Սննդամթերքի արտադրությունն աճել է 25 տոկոսով․ տնտեսական հեղափոխության մեր մոդելը աշխատում է․ վարչապետ

Արդյունաբերական արտադրանքի ծավալը 2019 թվականի հունվար-փետրվար ամիսներին աճել է 1․9 տոկոսով։ Այս մասին այսօր Ազգային ժողովում կառավարության ծրագրի կատարման ընթացքի եւ արդյունքների մասին զեկույցը ներկայացնելիս հայտնեց ՀՀ վարչապետ Նիկոլ Փաշինյանը՝ նշելով, որ սա այն պայմաններում, որ հունվարին արդյունաբերական արտադրանքը նվազել էր 1․1 տոկոսով․

«Փետրվարին արձանագրված 4․7 աճի շնորհիվ երկամսյա հանրագումարը կազմել է 1․9 տոկոս։ Դա տեղի է ունեցել հետեւյալ կարեւոր պայմաններում․ ես ուզում եմ հիշեցնել, որ, ի տարբերություն նախորդ տարվա, այս տարի, օրինակ, Թեղուտի հանքը, որը վիճակագրորեն ապահովում էր մեր արդյունաբերական աճի հսկայական տոկոսը, արդեն բավական երկար ժամանակ չի աշխատում։ Հանքարդյունաբերական ոլորտում մենք ունեինք երկու հսկաներ, որոնք մեր արդյունաբերական վիճակագրական ցուցանիշերի առյուծի բաժինն էին ապահովում, եւ մենք այսօր աճ ենք ցույց տալիս այն պայմաններում, երբ այդ երկու գիգանտները չեն աշխատում»։

Ապա Փաշինյանը թվարկեց նաեւ տնտեսության այլ ճյուղերում գրանցած արդյունքները։ Մասնավորապես՝

1․ հունվար-փետրվարին առեւտուրն ընդլայնվել է 13․1 տոկոսով,

2․ այս ամիսներին բարձր տեմպերով աճել է նաեւ ծառայությունների ճյուղը, հունվարին՝ 15․6, փետրվարին 19․3 տոկոս, երկամսյա աճը՝ 17․5 տոկոս,

3․ սննդամթերքի արտադրությունն աճել է 25 տոկոսով,

4․ խմիչքների արտադրությունն աճել է ավելի քան 30 տոկոսով,

5․ հագուստի արտադրությունն աճել է 15 տոկոսով,

6․ հունվար-փետրվարին նշանակալի աճ է արձանագրել կոնյակի արտահանումը, որի արտահանման արժեքը կազմել է 30․2 մլն ԱՄՆ դոլար, աճը եղել է 24․2 տոկոս,

7․ ոսկերչական իրերի արտահանումը կազմել է 5․3 մլն դոլար՝ նախորդ տարվա նկատմամբ աճել է մոտ 74․9 տոկոսով։

Վարչապետը հայտնեց, որ երկրում աճել է նաեւ ծխախոտի արտադրությունը՝ մոտ 17 տոկոսով, ապա կատակեց՝ «Արսենը ստեղ չի, չէ՞»՝ նկատի ունենալով առողջապահության նախարար Արսեն Թորոսյանին, որը հակածխախոտային պայքարի «առաջամարտիկ» է։

«Ի՞նչ է նշանակում այս ամենը։ Սրանք թվեր են, բայց ես համոզված եմ, որ թվերը, առանց դրանց հիմքում դրված փիլիսոփայության եւ գաղափարաբանության՝ ոչինչ են։ Իմ խոր համոզմունքն է, որ թվերը ոչինչ են առանց դրանց հիմքում գտնվող բովանդակության։ Այս ամենը նշանակում է, որ տնտեսական զարգացման եւ տնտեսական հեղափոխության մեր մոդելը աշխատում է, եւ ես հազմոված եմ, որ այն ավելի լավ է աշխատելու»,- ասաց վարչապետը՝ եւս մեկ անգամ ընդգծելով, որ տնտեսական հեղափոխության առանցքային եւ անկյունաքարային գործող անձը քաղաքացին է, տնտեսվարողը, տնտեսվարող սուբյեկտը, իսկ կառավարության հիմնական անելիքն է անհատական ջանքի, աշխատանքի քաջալերումը, հավասար մրցակցային պայմաններ ստեղծելը, ֆինանսական հասանելիություն ստեղծելը, կարգավորումները հնարավորինս նվազեցնելը, հեռանկարում նաեւ հարկային բեռի թեթեւացումը եւ հարկային համակարգի պարզեցումը։

