Գորիսի կայազորի ՌՈ նախկին պետ․ Մարտի 1-ին 50-100 մեքենա Ղարաբաղից Գորիսի կայազորով անցել են դեպի Երևան

24/05/2019 schedule19:21

Պետական վերահսկողական ծառայության պետի խորհրդական Աշոտ Վանյանը, ով 2008-ին Գորիսի կայազորի ռազմական ոստիկանության պետ է եղել, «Ազատության» հետ զրույցում պատմել է, որ 2008-ի մարտի 1-ին Ղարաբաղից զինծառայողների շարասյուն է մտել Հայաստան, և ինքն անձամբ է դիմավորել:

«2008 թվականի մարտի 1-ին ժամը 17:00-ի սահմաններում, ես ուղղակի չեմ հիշում, կամ շրջաբերական ենք ստացել, կամ բանավոր զանգահարել են և հրահանգ էին տվել, որ զորքը, որը որ ուղևորվում է դեպի Երևան, կար մաս, որը որ պետք է ուղեկցեինք, կար մաս, որը որ պետք է ուղղակի ապահովեինք անվտանգ երթևեկությունը Գորիսի կայազորով: Կոնկրետ Ղարաբաղից, կոնկրետ թիվը չեմ հիշում, բայց կասեմ հաստատ՝ 50-100 մեքենա մարտի 1-ի երեկոյան մոտ 17:00-ից հետո անցել են Գորիսի կայազորը, մեքենաներ, որոնք որ տեղափոխում էին անձնակազմը՝ Պաշտպանության բանակի զինծառայողներին: Ղարաբաղից Գորիսի կայազորով անցան դեպի Երևան: Հայտարարվել ա, որ զորք չի եկել, բայց ես անձամբ այդ զորքի անվտանգ երթևեկությունը ապահովել եմ դեպի Երևան», - հայտարարեց Վանյանը: 

Մարտի 1-ի գործով առանցքային մեղադրյալ, Ռոբերտ Քոչարյանի փաստաբաններից Արամ Օրբելյանը հրաժարվեց հարցազրույց տալ, բայց ասաց, թե այս հայտարարություններն իրար չեն հակասում: Նա ընդգծեց, թե քրեական գործում առկա չէ գոնե մեկ նյութ, որ Լեռնային Ղարաբաղից որևէ զինծառայող է բերվել Երևան:

Այս մասին դատարանում հայտարարել էր նաև Հայաստանի երկրորդ նախագահ Ռոբերտ Քոչարյանը:

«Արցախի զինված ուժերից մեկ մարդ չի բերվել Հայաստանի Հանրապետություն այդ միջոցառումներին այդ ընթացքում: Մեկ մարդ չի բերվել: Հետո կբացատրեմ, թե ինչի մասին է խոսքը», - ասել էր նա:

Մինչդեռ Քոչարյանի գործով մեղադրական եզրակացությունում գրված է․ «Մարտի 1-ին Երևան է տեղափոխվել Ղարաբաղի պաշտպանության բանակի շուրջ 1000 պայմանագրային զինծառայողներից և սպաներից կազմված համահավաք գումարտակ»:

Նախկին զինվորական Աշոտ Վանյանն ասում է, որ Ղարաբաղից Հայաստան մտած զինվորականների մի մասն էլ Գորիսի զորամասերից մեկում է գիշերել: Ավելին՝ նրա խոսքով, Ղարաբաղից Երևան զինծառայողներ տեղափոխող մեքենաներից մի քանիսն ունեցել են Հայաստանի պաշտպանության նախարարության պետհամարանիշներ: Այս մասին հիշատակում կա նաև գործի մեղադրական եզրակացությունում:

«Մենք տեղեկություն ենք ստացել, որ Գորիսից զորամասերից մեկի ՊՆ տարբեր պետհամարանիշները հավաքվել է զորամասի տարածքում գտնվող մեքենաներից, տարբել է դեպի Ղարաբաղ, Պաշտպանության բանակ, և այդ մեքենաները եկել էին ՊՆ պետհամարանիշներով: Կարող է ուրիշ պետհամարանիշներ էլ կային, բայց այդ համարներով մեքենաներ կային», - պնդեց Վանյանը: 

Մինչև անցած տարվա հեղափոխությունը Վանյանը ռազմական ոստիկանության պետի տեղակալն էր: Նա ասաց, թե աշխատանքից ազատման պատճառը ղեկավարի ապօրինի հրամանը չկատարելն է եղել: Այժմ Պետական վերահսկողական ծառայության պետի խորհրդականն է:

Շարունակությունը՝ սկզբնաղբյուր կայքում:

Տպել
2514 դիտում

Արազ Օզբիլիսը հեռացել է թուրքական ֆուտբոլային ակումբից

Վթարի պատճառով 8 ժամ ջուր չի լինելու Նոր Նորքում

Մովսես գյուղում այրվել է մոտ 10 հա խոտածածկույթ. կրակը մարելուն օգնել է գյուղի 23 բնակիչ

Երևանում և 8 մարզում այսօր սպասվում են էլեկտրաէներգիայի պլանային անջատումներ

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները