«Վերջին զանգը» կհնչի մայիսի 24-ին, ոչ թե 25-ին. ու նաեւ ինչու 9-րդցիների պատասխանների ձեւաթուղթը չի պատճենահանվելու

Հայաստանյան դպրոցներում այս տարի «Վերջին զանգը» կնշվի մայիսի 24-ին՝ չնայած տարածված տեղեկություններին, թե ավարտական այդ միջոցառումն անցկացվելու է ամսի 25-ին՝ շաբաթ օրը, ինչն ի դեպ, հասցրել էր դժգոհությունների ալիք առաջացնել: Շատերն ասում էին, որ ավարտական տոնախմբությունը նախատեսել են ուրբաթ, ռեստորանում տեղեր են ամրագրել, ու հիմա ստացվում է, որ այդ արարողությունը ավելի շուտ է լինելու, քան «Վերջին զանգը»:  

«Քանի որ ուսումնական պլանում նշվում է, որ հնգօրյա դպրոցներում դասերը ավարտվում են ամսի 24-ին, վեցօրյաներում՝ ամսի 25-ին, այդտեղից է նման կարծիք առաջացել, բայց բոլորին արդեն տեղեկացվել է, որ վերջին զանգը հանրապետությունում կհնչի մայիսի 24-ին»,- «Հայկական ժամանակի» հետ զրույցում ասաց կրթության եւ գիտության նախարարության հանրակրթության վարչության պետ Աշոտ Արշակյանը:

Նա նաեւ նկատեց, որ դպրոցի ավարտական միջոցառմանը նախորդող դրամահավաքների վերաբերյալ ավանդական ահազանգերը շեշտակի նվազել են: Հայտնի է, որ ամեն տարի այս ժամանակահատվածում ծնողները կանգնում էին աստղաբաշխական գումարներ հավաքելու բարդ խնդրի առաջ. կա՛մ պետք է մերժեին, կա՛մ էլ հոգային մեծամեծ նվերների եւ ճոխ միջոցառումների ու երեկույթների ծախսերը:

«Նախորդ տարիների համեմատ աննախադեպ քչացել են թեժ գծերով ստացված դիմում բողոքները: Այս ամբողջ ժամանահատվածում մոտավորապես 5-6 նման ահազանգ ենք ստացել՝ նախկին 200-300-ի փոխարեն»,- ասաց վարչության պետը՝ հավելելով. «Մի բան կարող ենք փաստել, որ դպրոցի մասնակցությամբ որեւէ դրամահավաք տեղի չի ունենում: Սա իսպառ վերացել է: Եթե ծնողները իրենց երեխաների համար հագուստի կամ այլ նպատակով գումար են հավաքում, դա արդեն ծնողական հանրույթի գործն է: Բայց նաեւ ծնողական հանրույթին ենք կոչ արել, որ որեւէ միջոցառում կազմակերպելիս պետք է բոլորի շահերը համընկնեն: Այսինքն՝ պետք է այնպես չլինի, որ որեւէ մարդ դրան համաձայն չլինի, որեւէ պարտադրված բան չի լինելու, որովհետեւ ծնողական համայնքը նրա համար չէ, որ միայն միջոցառում կազմակերպի ու դրամ հավաքի: Ինքն ավելի լուրջ գործառույթ ունի դպրոցում, ինքը առհասարակ պետք է դպրոցում վերհանի այն խնդիրները, որոնք հուզում են իրենց, իրենց երեխաներին՝ կրթությունն ավելի լավացնելու համար եւ պետք է ապահովի դպրոց-ծնող կապը»:

Կրթության եւ գիտության նախարարությունը այս տարի եւս նաեւ մարզպետարանների միջոցով կոչ է արել հանրակրթական դպրոցներին՝ ավարտական միջոցառումների ժամանակ խուսափել ճոխություններից: «Նորից կոչ ենք արել, որ զերծ մնան դրանից, այդ միջոցառումները կազմակերպեն տոնի իրական կոչմանը համապատասխան: Ես կարծում եմ՝ որեւէ միջոցառում կազմակերպելու համար մի քանի զրոներով դրամ հավաքել պետք չէ: Դա կարելի է անել ավելի համեստ, ավելի զուսպ: Պետք չէ, որ սցենարներ գրվեն, լիմուզիններ գան: Դա տոն է, բոլոր շրջանավարտների տոնն է, եւ յուրաքանչյուր երեխա այդ օրը պետք է լինի ուրախ, տոնին համահունչ»,- ասաց Աշոտ Արշակյանը:  

Բացի ավագ դպրոցի 12-րդ դասարանցի շրջանավարտները, ավարտական միջոցառումներ անցկացնելու են նաեւ հիմնական դպրոցի 9-րդ դասարանցիները: Այս տարի, սակայն, նրանք հայոց լեզվի քննությունը պետք է հանձնեն կենտրոնացված քննակարգով, այնպես, ինչպես միասնական քննությունները: Կրթության եւ գիտության նախարարությունում չեն կարծում, որ դասապրոցեսն ավարտելու եւ քննության օրվա միջեւ միայն մեկ օրը կարող է բավարար չլինել, որ երեխաները հասցնեն պատրաստվել մայիսի 26-ին նշանակված այդ քննությանը, տրամադրվեն, մտքերը ժողովեն:

«Պատրաստվելու խնդիր չկա, ուսումնական ծրագրի ամբողջ նյութը իրենք յուրացրել են: Ուրիշ բան, եթե մենք քննություն նշանակեինք մայիսի 22-ին, 23-ին, կարող էին հարց տալ, որ երեխաները ծրագրային նյութը չեն յուրացրել: Եվ ավելին, կես տարի առաջ արդեն պարզ էր, որ քննությունները լինելու են կենտրոնացված, իսկ երեք ամիս առաջ հայտնի է եղել օրը»,- ասաց ԿԳՆ հանրակրթության վարչության պետը:

Բայց օրինակ որքան էլ 9-րդ դասարանցիները հայոց լեզվի քննությունը հանձնելու են կենտրոնացված, նրանք թեստերի պատասխանների ձեւաթուղթը չեն պատճենահանելու, ինչն արվում է միասնական քննությունների ժամանակ: Գնահատման եւ թեստավորման կենտրոնը դա պարզաբանում է՝ նշելով. «Ըստ կառավարության 12.04.2012թ. թիվ 597-Ն որոշման՝ միասնական քննություններ հանձնողները՝ 12-րդ դասարանն ավարտողները, քոլեջների շրջանավարտները, նախորդ տարիների շրջանավարտները եւ այլն, այսինքն՝ բուհերի դիմորդները, քննության պատասխանի ձեւաթղթերը պատճենահանում եւ քննասենյակից դուրս գալիս վերցնում են իրենց հետ: 9-րդ դասարանի հայոց լեզվի կենտրոնացված ավարտական քննությունները կարգավորող՝ կրթության եւ գիտության նախարարի հրամաններից ոչ մեկը նման գործառույթ չի նախատեսում՝ ոչ 388-Ն-ը, ոչ էլ 152 Ա/2-ը: Հիշեցնենք, որ կենտրոնացված քննության թեստում կա շարադրության տարրեր պարունակող առաջադրանք, որը, անգամ քննասենյակից դուրս գալիս ձեւաթուղթը պատճենելու դեպքում, ստուգված չի լինելու: Քննության ավարտից անմիջապես հետո քննական կենտրոնում այն ստուգելու են հատուկ այդ գործառույթն իրականացնելու համար վերապատրաստված ստուգողները: Հետեւաբար, անիմաստ է պատճենել չստուգված շարադրությամբ ձեւաթուղթը»:

Ըստ գնահատման եւ թեստավորման կենտրոնի՝ աշակերտներն իրենց ձեւաթղթերի ՝ շարադրության ստուգված մասով սքանին կկարողանան ծանոթանալ արդյունքների հրապարակումից հետո քննության յոթերորդ օրը՝ հունիսի 2-ին՝ իրենց դպրոցներին տրամադրված կոդերով, իսկ քննության արդյունքի բողոքարկումը կարող են անել քննության արդյունքի հրապարակման հաջորդ օրը՝ հունիսի 3-ին:

Տպել
49516 դիտում

Խոշոր հրդեհ Չարենցավանում. բնակարանում հայտնաբերվել է կնոջ կիսամոխրացած դի

Նոյեմբեր ամսվա ընթացքում Արցախում 178 ծնունդ է գրանցվել. այս թիվը ռեկորդային է՝ պատերազմից ի վեր. ԱՀ նախագահ

Հայաստանի մի շարք ավտոճանապարհների մերկասառույց է

Երևանի ու 7 մարզերի մի քանի տասնյակ հասցեներում հոսանքազրկումներ կլինեն

ԵԱՀԿ Մինսկի խմբի համանախագահող երկրների ԱԳ նախարարները ԼՂ-ի վերաբերյալ հայտարարություն են ընդունել (տեսանյութ)

Հայաստանի տարբեր ավտոճանապարհներին 7 մեքենա է դուրս բերվել արգելափակումից

Դավիթ Բեկի փողոցում տեղի է ունեցել ավտովթար՝ հրդեհի բռնկմամբ. տուժածներից մեկը ծանր վիճակում է

Իշխանության յուրացման փորձ կատարելու համար մեղադրվողների գործն ուղարկվել է դատարան

Գեղարքունիքի մարզպետն ու Ռուսաստանի դեսպանը քննարկել են տարածաշրջանում սոցիալ-տնտեսական զարգացման հարցերը

Արմավիրի մարզում պատվաստվել է 104 889 քաղաքացի

Ստեփանծմինդա-Լարս ավտոճանապարհը բաց է․ ՀՀ տարածքում կան փակ ավտոճանապարհներ

ԵԱՀԿ Մինսկի խմբի համանախագահող երկրների ԱԳ նախարարները Լեռնային Ղարաբաղի վերաբերյալ հայտարարություն են ընդունել

Գրիգոր Լուսավորիչ եկեղեցում կատարվել է 44-օրյա պատերազմում նահատակված 9 զինծառայողի հոգեհանգստի արարողություն

Լենինգրադյան փողոցում ավտովթար է տեղի ունեցել․ թիվ 63 երթուղայինի վարորդն ու 4 ուղեւոր հոսպիտալացվել են «Արմենիա» ՀԲԿ

Առաջին ձյունը նախընտրական շահարկումների պատճա՞ռ, գործ ունենք նախընտրական քաղաքական սաբոտաժի հետ․ Վանիկ Օհանյան

Միգուցե շատերի համար ես բնավ էլ համարձակ կին չեմ, որովհետեւ իրենց մտքի թռիչքն այլ բան է ուզում. Լուիզա Ներսիսյան

Ստեփանավանի մշակույթի պալատն այսօրվանից կկրի Սոս Սարգսյանի անունը․ Արփի Դավոյան

Ուժի կիրառումը երբեք խաղաղության հասնելու ճանապարհ չի եղել․ Միրզոյանը ելույթ է ունեցել ԱՀԿ նախարարական 28-րդ համաժողովին

Հայաստանի և Էստոնիայի ԱԳ նախարարները անդրադարձել են տարածաշրջանային անվտանգության և կայունության հարցերի

Սերգեյ Լավրովն ու Մևլութ Չավուշօղլուն քննարկել են Անդրկովկասում իրավիճակի կայունացման հարցը

Ավտոմեքենան մոտ 8 մ բարձրությունից ընկել է Աղստև գետը․ ուղեւորները հոսպիտալացվել են

Մհեր Գրիգորյանը Մոսկվայում մասնակցել է Երկրորդ եվրասիական համագումարին

ՊՆ վարչական համալիրում ստորագրվել է 2022թ. Հայաստանի և Լիտվայի միջև երկկողմ ռազմական համագործակցության ծրագիրը

Ոստիկանների արարքները պաշտոնեական լիազորություններն անցնելու հանցակազմ չեն պարունակել, վարույթը կարճվել է

Պապիկյանը ԱՄՆ դեսպանին է ներկայացրել է սահմանագոտում առկա իրավիճակը և խնդիրների կարգավորման հայկական կողմի մոտեցումները

Հաագայում տարածվել է ՀՀ հայտարարությունը՝ Արցախում Ադրբեջանի կիրառած քիմիական տարրեր պարունակող զենքի վերաբերյալ. ԱԳՆ

Միրզոյանը Բլինքենին է ներկայացրել ՀՀ ինքնիշխան տարածք ադրբեջանական զինուժի ներթափանցման հետևանքով ստեղծված իրավիճակը

Տեղի են ունեցել «ԵՄ-ն՝ հանուն երիտասարդության» ծրագրի գործողությունների ներկա իրավիճակը և 2022-ի պլանները քննարկում

Կոդավորված դաջվածքի բանալի բառը գտնելով՝ հնարավոր էր կարդալ կնոջ անունը. զոհված հետախույզի կինը գիրք է գրել նրա մասին

Հայաստան կժամանի ՌԴ ԱԻՆ պատվիրակությունը. կանցկացվի Միջազգային գիտաժողով երկրաշարժի 33-րդ տարելիցի կապակցությամբ

Սյունիքի մարզի Սիսիան-Գորիս ավտոճանապարհին մառախուղ է

Փոփոխություն Վանաձորից դեպի Վրաստան և հետադարձ ուղղությամբ երթևեկության սխեմայում

Արարատ Միրզոյանը հանդիպել է ԱՄՆ պետքարտուղար Էնթոնի Բլինքենի հետ

Մհեր Գրիգորյանը Մոսկվայում մասնակցել է ԵԱՏՀ խորհրդի նիստին

ՍԱՏՄ-ն ստուգայցեր է իրականացրել Կենտրոն վարչական շրջանի իրացման ցանցում և հանրային սննդի օբյեկտներում

Դոլարն ու եվրոն շարունակում են թանկանալ․ Կենտրոնական բանկը սահմանել է նոր փոխարժեքներ

Արարատի բնակիչը «Ալեն Սիմոնյանի», «Հայկ Սարգսյանի», «Սասի Արտակի» և այլ անուններով սոցցանցերում գրանցել է կեղծ էջեր․ ՔԿ

Քարաթափում է տեղի ունեցել Եղեգնաձոր-Գետափ ավտոճանապարհին

Ճապոնիայի դեսպանատան աջակցությամբ Արմավիրում կբարելավվի կոշտ թափոնների կառավարման համակարգը

«Քովիդ-19»-ի դեմ պատվաստվելուց 7 օր անց անձը կարող է դառնալ արյան դոնոր