Վանաձորի բժշկական կենտրոնում աուդիտը ընթացքի մեջ է. որոշակի պատկեր արդեն պարզ է

Վանաձորի բժշկական կենտրոնում շուրջ 3 ամիս առաջ սկսված աուդիտի գործընթացը դեռեւս շարունակվում է: Այս մասին ՀԺ-ի հետ զրույցում ասաց բժշկական կենտրոնի տնօրենի ժամանակավոր պաշտոնակատար Վահագն Մկրտչյանը: Հիշեցնենք, որ աուդիտ պահանջել էր հենց տնօրենը՝ ժամանակավոր պաշտոնակատար նշանակվելուց անմիջապես հետո:

«Ներկա պահին հիվանդանոցում իրականացվում են աուդիտի աշխատանքներ մարզպետարանի աուդիտի, ինչպես նաեւ Երեւանից եկած անկախ աուդիտի կողմից: Ամենօրյա ռեժիմով ու մեծ ծավալով ուսումնասիրություններ են արվում: Վերջին տարիների գործունեությունն է ուսումնասիրվում»,- ասաց Վահագն Մկրտչյանը՝ նշելով, որ մոտակա ժամանակներում վերջնական պատկեր կլինի, բայց. «Որոշ բաներ  իսկզբանե մեզ համար պարզ էր, թե ինչ է կատարվել նախկինում, պարզ էր նաեւ, թե ինչի հաշվին է հիվանդանոցը մեծ պարտքեր կուտակել ու արագ տեմպերով գլորվել ֆինանսական անդունդը»:

Շուրջ 3 ամիս տնօրենի ժամանակավոր պաշտոնակատար աշխատող Վահագն Մկրտչյանը օրինակ է բերում իր պաշտոնավարման ընթացքում վճարովի ծառայությունների աննախադեպ ու թռիչքային աճը. «Դա 3 հանգամանքով է պայմանավորված. նախ բժշկական կենտրոնը տեղափոխվել է նոր շենք, ինչի պատճառով նաեւ հոսքերն են ավելացել, երկրորդ հանգամանքն այն է, որ մենք ունենք որոշակի ծառայությունների համալրում, որը նախկինում չի եղել, իսկ որ ամենակարեւորն է՝ իմ կողմից բժշկական կենտրոնում անողոք պայքար է հայտարարվել ստվերային դրամաշրջանառության դեմ»:

Մկրտչյանն ասում է, որ այս 3 ամիսներին իրենք կարողացել են ոչ միայն բժշկական կենտրոնի ընթացիկ աշխատանքները բավարար առաջ տանել՝ առանց նոր պարտքեր կուտակելու, այլ նաեւ հին պարտքերից են վճարումներ արել:

Բացի ստվերային դրամաշրջանառությունից, հիվանդանոցում նաեւ ուռճացված հաստիքներ են եղել, պարբերաբար ու նույն մարդկանց տրված պարգեւատրումներ. «Մարդիկ են եղել, ովքեր պատկառելի գումարներ են ստացել պետական միջոցներից, բայց ոչինչ չեն արել: Իրենք այսօր ազատված են աշխատանքից, բայց աշխատանքը դրանից չի տուժել, ոչ էլ իրենց փոխարեն նոր մարդիկ են ընդունվել, պարզապես աշխատանքի ներքին վերաբաշխում է արվել»,- ասաց Մկրտչյանը: Անդրադառնալով պարգեւատրումերին՝ նշեց, որ դրանք կրկնվող են եղել, ու հիմնականում պարգեւատրվել են նույն մարդիկ. «Պարգեւատրումները ես ինքս եմ հայտնաբերել, առանց որեւէ աուդիտի, 2014թ-ից սկսած նայել եմ, տարեկան 2 մլն-ի պարգեւատրումներ են եղել, մեծ գումարները ստացել են նույն մարդիկ, ովքեր այստեղ ոչ բժիշկ են եղել, ոչ մայրապետ: Ինձ համար անընդունելի ու անհասկանալի է՝ երբ հիմնարկը պարտքեր ունի ու դու պարգեւատրումներ ես անում…»:

Մկրտչյանն ասում է, որ իր պաշտոնավարման օրոք ինքը եւս պարգեւատրումներ է արել, բայց ոչ թե վարչական օղակի աշխատակիցներին, այլ սանիտարներին, ովքեր ահռելի աշխատանք են կատարում եւ իսկապես արժանի են եղել խրախուսման. «Ծննդատան մայրապետերին ենք խրախուսել, ամեն մի մայրապետը մի ամբողջ հարկ է մաքրում, իդեալական է այնտեղ, բա այդ մարդկանց ո՞նց չխրախուսենք… սիմվոլիկ գումար ենք տվել, բայց դա ուշադրություն էր, որին արժանի էին, պարգեւատրումը լավ բան է, երբ տեղին է արվում»,- ասաց տնօրենի ժամանակովր պաշտոնակատար Վահագն Մկրտչյանը: Մեր հարցին, ինքն իրեն այս ամիսներին չի՞ պարգեւատրել, բացասական պատասխան տվեց. «Միայն մայրապետերն են պարգեւատրվել, որեւէ այլ մարդ, այդ թվում՝ ադմինիստրատիվ աշխատակից կամ տնօրեն, չի պարգեւատրվել…»:

Տպել
2945 դիտում

Առաջիկա օրերին սպասվում է փայտիկների մեծ խմբաքանակ, որը կբաշխվի նմուշառում իրականացնող հաստատություններին. Ա. Նիկողոսյան

«Չեմ ասել, թե սխալվել եմ. սա Շվեդիայի համար առավել հարմար ուղի է». Թեգնելը հերքել է սկանդալային լուրերը

«Զինծառայողների ապահովագրության հիմնադրամը» դատի է տվել Տիգրան Ուրիխանյանին․ պահանջում են նաեւ 1000 դրամ փոխհատուցում

ՀՊՏՀ-ի ռեկտորի թափուր պաշտոնի մրցույթը տեղի կունենա հուլիսի 17-ին․ Գալոյանն ավելի վաղ հաստատել էր իր մասնակցությունը

Եղել է մի հեղափոխական փոփոխություն, որն ուղղակի կերազեին նախկինում տեղի ունենար․ ոստիկանապետ

Կոչ ենք անում ենթարկվել հակահամաճարակային կանոններին և ոստիկանների պահանջներին. վարչապետի խոսնակ

Ոստիկանության ծառայողների կյանքում 2019 թվականը վարձատրության առումով եղել է բավականին արդյունավետ․ ոստիկանապետ

Կրիշտիանու Ռոնալդուն դարձել է պատմության առաջին միլիարդատեր ֆուտբոլիստը

Վանաձորում 60-ամյա կինը իրեն Փամբակ գետն է նետել. փրկարարները կարողացել են փրկել նրա կյանքը (լուսանկարներ)

Ոչ այնքան կարեւոր է, թե որքան ֆինանսներ են օգտագործվել, այլ այն, թե ինչ արդյունքներ են արձանագրվել․ Ատոմ Ջանջուղազյան

Պարզվում են Երեւանի 29-ամյա բնակչի ինքնասպանության հանգամանքները. նշանակվել են փորձաքննություններ

2 նոր նշանակումներ վարչապետի աշխատակազմի քաղծառայության գրասենյակում

Պետական բյուջեն անվտանգություն է. մենք վճարում ենք անում բյուջե՝ անվտանգություն ապահովելու համար. վարչապետ (տեսանյութ)

Արցախի ԱԺ նորնաշանակ նախագահն ընդունել է «Արցախի պառլամենտականների ասոցիացիա» ՀԿ անդամներին

Արցախում կորոնավիրուսային վարակը հաղթահարել է ևս 3 քաղաքացի

Բոլորին խնդրում եմ չտարածել աղջկա լուսանկարը, մյուսներին հորդորում եմ հեռացնել. ՄԻՊ-ը՝ վարչապետի հրապարակման մասին

Գավառի սպանությունով մեկ անձ ներգրավվել է որպես մեղադրյալ. ներգրավվածների ընդհանուր թիվը 30 է. ՔԿ

Քաղաքացին բաժին է տարվել ոստիկանների օրինական պահանջը չկատարելու համար. պարզաբանում՝ տեսանյութի մասին

Օլիմպիական խաղերի կայանալու կամ չկայանալու մասին որոշում կլինի 2021թ. գարնանը

Վարչապետը ոստիկանությունից պահանջում է բացահայտ արհամարհանք ցույց տվողների նկատմամբ ուժ կիրառել