Բախումներ Վրաստանում. ոստիկանությունն արցունքաբեր գազ է կիրառել

21/04/2019 schedule18:44

Վրաստանի Ախմետայի շրջանում գտնվող Պանկիսի կիրճում, որտեղ տեղակայված են չեչեն-կիստերի բնակավայրեր, Ալազան գետի վրա ՀԷԿ-ի կառուցմանը դեմ են տեղի բնակիչները:

Այսօր առավոտյան տեղի մոտ 50 բնակիչ ի նշան բողոքի փորձում էին խոչընդոտել ՀԷԿ-ի կառուցումը: Սրան ի պատասխան Վրաստանի ներքին գործերի նախարարությունը հատուկ ջոկատայիններ մոբիլիզացրեց տարածքում, որից հետո տեղի ունեցավ բախում՝ բնակիչների և հատուկ ջոկատայինների միջև, հայտնում է Ալիք Մեդիան: Ոստիկանությունը նաև արցունքաբեր գազ է օգտագործել ցուցարարների դեմ:

Պանկիսիում ՀԷԿ-ի կառուցման հետևանքների մասին խոսել են նաև փորձագետները: Ըստ նրանց, ՀԷԿ-ի շինարարությունը շրջակա միջավայրի վրա զգալի ազդեցություն չի ունենա, և որևէ վնաս չի հասցնի բնակչությանը, քանի որ այդ էլեկտրակայանը կունենա ընդամնեը 5 մեգավատ ուժ, ինչն էլ փոքր և աննշան է:

Էկոնոմիկայի և կայուն զարգացման փոխնախարար Գիորգի Չիքովանին նշում է, որ «նախարարության դիրքորոշումն է` ՀԷԿ-երը պետք է կառուցվեն և կկառուցվեն»:

Իր հերթին ՆԳ նախարար Գիորգի Գախարիան արդեն Պանկիսիի կիրճում է: Ըստ նրա, ՆԳՆ-ն պաշտպանում է կոնկրետ շինարարական ընկերության, ինչպես նաև տեղի բնակչության շահերը: Նրա խոսքով, այս փուլում ՀԷԿ-ի մասին խոսելը կարևոր չէ, քանի որ վնասված են սարքավորումները և վիրավոր է ՆԳՆ-ի 15 աշխատակից:

Պանկիսիում տեղի ունեցող իրադարձությունների վերաբերյալ Հանրային պաշտպան Նինո Լոմջարիան հանդես է եկել հայտարարությամբ.

«Պանկիսի կիրճի իրադարձությունները չափազանց մտահոգիչ են: Ես կոչ եմ անում երկու կողմերին վարել բանակցություններ և լուծել հարցը բանակցային ձևով: Պետության և բնակչության երկխոսությունը պետք է շարունակվի, կարևոր է տեղեկացնել բնակչությանը, ինչպես նաև լսել իրենց կարծիքը: Ես պատրաստ եմ հանդիպել երկու կողմերին էլ: Այս փուլում ամենակարևորը չխորացնել հակամարտությունը և պաշտպանել մարդկանց անվտանգությունը», — գրված է Հանրային պաշտպանի տարածած հայտարարության մեջ:

Հավելենք նաև, որ Պանկիսի բնակչության մի մասը հավաքվել և աղոթում էր հենց շինարարության վայրում: Ըստ տեղացիների, նրանք թույլ չեն տա, որ կիրճում կառուցվեն ՀԷԿ-եր: Նրանք ասում են, որ կմնան տեղում այնքան ժամանակ, մինչև չհասնեն իրենց ուզածին:

Ի դեպ, այսօր (19:00-ին) Թբիլիսիի Ռուսթավելի պողոտայում՝ խորհրդարանի շենքի առջև, ի համերաշխություն Պանկիսիի բնակիչների ակցիա է նախատեսվում։

Տպել
2141 դիտում

ՀԾԿՀ-ն պատրաստվում է 10 մլն դրամով տուգանել ՀԷՑ-ին․ մի շարք խախտումներ են արձանագրվել

Կասեցումներ են իրականացվել «Գազպրոմ Արմենիա»-ում, «Վեոլիա Ջուր»-ում, Արարատի ոսկու կորզման ֆաբրիկայում

Ագարակում անասնագոմի տանիք է այրվել

Կրկին տեղի է ունեցել փաստաբանի եւ վստահորդի միջեւ խոսակցության գաղտնալսում, որն օգտագործվում է վստահորդի դեմ. ՓՊ

Գյումրու ինֆեկցիոնում կորոնավիրուսով 93 հիվանդ է բուժվում. ինքնամեկուսացված 1071 քաղաքացուց 249-ն ունի դրական ախտորոշում

Այգեձորում մոտ 8 հա խոտածածկ տարածք է այրվել

Սյունիքում 3.4 անգամ աճել է սուբվենցիոն ծրագրերի թիվը. այս ցուցանիշով մարզը հանրապետությունում առաջատար է

Առանձնատուն, 2 հողամաս, 70 հազար ռուբլի․ Գեղարքունիքի մարզպետի 2019-ի հայտարարագիրը

Քննարկվել է 2020-ի համար վերջնաժամկետ սահմանված՝ արդարադատության և տրանսպորտի ոլորտներում միջոցառումների ընթացքը

Ով է La casa de papel-ի Բոգոտան, որը Հայաստան է ժամանել

Մինչև 2023 թվականի վերջը նախատեսվում է լուծել Արցախի ՊԲ սպաների բնակարանային ապահովության հարցը

Մինչ օրս տնտեսվարողների կողմից արտակարգ դրության իրավական ռեժիմի կանոնների 250 խախտում է հայտնաբերվել (տեսանյութ)

Կոռուպցիայի դեմ պայքարելու համար ԱՄՆ-ն Հայաստանին 1 միլիոն դոլարի աջակցություն է տրամադրում

ԱԻՆ-ԵՄ նոր գործակցության սկիզբն ազդարարվել է

ՀՀ-ում առաջին անգամ կատարվել է պետական պաշտոնի նշանակման ենթակա թեկնածուների բարեվարքության ուսումնասիրություն. վարչապետ

Վարչապետը ՄԻԵԴ-ում Հայաստանի ներկայացուցչի գրասենյակում նոր նշանակում է արել

«Փրկիր մշակույթը». թատրոնների անձնակազմը ֆլեշմոբ է սկսել՝ վստահեցնելով՝ հանրությունը հոգեկան առողջության կարիք ունի

«Սու30CM»-ները «մարտական խոցումով» առաջին վարժական թռիչքներն են իրականացրել. վարչապետը տեսանյութ է հրապարակել

Արթուր Դավթյանն ընդունել է ՀՀ-ում իր առաքելությունն ավարտող ԵԽ երևանյան գրասենյակի ղեկավար Նատալյա Վուտովային

Ջրցան մեքենաները երեկոյան ժամերին ոռոգում են կանաչ գոտիները. Երեւանի քաղաքապետարան