Անգլիացի բլյուզ երգիչը 8 ամսում 16 երկրում 120 համերգ է ունեցել. 17-րդ երկիրը Հայաստանն է

Բրիտանացի երիտասարդ բլյուզ երաժիշտ Բեն Փուլը 2-րդ անգամ Հայաստանում է՝ կրկին ելույթ ունենալու նպատակով: «Հայկական ժամանակ»-ի հետ զրույցում նա պատմեց, որ իրականում այս շրջանում նախատեսում էր արձակուրդ վերցնել, ընկերն առաջարկել է գալ Հայաստան: Համատեղության կարգով նաեւ շոուներ կունենա, որոնք նաեւ աուտիզմի տեղեկատվական մեկամսյակի միջոցառումների շրջանակներում են:

«Անցած շաբաթ համերգներ եմ ունեցել Ռուսաստանում՝ Մոսկվայում ու Եկատերինբուրգում: Ընկերս՝ Վահանը, որն ինձ այստեղ էր բերել նաեւ 2015 թ., առաջարկեց էլի գալ: Շոուներ եմ ունենալու այստեղ, ինչի համար շատ ոգեւորված եմ, քանի որ անցած անգամ հիանալի ժամանակ եմ անցկացրել այստեղ: Այս անգամ եկել եմ ավելի շատ իմ, այսպես ասած, արձակուրդի համար, բայց նաեւ նվագելու եմ: Նաեւ այստեղ եմ աուտիզմի տեղեկատվական մեկամսյակի շրջանակներում»,- ասաց նա:

Ինչպես նախորդ անգամ, այս անգամ էլ դեռ շատ բան տեսնել չի հասցրել: Ասաց, որ ժամանել է 2 օր առաջ ու ՀՀ-ում մնալու է մինչեւ ուրբաթ՝ ապրիլի 19, հարցրեց՝ ուր կարող է գնալ ու պատմեց, որ Վերնիսաժն է տեսել: Ասաց, որ անցնելիս է եղել ու որոշել է գնում կատարել:

«Վերնիսաժ՝ ինձ համար շատ բարդ բառ է, դժվարանում եմ հիշել (ծիծաղում է): Թեւնոց ունեմ այնտեղից, նվեր է ընկերոջիցս: Դեռ այլ բան չեմ տեսել: Համեղ հայկական ուտելիք եմ կերել: Շատ եմ հավանել: Անգլիացու համար նոր է, տարբերող, սիրում եմ տարբեր խոհանոցների ուտեստներ փորձել, համեմունքներ կան, ինչը սիրում եմ, նաեւ միսը...»,- պատմեց նա:

Երեւանում շատ վայրերում չի եղել, սակայն քաղաքի մասին պատմական տվյալների տիրապետում է: Նաեւ լսել է նաեւ Արարատ լեռան մասին: Շնորհակալություն է հայտնում ջերմության համար ու ընդգծում, որ փորձելու է հնարավորինս շատ բացահայտումներ անել իր համար:

«Հիանալի է նորից այստեղ լինելը: Լսել եմ, որ Երեւանը մոլորակի ամենահին քաղաքներից է: Նաեւ գիտեմ Արարատ լեռան մասին, որի վրա իջել է Նոյան տապանը: Կփորձեմ տեսնել քաղաքի տեսարժան վայրերը, նոր բաներ բացահայտել: Շնորհակալ եմ բոլորին ջերմ ընդունելության համար»,- ասաց նա:

Հայաստանում տեղի ունեցած քաղաքական մեծ փոփոխությունների մասին Բեն Փուլը նույնպես գիտի: Չի ցանկանում մեկնաբանել, քանի որ այլ երկրից է, սակայն հասցրել է տպավորություն ստանալ տեղի ունեցածի վերաբերյալ մարդկանց վերաբերմունի մասին: Կարծիք է կազմել, որ նրանք գոհ են:

«Լսել եմ մեծ փոփոխությունների մասին, որոնց միջոց երկիրն անցել է, ինչը ինչպես երեւում է, ինչպես կարող եմ դատել մարդկանց խոսակցություններից, լավ է»,- ասաց նա:

Հայաստանից հետո երգիչը փորձելու է իսկապես հանգստանալ: Խոստովանում է, ոչ դրա կարիքը շատ ունի, քանի որ վերջին ամիսներին շատ զբաղված է եղել: Արձակուրդից հետո էլ գրաֆիկը հագեցած է լինելու: Շարունակելու է շրջագայությունները Եվրոպայում: Առաջիկայում լինելու է Ֆրանսիայում, Մեծ Բրիտանիայում ու Բելգիայում:

