Կոտայքի մարզպետն իր վարքագծով փչացրեց Աբովյանի ընտրությունները, երեւի լավ կանի` հրաժարական տա․ Էդմոն Մարուքյան

Աբովյանում ընտրություններում հաղթել է գործող քաղաքապետը։ Եւ այստեղ նորմալ իրավիճակից որեւէ շեղում չեմ տեսնում։ Ժողովրդավարությունն այն է, որ ՀՀ քաղաքացիները որոշում են, թե ով է կառավարելու տվյալ համայնքը։ Այս մասին այսօր ԱԺ-ում լրագրողների հետ զրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով երեկ Աբովյանում տեղի ունեցած համայնքապետի ընտրություններին, որտեղ ՔՊ թեկնածուին հաղթեց գործող քաղաքապետը՝ 400 ձայնից մի փոքր ավելի հարաբերակցությամբ։ Ի դեպ՝ գործող քաղաքապետը Գագիկ Ծառուկյանի մտերիմն է։

Էդմոն Մարուքյանը Աբովյանի քաղաքապետի ընտրություններում մտահոգիչ է համարում ընտրություններին մասնակցած ընտրողների ցածր թիվը․ ընտողների 60 տոկոսը չի մասնակցել ընտրություններին:

«Սա ցույց է տալիս, որ ՀՀ քաղաքացիները այսքան փոփոխություններից հետո դեռեւս չեն արժեւորում իրենք իրենց մեկ ձայնը այնպես, ինչպես պետք է արժեւորեն»,- հայտարարեց Մարուքյանը:

Անդրադառնալով ընտրությունների ընթացքին ու գրանցված արդյունքներին՝ Մարուքյանը նկատեց, որ որեւէ քաղաքի ընտրություն պետք չէ կապել հեղափոխության կամ հակահեղափոխության հետ՝ այլեւս:

«Մի քաղաքի ընտրություն է, հիմա կարող է Վահագը կառավարի, Գրիգորը կառավարի, ով ուզում է՝ կառավարի: Կան օրենքներ, կա Սահմանադրություն, մենք էստեղ օրենքներ ենք ընդունում ու մեր ընդունած օրենքներով պետք է այդ քաղաքները կառավարվեն», - հայտարարեց Մարուքյանը:

Մարուքյանի պնդմամբ՝ սխալ է կարծել, որ իշխանությունը պետք է հաղթեր բոլոր տեղերում:

Ինչ վերաբերում է հարցին՝ Աբովյանի քաղաքապետի ընտրություններում Գագիկ Ծառուկյանի գործոնը որոշի՞չ է եղել, Մարուքյանը դրական պատասխան տվեց ու հավելեց. «Եղել է աջակցություն, ԲՀԿ-ի պատգամավորները այնտեղ են եղել, աջակցել են, բա էդպես պետք է լիներ, քաղաքական պրոցես է»:

Անդրադառնալով քվեարկության օրը Կոտայքի մարզպետ Ռոմանոս Պետրոսյանի վարքագծին՝ Մարուքյանը ընդգծեց.

«Կարծում եմ` Կոտայքի մարզպետն իր վարքագծով փչացրեց ընտրությունները, երեւի լավ կանի` հրաժարական տա: Բայց իրենց թիմն է, թող իրենք որոշեն: Ես կարծում եմ, որ ընտրություններին պետք չէ կյանքի ու մահու կոնտեքստում մոտենալ։ Ավելի մտահոգություններ ունեմ պրոցեսի հետ կապված՝ ովքեր էին բերման ենթարկվողները եւ նման այլ հարցեր։ Մենք պետք է ամեն ինչ անենք, որ ունենանք հանգիստ ընտրություններ»,- եզրափակեց ԼՀԿ խմբակցության ղեկավարը:

Տպել
12960 դիտում

Երևանի Թումանյանի այգու մոտակա ձորակն ընկած քաղաքացուն հոսպիտալացրել են

ՀԿԵ-ն հայտնում է երկաթուղային ճանապարհով ներկրման անկման մասին

1400 մահճակալ ունենք կորոնավիրուսի համար, բայց դրանց կեսն է զբաղված․ Նիկոլ Փաշինյան

Առողջության համաշխարհային օրն է. ԱՀԿ-ն առաջարկում է գտնել մեկ րոպե, շնորհավորել բուժաշխատողներին

Կորոնավիրուսի 20 նոր դեպք է հաստատվել. պահպանում ենք զգուշավոր լավատեսությունը. վարչապետ (տեսանյութ)

Վթար Երևան-Երասխ ավտոճանապարհին. ուղեւորը հոսպիտալացվել է

Թող ձեր ընտանիքներում տիրեն միայն երջանկությունն ու բարօրությունը. Բակո Սահակյանի ուղերձը

Արմեն Սարգսյանը շնորհավորական ուղերձ է հղել Մայրության և գեղեցկության տոնի առթիվ

Աբովյան քաղաքի 3-րդ միկրոշրջանի բնակարաններից մեկում հայտնաբերվել է դի

Երեկվա դրությամբ 2 միլիարդ 353 միլիոն դրամ աջակցություն է բաշխվել. վարչապետ

Պոլսահայ մտավորական Մասիս Քյուրքչյուգիլը կորոնավիրուսի կասկածանքով հիվանդանոցում է

ՀՀ 4 մարզերում ձյուն է տեղում. Սարավան-«Զանգեր» հատվածում տեղ-տեղ առկա է մերկասառույց

Մեծ Բրիտանիայի վարչապետի վիճակը վատթարացել է. տեղափոխել են ինտենսիվ թերապիայի բաժանմունք

Կորոնավիրուսի վարակի կասկածով 400 քաղաքացի դուրս է եկել մեկուսացումից

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին