Կենտրոնացված կարգով անցկացվող քննությունների թիվը առաջիկա տարիներին կմեծանա. Արայիկ Հարությունյան

Առաջիկա տարիներին, բացի 9-րդ դասարանի հայոց լեզու առարկայի քննությունը, կենտրոնացված կարգով կանցկացվեն այլ առարկաների քննություններ եւս: Թե հատկապես որոնք են լինելու դրանք, առայժմ հստակ չէ: «Սեպտեմբերին արդեն տեղյակ կպահենք: Դա կախված է այս քննությունների արդյունքների վերլուծություններից»,- այսօր լրագրողների հետ զրույցում ասաց Կրթության, գիտության, մշակույթի եւ սպորտի նախարար Արայիկ Հարությունյանը՝ նկատի ունենալով հայոց լեզվի կենտրոնացված քննությունները:

Դրանց արդյունքները նախորդ տարվա համեմատությամբ բավական ցածր են: «Միջին գնահատականը մոտ է նախորդ տարվա միջին գնահատականին, բայց շատ խիստ տարբերություններ կան անբավարար եւ գերազանց ստացածների մեջ: Մասնավորապես նախորդ տարվա տոկոսային հարաբերությամբ եթե ուսումնասիրում ենք, ապա տեսնում ենք (այս պահին մոտավոր կարող եմ ասել), որ անբավարար ստացածների թիվը ավելացել է 5 անգամ, իսկ 19-20 գնահատական ստացողների թիվը կրճատվել է 10 անգամ: Սա նշանակում է, որ մենք ավելորդ առավելություններ ենք տալիս մեր աշակերտներին, ոչ օբյեկտիվ ենք գնահատում, եթե քննությունը անցնում է իրենց դպրոցներում՝ իրենց ուսուցիչների ներկայությամբ: Մենք պետք է այնպես անենք, որ հասկանանք, թե այս պահին մեր աշակերտը իրական ինչ գիտելիք ունի, հասկանանք իրական գնահատականները եւ ըստ դրա արդեն փոփոխություններ անենք ծրագրերում ու չափորոշիչներում: Երբ որ մենք իրական գնահատականը չգիտենք, իսկ ամբողջ աշխարհում այսօր ամենակարեւորը ճշգրիտ ինֆորմացիան է, չենք կարող արդյունավետ ռեֆորմներ անել: Կենտրոնացված եւ միասնական քննությունների ժամանակ այս վերահսկողությունը հենց դրա համար է, որպեսզի իրական պատկերը ունենանք: Կենտրոնացված քննությունը մասնավորապես 9-րդ դասարանում լուծում է այդ հարցը: Բացի այդ, այլ խնդիրներ էլ է լուծում, եւ մենք պատրաստվում ենք արդեն հաջորդ տարիներից կենտրոնացված անցկացվող քննությունների թիվը ավելացնել»,- նկատեց Արայիկ Հարությունյանը:

Ժամանակին թեստային քննությանն անցնելը հիմնավորվում էր մարդկային գործոնը չեզոքացնելու նպատակով: 9-րդ դասարանի հայոց լեզվի թեստում, սակայն, այս տարի կային շարադրության տարրեր, ինչը, փաստորեն, նշանակում է վերադարձ մարդկային գործոնին՝ բնականաբար սուբյեկտիվ վերաբերմունքով: Ու եթե դպրոցներում այդ առաջադրանքները ստուգել էին ուսուցիչներ, հետո այդ գնահատականից դժգոհ մարդիկ դիմեցին, էլի ստուգեցին ուսուցիչներ, այսինքն՝ էլի սուբյեկտիվ գործոն: Այդ առումով որքան է օբյեկտիվ գնահատականը:

Այս դիտարկմանը նախարարը պատասխանեց. «Եթե մենք համակարգում չունենք 200-300 հոգի, ում վստահելու ենք, ապա դա խնդիր է: Եվ մենք հիմա փորձում ենք այդ համայնքը ձեւավորել, ում վստահելու ենք սուբյեկտիվ հատվածները ստուգելը: Եվ լավ մասնագետներին ենք վստահելու: Ես կարծում եմ, որ այդ սուբյեկտիվիզմը մաքսիմալ ցածր մակարդակի է եղել այս անգամ, որովհետեւ ի վերջո այն ուսուցիչները, որոնք ստուգում են, այդ աշխատանքները, նրանք դպրոցներում մեր ռեֆորմները իրականացնողներն են: Այսինքն՝ այն օղակներն են, որոնք այդ ռեֆորմները տեղ են հասցնելու: Եվ եթե մենք չունենք մի քանի հարյուր մասնագետ, մենք լուրջ խնդրի առաջ ենք: Մենք ունենք նման մասնագետներ, եւ 9-րդ դասարանի հետ կապված անկեղծ պետք է ասեմ, մենք շատ քիչ բողոքներ ենք ստացել: 9-դ դասարանի քննությունները լավ մակարդակով են անցել: Այս անցումը իհարկե ցավալի է: Բոլոր նման մեծ անցումները ցավալի են լինում»:

Տպել
14305 դիտում

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի

Ոստիկանները հայտնաբերեցին պոռնկությամբ զբաղվելու մեջ կասկածվող 28 կնոջ (տեսանյութ)