«Դա հիանալի է, քանի որ հանգստանալու կարիք ունեմ. վերջին շրջանում շատ զբաղված եմ եղել: 1 շաբաթ-10 օր ունեմ, հետո մեկնելու եմ Ֆրանսիա ու շարուենակելու եմ շրջագայությունս Մեծ Բրիտանիայում ու Բելգիայում: Ամառը նույնպես շատ հագեցած է լինելու: Վերջին 8 ամիսների ընթացքում շատ զբաղված եմ եղել, անընդհատ՝ մինչեւ հիմա, շրջագայությունների մեջ եմ եղել: Անցած սեպտեմբերից սկսած սա 17-երկիրն է, որտեղ լինում եմ՝ մոտ 120 շոու եմ ունեցել»,- ասաց նա:

Բեն փուլը 2 համերգ է նախատեսում Երեւանում: Այսօր՝ ապրիլի 17-ին, նա ներկայանալու է The Venue-ում, իսկ վաղը KAMI Club-ում:

Տպել
1168 դիտում

Ադրբեջանի կողմից հրադադարի ռեժիմը խախտելու և տարբեր զինատեսակներից կրակոցներ արձակելու փաստերով քրգործ է հարուցվել. ՔԿ

Աննա Հակոբյանն այցելել է Ստեփանակերտի կենտրոնական զինվորական հոսպիտալ

Արսեն Թորոսյանը մեկնել է Արցախի Հանրապետություն, գործընկերոջ հետ քննարկել է բուժօգնության կազմակերպման հարցեր

ՀՀ դիվանագիտական զինանոցում կա Արցախի ճանաչման հարցը. Էդմոն Մարուքյան

Լեռնային Ղարաբաղի խնդիրը չի կարող լուծվել բռնությամբ. Դմիտրի Մեդվեդեւ

Պարոն Ալիևը ուզում է կյանքի կոչել Էրդողանի երազանքները. Պետդումայի նախկին պատգամավոր

«Ես ձեր ցավը տանեմ, մենք միասին ենք». ազգությամբ քուրդ եւ եզդի ԱԺ պատգամավորները աջակցություն հայտնեցին հայ ժողովրդին

Եվրախորհրդարանի 2 ամենամեծ կուսակցությունները դատապարտել են Ադրբեջանի գործողությունները

Դավիթ Տոնոյանն ու ԱՀ նախագահ Արայիկ Հարությունյանն այցելել են բանակի մարտական կառավարման կենտրոն

Հայկական կողմը եւս 28 զոհ ունի. ՊԲ-ն հրապարակել է այսօր նահատակված զոհերի անունները

ՀՀ երեք օպերատորների հայտարարությունը Արցախում ռոումինգը վերացնելու պահանջի վերաբերյալ

Հրետանու կրակի խտությունը աննախադեպ է, երբևէ նման խտության կրակ այս տարածաշրջանում չի եղել. Ա. Հովհաննիսյան

118 կողմ. ՀՀ ԱԺ-ն ընդունեց Ադրբեջանի կողմից Արցախի սահմանին սկսված զինված հարձակումը դատապարտող հայտարարություն

Մարտակերտ քաղաքը և շրջակա բնակավայրերը շարունակում են մնալ հարվածի տակ (տեսանյութ)

Առաջնագծում թշնամին ոչ մի հաջողություն չունի. Վահրամ Պողոսյան

Հանրային հեռուստաընկերությունը հետաձգել է գործադիր տնօրենի ընտրության գործընթացը

ԱԺ նախագահը ներկայացրեց Ադրբեջանի ռազմական ագրեսիան դատապարտող հայտարարության նախագիծը (տեսանյութ)

Վարչապետը հրապարակել է իր հարցազրույցից Արցախի հարցին վերաբերող մի հատված (տեսանյութ)

Ամբողջ մաքսային ծառայությունն անցել է 24-ժամյա աշխատանքային գրաֆիկի. բոլոր մաքսակետերն աշխատում են

Պետությունն ի վիճակի է զբաղվել Արցախից ժամանած ընտանիքների կացարանների հարցով. Բաթոյանը վերահաստատում է ասածը