Մ23 ԵԱ-ից հետո ազատոճայինների մարզիչը խնդրի առաջ է կանգնել, հունահռոմեականների մազիչը դժգոհ է

ՀՀ ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը բարդ խնդրի առաջ է հայտնվել Եվրոպայի մինչեւ 23 տարեկանների 2019 թ. առաջնությունից հետո: Այն բանից հետո, ինչ Սերբիայի Նովի Սադ քաղաքում մարտի 4-10 կայացած մրցաշարում Վազգեն Թեւանյանը չեմպիոն դարձավ, ՀՀ հավաքականում լուրջ մրցակություն է ստեղծվել 65 կգ քաշային կարգում: Երբ վնասվածքից ապաքինվի ու վերադառնա Եվրոպայի բրոնզեմեդալակիր Վալոդյա Ֆրանգուլյանը, մասնագետը միջազգային խոշոր մրցումներից առաջ պետք է ընտրություն կատարի նրա, աշխարհի եւ Եվրոպայի չեմպիոն Դավիթ Սաֆարյանի ու Թեւանյանի միջեւ: Այսօր՝ մարտի 13-ին, լրագրողների հետ հանդիպման ժամանակ մարզիչը նշեց՝ ինչպես է լուծելու խնդիրը:

«Չեմ թերագնահատում ոչ մեկին: Շատ կարեւորում եմ, որ քաշային կարգում կա մրցակցություն: Շատ ուրախ կլինեի, եթե մյուս քաշային կարգերում էլ նման եւ առավել մրցակցություն լիներ: Մենք ունենք մրցումներ, կտրվի հնարավորություն, մրցումներում կորոշվի՝ ով կմասնակցի: Ես մեկին մյուսից չեմ գերագնահատում, եթե տվյալ պահին հաղթում է երիտասարդը, կգնա նա, եթե հաղթում է փորձառուն, կգնա նա»,- ասաց նա:

Մասնագետը նաև ամփոփեց Եվրոպայի մինչեւ 23 տարեկաննների առաջնությունում իր մարզիկների ելույթները: Ազատոճայիններից մեդալ էր նվաճել նաեւ Խաչատուր Պապիկյանը (74 կգ): Նա բրոնզեմադալակիր էր դարձել: Մասնակցած մյուս 5 ազատոճայինները վերադարձել էին առանց լուրջ արդյունքների: Կուրղինյանը վստահ է, որ լավ աշխատելու դեպքում նրանք նույնպես հետագայում կպայքարեն ամենաբարձր տեղերի համար:

«Բոլորն էլ երիտասարդ ըմբիշներ են: Հնարավորություններ ունեն: Իրենց մեջ պոտենցիալ տեսնում եմ: Այդ գոտեմարտերում, որոնցում պարտվեցին, հավասար գոտեմարտերում են զիջել: Ուղղելու, աշխատելու կարիք ունեն, ինձ թվում է՝ հնարավոր է անել, որ հաջորդ մրցումներում նրանք էլ կարողանան մեդալների համար պայքարել»,- ասաց նա՝ ավելացնելով, որ մեծահասակների ընտրանու կազմում սերնդափոխություն է տեղի ունենում, ու երիտասարդները շանսեր կստանան՝ այդ թվում Եվրոպայի մեծահասակների 2019 թ առաջնությունում:

Եվրոպայի մինչեւ 23 տարեկանների առաջնությունն ամփոփեց նաեւ հունահռոմեական ոճի ըմբշամարտի երիտասարդների ավագ մարզիչ Արմեն Բաբալարյանը, որն այս մրցաշարում ուղեկցում էր մինչեւ 23 տարեկան հունահռոմեականներին: Նրա գլխավորած թիմից մեդալով վերադարձավ միայն Սլավիկ Գալստյանը (63 կգ): Արծաթեմեդալակիր դարձավ եզրափակչում զիջելով վրացի Լեւանի Քավյարաձեին (8-10): Բաբալարյանն ընդգծում է, որ նա պարտավոր էր հաղթել:

«Բնականաբար պետք է հաղթեր: Ինչո՞ւ, քանի որ այդ նույն վրացի ըմբիշին աշխարհի առաջնությունում հաղթել էր 10:0 հաշվով: Այստեղ չնայած իրեն նախապատրաստել էինք, որ կապ չունի, որ անցած անգամ հաղթել ես, պետք է այս անգամ էլ ապացուցել, որ ուժեղ ես՝ բայց երեւի ինչ-որ հոգեբանական պահով ավելի շատ շտապեց: Ինձ թվում է՝ ուզում էր ավելի շուտ, ավելի բարձր միավորներով հաղթել, բայց, այսպես ասած, պատին բախվեց: Չնայած էլի 8-4 հաշվով հաղթում էր մինչեւ վերջին րոպեն, բայց վերջին 1 րոպեի ընթացքում մի քիչ թուլություն ցույց տվեց ու զիջեց վրացի ըմբիշին»,- ասաց նա:

