Դատավոր Գագիկ Հեբոյանն ու փաստաբան Վահագն Դանիելյանն իրենց մեղավոր չճանաչեցին

Երեւան քաղաքի ընդհանուր իրավասության դատարանի Կենտրոնի նստավայրում՝ դատավոր Տաթեւիկ Գրիգորյանի նախագահությամբ, շարունակվում է կաշառք վերցնելու մեջ մեղադրվող դատավոր Գագիկ Հեբոյանի եւ փաստաբան Վահագն Դանիելյանի գործով դատական նիստը:

Նիստի ընթացքում դատարանը ստուգեց ամբաստանյալների ինքնությունը: Դատավոր Գագիկ Հեբոյանը դատավորի հարցին ի պատասխան հայտնեց, որ ամուսնացած է, ունի չափահաս երեխաներ, աշխատում է Կոտայքի մարզի ընդհանուր իրավասության դատարանում որպես դատավոր, նախկինում դատված չի եղել:

Գործով մյուս ամբաստանյալ, փաստաբան Վահագն Դանիելյանը նույնպես ասաց, որ ամուսնացած է, ունի չափահաս երեխաներ, նախկինում դատված չի եղել, աշխատում է ՀՀ փաստաբանների պալատում որպես փաստաբան:

Այնուհետեւ մեղադրող դատախազ Արթուր Չախոյանը հրապարակեց մեղադրական եզրակացությունը: Ըստ այդմ՝ Գագիկ Հեբոյանին մեղադրանք է առաջադրվել այն բանի համար, որ նա, զբաղեցնելով Կոտայքի մարզի ընդհանուր իրավասության դատարանի դատավորի պաշտոնը, հանդիսանալով դատական իշխանության մարմնի ղեկավար աշխատող եւ մշտապես իշխանության ներկայացուցչի գործառույթներ իրականացնող պաշտոնատար անձ, Բենիկ Հարությունյանի օգտին իր լիազորությունների շրջանակում գործողություն կատարելու համար 2019 թվականի մարտի 6-ին նրանից անձամբ պահանջել եւ 2019թ. մարտի 27-ին փաստաբանների պալատի փաստաբան Վահագն Դանիելյանի օժանդակությամբ ստացել է առանձնապես խոշոր չափերի կաշառք՝ 3500 ԱՄՆ դոլար:

Վահագն Դանիելյանին մեղադրանք է առաջադրվել այն բանի համար, որ նա, հանդիսանալով ՀՀ փաստաբանների պալատի փաստաբան, խոչընդոտներ վերացնելու և հանցավոր ճանապարհով ձեռք բերված միջոցները թաքցնելու եղանակով օժանդակել է Կոտայքի մարզի ընդհանուր իրավասության դատարանի դատավոր Գագիկ Հեբոյանի կողմից առանձնապես խոշոր չափերի կաշառք ստանալուն: 

Դատավոր Գագիկ Հեբոյանը եւ փաստաբան Վահագն Դանիելյանը հայտարարեցին, որ առաջադրված մեղադրանքում իրենց մեղավոր չեն ճանաչում:

Փաստաբան Վահագն Դանիելյանի պաշտպաններից Հենրիկ Մաղաքյանը հայտարարեց, որ մեղադրական եզրակացությունը ամբողջությամբ Copy paste է արված Գագիկ Հեբոյանի մեղադրանքից, պարզապես նրա անվան փոխարեն դրվել է Դանիելյանի անունը: «Բացի դրանից, հրապարակված մեղադրանքի ձեւակերպումը բոլորովին չի համապատասխանում գործով ձեռք բերված ապացույցներին եւ դա զուտ քննիչի երեւակայության արդյունքն է: Նկատի ունենալով, որ Դանիելյանի մեղադրանքը որեւէ կերպ հիմնավոր չի, ստիպված է եղել այդ մեղադրանքի ձեւակեպումը Copy paste անել»,-հայտարարեց Մաղաքյանը:

Դատարանն այժմ հրապարակում է ամբաստանյալների մեղադրանքի հիմքում դրված ապացույցները:

Տպել
935 դիտում

Մեքենաների կեսգիշերային մրցավազք Երևանում. վարորդներից մեկը սթափ չի եղել (տեսանյութ)

Շենգավիթում կրկնակի կասեցման ենթարկված և խախտումներ արձանագրած տնտեսավարողները շտկել են խախտումները․ ԱԱՏՄ

Երևանի քաղաքապետ Հայկ Մարությանն այցելել է հիմնանորոգվող մանկապարտեզներ

Որպեսզի ստվերը նկատես եւ նվազեցնես՝ առաջին հերթին պետք է թափանցիկություն եւ հաշվետվողականություն ունենաս. պատգամավոր

Երևանը նոր «կանաչ բնակիչներ» ունի. բուսատեսակները միմյանց հաջորդելով կծաղկեն և քաղաքը միշտ կանաչ կլինի

Երկու ընկերությունների աշխատակազմը միացնելու ենք, որ ավելի մեծ ռեսուրս ունենանք․ Հայկ Եսայան

Ահազանգ է ստացվել «Աջարաբեթ․էյեմ» բուքմեյքերական գլխավոր գրասենյակում ռումբի տեղադրման մասին

Հայաստանի ֆուտբոլի հավաքականի իսպանացի գլխավոր մարզիչ Կապառոսը հետեւում է ՀՀ Գավաթի եզրափակչին

Բուժումն ավարտած և տուն վերադարձած Էլենը կաջակցի քաղցկեղ և արյան հիվանդություններ ունեցող երեխաներին

Մհեր Գրիգորյանը տեսակապի միջոցով մասնակցել է Եվրասիական տնտեսական հանձնաժողովի խորհրդի հերթական նիստին

«Առինջ մոլում» գտնվող շինանյութերի, հագուստի և տնտեսական ապրանքների վաճառքի կետերում հայտնաբերվել են մի շարք խախտումներ

Ժամանակավորապես կասեցվել է Աշտարակի հաշվառման-քննական ստորաբաժանման աշխատանքը

ԱՀ նախագահն ընդունել է Հայաստանի պաշտպանության նախկին նախարար Սեյրան Օհանյանին

Հակոբ Արշակյանն ու Լին Թրեյսին քննարկել են ներդրումների ներգրավման հնարավորությունները

Արտակարգ դրությամբ պայմանավորված՝ Լարսը բաց է միայն բեռնատարների համար

72 և 48 ժամով կասեցվել է Ազատության պողոտայում գտնվող «Նոր Զովք»-ի և Շենգավիթի հրուշակեղենի արտադրամասի գործունությունը

ՀՀ նախագահ Արմեն Սարգսյանը հանդիպել է Բակո Սահակյանի հետ

IDBank-ի և Idram-ի համատեղ հարթակում՝ մի շարք նոր առավելություններ

Գլխավոր դատախազի տեղակալը թոշակի է անցնում. նա ազատման դիմում է գրել

Այսօր նաեւ քննարկվել է Ազգային անվտանգության ռազմավարությանը հավանություն տալու մասին հարցը. Արմեն Գրիգորյան