Անվճար եւ արտոնյալ պայմաններով բժշկական օգնության եւ սպասարկման իրավունք է տրվում մինչեւ 18 տարեկան բոլոր երեխաներին

Կառավարությունը այսօրվա նիստում որոշում ընդունեց առողջապահության նախարարությանը առողջապահական ծրագրերի համար հավելյալ 12 միլիարդ դրամ հատկացնել:

ՀՀ վարչապետ Նիկոլ Փաշինյանն ասաց. «Կառավարությունն ամեն ինչ պետք է անի, որ ՀՀ քաղաքացին լինի առողջ, իհարկե, առաջին հերթին սոցիալապես անապահով քաղաքացին լինի առողջ, որպեսզի աշխատելու, ստեղծագործելու եւ իր հուսահատ սոցիալական վիճակը հաղթահարելու հնարավորություն ունենա»:

Վարչապետը հիշեցրեց, որ նախկինում պետպատվերի գումարները մինչեւ տարեվերջ սպառվում էին, եւ քաղաքացիները ստիպված էին լինում իրենց առողջական խնդրի լուծման համար սպասել հաջորդ տարվան։ ՀՀ վարչապետի խոսքով` այս հատկացումը թույլ կտա խուսափել նման դեպքերից:

«Առաջիկայում պետք է անել հետեւյալը՝ դուրս գալ քաղաքացիների մեջ եւ համոզվել, թե արդյոք այս որոշումների իմաստը նրանց համար պարզ է, ինչ հարցեր ունեն նրանք այս որոշումների եւ դրանք ի կատար ածելու հետ կապված: Պետք է հավաքել հարցերը եւ դրանք ձեւակերպել լրատվության միջոցներով եւ լուսաբանել հնարավորինս լայն, որպեսզի քաղաքացիների համար որեւէ մութ անկյուն չմնա»,- ասաց վարչապետը՝ հավելելով, որ քաղաքացիները պետք է իմանան այս հնարավորության մասին:

Ընդունված որոշումը վերաբերում է մինչեւ 18 տարեկանների հիվանդանոցային ծառայություններին։ Որոշման ընդունումից հետո, Առողջապահության փոխնախարար Անահիտ Ավանեսյանի հավաստմամբ, նրանց ծնողներից այլեւս գումար չեն պահանջի հիվանդանոցում։

Փոխնախարարը նշեց, որ նախագծով 2019 թվականին ՀՀ պետական բյուջեով «Սոցիալապես անապահով և հատուկ խմբերում ընդգրկվածներին բժշկական օգնության ծառայություններ», «Երեխաներին բժշկական օգնության ծառայություններ» և «Ուռուցքաբանական և արյունաբանական հիվանդությունների բժշկական օգնության ծառայություններ» ծրագրերով նախատեսվում են միջոցառումներ, որոնց հիման վրա հնարավորություն է առաջացել ընդլայնել բնակչությանը պետական պատվերի շրջանակներում մատուցվող բժշկական օգնության և սպասարկման ծառայությունների ծավալը և դրանցից օգտվող շահառուների քանակը:

«ՀՀ կառավարության 2004 թվականի մարտի 4-ի թիվ 318-Ն որոշման մեջ փոփոխություններ և լրացումների կատարելու մասին» կառավարության որոշման (այսուհետ՝ որոշում) նախագծի (այսուհետ՝ նախագիծ) մեջ առաջարկվում է կատարել հետևյալ փոփոխությունները և լրացումները.

Նախագծի 1-ին կետի 2-րդ ենթակետով նախատեսվում է փոփոխություն կատարել որոշմամբ հաստատված հավելված N 1-ում, ըստ որի պետության կողմից երաշխավորված անվճար և արտոնյալ պայմաններով բժշկական օգնության և սպասարկման իրավունք է տրվում մինչև 18 տարեկան բոլոր երեխաներին: Մինչ այժմ այդ իրավունքից օգտվում էին 0-7 տարեկան, հաշմանդամություն ունեցող,  առանց ծնողական խնամքի մնացած, հաշմանդամություն ունեցող անձանցից բաղկացած ընտանիքների, մինչև 18 տարեկան դիսպանսեր հսկողության տակ գտնվող, միածնող, 14-15 տարեկան արական սեռի, նախազորակոչային տարիքի և բազմազավակ (մինչև 18 տարեկան 4 և ավելի անչափահաս երեխաներ ունեցող) ընտանիքների երեխաները: Փոփոխության արդյունքում պետության կողմից երաշխավորված անվճար և արտոնյալ պայմաններով բժշկական օգնության և սպասարկման իրավունք ունեցող մինչև 18 տարեկան շահառուների քանակը ավելանում է մոտ 200,000 անձով:

