Ավտոբուսներում հովացման եւ ջեռուցման համակարգ պե՞տք է, թե չէ. տրանսպորտի հանձախումբը վերսկսեց աշխատանքը

Բացառապես նոր ու ցածրահատակ ավտոբուսնե՞ր են լինելու, թե չէ: Էկոլոգիական անվտանգության «եվրահինգ» նորմին համապատասխանությո՞ւն է լինելու, թե չէ: Կանգառներում ազդարարման համակարգի առկայություն պե՞տք է, թե չէ: Թեքահարթակների առկայություն անհրաժե՞շտ է, թե չէ: Ավտոբուսներում WF-ի, սրահի բարձրախոսի, արտաքին ու ներքին էլեկտրոնային տեղեկատվական ցուցանակների առկայութուն պե՞տք է, թե չէ: Տեսահսկման համակարգի առկայություն պե՞տք է, թե չէ: Հրդեհաշիջման համակարգի համալրվածություն պե՞տք է: Հովացման եւ ջեռուցման համակարգի առկայություն պե՞տք է ունենալ ավտոբուսների մեջ, թե չէ:

Երեւանի քաղաքապետարանում այսօր հրավիրված հանրային տրանսպորտի բարեփոխումների մասնագիտական աշխատանքային խմբի նիստում վերը նշված հարցերը հնչեցրեց քաղաքապետի առաջին տեղակալ Հրաչյա Սարգսյանը՝ խնդրելով այդ ամենի վերաբերյալ ներկայացնել առաջարկություններ, որպեսզի պարզ դառնա, թե ինչ չափորոշիչների համապատասխանող տրանսպորտ է ակնկալվում, որովհետեւ դրանք անմիջական ազդեցություն են ունենալու ուղեվարձի սակագնի ձեւավորման վրա: Այս նիստն, ի դեպ, առաջինն էր՝ քաղաքային իշխանության փոխվելուց հետո: Քննակումների վերսկսումը ձգձգվել էր, որպեսզի նրանք ուսումնասիրեն ներդրվող նոր երթուղային ցանցը:  

«Իհարկե, լավ է լինել հարուստ եւ առողջ, քան աղքատ ու հիվանդ»,- հայտնի արտահայտությունը մեջբերեց «Իրազեկ եւ պաշտպանված» սպառող հասարակական կազմակերպության նախագահ Բաբկեն Պիպոյանը՝ նկատելով, որ թվարկված բոլոր հնարավորություններն էլ, բնականաբար, կարող են ցանկալի լինել, բայց կարեւոր է նախ պարզել, թե այդ չափորոշիչներից յուրաքանչյուրը ինչ ազդեցություն է թողնելու ուղեվարձի սակագնի վրա:

Ասաց, որ քաղաքային նախկին իշխանության օրոք սրա վրա ուշադրություն է հրավիրել՝ առաջարկելով միջազգային իրավախորհրդատուից ստանալ նաեւ այս հարցերի պատասխանը: Հրաչյա Սարգսյանը պատասխանեց, որ այս պահի դրությամբ այդ գնահատականը չկա: Հիշեցնենք, որ Երեւանի համար նոր երթուղային ցանց է մշակել միջազգային WYG ընկերությունը:

Գործող իշխանությունը, որը քաղաքի կառավարումը ստանձնել է վեց ամիս առաջ, երկու հարցով դիմել էր խորհրդատու կազմակերպությանը: Հետաքրքրվել էր, թե նոր երթուղային ցանցի հիմքում դրված ուղեւորահոսքի հաշվարկը արդյոք հնացա՞ծ չէ, քանի որ այդ տվյալները վերաբերում էին 2013-2014 թվականներին, ու նաեւ առաջարկել էր հնարավորության դեպքում նվազեցնել տեղփոխով ուղեւորափոխադրումների քանակը: Խոսքն այն մասին է, որ ուղեւորները «ա» կետից «բ» կետ հասնելու համար որոշ դեպքերում ստիպված են լինելու տրանսպորտ փոխել մեկ կամ ավելի անգամ: Խորհրդատուի պատասխանները ստացվել են: Առաջին հարցի վերաբերյալ կազմակերպությունը հավաստիացրել է, որ որեւէ էական շեղում չկա: Ինչ վերաբերում է տեղփոխների կրճատմանը, WYG ընկերությունը դա նպատակահարմար չի համարել երկու պատճառով. նախ կպահանջվեն շատ ավելի մեծ ներդրումներ, եւ երկրորդը՝ անհրաժեշտություն կառաջանա ավելացնել մեքենաները, ինչն էլ իր հերթին կհանգեցնի հավելյալ խցանումների ու մատուցվելիք ծառայությունների որակի անկման:

Երեւանի քաղաքապետի տեղակալը վստահեցնում է, որ այդ պատասխաններին սպասելու ընթացքը ժամանակի կորուստ չէ, որովհետեւ դա արվել է նոր երթուղային ցանցին ծանոթանալուն զուգահեռ: «Հասկանում եմ, որ սպասումները մեծ են, բայց քանի որ ամբողջ պատասխանատվությունը գործող քաղաքային իշխանության վրա է, հետեւաբար մենք սխալվելու իրավունք չունենք, եւ ամեն մի կետ մանրամասն ուսումնասիրում ենք, որպեսզի ճիշտ որոշում կայացնենք: Մենք ծանոթացել ենք նոր ցանցի հետ, զուգահեռ խնդրել ենք որոշ հարցեր նորից ուսումնասիրել»,- ասաց նա:

Նոր երթուղային ցանցով նախատեսվում է Երեւանում ունենալ 42 երթուղի՝ գործող ավելիք քան 110 երթուղու փոխարեն: Դրանցից 11-ը կլինեն հիմնական երթուղիները, 30-ը՝ սնուցող՝ օժանդակ, իսկ մեկը կլինի «Զվարթնոց» օդանավակայան տանող արագընթաց երթուղի: Այս բոլոր երթուղիներում աշխատելու է 845 ավտոբուս եւ 101 տրոլեյբուս:  

18 մետրանոց միակցված ավտոբուսների քանակը լինելու է 249: Մեծ՝ 12 մետր երկարությամբ ավտոբուսների քանակը՝ 34, իսկ միջին տեղատարողության ավտոբուսները, որոնք կունենան 7.5-8.5 մետր երկարության, կլինեն 562 հատ:

Ինչ վերաբերում է տրոլեյբուսներին, առկա հինգ երթուղիները պահպանվելու են: Դրանք սպասարկելու համար անհրաժեշտ 101 միավոր շարժակազմից 67-ը կլինի ամբողջովին նոր, իսկ 34 տրոլեյբուսները կլինեն հները, որոնք կվերազինվեն ու կարդիականացվեն: Նիստի ընթացքում կարծիք հնչեց, որ երթուղիները նաեւ տրոլեյբուսներով սպասարկելը հետքայլ է ու հնացած: Ոլորտի պատասխանատուները դրան չհամաձայնեցին: «Ես շատ ուրախ կլինեմ, որ Բուդապեշտի համար արտադրված այդ «վատ» տրոլեյբուսները Երեւանում լինեն»,- արձագանքեց փոխքաղաքապետը՝ ընդգծելով տրոլեյբուսի առավելությունները:  

Դառնալով տեղփոխին, նշենք, որ նոր երթուղային ցանցի գործարկման դեպքում ուղեւորների 49 տոկոսը անհրաժեշտ վայր է հասնելու առանց տրանսպորտ փոխելու: 38 տոկոսը կունենա մեկ տեղփոխ: Այսինքն՝ անհրաժեշտ վայր կհասնի երկու տրանսպորտով: Երթեւեկողների 10 տոկոսի դեպքում տեղփոխը կլինի երկուսը, այսինքն՝ երեք տրասնպորտով: 3 տեղփոխի կամ չորս տրանսպորտ փոխելու անհրաժեշտություն կունենան ուղեւորների 3 տոկոսը: Այսօրվա նիստում ընդգծվեց, որ ուղեվարձը կապ չի ունենալու տեղփոխի քանակի հետ: Դրան նպաստելու է միասնական տոմսային համակարգը:

Տպել
3645 դիտում

ՀՀ տարածքում կան փակ ավտոճանապարհներ․ Սիսիան-«Զանգեր» կոչվող հատվածում կան կուտակված ավտոմեքենաներ

Սարի թաղում ավտոմեքենա է կողաշրջվել

Մեկնարկել են տնօրենի հավաստագրման քննությունները. դիմել է 505 հավակնորդ

Վերին Պտղնի համայնքում ավարտին են մոտեցել համայնքային մանկապարտեզի կառուցման աշխատանքները

Լարսը փակ է. ռուսական կողմում 730 բեռնատար է կուտակվել

Ինչ ծրագրեր կան Երեւանի ամենահին թաղամասերից մեկի՝ Կոնդի հետ կապված․ փոխվարչապետի եւ քաղշինկոմի նախաձեռնությունը

Փրկարարները Ձորագլխի մոտակա սարից 3 մարդու են իջեցրել. 17-ամյա քաղաքացու վիճակը գնահատվում է ծանր

Առանց հյուրերի, ընթրիքի, պարահանդեսի ու առանց Թրամփի. ինչպիսին է լինելու Բայդենի երդմնակալությունը

Անբարեխիղճ արցախցիները չեն օգտվի կոմունալ ծառայությունների փոխհատուցման աջակցության միջոցառումից

Առաջարկում եմ պարոն Անանյանին հեռացնել իր էջից ստատուսը․ Սերգեյ Բագրատյանն էլ Դավիթ Անանյանի գրառմանն է անդրադարձել

Գյումրիում ցրտահարությունից 70-ամյա կին է մահացել

Մեսրոպ Առաքելյանը ԵՄ դեսպան Անդրեա Վիկտորինի հետ քննարկել է իրականացվող ծրագրերն ու դրանց ընթացքը

Ահա թե ինչ է լինում, երբ... Բագրատյանի հանձնաժողովը խիստ քննադատվեց, նա մեղքը գցեց Անանյանի վրա, Անանյանն էլ, թե՝ սուտ է

Արցախի խորհրդարանի 2021 թվականի ծախսը 2020թ-ի համեմատ աճել է 25 մլն 871 հազ դրամով

Հայտնում եմ, որ պատգամավորը ստում է․ Դավիթ Անանյանն արձագանքել է Սերգեյ Բագրատյանի ելույթին

Կրեմլը մեկնաբանել է Նավալնիի հետ կապված իրավիճակը

2021 թվականին սպասվող կարևոր սպորտային իրադարձությունները

ՀՀ պաշտպանության նախարարն ընդունել է ԵԿՄ վարչության անդամներին

Սեպտեմբերից սկսած Սահմանադրական դատարանի դատավորները որևէ տեսակի պարգևավճար չեն ստացել․ ՍԴ խոսնակ

Աբովյան քաղաքի ավտոճանապարհները դժվարանցանելի են․ Հանրապետության մեծ մասում ձյուն է տեղում

Վիգեն Ստեփանյանի հուղարկավորման տեղի համար Կառավարության միջամտությանն են դիմել

Արտադրական փակ տարածքներում հակահամաճարակային նորմերի պահպանման թերություններ է արձանագրվել․ ԱԱՏՄ

Դատարանը հեռացավ խորհրդակցական սենյակ՝ Քոչարյանի գործով դատախազների բացարկի միջնորդության վերաբերյալ որոշում կայացնելու

Վահան Քերոբյանը հանդիպում է ունեցել Սյունիքի մարզպետ Մելիքսեթ Պողոսյանի հետ․ քննարկվել են գյուղատնտեսական խնդիրները

Նկատողություն Ռոբերտ Քոչարյանին, Յուրի Խաչատուրովին, մեղադրող դատախազին եւ պաշտպանին

Հայտնաբերվել է տոպրակ` առանձնապես խոշոր չափի թմրանյութով (տեսանյութ)

Մեկնարկել է «i-Portunus» արվեստագետների ճամփորդական դրամաշնորհի մասնակցության հայտերի ընդունումը

4-րդ զորամիավորումում ամփոփվել է 2020 թ. ուսումնական տարին (լուսանկարներ)

Արմեն Փամբուխչյանը և Ֆրանսիայի դեսպանության ներքին անվտանգության կցորդ Էրվե Ժամենը քննարկել են համագործակցության ծրագրեր

Տղամարդու կեցվածքի մեջ ինձ համար ամենաանընդունելի բանը լաչառությունն է. Ռոբերտ Քոչարյան

Գերիների ու անհետ կորածների ընտանիքներին չպետք է միայնակ թողնել, բայց դա պետք է անել հնարավորինս աննկատ․ Ա. Քոչարյան

Վարդենյաց լեռնանցքը փակ է, ՀՀ 9 մարզում ձյուն է տեղում

Ուսուցիչներին տրվող լրավճարների չափը կենթարկվի՞ փոփոխության. ԿԳՄՍՆ-ից պարզաբանում են, որ բանաձեւը լրամշակման փուլում է

Դուք դավաճանների աջակիցն եք. Խաչատուրովը՝ դատավորին

Նիկոլ Փաշինյանը և Նիդերլանդների դեսպանը քննարկել են երկկողմ կապերի զարգացման օրակարգը (լուսանկարներ)

Առանց պետական գրանցման ու լիցենզիայի կազմակերպվել են «պոկեր» կենդանի խաղեր․ պետությանը պատճառվել է 5,5 մլրդ դրամի վնաս

«Շուշին հանձնողներից մեկն ես, էլի». վիճաբանություն Քոչարյանի, նրա պաշտպանների եւ մեղադրող դատախազի միջեւ

Առաջին զորամիավորումում անցկացվել է ռազմաբժշկական պատրաստության պարապմունք (լուսանկարներ)

Արման Թաթոյանը Գերմանիայի դեսպանի հետ քննարկել է Ադրբեջանում պահվող հայկական կողմի գերիների վերադարձի հետ կապված հարցեր

ՀՀ պետական սահմանի հայ-ադրբեջանական շփման գծի ամբողջ երկայնքով շարունակվել է պահպանվել կայուն օպերատիվ իրավիճակ․ ՊՆ