2008 թվականի մարտիմեկյան իրադարձություններից հետո Բաղրամյան 26-ում գործող գաղտնի շտաբից բացի, եւս մեկ գաղտնի շտաբ է եղել

2008 թվականի մարտիմեկյան իրադարձություններից հետո Բաղրամյան 26-ում գործող գաղտնի շտաբից բացի, եւս մեկ գաղտնի շտաբ էլ եղել է ՀՀ գլխավոր դատախազությունում:

Հիշեցնենք, որ ըստ փաստահավաք խմբի` Մարտի 1-ի իրադարձություններից առաջ Բ26-ում գաղտնի շտաբ է գործել, որում ընդգրկված են եղել Ռոբերտ Քոչարյանը, Սերժ Սարգսյանը, Հովիկ Աբրահամյանը, Աղվան Հովսեփյանը, Արմեն Գեւորգյանը, Գորիկ Հակոբյանը, Տիգրան Թորոսյանը, Վարդան Օսկանյանը: 

Դատախազությունում գործող գաղտնի շտաբի մասին Վերաքննիչ դատարանում օրերս հայտարարել էր Մարտի 1-ի գործով տուժող Արթուր Ավագյանի ներկայացուցիչ, փաստահավաք խմբի նախկին անդամ Սեդա Սաֆարյանը:

Վերջինս պատասխանել է մեր մի քանի հարցերին:

-  Տիկին Սաֆարյան, ասացիք, որ ՀՀ գլխավոր դատախազությունում շտաբ է գործել, սա այն շտաբն է, որի մասին ավելի վաղ խոսել էր Փաստահավաք խումբը եւ որը տեղակայված է եղել Բաղրամյան 26-ո՞ւմ:

- Սա մեկ այլ շտաբ է եղել. հանրապետության դատախազությունը պետք է կոորդինացներ Հատուկ քննչական ծառայության որոշակի աշխատանք եւ քննության ուղղությունը կանխոշորեր: Այսինքն՝ Լեւոն Տեր-Պետրոսյանի կողմնակիցների դատապարտումը, այսպես ասած՝ քաղաքական ընդդիմադիրների ջախջախման գործընթացը քրեական ոլորտում պետք է իրականացվեր նախապես պլանավորված այդ սցենարով, դա բացատրվում է նրանով, որ իրենք առաջնահերթություն տվեցին այս հանգամանքներին եւ երկրորդ պլան մղեցին սպանությունների բացահայտումը: Երբ Անդրանիկ Միրզոյանը հարցաքննվել է, նաեւ ընդունել է այդ հանգամանքը, որ այս աշխատանքները կոորդինացվել են, բայց դա կոորիդնացում չի եղել, հենց ուղիղ էլ հարցադրում է եղել, որ շտաբի նման ինչ-որ բան է կազմված եղել է եւ դա ղեկավարել է Հակոբ Ղարախանյանը:

- Հակոբ Ղարախանյանը դատախազությա՞ն, թե՞ ՀՀ հատուկ քննչական ծառայության աշխատակից է եղել:

- Որքան հիշում եմ՝ ինքն այդ ժամանակ ՀՔԾ աշխատակից է եղել:

- Այս շտաբի գոյության մասին նախաքննական մարմինը նո՞ր է իմացել, որովհետեւ նախկինում դրա գոյության մասին տեղեկություն չի եղել:

- Կարծում եմ, այն ժամանակ որեւէ մեկը այդ մասին չի բարձրաձայնել, լուռումունջ արել են՝ առանց դրա անունը շտաբ ներկայացնելու: Մենք տեսել ենք, որ ինչ-որ գործընթացներ են գնում, բայց մենք չենք մտածել, որ այդպես կազմակերպված է ընթանում: Հետո ներկա Հատուկ քննչական ծառայությանը հաջողվել է պարզել, որ դատախազությունում շտաբ է ստեղծվել:

- Գործում կա՞ն տեղեկություններ, թե այդ շտաբը ո՞ւմ հրամանով է ստեղծվել եւ ի վերջո ովքեր են եղել անդամները:

- Կարծում եմ՝ անջատված մասով քննության ընթացքում անդրադարձ կլինի այդ հարցերին: Մարդիկ կան, որոնք հարցաքննվել են: Այնպես չէ, որ Աղվան Հովսեփյանի մեծագույն դերը չի երեւում. ընդգծված գնում է՝ Միրզոյան Անդրանիկ (ՀՔԾ նախկին պետ,-հեղ.), Հանրապետության նախկին դատախազ, Աղվան Հովսեփյան, Վահագն Հարությունյան: Իրենք իշխանության մի թեւ դարձած՝ կազմակերպել են եւ իրականացրել ընդդիմադիր ուժերի ջախջախման գործընթացը, կեղծել են ապացույցներ, ամեն ինչ արել են, որպեսզի ապօրինություններ կատարվեն, սա է եղել շտաբի նպատակը: Ամբողջ համակարգը զբաղվել է Մարտի 1-ի գործընթացը վերեւից ներքեւ գծած սցենարով տանելու եւ ավարտելու:

- Այս շտաբի մասին փաստահավաք խումբը տեղեկություններ ունեցե՞լ է:

- Իրականում մենք չենք իմացել, որ նման բան կա, բայց մենք միշտ իմացել ենք, որ Վահագը լավ բաներով չի զբաղվում, ես եւ Անդրանիկ Քոչարյանը միշտ ասել ենք:

