Ռոբերտ Ահարոնյան, Սաքուլիկ, «Ախալքալաքցիների գունդ». ովքե՞ր են Քոչարյանի աջակիցները

Մայիսի 14-ին Երևան քաղաքի Ավան և Նոր Նորք վարչական շրջանների ընդհանուր իրավասության դատարանում շարունակվեց նախկին նախագահ Ռոբերտ Քոչարյանի խափանման միջոցի վերաբերյալ դատական նիստը, որն ուղեկցվեց նրա աջակիցների ցույցով։

Ինչպես հայտնում է fip.am-ը, ցույցերի մասնակիցների թվում են եղել կասկածելի անցյալով և վարքագծով հայտնի մի շարք մարդիկ։ «Փաստերի ստուգման հարթակը» պարզել է նրանցից որոշների ինքնությունը։

Արմեն Մինասյան

Սկսենք, թերևս, Ռոբերտ Քոչարյանի աջակիցների ոչ պաշտոնական առաջնորդից՝ Արմեն Մինասյանից։ Նա ասպարեզում հայտնվել է 2018 թվականին։ Մինասյանը ֆեյսբուքում ունի իր սեփական էջը՝ մոտ 2,800 հետևորդով, և վարում է «Հայոց Ազգային Դաշինք» անվանումով մի այլ էջ՝ 11,700 հետևորդով։

Մինասյանն առավել հայտնի դարձավ անցած դեկտեմբերին, երբ Երևանում նրա գլխավորած «Ազատություն նախագահին» նախաձեռնող խումբը ցույց անցկացրեց Գլխավոր դատախազության շենքի մոտ` պահանջելով ազատ արձակել Քոչարյանին։

Այդ ցույցից հետո իշխող «Քաղաքացիական պայմանագիր» (ՔՊ) կուսակցության անդամ Դավիթ Հովհաննիսյանը հրապարակեց մի գրառում, ըստ որի՝ Մինասյանը «հեղափոխությունից հետո օրեր շարունակ գալիս էր ՔՊ գրասենյակ ու գործ էր մուրում»։ Գրառմանը կցված էր նկար, որում պատկերված էր Մինասյանը՝ ՔՊ գրասենյակում։

Մինասյանը հակադարձեց, որ ինքը գնացել էր ՔՊ գրասենյակ 2018-ի գարնանը՝ բացատրություն պահանջելու իր անչափահաս որդուն իրենց քարոզչական գործերում ներառելու համար։

Ռոբերտ Ահարոնյան

Քոչարյանի աջակիցների թվում էր նաև Ռոբերտ Ահարոնյանը։ Նախկինում հայտնի որպես կոմունիստ և «Հայաստանի սոցիալիստական շարժում» կուսակցության նախագահ՝ Ահարոնյանը աչքի է ընկել որպես «գեյերի դեմ ցույցերի մասնակից»։

Նա 2015-ին ԼԳԲՏ համայնքի խորհրդանիշ համարվող ծիածան դրոշը այրել էր Երևանում Եվրամիության ներկայացուցչության դիմաց։

Չնայած դրան՝ 2015 թ. նոյեմբերին համացանցում էր հայտնվել մի տեսանյութ, որում Ահարոնյանը գեյ ծանոթությունների համար նախատեսված կայքով ծանոթանում էր երիտասարդ տղաների հետ։ Ահարոնյանը տեսանյութը «սարքած» էր համարել։

Գագիկ Բաղդասարյան

Քոչարյանի աջակիցներից հաջորդը Գագիկ Գուրգենի Բաղդասարյանն է, որն ունի բավականին հետաքրքիր անցյալ։ 2010-2013 թթ. նա եղել է ԱԺ պատգամավոր, «Օրինաց Երկիր» խմբակցության անդամ։

Այնուհետև 2013 թ. նա «Բարև Երևան» դաշինքի կազմում ընտրվել էր Երևանի ավագանու անդամ։

Մայիսի 13-ին ԱԺ փոխնախագահ Ալեն Սիմոնյանը գրառում հրապարակեց, ըստ որի՝ Բաղդասարյանը 2018 թվականի քաղաքական վերադասավորումներից հետո մասնակցել է Փաշինյանի կողմնակիցների ավտոերթին և պայքարել Երևանի քաղաքապետ Տարոն Մարգարյանի դեմ։

Ըստ Սիմոնյանի, նա հետագայում նաև մասնակցել է «Իմ քայլը» դաշինքի ցուցակ մտնելու համար հարցազրույցի, սակայն չի անցել։

Սերգեյ Խառատյան («Սաքուլիկ»)

Նախկին նախագահի աջակիցների շարքում մեր թիմը կարողացավ նույնականացնել 2013-ին հայտնի դարձած «Սաքուլիկին»։

2013 թ․ Երևանի գործող քաղաքապետ, ՀՀԿ-ական Տարոն Մարգարյանը Հայաստանի պետական տնտեսագիտական համալսարանում պետք է պաշտպաներ իր ատենախոսությունը։

Որոշ լրագրողներ, ցանկանալով ներկա գնտվել նրա ատենախոսության բաց պաշտպանությանը, հանդիպել էին մի խումբ մարդկանց «արգելապատնեշի»։ Մասնակիցներից ամենաակտիվը, թերևս, Սերգեյ Խառատյանն էր, նույն ինքը Սաքուլիկը։ Նա այն ժամանակ տնտեսագիտական համալսարանի ուսխորհրդի նախագահն էր։

