Երևան
15 °C
Լուսանկարում ձախից՝ Գագիկ Գեւորգյան, աջից՝ Պիեռ Աքելյան
«Հայկական ժամանակ» օրաթերթին է դիմել կանադահայ ձեռնարկատեր ու ոսկերչական բիզնեսի ներկայացուցիչ Պիեռ Աքելյանը:
Աքելյանը մոտ 20 տարի առաջ զբաղեցնում էր Կանադայի ոսկերիչների միության նախագահի պաշտոնը. «Կանադայի ոսկերիչների միության 90 տարվա պատմության մեջ առաջին հայազգի նախագահն եմ եղել»: 1997 թվականին գործարարը հայ ոսկերիչներին համախմբել է Հայաստանում: Նա հանդիպել է գործարար Գագիկ Աբրահամյանի հետ, որից հետո Հայաստանում ստեղծել են հայ ոսկերիչների միությունը:
Աքելյանի խոսքով՝ դրանից հետո Գագիկ Աբրահամյանը նրան ծանոթացրել է Գագիկ Գեւորգյան անունով մի մարդու հետ, ում հետ էլ Աքելյանը սկսել է աշխատել: «Ժամանակի ընթացքում Գեւորգյանի հետ գործ դրեցինք Մոսկվայում: Միառժամանակ նա ուզում էր մեզնից ապրանք գնել, մենք մասնագիտացված էինք մարգարիտի արտադրության մեջ: Հյուսիսային Ամերիկայի 5 ամենախոշոր վաճառողներն էինք եւ համաշխարհային համբավ ունեինք: Մեր ընտանիքը երկար տարիներ է՝ մարգարիտի բիզնեսով է զբաղվում, արդեն 40 տարի է՝ սրա մեջ ենք»:
Աքելյանը նշեց, որ Գագիկ Գեւորգյանը իրեն հրավիրել է Մոսկվա եւ համոզել է, որպեսզի միասին այնտեղ գործ դնեն՝ 50/50 տոկոս հարաբերակցությամբ: «Գեւորգյանի գործերը բավականին լավ էին, մոտ 1000 աշխատող ուներ Մոսկվայում, լավ կապեր ուներ ռուսական շուկայի մեջ եւ իսկապես հպարտանալու բան էր, որ հայը նմանատիպ հաջողությունների է հասել»:
Աքելյանը պատմեց, որ Գեւորգյանի հետ ընկերություն են բացել եւ սկսել են մարգարիտները վաճառել Ռուսաստանում՝ օգտագործելով իրենց ծանոթությունը եւ շուկան: Բայց հետո Գեւորգյանի գործերը սկսել են վատանալ:
«Մենք համաձայնվել էինք յուրաքանչյուրս 1 մլն դոլար ներդնել այս գործում, բայց նա դրամական նեղության պատճառով սկսեց որոշակի պատճառներ փնտրել, կամաց-կամաց հետ քաշվել: Մինչեւ արդեն այնպես եղավ, որ մենք 750 հազար դոլարի չափով ավելի շատ էինք դրել, քան ինքը: Հետո նա ասաց, որ այլեւս չի կարող եւ ցանկացավ փակել սկսած գործը: Ասացի՝ լավ եւ մտածեցի, որ բարեկամական ձեւով պիտի լուծենք այս հարցը: Դժբախտաբար, Գեւորգյանը սկսեց խարդախություններ անել: Ընկերության հաշիվներից մեկում 85 հազար դոլար կար, որը ապօրինի անհետացավ մեր հաշվից, առանց իմ իմացության»,- պատմում է կանադահայ գործարարը:
Այդ ժամանակ Աքելյանը Գեւորգյանին ասել է, որ այդ գումարը վերադարձնի իրեն, քանի որ իրեն է պատկանում: Գեւորգյանն էլ խոստացել է վերադարձնել գումարը: «Վերջում նա յուրացրեց դա, խարդախությամբ ընկերության նոր տնօրեն նշանակեց եւ ինչ մնացել էր, դա էլ յուրացրին: Այստեղից թշնամություն սկսվեց: Մենք փորձեցինք ամեն ձեւով լուծել խնդիրը, գնացի դատարան, ինչից հետո Գեւորգյանը ջղայնացավ: Ի դեպ, նա եղել է հայ ոսկերիչների միության նախագահը եւ հայ ոսկերիչների միության կապերն օգտագործելով՝ փորձեց իմ դեմ քայլեր անել, ինձ խայտառակ անել»:
Աքելյանի խոսքով՝ 2016 թվականին հայ ոսկերիչների միությունը Հայաստանում մեծ ժողով գումարեց եւ իրեն վտարեցին միությունից, այն միությունից, որը ինքն էր հիմնել:
«Ամբողջ աշխարհով տեղեկություններ տարածեցին, որ ես հայրենիքի եւ հայ ոսկերիչների միության դեմ եմ խոսել: Դրանից հետո ես Գեւորգյանի եւ Սարգիս Նուրյանի դեմ դատական գործ բացեցի: Նուրյանը ոճրագործ է, Գեւորգյանի հետ միասին են փորձել իմ անունը ցեխի մեջ նետել: Դատի արդյունքն այն եղավ, որ անցյալ շաբաթ արդեն վերջնական որոշվեց, որ նրանք ինձ անարգել են եւ ապօրինի ձեւով իմ անունը փորձել են պախարակել: Ես դատը շահեցի: Ի դեպ, դատը ոչ միայն Գեւորգյանի եւ Նուրյանի դեմ էր, այլեւ հայ ոսկերիչների միության: Քանի որ դրա ազդեցությունն օգտագործվել է եւ իմ դեմ սուտ տեղեկություններ են տարածվել: Դատը շահելով՝ ես 1 մլն դոլար պետք է ստանամ: Հիմա նրանք կարող են այդ որոշման դեմ բողոքարկել, սակայն ոչինչ էլ չեն կարողանալու անել, քանի որ իրականությունը ցույց տվեց, որ նրանք ինձ զրպարտել եւ խաբել են: Այդ ժողովը, որ Հայաստանում եղել է, օրինական չէր, երբ տարեկան ժողով է որոշվում, օրը չի կարելի փոխել, բայց նրանք վերջին օրը փոխել են: Հայ ոսկերիչների միությունից ինձ վտարելը նրանք փորձեցին օգտագործել դատարանում, բայց անշուշտ Ամերիկայի դատավորը լավ է հասկանում, թե որն է խարդախությունը եւ վճիռն իրենց դեմ եղավ»:
Կանադահայ գործարարը նշում է, թե պարզապես ցանկանում է, որ մարդիկ ճշմարտությունն իմանան. «Պետք է նշվի, որ այս տեսակի խարդախություններ կան: Գալիս են այս տեսակի մարդիկ, ովքեր փորձում են օգտագործել մեր ազգասիրությունն ու խաբել: Օգտագործելով կազմակերպության ազդեցությունը՝ նա հարաբերություններ ստեղծեց նաեւ Սերժ Սարգսյանի հետ եւ այդպես կարողացավ իրենով անել «Մերիդյան» շենքը: Այս ազգանվեր գործը, որ ստեղծեցինք, նրանք օգտագործեցին իրենց անձնական շահերի համար: Սա է սրտի ցավ պատճառում բոլորիս»:
Նշենք, որ Գագիկ Գեւորգյանը 2013 թվականին նշանակվել էր Սերժ Սարգսյանի հասարակական հիմունքներով խորհրդական։ Նրան հանձնարարվել էր միջազգային ասպարեզում ներկայացնել Հայաստանի ոսկերչությունը:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