Սեդրակ Քոչարյանն ընդդեմ Արթուր Վանեցյանի գործով ապացուցման բեռը դրվեց պատասխանողի վրա

23/04/2019 schedule21:20

Երևանի ընդհանուր իրավասության դատարանի Աջափնյակի նստավայրում այսօր ավարտվեց Սեդրակ Քոչարյանն ընդդեմ ԱԱԾ տնօրեն Արթուր Վանեցյանի գործով նախնական դատական նիստը: Գործով դատաքննության օր նշանակվեց հունիսի 25-ին:

Հիշեցնենք, որ Ռոբերտ Քոչարյանի որդին հայց է ներկայացրել Վանեցյանի դեմ՝ պահանջելով զրպարտության դիմաց հրապարակայնորեն հերքում: Խոսքը վերաբերվում է Արթուր Վանեցյանի եւ ՀՔԾ պետ Սասուն Խաչատրյանի հայտնի ասուլիսում հնչեցված այն արտահայտությանը, թե «Ռոբերտ Քոչարյանը 6 միլիոն դոլար կաշառք պահանջելով՝ դարձել է «Կոնգրես» հյուրանոցի բաժնետեր»։ 

Նախորդ նիստին Վանեցյանի ներկայացուցիչները դատարան էին ներկայացրել գրավոր ապացույցներ թեմայի վերաբերյալ մամուլում հրապարակված հոդվածներ ու ԱԱԾ-ի կողմից տարածված մեկ հաղորդագրություն, որոնց ծանոթանալու համար Սեդրակ Քոչարյանի ներկայացուցիչները ժամանակ էին խնդրել: Այսօր հայցվորի ներկայացուցիչ Անի Ալավերդյանը վերը նշված ապացույցների վերաբերյալ իր առարկությունները ներկայացրեց գրավոր տեսքով: Ըստ այդմ՝ հայցվոր կողմը գտնում է, որ պատասխանողի կողմից ներկայացված ապացույցներն անթույլատրելի են, քանի որ հայտնի չէ՝ դրանք ինչ կերպ են ձեռք բերվել:

ԱԱԾ-ի հաղորդագրության վերաբերյալ առարկությունում հայցվոր կողմը նշել էր վերջերես դատարանի կողմից կայացված որոշումը՝ համաձայն որի ԱԱԾ-ն խախտել է Սեդրակ Քոչարյանի անմեղության կանխավարկածը: Առարկություններին ծանոթանալուց հետո պատասխանողի ներկայացուցիչ Վահագն Գրիգորյանը հայցվորի ներկայացուցչից հետաքրքրվեց՝ արդյոք ներկայացուցիչը կարող է երկու բառով ներկայացնել, թե դա ինչ գործ է եւ ո՞ր հոդվածի հատկանիշներով է հարուցված: Նշենք, որ խոսքը ԱԱԾ-ում քննվող քրեական գործի մասին է, որով Սեդրակ Քոչարյանին մեղադրանք է առաջադրվել հարկերից խուսափելու եւ փողերի լվացման համար: Ի պատասխան հայցվորի ներկայացուցիչ Անի Ալավերդյանն ասաց, որ խոսքը վերաբերում է հայցվորին մեղադրանք առաջադրելուն, սակայն մեղադրանքը առաջադրվել է մամուլի ասուլիսից հետո: Ալավերդյանն ասաց՝ քանի որ դատական ակտը, որով ճանաչվել է Սեդրակ Քոչարյանի անմեղության կանխավարկախի խախտումը, կես ժամ առաջ են ստացել, ապա այն ավելի ուշ կտրամադրեն կողմերին:

Վահագն Գրիգորյանի ճշտող հարցին՝ այսինքն հայցվորը գործով մեղադրյալի կարգավիճակ ունի՞ Անի Ալվերդյանը դրական պատասխան տվեց: Մյուս հարցին՝ իսկ ի՞նչ հոդված է հարուցված եղել, Ալավերդյանն ասաց, որ իր կարծիքով այդ հարցը էական չէ: Վահագն Գրիգորյանի պնդմանը՝ փողերի լվացման հոդվածո՞վ է հարուցված քրեական գործը, հայցվորի ներկայացուցիչը բացասական պատասխան տվեց՝ նշելով, որ իր կարծիքով այս հարցը վերաբերելի չէ գործին, քանի որ դատարանի այդ որոշումը վկայակոչվել է այն նպատակով, որովհետեւ պատասխանող կողմը որպես ապացուցման նյութ հղում է կատարել ԱԱԾ-ի հաղորդագրությանը. «Դրանք չպետք է գործի նյութերում ներգրավվեն»,- հավելեց Ալավերդյանը:

Պատասխանողի ներկայացուցիչ Վահագն Գրիգորյանը նշեց, որ իրենց կողմից ներկայացվել են մամուլում լույս տեսած հոդվածներ, որոնք հիմնավորում են, որ արտահայտություններն ուղղված չեն Սեդրակ Քոչարյանի դեմ, թե արդեն ինչպե՞ս են հիմնավորում եւ ինչո՞վ, դա արդեն դատաքննության ընթացքում կպարզվի: «Ամեն դեպքում մենք նշում ենք այս պահի դրությամբ, որ մամուլում լույս տեսած հոդվածները ներկայացվել են այդ փաստը ապացուցելու նպատակով»,- ասաց Գրիգորյանը: Նա հավելեց, որ Արթուր Վանեցյանի կողմից տրված ասուլիսի հաղորդագրությունն էլ ներկայացվել է որպես ապացույց այն բանի, որ Վանեցյանը գործել է որպես պաշտոնատար անձ, ոչ թե ֆիզիկական: Իսկ քրեական գործի հարուցման վերաբերյալ ներկայացված ԱԱԾ-ի հաղորդագրությունը եւ լրատվական կայքում լույս տեսած նյութը ներկայացվել են՝ ընդամենը հիմնավորվելու համար, որ որոշակի փաստի առթիվ, որոշակի հանցակազմի հատկանիշներով քրեական գործ է հարուցված: 

Անմեղության կանխավարկածի խախտման մասով էլ պատասխանողի ներկայացուցիչը կարծում է, որ հայցվորը ՀՀ քաղաքացիական դատավարության օրենսգրքի հոդվածը մեկնաբանում է իրեն ձեռնտու տեսանկյունից: Խոսքը հիմնական իրավունքների խախտմամբ ձեռք բերված կամ արդար դատաքննության իրավունքը խաթարող ապացույցի օգտագործման մասին է:

Պատասխանողի ներկայացուցչի խոսքով՝ սույն գործով պատասխանողը ֆիզիկական անձ Արթուր Վանեցյանն է, ով ապացույցը ձեռք չի բերել խախտմամբ, ընդամենը արտատպել է համացանցում օբյեկտիվորեն առկա տեղեկատվությունը: Պատասխանողի ներկայացուցչի համոզմամբ, ապացույցի ձեռք բերման գործընթացը միանգամայն օրինական է, եթե անգամ դատարանը կգտնի, որ խախտում կա, ապա Արթուր Վանեցյանը այն ձեռք է բերել լիովին օրինական ճանապարհով: Այս դրվագով Գրիգորյանը պատրաստ է վերապահումների: Միաժամանակ, պատասխանողի ներկայացուցիչը նկատեց, որ հայցվորի նկատմամբ կա հարուցված քրեական գործ`190 հոդվածի հատկանիշով եւ, որ ԱԱԾ-ի հաղորդագրության տարածման պահին հայցվորն ունեցել է մեղադրյալի կարգավիճակ, ինչը նաեւ հայցվորի ներկայացուցիչն է ընդունում: «Կարծում եմ՝ եթե դատարանը նշել է, որ այդ հաղորդագրությունը խախտում է հայցվորի անմեղության կանխավարկածը, ապա խոսքը գնում է ոչ թե ամբողջ հաղորդագրության մասին, այլ՝ խոսքը գնում է ինչ որ հատվածի ինչ-որ ձեւակերպումների մասին»,- նկատեց պատասխանողի ներկայացուցիչը: Անի Ալվերդյանը, սակայն, հակադարեց՝ նշելով, որ դատարանը առանձին հատվածներ չէ, որ որպես անմեղության կանխավարկածի խախտում է համարել: Նա եւս մեկ անգամ պնդեց, որ ասուլիսի ընթացքում իր վստահորդը մեղադրյալի կարգավիճակ չի ունեցել:

Դատարանը որոշեց, որ այն փաստը, որ 2018 թվականի սեպտեմբերի 11-ին մամուլի ասուլիսում ՀՀ ԱԱԾ տնօրեն Արթուր Վանեցյանի կողմից արված հայտարարությունները չեն արատավորում Սեդրակ Քոչարյանի պատիվն ու արժանապատվությունը, չեն հանդիսանում փաստացի տվյալներ, եւ որ առկա չէ զրպարտություն, դրանց ապացուցող բեռը պետք է դնել պատասխանողի վրա:

Դատարանը նախնական դատական նիստը համարեց ավարտված եւ որոշեց սույն գործով դատաքննությունը նշանակել 2019 թվականի հունիսի 25-ին՝ ժամը 15:30-ին:

Տպել
2309 դիտում

Վաղը միասնական վերջին քննությունների օրն է. դիմորդները քննություն կհանձնեն «Ռուսաց լեզու» եւ «Քիմիա» առարկաներից

Կեսարիայի Սբ. Թորոս հայկական եկեղեցին հայտնվել է գանձագողերի թիրախում

Դատախազը միջնորդեց Քոչարյանի և մյուսների գործի վարույթը կասեցնել և դիմել ՍԴ

Երևանի թափոնների տեսակավորման կետերից մինչև օրս անհետացել է 21 թափոնաման, վնասվել է մի քանիսը

Իսպանիայում հայազգի Սևան Ղարիբյանը թագուհի Սոֆիայի կողմից արժանացել է «Լավագույն ուսանող» դիպլոմի

Առաջիկայում կնկատվի COVID19 դեպքերի աճ. նախարարի պաշտոնակատար

ՏԻՄ-երի մի խումբ ներկայացուցիչներ այցելել են 5-րդ զորամիավորման պահպանության գոտու մարտական հենակետեր