Մայիսի 14-ին Սաքուլիկը Քոչարյանի աջակիցների թվում էր։ Լրագրողների հետ զրույցում նա հայտնեց, որ նախկինում ՀՀԿ անդամ էր, իսկ այժմ՝ ոչ։

«Ախալքալաքցիների գունդ»

Աջակիցների ցույցին ներկա էր նաև 2013 թ. փետրվարին Երևանի պետական համալսարանի դասադուլավոր ուսանողներին հայհոյող «Ախալքալաքցիների գունդ» անունը ստացած խմբի առնվազն մեկ անդամ։

Ռոման Նազարյան

Ռոման Միխայիլի Նազարյանը 2018 թ. ԱԺ ընտրությունների ժամանակ եղել է «Լուսավոր Հայաստան» կուսակցության ցուցակի 140-րդ համարը, ինչպես նաև ռեյտինգային թեկնածու՝ թիվ 4 ընտրատարածքում, որն ընդգրկում է Երևանի Կենտրոն, Նորք-Մարաշ, Էրեբունի և Նուբարաշեն համայքները։

Այլք

Մայիսի 14-ի ցույցի մասնակիցներից էր նաև ռուսաստանահայ քաղաքական մեկնաբան Գեորգ Խաչատրյանը։ Նա հանդես է եկել տարբեր թեմաների շուրջ մեկնաբանություններով «Քաղաքացիական հարթակ» ֆեյսբուքյան էջով։

Մյուս մասնակիցը, որը ևս կապեր ունի Ռուսաստանի հետ, Աշոտ Ալեքսեևիչն է։ Ըստ նրա ֆեյսբուքյան էջի, նա դպրոց է հաճախել Մարտակերտում, հետագայում կրթություն ստացել Մոսկվայում, իսկ 2003-2006 թթ. եղել է ՀՀ պետական սահմանի պահպանության գլխավոր վարչության բաժնի պետի տեղակալ։ 2006-ին տեղափոխվել է Ռուսաստան և զինվորական ծառայությունը շարունակել այնտեղ։

Ցույցի ընթացքում Քոչարյանի աջակիցների թվում նկատեցինք նաև 7or.am կայքի խմբագիր Արեգնազ Մանուկյանին։

Թեև Մանուկյանը ԶԼՄ ներկայացուցիչ է, սակայն, ինչպես երևում է մեր կողմից արված լուսանկարում, Արեգնազ Մանուկյանը չէր կրում լրագրողական բեյջ, որը հիմք է տալիս ենթադրելու, որ վերջինս ևս Քոչարյանի աջակիցների կողմից կազմակերպված ցույցի մասնակիցներից մեկն է։

Հիշեցնենք, որ 7or.am կայքի հիմնադիրն է Անդրանիկ Թևանյանը։

Տպել
5184 դիտում

Գյումրիի դպրոցներից մեկում հայտնաբերվել է ժամկետանց սննդամթերք

«Թալիբան»-ի զինյալները Աֆղանստանում սպանել են 13 իրավապահի, վիրավորել՝ 12-ին

Ադրբեջանցի պատվիրակը ԵԽԽՎ-ում հայ պատգամավորի մասին հնացած տեղեկություն է ներկայացրել. հայ պատվիրակն արձագանքել է

Ժնևում մեկնարկել է Հայաստանի եւ Ադրբեջանի ԱԳ նախարարների հանդիպումը

Մենք այլեւս չենք անդրադառնալու Արթուր Վանեցյանի հայտարարություններին. Լիլիթ Մակունց

Երեւանում գիշերը կրակոցներ արձակած անձանց ինքնությունը հայտնի է. ոստիկանները որոնում են հրազենները

Երեխաների ապօրինի որդեգրումների գործով Լիանա Կարապետյանը կալանավորվեց

Վրաստանը դադարեցրել է դեպի Չինաստան եւ հակառակ ուղղությամբ բոլոր չվերթները

Հրազդան գետում հայտնաբերվել է տղամարդու դի. պարզվում է նրա ինքնությունը

Բարձր տեխնոլոգիական արդյունաբերության փոխնախարար Գեղամ Վարդանյանը կազատվի պաշտոնից. նա ԵՏՀ-ում նախարար է նշանակվել

«Յունայթեդի» երկրպագուները ցանկանում են, որ ակումբի գործադիր տնօրենը մահանա. հարձակվել են նրա տան վրա

5 մարզիչ-մանկավարժների սպորտի վաստակավոր մարզչի կոչումներ են շնորհվել

ՔՊ կամավորական ջոկատը ծառայության ավարտին կատարում է մարտական երգերից մեկը. վարչապետը տեսանյութ է հրապարակել

Սեյրան Օհանյանն Ազգային ժողովում է. նա գնաց ԱԺ նախագահի աշխատասենյակ

Հումանիտար օրակարգի շուրջ. Մնացականյան-Մամեդյարով հանդիպմանն ընդառաջ

Դավթաշենի կամրջի տակ տղամարդու դի է նկատվել

Դատական նիստերի անհիմն հետաձգումների խնդրով ՄԻՊ-ը դիմել է ՍԴ

ԱԺ-ում Հրայր Թովմասյանի արտագնա այցերի շուրջ քննարկումներ են սկսվել․ Արման Բաբաջանյան

Ucom բաժանորդները կստանան 2X շատ ինտերնետ սմարթֆոնի համար փաթեթները Ucom հավելվածով ակտիվացնելու դեպքում

Զինծառայողը հրազենային վնասվածքը ստացել է կրծքավանդակի շրջանում. հարուցվել է քրգործ