Տպել
2463 դիտում

Երևանի թիվ 156 միջնակարգ դպրոցում պայթուցիկ սարք է տեղադրվել. ահազանգ է ստացվել

Իտալական շուկայի մոտ 30 ձեռնարկություններ առաջիկայում կգան Հայաստան․ Իտալիայում ՀՀ դեսպան

Արա Մինասյանն ընդդեմ Արսեն Թորոսյանի գործով վերաքննիչ բողոքները մերժվել են

ՀՀ վարչապետն ու Աննա Հակոբյանն այցելել են Հռոմի Սուրբ Նիկողայոս Հայ Կաթողիկե եկեղեցի (տեսանյութ, լուսանկարներ)

Երթևեկության կազմակերպման փոփոխություն Երևան քաղաքի Արցախի պողոտայի և Այվազովսկու փողոցի խաչմերուկում

Սարհատ Պետրոսյանը ներկայացել է ոստիկանություն՝ իր հայտարարությունների վերաբերյալ պարզաբանումներ տալու

Կոնստանտին Օրբելյանը ներկայացվել է «Գրեմմի». նախորդ տարի հաջողություն չէր ունեցել

Դերասան Արտյոմ Կարապետյանին դանակով սպառնացած երթուղայինի վարորդը հայտնաբերվել է (տեսանյութ)

«Ջերմոց կմշակեմ». Լեւոն Երանոսյանը՝ իր հետագա անելիքների մասին

ՀՀ և ՌԴ դատախազությունների դատախազները Մոսկվայում քննարկել են անչափահասներին վերաբերող քրգործերով խնդիրները

Բրեգովիչի նոյեմբերի 24-ի համերգը չեղարկվել է քաղաքապետարանի պատճառով. մարդիկ զանգվածաբար վերադարձրել են տոմսերը

ՀՀ վարչապետը՝ ամենաակտիվ ֆեյսբուքյան էջ վարող քաղաքական լիդերների տասնյակում. Twiplomacy

ԱԱԾ-ում ապօրինի որդեգրման դեպքերով հարուցված քրեական գործը փոխանցվել է ՀՀ քննչական կոմիտե

Վերաքննիչ քրեական դատարանը վարույթ է ընդունել Ռ. Քոչարյանի պաշտպանների բողոքը

2004-ի այս օրը պայթեցվեց կամ հրկիզվեց «Հայկական ժամանակ» օրաթերթի գլխավոր խմբագրի` Ն. Փաշինյանի մեքենան (լուսանկարներ)

Քթի վիրահատությունից հետո երիտասարդը կորցրել է ձայնը. մեղադրանքներ ու պարզաբանումներ

Ոստիկանների կողմից քաղաքացու խոշտանգման դեպքով ՀՔԾ-ում նյութեր են նախապատրաստվում

1 օրում բացահայտվել է հանցագործության 85 դեպք. օպերատիվ իրավիճակը նոյեմբերի 21-ից 22-ը

Վարչապետը հանդիպում է Իտալիայի արտաքին առևտրի պետական գործակալության նախագահ Կարլո Ֆերոյի հետ (տեսանյութ)

Լեւոն Սարգսյանի արտահանձնման նպատակով նախապատրաստվում է անհրաժեշտ փաստաթղթերի փաթեթը. դատախազի խորհրդական