2) Քանի որ երեխաների մասով  ՀՀ պետական բյուջեի միջոցառումները նախատեսված են միայն «Երեխաներին բժշկական օգնության ծառայություններ» ծրագրի մասով, ապա արտահիվանդանոցային ծրագրերով ֆինանսավորվող ստոմատոլոգիական բժշկական օգնության և «Ախտորոշման ճշտման նպատակով լաբորատոր-գործիքային ախտորոշիչ հետազոտություններ նեղ մասնագիտացված կենտրոններում» ծրագրի շրջանակներում պետության կողմից երաշխավորված անվճար և արտոնյալ պայմաններով բժշկական օգնություն և սպասարկում ստանալու իրավունք ունեցող բնակչության սոցիալապես անապահով ու առանձին (հատուկ) խմբերի ցանկը մնում է նախկինը, որով և պայմանավորված նախագծի 1-ին կետի 2-րդ ենթակետով հաստատվում է նոր հավելված (հավելված N 10):

3) Նախագծի 1-ին կետի 3-րդ, 7-րդ և 8-րդ ենթակետերով կատարվող փոփոխությունները և լրացումները պայմանավորված են սույն հիմնավորման 2-րդ ենթակետով:

4) Նախագծի 1-ին կետի 4-րդ, 5-րդ, 6-րդ, 12-րդ և 13-րդ ենթակետերով կատարվող փոփոխությունները և լրացումները պայմանավորված են սույն հիմնավորման 2-րդ ենթակետով:

5) Նախագծի 1-ին կետի 9-րդ ենթակետով կատարվող լրացումով ընդլայնվում են թանկարժեք տեխնոլոգիաներով մատուցվող բժշկական օգնության և սպասարկման ծառայություններից օգտվող շահառուների ցանկը (նախկինում սոցիալապես անապահով և առանձին (հատուկ) խմբերի ցանկում չընդգրկված մինչև 18 տարեկան երեխաներ,  2-րդ խմբի հաշմանդամություն ունեցող անձինք,  2-րդ խմբի հաշմանդամություն ունեցող անձինք, ժամկետային պարտադիր զինվորական ծառայության շարքային և կրտսեր ենթասպայական կազմի զինծառայողների ընտանիքների անդամները, Հայաստանի Հանրապետության պաշտպանության մարտական գործողությունների մասնակիցները և նրանց ընտանիքների անդամները, երկարամյա ծառայության կամ հաշմանդամության զինվորական կենսաթոշակ ստացող  նախկին զինծառայողները, ծառայության ընթացքում զոհված (մահացած) զինծառայողների ընտանիքների անդամները՝ թվով մոտ 500,000 շահառուներ), ինչպես նաև ծառայությունների տեսակները: Նշված շահառուների ցանկի և ծառայությունների քանակի փոփոխությունը պայմանավորված է 2019 թվականի ՀՀ պետական բյուջեով «Սոցիալապես անապահով և հատուկ խմբերում ընդգրկվածներին բժշկական օգնության ծառայություններ» և «Երեխաներին բժշկական օգնության ծառայություններ» ծրագրերով նախատեսված միջոցառումների իրականացմամբ:

6) Նախագծի 1-ին կետի 10-րդ ենթակետով կատարված փոփոխությունով ավելանում են նորագույն 15 և MeV (մեգաէլեկտրոնվոլտ) հզորություն ունեցող բժշկական գծային արագացուցիչով ճառագայթային բուժմից օգտվող շահառուների ցանկը, ինչպես նաև նշված հզորությունից ցածր հզորություն ունեցող գծային արագացուցիչներով չարորակ նորագոյացությունների բուժումը պետական պատվերի շրջանակներում հասանելի կլինի ամբողջ բնակչության համար:

Տպել
7812 դիտում

Հայտնաբերվել են «Ռենջ Ռովեր»՝ կրակոցի բազմաթիվ հետքերով, և «Կալաշնիկով»-ից կրակված 26 պարկուճ

Արցախում աճել է ծնունդների, նվազել՝ մահերի թիվը

2022 թվականի միայն առաջին 6 ամիսների ընթացքում ՀՀ քաղաքացիություն ստանալու համար ներկայացվել է շուրջ 9917 դիմում

Սպիտակ խոշորացված համայնքի ամառային զորակոչի նորակոչիկները մեկնել են պարտադիր ժամկետային զինվորական ծառայության

Հայ մրցավարները կսպասարկեն ՈՒԵՖԱ Եվրոպա Կոնֆերենցիաների լիգայի Գզիրա-Աթլետիկ Էսկալդես հանդիպումը

«Զվարթնոց» պատմամշակութային արգելոց-թանգարանում հետայսու ավելի կխստացվի միջոցառումների կազմակերպման գործընթացը

Սահմանադրականությունն ինքնին անկախ պետականության հիմքն է, ՀՀ-ում իշխանությունը պատկանում է ժողովրդին․ Շիրակի մարզպետ

Դեսպան Հովհաննես Իգիթյանը մասնակցել է Լիտվայի Յոնիշկիս քաղաքի օրվա փառատոնին

«Լեռնային Արցախ» ֆուտբոլային ակումբը հանդես կգա Հայաստանի Պրեմիեր Լիգայում

Հրդեհ Էջմիածին քաղաքում. այրվել է քաղաքի շենքերից մեկին հարակից խորդանոցի տանիքը

Սարգիս Ադամյանը պաշտոնապես «Քյոլն» ակումբի ֆուտբոլիստ է

10 հզր դրամ «տուգանք»՝ 18+ կայք այցելելու համար, դրամաշորթում, որին զոհ են դառնում քաղաքացիները. ինչ անել նման դեպքերում

Արարատ Միրզոյանը հանդիպել է Իսպանիայի կոնգրեսի նախագահին

Քրեակատարողական ծառայության պետ Սերգեյ Ատոմյանին արդարադատության գեներալ-մայորի կոչում է շնորհվել

Երևանի Կենտրոն վարչական շրջանի՝ ՔՊ-ի տարածքային խորհրդի նախագահ է ընտրվել արդարադատության նախարար Կարեն Անդրեասյանը

Նիկոլ Փաշինյանը ներողություն չի խնդրի Հրայր Թովմասյանից. Վերաքննիչը վերացրել է առաջին ատյանի դատարանի որոշումը

Քննարկվել են վիրավոր ազատամարտիկների սոցիալական խնդիրները. հանդիպում Արցախի նախագահի հետ

«Ռոսավիցիա»-ն կրկին երկարաձգել է երկրի հարավում թռիչքների արգելքը

«Արարատ» ֆուտբոլային ակումբն արդեն Սկոպյեում է

Շիրակի մարզի մի շարք համայնքներում ջրամատակարարումը 24 ժամով կդադարեցվի

Մեր բոլորի ձգտումը պետք է լինի Մայր օրենքում ամրագրված արժեքներին հավատարիմ մնալը. ԲԴԽ նախագահի պաշտոնակատար

Սարգիս Ադամյանը պայմանագիր կկնքի «Քյոլն»-ի հետ

Սոցցանցի միջոցով շուրջ 22 հազար եվրո հափշտակելու գործը ԱՀ ՔԿ-ում վարույթ է ընդունվել

Արցախի ԱԳ նախարարը հեռախոսազրույց է ունեցել Մերձդնեստրի իր գործընկերոջ հետ

Ռուսաստանը չի մասնակցի Երևանում կայանալիք «Մանկական Եվրատեսիլ-2022»-ին

Քննարկվել են Եկատերինբուրգում ՀՀ Առևտրի տան ստեղծմանն առնչվող հարցեր

Ֆինլանդիան և Շվեդիան ՆԱՏՕ-ին անդամակցելու մասին արձանագրություններ են ստորագրել

Հնդկաստանի ԱԳՆ Արևմտյան ուղղության քարտուղարն այցելել է Հայոց ցեղասպանության հուշահամալիր

Խոշոր ավտովթար Գեղարքունիքի մարզում․ կա տուժած

27 տարիների փորձն ու ներուժը պետք է նպատակաուղղվեն հանուն պետականության ամրապնդման․ Վճռաբեկ դատարանի նախագահ

ԱՄՆ-ը պետք է դադարեցնի ռազմական օգնության տրամադրումն Ադրբեջանին. Շերման

ՀՀ նախագահ Վահագն Խաչատուրյանի հրամանագրերով Սահմանադրության օրվա առթիվ բարձր կոչումներ են շնորհվել

Լույս է տեսել 44-օրյա պատերազմում զոհված Ռաֆայել Նահապետյանին նվիրված գիրքը․ հեղինակը հերոսի մայրն է (լուսանկարներ)

Վերցնելու եմ ԱԺ պատգամավորի մանդատը, հեշտ որոշում չէր ստանձնել այսպիսի պատասխանատվություն. Մարտուն Գրիգորյան

Եկեք ամրացնենք մեր պետությունն ու պետականությունը՝ հարգելով մեր Սահմանադրությունն ու օրենքները․ Արսեն Թորոսյան

Ռուսաստանը հայտարարել է Սև և Ազովի ծովերում նավերի համար երկու մարդասիրական միջանցք ստեղծելու մասին

ՔԿ նախագահ Արգիշտի Քյարամյանին շնորհվել է արդարադատության երրորդ դասի պետական խորհրդականի աստիճան

Լիահույս եմ, որ սահմանադրական իրավունքը առանձնահատուկ և կարևոր դեր պետք է ունենա մեր առօրյայում. Հրաչյա Սարգսյան

ԱԱԾ տնօրենի տեղակալ Սամվել Հայրապետյանին շնորհվել է գեներալ-մայորի զինվորական կոչում

«Զվարթնոց» օդանավակայանի անձնագրային և վիզայի բաժինը աշխատում է շուրջօրյա. ոստիկանության պարզաբանումը