- Անդրանիկ Միրզոյանը հեղափոխությունից հետո՞ է հարցաքննվել եւ ըստ էության ինքը հաստատե՞լ է, որ նման շտաբ է եղել:

- Այո, ինքը չէր կարող չընդունել, որովհետեւ իրեն առաջադրվել են այնպիսի հարցեր, որոնց պատասխանները նա չի կարողացել սպառիչ տալ. հարց է ուղղվել, թե ի՞նչ լիազորություններով են իրենք օժտված եղել, որ ցուցումներ են տվել դատախազության այս կամ այն աշխատողին, գործառույթից դուրս գործառույթներ են իրականացրել: Առիթ կունենանք հետագայում այս մասին խոսելու, ես չեմ ուզում նախաքննական գաղտնիքներ հրապարակել, այսքանը համարում եմ բավարար:

- Միրզոյանը որպես վկա՞ է հարցաքննվել:

-Այո:

- Բաղրամյան Բ26-ում գործող շտաբի մասին գործում ի՞նչ տեղեկություններ կան, օրինակ Արմեն Գեւորգյանը հերքում է, որ ինքը նման շտաբի անդամ է եղել:

- Բոլորն էլ այդ շտաբի գոյության մասին գիտեն. բարձրաստիճան զինվորականները ընդունել են. այնպես չէ, որ Արմեն Գեւորգյանի ցուցմունքը կարող է էական նշանակություն ունենալ, պարզապես էլի հրապարակել չեմ ցանկանում:

- Երեկ ասացիք, որ Ռոբերտ Քոչարյանը իրեն չենթարկվող մարդու մասին ասել է՝ մաման կլացացնեմ: Սա գործում առկա՞ տեղեկություն է, եւ ո՞ւմ մասին է խոսքը:

- Այո, քրեական գործով այդ կարգի ցուցմունք կա, երբ զինվորականը ցուցմունք է տալիս եւ ասում է, որ եկավ, հոխորտաց Միքայել Հարությունյանի վրա, որ նա չի կարողանում իր համակարգի իրավիճակը տիրապետել, չի կարողանում իր համակարգում որոշ մարդկանց վրա ունենալ ազդեցություն, որից հետո անհատական ուղղված ինչ-որ մեկին հայտարարել է, որ ես նրա մաման լացացնելու եմ: Թե ո՞ւմ նկատմամբ, չեմ կարող ասել:

Տպել
9740 դիտում

Առաջնագիծ մեկնեց ԱԻՆ ՓԾ փրկարարների կամավորական գումարտակը (տեսանյութ)

Կեղծիք՝ մանկամտության մակարդակի. «Զինուժ մեդիայի» ռեպորտաժը

Լոնդոնում հայ համայնքը բողոքի ցույց է անում նավթագազային միջազգային ընկերության դիմաց գրասենյակի դիմաց (տեսանյութ)

Վրաստանում ընտրությունների ընթացքում մասնագիտական գործունեությունն իրականացնելիս ծեծի են ենթարկել 6 լրագրողի

«Ճանաչո՞ւմ ես ինձ, ճանաչիր Արցախը: Արցախը ես եմ»․Հենրիխ Մխիթարյանի՝ Արցախի անկախությունը ճանաչելու կոչը

Ադրբեջանն ունի անձնակազմի 6947 կորուստ

Տղաները խոցել են թշնամական 2 տանկ, առգրավել 1 զրահափոխադրիչ․ ՊԲ-ի պարգեւատրման ներկայացրած զինծառայողները

Ադրբեջանը ֆոսֆորային զինամթերք է օգտագործել Արցախում՝ անտառների վրա․ Զոհրաբ Մնացականյան

Մեր բանակը տալիս է այդ ժամանակը

Մահացել է աշխարհահռչակ դերասան Շոն Քոներին

Նիկոլ Փաշինյանը հարցազրույց է տվել Al Arabiya հեռուստաալիքին (տեսանյութ)

Մարտունու շրջանի հրետակոծության հետեւանքով իր տանը զոհվել է 59-ամյա քաղաքացիական անձ․ Արցախի ՄԻՊ

Ձերբակալվել է Թուրքիայի կողմից Ադրբեջան ուղարկված ահաբեկչական խմբավորման անդամ Մըհըրաբ Մուհամմադ Ալ Շխայիրը

Ռուսաստանին ուղղված Հայաստանի դիմումի հետ կապված մանրամասները լրացուցիչ կքննարկվեն. Զախարովա

Հորդորում ենք եվրոպական ու միջազգային ֆուտբոլային հանրությանը՝ համարժեք գնահատական տալ «Գարաբագ» ակումբի վարքագծին

Նիկոլ Աղաբաբյանը վաճառել է կտավները եւ 33 հազար դոլար փոխանցել «Հայաստան» հիմնադրամին

Դանիայի հայ համայնքը շտապօգնության մեքենաներ է նվեր ուղարկում ՀՀ ԱՆ-ին

Ֆոսֆորային զինատեսակի կիրառման փաստերը հերքելու համար Ադրբեջանը լծվել է պարզունակ հայտարարություններ տարածելուն

ԿԳՄՍՆ-ն աշակերտներին առաջարկում է արձակուրդն օգտագործել ավելի նպատակային եւ արդյունավետ

Հիվանդանոցում 10 օրից ավել ծայրահեղ ծանր վիճակում գտնվող զինվորին մայրը գտավ, 2 ժամ հետո տղան մահացավ․ Շ.Դանիելյան