Կենտրոնական բանկը պետք է մնա անկախ ու ապաքաղաքական կառույց, միաժամանակ՝ իր իրավասությունների տիրույթում․ Բաբկեն Թունյան

«Պարոն Բաբաջանյան, շնորհակալ եմ, որ ընթերցել եք հոդվածներս, բայց այսօր եւ նախկինում ընդհանրապես կաշկանդված չեմ»,- ԱԺ ամբիոնից այս մասին ասաց «Իմ քայլը» խմբակցության պատգամավոր, տնտեսագետ Բաբկեն Թունյանը՝ անդրադառնալով «Լուսավոր Հայաստան» խմբակցության պատգամավոր Արման Բաբաջանյանի այն ելույթին, որտեղ վերջինս ասաց, թե Թունյանը, որը որպես լրագրող նախկինում քննադատում էր Կենտրոնական բանկի նախագահ Արթուր Ջավադյանին, հիմա արդեն կաշկանդված է։

«Այսօր էլ լավ բանին ասում ենք՝ «լավ է», վատ բանին ասում ենք՝ «վատ է»: Այսօր էլ կհամոզվեք դրանում»,-շարունակեց Բաբկեն Թունյանը՝ ընդգծելով, որ Արթուր Ջավադյանի փաստաբանի դերը չի ուզում ստանձնել, բայց միայն այն փաստը, որ մարդը նախկին իշխանության օրոք է պաշտոնը ստանձնել եւ զբաղեցրել, ուրեմն, դա բավարար է, որպեսզի նրա ծառայությունից հրաժարվե՞ն․

«Այդ դեպքում նայենք ձեր խմբակցության պատգամավոր Արկադի Խաչատրյանին, որը եղել է նախագահի աշխատակազմի բարձրաստիճան պաշտոնյա, ԿԲ խորհրդի անդամ, ԿԲ նախագահի խորհրդական: Նույն տրամաբանությամբ՝ նա ձեր շարքերում չպետք է լիներ, բայց շատ լավ է, որ ձեր շարքերում է, անկեղծ՝ ուրախ եմ»:

Բաբկեն Թունյանը կարեւորեց, որ թավշյա հեղափոխության օրերին եւ հաջորդած ժամանակաշրջանում մենք չենք ունեցել ֆինանսական ցնցումներ, մեր ֆինանսական շուկան չի փլուզվել, մենք չենք ունեցել փոխարժեքի տատանումներ եւ այդ գործում, ըստ Թունյանի, մեծ դեր է ունեցել Կենտրոնական բանկը․

«Դա գործոններից մեկն է եղել, բայց նաեւ հասարակության սպասումները։ Այսինքն հասարակությունն ակնկալում էր իրավիճակի բարելավում։ Եղան մանր-մունր ցնցումներ, բայց հետ եկան նախկին հունին»,-ասաց Թունյանը՝ շարունակելով․

«Կենտրոնական բանկի ֆունկցիան տնտեսական աճ ապահովելը չի, տնտեսական աճ ապահովելը Կառավարության ֆունկցիան է, այլ հարց է, որ Կենտրոնական բանկն ու կառավարությունը պետք է կոորդինացված գործեն, որպեսզի եւ՛ գները կայուն լինեն, եւ՛ տնտեսական աճ ապահովվի: Կենտրոնական բանկը պատասխանատու է գնաճի համար, այսինքն՝ գների ընդհանուր մակարդակի համար, առանձին ապրանքների գների համար՝ երշիկ, կարագ, բենզին, դրանց համար պատասխանատու է ՏՄՊՊՀ, այսինքն՝ հարցի հասցեատերերին չպետք է խառնել: Շատ կարեւոր է, որ Կենտրոնական բանկը մնա անկախ ու ապաքաղաքական կառույց, բայց միաժամանակ Կենտրոնական բանկն էլ պետք է մնա իր իրավասությունների տիրույթում, որովհետեւ մեկ-մեկ մենք ինքներս Կենտրոնական բանկին չափից ավելի իրավասություններ ենք վերագրում»,-ասաց Թունյանը:

Տպել
10746 դիտում

Հրդեհ է բռնկվել Մատենադարանի հետնամասում

Բյուրեղավանում 18 և 41 տարեկան երկու տղամարդ է դանակահարվել. կա ձերբակալված

Հրդեհի մի օջախը մարված է. Նուբարաշենի աղբավայրում հրդեհաշիջման աշխատանքները շարունակվում են (տեսանյութ)

Աբովյանում վագոն-տնակ է այրվել

Ադրբեջանի հայտարարությունները հուշում են, որ առաջիկայում ևս սահմանին սադրանքների մեծ ռիսկը կպահպանվի. Տիգրան Աբրահամյան

ՀՀ պաշտպանության նախարարը և ԶՈՒ գլխավոր շտաբի պետը մասնակցել են հավաքների ամփոփմանը

Ռազմական օդաչուները թռիչքներ կիրականացնեն Երևանի օդային տարածքում

Ռևանշ, որը մտածելու առիթներ է տալիս. «Արարատ-Արմենիայի» եվրագավաթային «կամպանիան» շարունակվում է

«Մանկան տուն» ՊՈԱԿ-ի երկու աշխատակից ձերբակալվել է սաներին առերեւույթ ծեծի ենթարկելու կասկածանքով. ՔԿ

47-ամյա քաղաքացին ընկել է Վաչագան գետը

Աննա Հակոբյանը Վանաձորում մասնակցել է «Իմ քայլը» հիմնադրամի նախաձեռնած մաքրապատման աշխատանքներին

Հայաստանում մեկնարկում է «Կովկաս-2020» ռազմավարական հրամանատարաշտաբային զորավարժությունները (տեսանյութ)

Պետության և բիզնեսի բարդ երկխոսությունը

Ընկերություն. Աննա Հակոբյանը լուսանկարներ է հրապարակել Գյումրիից

31-ամյա տղամարդը կայանված էվակուատորից գողացել է անվադողեր, մարտկոցներ և 80 լիտր դիզվառելիք

Դիլիջանում 36-ամյա քաղաքացին գլորվել և ընկել է ձորը

Կայացել է քննարկում «Հայաստանի Հանրապետությունում կրթության հեռանկարներն ու հիմնախնդիրները» խորագրով

24 տոննա կարագով բեռնված հայ-իրանական սահմանում այրվող բեռնատարը պատկանում է «Մարիաննա» ՍՊԸ-ին

Հայ-իրանական սահմանի միջպետական նշանակության ավտոճանապարհին ավտոմեքենա է այրվում. ճանապարհը երկկողմանի փակ է

1 աշխատակից ազատվել է աշխատանքից, 4-ին տրվել է գրավոր նկատողություն. Ուռուցքաբանության ազգային կենտրոնի արձագանքը