Նկարիչ Հենրիկ Ոսկանյանի անունով փողոց Երեւանում չի լինի. ավագանին մերժեց նախագիծը

Երեւանի ավագանու «Բարգավաճ Հայաստան» խմբակցության անդամ Մարկոս Հարությանն այսօր ավագանու քննարկմանն էր ներկայացրչել որոշման մի նախագիծ, որով առաջարկվում էր Աջափնյակ վարչական շրջանի Բաշինջաղյան փողոցի փակուղին անվանափոխել նկարիչ Հենրիկ Ոսկանյանի փողոց։

Հիմնավորելով առաջարկը՝ ավագանու անդամը նշեց, որ նկարիչ Հենրիկ Ոսկանյանը ապրել եւ ստեղծագործել է Աջափնյակ վարչական շրջանի Բաշինջաղյան փողոցի փակուղում եւ վայելել բնակիչների սերն ու հարգանքը: Նա ստեղծագործել է ուրույն ոճով՝ ստեղծելով իր անհատական ձեռագիրը նկարչական արվեստի բնագավառում: Հենրիկ Ոսկանյանի աշխատանքերը բարձր գնահատականի են արժանացել աշխարհի բազմաթիվ երկրների նախագահների կողմից: Նրա գեղեցիկ ստեղծագործությունները զարդարում են նաեւ գործող բազմաթիվ մշակութային օջախների եւ կառավարական շենքերի դահլիճները:

«Տվյալ տարածքի բնակիչների ցանկությունն է, որ վերոհիշյալ փակուղին անվանափոխվի հայտնի եւ սիրված նկարչի անվամբ: Փակուղին անվանափոխելու մեկ այլ պատճառ հանդիսանում է այն, որ տեղի բնակիչների անձնագրերում հասցեները տարբեր կերպով են գրանցված, օրինակ՝Բաշինջաղյան նրբանցք, Բաշինջաղյան 1-ին նրբանցք, Բաշինջաղյան փակուղի: Այսպիսով, հստակ անվանակոչումը թույլ կտա նաեւ խուսափել այս խնդրից: Բացի այդ, Անաստասավանի բոլոր փողոցները, բացի վերը նշվածից,անվանակոչված են: Հաշվի առնելով նաեւ այն հանգամանքը, որ ե՛ւ Հենրիկ Ոսկանյանը, ե՛ւ Գեւորգ Բաշինջաղյանը, ում անվամբ էլ կոչվում է Բաշինջաղյան փողոցը, անվանի նկարիչներ են, նպատակահարմար եւ տրամաբանական է փակուղու անվանափոխման հարցի դիտարկումը»,- ասաց նախագծի հեղինակը:

Փակուղին նկարչի անունով կոչելու ցանկություն, ըստ նրա, հայտնել են տարածքի բոլոր բնակիչներն անխտիր: Ավագանու մշակույթի, կրթության եւ սոցիալական հարցերի հանձնաժողովն ավելի վաղ այս նախագծին տվել էր բացասական եզրակացություն: Հանձնաժողովի նախագահ Սաթենիկ Մկրտչյանը նիստը ընթացքում պարզաբանեց, որ հանձնաժողովի անդամները չեն առաջնորդվել միայն սեփական կարծիքով ու իմացությամբ, այլ նաեւ դիմել են մասնագիտական հանրությանը եւ չեն ստացել նկարիչ Հենրիկ Ոսկանյանի նշանավորությունն ու հայտնիությունը հիմնավորող փաստարկ:

Բայց ավագանու ընդդիմադիր խմբակցությունները կողմ էին նախագծին եւ փորձում էին հասնել նաեւ գործընկերների որոշման վերանայմանը: «Լույս» խմբակցության անդամ Թեհմինա Վարդանյանը համոզված էր, որ եթե փողոցում ապրող բոլոր բնակիչներն այդպիսի անվանոփոխություն են նախընտրում, ապա պետք է ընդառաջ գնալ նրանց կամքին: Նույն տեսակետն ուներ «Բարգավաճ Հայաստանը»: Հռիփսիմե Առաքելյանը նաեւ նկատեց, որ միեւնույն համքարության ներկայացուցիչների կարծիքները կարող են եւ օբյեկտիվ չլինել, մանավանդ երբ խոսքը վերաբերում է նրանցից մեկի անունով փողոց կոչելուն: Ամեն դեպքում, նիստի ընթացքում էլ ավագանու անդամների մեծամասնությունը դեմ քվեարկեց նախագծին, եւ Աջափնյակ վարչական շրջանում Հենրիկ Ոսկանյանի անունով փողոց չի լինի:

Տպել
935 դիտում

Չորաթան գյուղում տրակտոր է շրջվել. 38-ամյա տղամարդը տեղում մահացել է

ԱՄՆ-ը Հայաստանին տրամադրում է 1,1 միլիոն դոլար` կորոնավիրուսի դեմ պայքարի համար

Արցախի նախագահական ընտրություններում առաջատարն Արայիկ Հարությունյանն է. նախնական

Աշխատանքի գնալիս անհրաժեշտ է լինելու ներկայացնել գործատուի կողմից լրացված ձևաթուղթը. պարետի որոշումը

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել