Վերցրեք «կախարդական» գրիչը եւ թուղթը, գրեք հարցում եւ «կախարդական» պատասխանը կգա. Հայկ Մարության

Երեւանի ավագանին, ինչպես եւ նախատեսվում էր, այսօրվա նիստում քննարկեց «Երեւանի աղբահանություն եւ սանիտարական մաքրում» համայնքային հիմնարկ ստեղծելու մասին նախագիծը:

Քաղաքապետարանը դժգոհություններ ունի մայրաքաղաքում աղբահանություն իրականացնող միակ օպերատորի՝ «Սանիթեքի» աշխատանքից, համարում է, որ այդ ընկերությունը ձախողում է գործը, ուստի որոշել է մասնակիորեն նաեւ ինքը ստանձնել աղբահանության գործառույթը: Թեմայի շուրջ ծավալվող քննարկումները շատ բուռն էին, որը երբեմն ուղեկցվում էր վիրավորանքի հասնող հայտարարություններով:

Ավագանու ընդդիմադիր խմբակցությունների անդամներին հետաքրքրում էր, թե ինչ գրագրություն է տեղի ունեցել քաղաքապետարանի ու «Սանիթեքի» մինչեւ եւ ինչ քննարկումներ են անցկացվել նախորդ ամիսների ընթացքում: «Նամակագրության մեջ ինչպիսի մանրամասներ կան, որը կարող է վաղը-մյուս օրը առիթ տալ, որ դատական շատ ու շատ գործերում խնդիրներ ունենանք: Սա զուտ մեր շահերից ելնելով եմ ասում: Եվ եթե այդտեղ կան խնդիրներ, որոնց մասին վաղը մենք կարող ենք իմանալ «Սանիթեքից», շատ ավելի ցանկալի կլիներ, որպեսզի քաղաքային իշխանությունը դրա մասին խոսեր եւ ավելի հստակ ներկայացներ, թե ինչ, այսպես կոչված, սպառնալիքի մասին է պարբերաբար բարձրաձայնում «Սանիթեքը» նամակագրական գրագրության առումով»,- ասաց ավագանու «Բարգավաճ Հայաստան» խմբակցության քարտուղար Հռիփսիմե Առաքելյանը:

««Սանիթեքը» բազմաթիվ հարցերի մասին է բարձրաձայնում, բայց խորհուրդ կտամ «Սանիթեքին» դրա տեղը ուղղակի մաքրել քաղաքը: Սա առաջինը: Երկրորդը՝ այդ գրագրությունը հասանելի է բոլորին: Ընդամենը պետք է վերցնել «կախարդական» գրիչը եւ «կախարդական» թուղթը, գրել մեզ հարցում եւ «կախարդական» պատասխանը կգա, կհասնի ձեզ: Եվ երրորդը, վստահաբար իմացեք, որ մենք բոլոր ասպեկտները, բոլոր մանրամասները հաշվի ենք առնում, եւ գործում ենք այնպես, որ թե հանրությունը, թե համայնքը չտուժի: Բնականաբար, եթե չնայեինք այդ մանրուքներին, կարող էինք շատ ավելի կտրուկ, շատ ավելի արագ գործել, բայց այդ դեպքում այո, այդ սխալները կարող էին լինել»,- պատասխանեց քաղաքապետ Հայկ Մարությանը:

«Լույս» խմբակցության անդամ Թեհմինա Վարդանյանը պնդեց՝ վեց ամիս շարունակ բանակցել եք, ինչի՞ մասին էին այդ քննարկումները: «Հրապարակեք նամակները: Ես չեմ կարող մեկ ամիս սպասել, մինչեւ քաղաքապետարանը բարեհաճի ինձ պատասխանել»,- հայտարարեց նա: Նաեւ ավելացրեց՝ անդրադառնալով քաղաքապետի դիտարկմանը, որ աղբահանության առկա վիճակը ստացված ժառանգություն է. «Վերջիվերջո թարգեք էդ մշակույթը. որ արդեն ձյուն էլ է գալիս, ասում եք՝ նախկին իշխանություններից ժառանգություն է: Արդեն հերիք է: Արդեն յոթ ամիս է քաղաքային իշխանություն եք, մի բան էլ դուք արեք»:

Քաղաքապետ Հայկ Մարությանը նրան խնդրեց մնալ կոռեկտության սահմաններում եւ որակումներ չտալ: «Այո, ինչքան էլ դա ձեզ դուր չգա, խնդիրներ կան, որոնք ստեղծել են նախկին իշխանությունները եւ որոնց վերջնական լուծման համար դեռ տարիներ են պետք»,- հավելեց նա:

«Լույս» խմբակցության ղեկավար Դավիթ Խաժակյանը խոսեց իր մտահոգությունների մասին, որոնք առնչվում են քաղաքապետարանի՝ համայնքային հիմնարկ ստեղծելու նախաձեռնությանը: Նաեւ համոզմունք հայտնեց. «Մենք ստեղծում ենք մի ծանրաշարժ մեքենա, որն ամենեւին նախատեսված չէ ճգնաժամային կառավարման համար»: Ավելի ուշ նա նաեւ հայտարարեց, որ իր ղեկավարած խմբակցությունը չի մասնակցելու այս հարցի քվեարկությանը, քանի իրենց մոտեցումներն այլ են, բայց նաեւ չեն ցանկանում խոչընդոտ ստեղծել, եթե քաղաքապետարանը այդ հիմնարկի ստեղծումը համարում է ճգնաժամային լուծում:

Ինչ վերաբերում է քաղաքապետարանի եւ «Սանիթեքի» միջեւ գրագրությանը, դրան անդրադարձավ նաեւ ավագանու իրավական հարցերի մշտական հանձնաժողովի նախագահ Գայանե Մելքոմ-Մելքոմյանը: Ի դեպ, այսօրվա նիստում քանիցս անդրադարձ եղավ այն հավանականությանը, որ «Սանիթեք» ընկերությունը կարող է դիմել միջազգային արբիտրաժային դատարան, որովհետեւ քաղաքապետարանը համայնքային հիմնարկ ստեղծելով, փաստորեն, պետք է խզի «Սանիթեքի» հետ կնքված պայմանագրերից մեկը: «Մենք խոսում ենք իրավական գործընթացի մասին, որն ըստ էության գործարկվել է, եւ ամենայն հավանականությամբ սպասվում է դատական փուլ, ու հիմա վեճ կա երկու կողմերի միջեւ: Եվ եթե ձեզ, որպես ավագանու անդամների, վերահսկողական նպատակով տեղեկատվություն անհրաժեշտ է, անշուշտ դա կարող եք երկու կողմերից էլ փորձել ստանալ, բայց ակնկալել, որ ավագանու նիստում կողմերից մեկը պիտի իր բոլոր խաղաքարտերը բացի, ամբողջ գրագրությունը, իր ապացույցները, իր փաստարկները ներկայացնի, կարծում եմ մի քիչ միամտություն է եւ ճիշտ մոտեցում չէ»,- ասաց նա:

Ի վերջո, ավագանին 48 կողմ ձայնով հաստատեց «Երեւանի աղբահանություն եւ սանիտարական մաքրում» համայնքային հիմնարկ ստեղծելու մասին նախագիծը: Սույն որոշումն ուժի մեջ մտնելու պահից երկամսյա ժամկետում ավագանու հաստատմանը պետք է ներկայացվի հիմնարկի կառուցվածքը, աշխատակիցների քանակը, հաստիքացուցակը եւ պաշտոնային դրույքաչափերը:

Տպել
1983 դիտում

ՀՀ տարածքում կան փակ ավտոճանապարհներ․ Սիսիան-«Զանգեր» կոչվող հատվածում կան կուտակված ավտոմեքենաներ

Սարի թաղում ավտոմեքենա է կողաշրջվել

Մեկնարկել են տնօրենի հավաստագրման քննությունները. դիմել է 505 հավակնորդ

Վերին Պտղնի համայնքում ավարտին են մոտեցել համայնքային մանկապարտեզի կառուցման աշխատանքները

Լարսը փակ է. ռուսական կողմում 730 բեռնատար է կուտակվել

Ինչ ծրագրեր կան Երեւանի ամենահին թաղամասերից մեկի՝ Կոնդի հետ կապված․ փոխվարչապետի եւ քաղշինկոմի նախաձեռնությունը

Փրկարարները Ձորագլխի մոտակա սարից 3 մարդու են իջեցրել. 17-ամյա քաղաքացու վիճակը գնահատվում է ծանր

Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Անբարեխիղճ արցախցիները չեն օգտվի կոմունալ ծառայությունների փոխհատուցման աջակցության միջոցառումից

Առաջարկում եմ պարոն Անանյանին հեռացնել իր էջից ստատուսը․ Սերգեյ Բագրատյանն էլ Դավիթ Անանյանի գրառմանն է անդրադարձել

Գյումրիում ցրտահարությունից 70-ամյա կին է մահացել

Մեսրոպ Առաքելյանը ԵՄ դեսպան Անդրեա Վիկտորինի հետ քննարկել է իրականացվող ծրագրերն ու դրանց ընթացքը

Ահա թե ինչ է լինում, երբ... Բագրատյանի հանձնաժողովը խիստ քննադատվեց, նա մեղքը գցեց Անանյանի վրա, Անանյանն էլ, թե՝ սուտ է

Արցախի խորհրդարանի 2021 թվականի ծախսը 2020թ-ի համեմատ աճել է 25 մլն 871 հազ դրամով

Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին

Կրեմլը մեկնաբանել է Նավալնիի հետ կապված իրավիճակը

2021 թվականին սպասվող կարևոր սպորտային իրադարձությունները

ՀՀ պաշտպանության նախարարն ընդունել է ԵԿՄ վարչության անդամներին

Սեպտեմբերից սկսած Սահմանադրական դատարանի դատավորները որևէ տեսակի պարգևավճար չեն ստացել․ ՍԴ խոսնակ

Աբովյան քաղաքի ավտոճանապարհները դժվարանցանելի են․ Հանրապետության մեծ մասում ձյուն է տեղում

Վիգեն Ստեփանյանի հուղարկավորման տեղի համար Կառավարության միջամտությանն են դիմել

Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ

Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու

Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները

Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին

Հայտնաբերվել է տոպրակ` առանձնապես խոշոր չափի թմրանյութով (տեսանյութ)

Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը

4-րդ զորամիավորումում ամփոփվել է 2020 թ. ուսումնական տարին (լուսանկարներ)

Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր

Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան

Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան

Վարդենյաց լեռնանցքը փակ է, ՀՀ 9 մարզում ձյուն է տեղում

Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է

Դուք դավաճանների աջակիցն եք. Խաչատուրովը՝ դատավորին

Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)

Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս

«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ

Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)

Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