Ռոբերտ Քոչարյանի պաշտպանին մեղադրանքը հիշեցրել է Հովհաննես Թումանյանի պատմվածքների ժողովածուն. Երեւանի դատախազը առարկեց

Երեւան քաղաքի ընդհանուր իրավասության դատարանում՝ դատավոր Դավիթ Գրիգորյանի նախագահությամբ, շարունակվում է Ռոբերտ Քոչարյանի խափանման միջոցի գործով դատական նիստը:

Նրա խափանման միջոցի վերաբերյալ այժմ դիրքորոշում է հայտնում պաշտպաններից Արամ Օրբելյանը: Վերջինս նշեց, որ Ռոբերտ Քոչարյանը չունի մեղադրյալի պատշաճ կարգավիճակ եւ չի կարող ենթարկվել քրեական պատասխանատվության։

Վկայակոչելով Վճռաբեկ դատարանի հայտնած իրավական դիրքորոշումներից մեկը, հայտնեց, որ դատավորը պարտավոր է ստուգել՝ արդյոք նախաքննական մարմինը ներկայացրել է փաստեր, տեղեկություններ այն մասին, որ նախաքննության ընթացքում անձին որպես մեղադրյալ ներգրավելու մասին որոշում է կայացվել, նրան պարզաբանվել է մեղադրանքի էությունը, հակառակ դեպքում անձի կալանավորումը եւ նրա անձնական անձեռնմխելիության սահմանափակումը կհամարվի կամայական եւ անօրինական։ «Վճռաբեկ դատարանի դիրքորոշման համաձայն, որպեսզի անձը լինի մեղադրյալ, դրա մասին որոշում պետք է կայացվեր, այդ մասին տեղեկացվեր մեղադրյալին, այս դեպքում պարոն Քոչարյանին, նրան պարզաբանվեր իր իրավունքներն ու պարտականությունները»,- ասաց նա: Օրբելյանը այսօր էլ դատարանում պնդեց, որ նախաքննական մարմինը 2018 թվականի նոյեմբերի 2-ին լրացնելով եւ փոփոխելով Քոչարյանին առաջադրված մեղադրանքը, դրա էությունը պատշաճ կերպով չի պարզաբանել նրան:

Նշենք, որ այս մասին պաշտպանները մի քանի անգամ բարձրաձայնել են: «2018թ. նոյեմբերի 2-ին քննիչը որոշում է կայացրել Ռոբերտ Քոչարյանին որպես մեղադրյալ ներգրավելու մասին, այդ մասին տեղյակ պահել կողմին, նույն օրը Քոչարյանին է տրամադրվել ամբողջական ձեւաթուղթ՝ պաշտպան ունենալու, մեղադրյալին նրա իրավունքներն ու պարտականությունները բացատրելու մասին, սակայն թե՛ Ռոբերտ Քչոարյանը եւ թե՛ նրա պաշտպան Հայկ Ալումյանը պարզաբանել են, որ մեղադրանքը պարզ չէ»,- ասաց Արամ Օրբելյանը։ Այնուհետեւ, ըստ պաշտպանի, Ռոբերտ Քոչարյանը հարցաքննվել է եւ ասել, որ մեղադրանքի էությունն իրեն պարզ եւ հասկանալի չէ։ «Մասնավորապես Քոչարյանը հայտնել է, որ իրեն հատկապես հասկանալի չէ, թե ու՞մ են նկատի ունեցել «մերձավորի եւ նրա թիկնազորի անդամներ» ասելով, ե՞րբ են ըստ մեղադրանքի՝ կեղծվել փաստաթղթերը, եւ դրանք ի՞նչ առնչություն ունեն իր հետ»,–նշեց Օրբելյանը։ Այս մասին, Օրբելյանի խոսքով, երեկ Հայկ Ալումյանը մանրամասն անդրադարձել է: Շարունակելով՝ Օրեբլյանն ասաց, որ պաշտպան Հայկ Ալումյանը նոյեմբերի 5-ին դիմում է ներկայացրել քննիչին՝ խնդրելով պարզաբանել առաջադրված մեղադրանքը, նշելով, որ միայն դրանից հետո կարող է Քոչարյանը ցուցմունք տալ, սակայն Օրբելյանի խոսքով՝ քննիչն, ըստ էության, հարցին չի անդրադարձել, չի ասել, որ այն պարզ է, ընդամենը նշել է, որ իրենք պարտավոր էին մեկ օրինակ տալ մեղադրյալին, որը տվել են։ Նա նշեց, որ Ռոբերտ Քաչարյանը հրաժարվել է ստորագրել արձանագրությունը՝ ոչ հստակ համարելու պատճառաբանությամբ։ Օրբելյանի խոսքով՝ նախաքննական մարմինն առանց բացատրելու մեղադրանքի էությունը, մեղադրական եզրակացությունն ուղարկել է դատարան։ «Պարոն Քոչարյանը չունի մեղադրյալի պատշաճ կարգավիճակ եւ առնվազն այս փուլում չպետք է նրա նկատմամբ կալանք կիրառվի»,- հավելեց Արամ Օրբելյանը։

Վերջինս հիշեցրեց, որ երբ ամենասկզբում առաջադրվում էր մեղադրանք, պաշտպանական խմբի համար դժվար էր հասկանալ մեղադրանքի էությունը։ «Մենք հայտարարում էինք՝ չգիտենք՝ ինչից ենք պաշտպանվում։ Որեւէ փորձ չէր կատարվում՝ պարզաբանել մեղադրանքը։ Ինչո՞ւ։ Շատ պարզ պատճառով՝ դա պարզ դատավարական հնարք է՝ երբ գործը թույլ է, ոչ հստակ ձեւակերպումներ են տրվում, իսկ երբ գործը ուժեղ է, հստակ է, ապա շատ պարզ ձեւակերպումներ են տրվում, ապացույցներ ներկայացվում։ Այստեղ գործ չկա, ինչպես ասում է գործիչներից մեկը՝ գործը օդ է, դրա համար խուճուճ ձեւակերպումներ են տրվել։ Մեղադրական կողմը կարող է գրել ինչ կամենա, կարող է վերցնել Հովհաննես Թումանյանի պատմվածքների ժողովածուն եւ ասի՝ սա մեղադրական եզրակացություն է...»,- հայտարարեց Օրբելյանը, ինչն ընդհատվեց Երեւան քաղաքի դատախազ Գեւորգ Բաղդասարյանի կողմից: Նա առարկեց եւ խնդրեց դադարեցնել Օրբելյանի այդ ձեւակերպումները: «Եթե կվկայակոչեք պատմվածքներից մեջբերումներ, որի մասին խոսում եք, նույն ձեւ պատասխանեք նաեւ դուք»։ Նիստը նախագահող դատավոր Դավիթ Գրիգորյանը ընդունեց առարկությունը եւ հորդորեց որակումներ չանել։ Արամ Օրբելյանն ընդունեց առարկությունը՝ ասելով. «Ես չասացի՝ պատմվածքներ կան, էդպես կարող է ավելի հետաքրքիր լիներ»։ Օրբելյանի այս հայտարարության հետ համակարծիք էր նաեւ Ռոբերտ Քոչարյանը:

Տպել
1537 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը