկրետ ինչ քննչական գործողություննր են եղել, համենայնդեպս, դրանց արդյունքում ոչ մի իրեն հարգող իրավաբան չի կարող ասել, որ Կարեն Գրիգորյանի մեղքը հիմնավորվել է:

- Առերեսում եղե՞լ է, հակասություններ եղե՞լ են իր եւ գործով անցնող այլ անձանց ցուցմունքներում:

- Այո, բայց այլ մանրամասներ չեմ կարող ասել:

- Պարոն Մկրտչյան, իսկ քրեական գործի շրջանակում ձեր պաշտպանյալին պատկանող բնակարանում խուզարկություն կատարվե՞լ է:

- Հիմա չեմ կարող ասել դրա մասին:

Տպել
2258 դիտում

Հայոց բանակի զինվորին մրցանակ հանձնելը մեծ պատիվ ու պարտավորություն է. երկրորդ հատուկ մրցանակը՝ զինվորականներին (ուղիղ)

ԱՄՆ-ի եւ Իրանի միջեւ բանակցություններ հնարավոր են. Զարիֆը՝ նախապայմանների մասին

ՀՀ տարածքում ավտոճանապարհներն անցանելի են. Ստեփանծմինդա-Լարս ավտոճանապարհը բաց է միայն բեռնատարների համար

Մենք կարծես ուսուցիչների հետ մարտի դաշտում լինենք. վճարովի թեստավորվում են ու ասում՝ գնում ենք դպրոց

Հատուկ մրցանակը բուժաշխատողներին հանձնեց COVID 19-ը վերապրած Պետրոս Պետրոսյանը (ուղիղ)

ՌԴ-ն իր հակակորոնավիրուսային պատվաստանյութի տրամադրման գործարքներ է կնքում աշխարհով մեկ. ինչ է հայտնի

Լուիս Սուարեսը տեղափոխվում է «Ատլետիկո», Ալվարո Մորատան՝ «Յուվենտուս»

«Զվարթնոց» տաճարում մեկնարկեց «Մեր ժամանակների հերոսը» մրցանակաբաշխությունը (ուղիղ)

Րոպեներ անց Նիագարա ջրվեժը կլուսավորվի Հայաստանի դրոշի գույներով

Մոլդովական փողոցում բռնկված հրդեհի վայրից փրկարարները տարհանել են երկու քաղաքացու․ տուժածներ չկան

Անկախության տոնակատարությանը նվիրված համերգ Զվարթնոց տաճարում. Տիգրան Գալստյանը լուսանկարներ եւ տեսանյութ է հրապարակել

Անկախության տոնի կապակցությամբ Երևանում կազմակերպվել են մարզական և մշակութային միջոցառումներ. ՊՆ

Նոր Ամանոս գյուղում այրվել է մոտ 700 հակ անասնակեր

Մենք ակնկալում ենք խորացնել մեր գործընկերությունը մի շարք կարևոր ոլորտներում. Ջաստին Թրյուդոյի ուղերձը

Արթիկի գերեզմանատանը հայտնաբերվել է գերեզմանափորի դին

Վարորդի եկամուտը քչացել է, չի աշխատի, ծնողներն էլ խառը դրության մեջ են. 3 գյուղի աշակերտներ դպրոց հասնելու խնդիր ունեն

Սեպտեմբերի 21-ը Վաշինգտոնում հայտարարում եմ որպես «Հայաստանի անկախության օր». քաղաքապետ

Վանաձորում 2 մանկապարտեզ չի վերաբացվել, 1-ի գործունեությունը դադարեցվել է. բուժքրոջ մոտ կորոնավիրուս է հայտնաբերվել

Թաթան երգ կնվիրի Գյումրիի «Շիրակ» ֆուտբոլային ակումբին

Անկախության 29-րդ տարեդարձի առիթով 5 մարզչի շնորհվել է վաստակավորի պատվավոր կոչում