Աշնանը Հայաստան կներկրվի «Ջոհնսոն և Ջոհնսոն», «Նովովակս» պատվաստանյութերը. Ավանեսյան

«Իզմիրլյան» Բ/Կ բուժաշխատողները շարունակում են բնականոն աշխատանքը. հայտարարություն

Ստորգետնյա ավտոկայանատեղին համայնքային սեփականություն է, և օգտվողների գումարները հոսում են միայն բյուջե. Մարության

Առաջին կոմերցիոն հակավիրուսի ստեղծող Ջոն ՄաքԱֆիին մահացած են գտել Բարսելոնայի բանտում

Կառավարությունը «ՄԻԿԱ» մարզահամալիրը տրամադրեց «Հայաստանի ֆուտբոլի ֆեդերացիային»

ՁԻԱՀ-ով վարակված անձը, իմանալով այդ մասին, սեռական հարաբերություն է ունեցել 21-ամյա բնակչուհու հետ․ Արցախի ՔԿ

Պարեկային ոստիկանությունն իր աշխատաոճով, արդյունավետությամբ պիտի նոր խոսք բերի. Նիկոլ Փաշինյան (լուսանկարներ, տեսանյութ)

ԱՄՆ-ի զորքերի դուրս գալուց հետո կանխատեսվում է Աֆղանստանի կառավարության անկում

Բիզնեսմենների 90 տոկոսը ինձ խոստովանում էին, որ եթե հանկարծ իշխանափոխություն տեղի ունենա, իրենք կարտագաղթեն. Քերոբյան

Ատրճանակը հայտնաբերվեց, գումարը՝ դեռ ոչ. Վարդենիսի 55-ամյա բնակիչը կասկածվում է մեքենայից արված գողության մեջ

Մենք կարող ենք ռմբակոծել. ՌԴ ԱԳՆ՝ բրիտանական կործանիչի հետ կապված միջադեպի մասին

ՍԴ-ն Պաշտպանի դիմումով կասեցրել է 3 բուհերի հոգաբարձուների խորհուրդների կազմի փոփոխությունների մասին գործողությունները

Մեր մտահոգությունները ավելի շատ են, քան տրված խոստումները. գերեվարված շիրակցի աշխարհազորայինի եղբայրը նստացույց է սկսել

Ուսման հրավեր Վիետնամի Թայ Նգույեն տեխնոլոգիաների համալսարանից

Նախագահը գիտատեխնիկական ու տեխնոլոգիական ոլորտների զարգացման մասին քննարկում է ունեցել Քերոբյանի ու Օրուջյանի հետ

Արագածոտնում նոր արեւային ֆոտովոլտային կայանը կգործարկվի 2025 թվականին

«Հանուն Հանրապետության» կուսակցությունը պատրաստ է համագործակցել իշխանությունների հետ. հայտարարություն

Բունդեսթագի անդամը կոչ է արել դադարեցնել Թուրքիայի հետ ԵՄ-ին անդամակցելու հարցով բանակցությունները

Ուրիխանյանը կուսակցության հետ չի համաձայնեցրել Նիկոլ Փաշինյանի հետ հանդիպումը. Արա Աբրահամյան

«Մանախ» մականվամբ հայտնի Արթուր Այվազյանը կալանավորվել է

Թուրքական ապրանքների ներմուծման արգելքը եւս 6 ամսով երկարաձգվեց

Հաստատվել է կորոնավիրուսային հիվանդության 103 նոր դեպք

ՀՀ քաղաքացու համար այլեւս անառարկելի փաստ է, որ ինքն է իսկապես որոշում իշխանության ճակատագիրը. Փաշինյան

Արտակ Աղբալյանը հրաժարականի դիմում է ներկայացրել ԿԳՄՍ նախարարին

Աշխատատեղերի թվաքանակի նոր ցուցանիշ է արձանագրվել. Նիկոլ Փաշինյան

Սահմանափակումներին կազմակերպիչները չեն համաձայնել. նախարարը պարզաբանում է՝ ինչու համաձայնության գալ չի հաջողվել

Մեկնարկել է ՀՀ կառավարության հերթական նիստը. օրակարգում ներառված է 40 հարց

Տնտեսությունը զարգացնելու համար պետք են ոչ ստանդարտ լուծումներ, որոնք գուցե շատերին դուր չգան. Արմեն Քթոյան

Քիրաջյանը 29 տարի շարունակ ամեն ամիս իր վաստակածից 420 դոլար հատկացնում է հայրենիքին. հանդիպում Արցախում

Արմեն Սարգսյանին ծննդյան օրվա առթիվ շնորհավորել է Ամենայն հայոց կաթողիկոսը

Աջափնյակում երեկ ապամոնտաժել են հինգ ինքնակամ շինություն. քաղաքապետն ամփոփում է օրը (տեսանյութ)

Տուն, վագոն-տնակ, անասնագոմ. հրշեջ-փրկարարները 3 օրում մարել են հրդեհներ 4 մարզում

Ռազմագերիների հարազատները Կառավարության մոտ նստացույց են սկսել