Երևան
14 °C
Տպագրվել է «Հայկական Ժամանակ» օրաթերթի՝ 2006 թվականի մայիսի 24-ի համարում
«Ռոյալ-Արմենիա» ընկերության նախագահ Գագիկ Հակոբյանի եւ նախկին տնօրեն Արամ Ղազարյանի հետ տեղի ունեցած պատմությունը վառ ապացույց է, որ ՀՀ-ում իշխանությունները չեն հանդուրժում անհնազանդ եւ «չմուծվող» գործարարներին: Հիշեցնենք, որ Հակոբյանը եւ Ղազարյանը 2005թ. հոկտեմբերի 11-ից կալանավորված են: Քրգործը հարուցվել եւ քննվում է ՀՀ կառավարությանն առընթեր ԱԱԾ քննչական վարչության կողմից` ՀՀ կառավարությանն առընթեր մաքսային կոմիտեի տրամադրած նյութերի հիման վրա: Հակոբյանին եւ Ղազարյանին մեղադրանք է առաջադրվել ՔՕ 215 («Մաքսանենգություն») եւ 325 («Փաստաթղթերի կեղծում») հոդվածներով, նրանց նկատմամբ խափանման միջոց է ընտրվել կալանքը: Այս քրգործի նախապատմությանը եւ ընթացքին բազմիցս անդրադարձել ենք:
Ամեն ինչ սկսվել է 3 տարի առաջ` երբ Հակոբյանը ասուլիսում հայտարարել է, որ Մաքսային կոմիտեի նախագահությունը եւ որոշ վարչության պետեր իրենից կաշառք են պահանջել: «Ռոյալ-Արմենիայի» ղեկավարությունը հրաժարվել էր կաշառք վճարել, ինչից հետո Մաքսային կոմիտեն ուղղակի սկսել էր ընկերության նկատմամբ հաշվեհարդար տեսնել: Այս ամենին մեր թերթը եւ մյուս ԶԼՄ-ները բազմիցս անդրադարձել են, «Ռոյալ-Արմենիայի» տնօրինությունը 3 տարի շարունակ պարբերաբար կրկնել է Մաքսային կոմիտեի ղեկավարության հասցեին ուղղված իր մեղադրանքները: Պետական պաշտոնյաներին կաշառակերության մեջ մեղադրող Հակոբյանը զրպարտության համար պատասխանատվության չի կանչվել (հավանաբար հայտարարվածը ապացուցող ինչ-որ փաստեր ունի, եւ դրա համար իշխանությունները այդ տեսանկյունից խնդրին չեն անդրադարձել):
Միեւնույն ժամանակ Մաքսային կոմիտեի ղեկավարությունը շարունակում է պաշտոնավարել, իսկ Ռոբերտ Քոչարյանը գոհ է նրանց «աշխատանքից»: Փոխարենը «Ռոյալ-Արմենիայի» տնօրինությունն ազատությունից զրկվեց եւ շարունակում է մնալ կալանավորված: Հակոբյանի եւ Ղազարյանի փաստաբանները բազմիցս հայտարարել են, որ «Ռոյալ-Արմենիայի» տնօրինության կալանքին հաջորդած առաջին 3 օրերին են միայն քննչական աշխատանքներ կատարվել: Հետագա ամիսներին Հակոբյանին եւ Ղազարյանին կալանավորված պահելու միակ գործնական արդյունքը եղել է նրանց ազատությունից զրկելը: Սակայն սա եւս ամենը չէ:
Մայիսի 10-ին «Ռոյալ-Արմենիայի» տնօրեն Տոնի Էլ Լաբակին եւ ընկերության իրավաբան Գեւորգ Միանասյանը ՀՀ գլխավոր դատախազին, ԱԱԾ քննչական վարչության պետին, ՀՀ վճռաբեկ դատարանի նախագահին եւ Կենտրոն եւ Նորք-Մարաշ համայնքների առաջին ատյանի դատավոր Էդիկ Ավետիսյանին (նա է եղել կալանքի որոշումը կայացնող դատավորը) ուղարկել են մի վերլուծություն` իր կից փաստաթղթերով: Վերլուծությունից պարզ է դառնում, որ Հակոբյանի եւ Ղազարյանի կալանքի երկարաձգումները, ինչպես քրգործի հարուցման հիմքում ընկած փաստարկները, նույնպես եղել են անհիմն: Հակոբյանի եւ Ղազարյանի խափանման միջոցը կալանք ընտրելու որոշումը Էդիկ Ավետիսյանը կայացրել է ԱԱԾ քննիչ Մնացական Մարուքյանի միջնորդություններով: Մինչ օրս դատավոր Ավետիսյանը 3 անգամ 2-ական ամսով երկարացրել է կալանքի ժամկետը:
Ամեն ինչ սկսվել է առաջին միջնորդության ժամանակ` 2005թ. նոյեմբերի 26-ին: Քննիչը դիմելով դատարանին` կալանքի ժամկետը երկարացնելու միջնորդությունը պատճառաբանել է, որ քրեական գործի շրջանակներում «Ռոյալ-Արմենիայում» սկսվել է հաշվապահական փաստաթղթերի ստուգում: Երբ այս տարի ապրիլի վերջին ավարտվել են այդ ստուգումները, պարզվել է, որ քննիչի՝ հաշվապահական ստուգումներ անցկացնելու որոշումը կայացվել է 2006թ. հունվարի 9-ին: Այսինքն, Հակոբյանի եւ Ղազարյանի կալանքի երկարացման առաջին միջնորդությունից եւ դրան հետեւած դատարանի որոշումից մոտ 1 ամիս հետո: Մի խոսքով, քննիչը ցանկացել է, որպեսզի կալանքը երկարացվի, դատավոր Ավետիսյանին անհրաժեշտ է եղել, որպեսզի քննիչն իր «ցանկությունն» ինչ-որ կերպ հիմնավորի, որ ինքն այն բավարարի:
Այդպես էլ արվել է: Մնացած մանր հարցերը, ինչպիսիք են օրենքների պահանջները պահպանելը եւ օրինականությունը, վերը նշված 2 սուբյեկտներին կարծես թե առանձնապես չեն էլ հետաքրքրել: Ինչ վերաբերում է ստուգմանը եւ դրա արդյունքներին. «Ռոյալ-Արմենիայի» պատրաստած վերլուծությամբ հիմնավորվել է նաեւ, որ դրանք եւս ապօրինի են եղել, քանի որ ստուգումներ անցկացնողը, ըստ ներկայացված փաստաթղթերի, եղել է ՀՀ ֆինանսների եւ էկոնոմիկայի նախարարությունը: Վերջինս նման ստուգում անցկացնելու լիազորություն չունի: Բացի այդ, «Ռոյալ-Արմենիայի» փաստաբանները ապացուցել են նաեւ, որ իրենց ընկերության 2000-2005թթ. ֆինանսական գործունեության հետ կապված որոշ փաստեր կեղծվել են:
Իսկ ստուգման արդյունք դարձած ակտում մատնանշվող իբր թե օրինախախտումների փաստարկները կառուցված են հենց կեղծված փաստերի վրա: Այս ամենը, ինչպես արդեն նշեցինք, ամբողջությամբ եւ բավական հիմնավոր ներկայացված է «Ռոյալ-Արմենիայի» վերլուծության մեջ: Իհարկե, կարելի է նաեւ այդ մասով ներկայացնել այդ փաստաթուղթը, բայց կարծում ենք՝ այլեւս անիմաստ է շարունակել անդրադառնալ այս խնդրի իրավական կողմին, որովհետեւ այս պատմության ողջ իմաստը եղել է եւ մնում է կաշառք չտվող գործարարին անհնազանդության համար պատժելը: Իսկ նման պայմաններում իշխանության տարբեր մարմինների գործողությունների օրինականության շուրջ քննարկումները դառնում են ծիծաղելի:
Վահագն Հովակիմյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