Ընդհանուր արդյունքներից Բաբալարյանը դժգոհ է: Մրցաշարին մասնակցում էին եւս 4 հունահռոմեականներ: Նրանք դուրս մնացին տարբեր փուլերում ու չպայքարեցին մեդալների համար: Մասնագետը նշում է, որ նրանք բոլորն էլ իրենք են մեղավոր: Մյուս կողմից շեշտում է, որ մարզիչները տեսել են, թե ինչի վրա պետք է աշխատել:

«Մարզչական շտաբի կողմից նկատվեցին մարզիկների թերությունները, առավելությունները, հասկանալի դարձավ, թե ամեն մարզիկի հետ անհատական ինչ մոտեցումներ պետք է ցույց տալ, որպեսզի վաղը մտնեն մեծահասակների մեջ»,- ասաց նա:

Այս մրցաշարից հետո հունահռոմեակնները միացել են մեծահասակների հավաքականին, որն այս օրերին ուսումնամարզական հավաք է անցկացնում Մինսկում: Ազատոճայինները որոշ ժամանակ հանգստանալու են:

Տպել
632 դիտում

Ներկա պահին Կոտայքի մարզում ամբողջական ծավալով գործում է 4 սպանդանոց

Մակրոնը մեղադրել է Էրդողանին՝ պայմանավորվածությունները խախտելու մեջ

ՀՀ ոստիկանության շտաբի պետ Արմեն Ղուկասյանն ընդունել է ԵԱՀԿ ԺՀՄԻ խորհրդատուներին

Ժնեւում ավարտվել է Հայաստանի եւ Ադրբեջանի ԱԳ նախարարների հանդիպումը. Նաղդալյան

Թավջութակահարին զինծառայությունից ազատելու համար Մանսուրյանը այլ հայտնի գործիչներ երաշխավորագրեր են ներկայացրել

2020 թ. առաջին անգամ հայտարարագիր կներկայացնեն մետաղական հանքաքար արդյունահանող ընկերությունների իրական սեփականատերերը

ՀՀ 7 քաղաքացի գտնվում են Չինաստանի Հուբեի նահանգում. Ավետ Ադոնցը հանդիպել է ՀՀ-ում ՉԺՀ դեսպան Թիեն Ըրլունիին

JICA-ի կողմից ՀՀ-ին է նվիրաբերվել 22 հրշեջ ավտոմեքենա. դրանք կուղեւորվեն Շիրակի, Լոռու և Սյունիքի մարզեր

Վայոց ձորում անցկացվել է զորակոչի վերջին փուլը. ՊՆ

Ահազանգ՝ զինված անձանց մասին. հրազենները թողած եւ փախած երիտասարդները ձերբակալվել են (տեսանյութ)

Հայաստանի 5 բարձրագույն ուսումնական հաստատություններում կներդրվի քաղաքացիական կրթության «Ներգրավված քաղաքացի» դասընթացը

28-ամյա երիտասարդը մաքսանենգ ճանապարհով Հայաստան է բերել հաշիշ՝ սոցցանցերի միջոցով վաճառելու նպատակով (տեսանյութ)

2019թ. խոշոր հարկատուների կողմից եկամտահարկ վճարվել է 208 մլրդ դրամ, ինչը 20%-ով ավելի է 2018թ. համեմատությամբ. վարչապետ

Արսեն Թորոսյանը ՀՀ ԱՆ հուշամեդալով է պարգեւատրել բժշկական գիտությունների դոկտոր, պրոֆեսոր Արմեն Չարչյանին

Վարոս Սիմոնյանը JETRO-ի ներկայացուցիչների հետ քննարկել է հայ-ճապոնական տնտեսական համագործակցության հեռանկարները

Հայկ Մհրյանը նշանակվել է ՀՀ ոստիկանության պետի տեղակալ

Տիգրան Սարգյանը ղեկավարելու է Եվրասիական զարգացման բանկի թվային նախաձեռնությունների հիմնադրամը. ԵՏՀ

Վանաձորի «Բուսաբանական այգու» պահակը հատել է հարակից անտառի ծառերը

Վլադիմիր Վարդանյանն ընտրվեց ԵԽԽՎ Մարդու իրավունքների ենթահանձնաժողովի նախագահ. Ռուբեն Ռուբինյան

Ապօրինի թմրանյութ պատրաստելու, պահելու և օգտագործելու կասկածանքով Գյումրիում 36-ամյա տղամարդ է բերման ենթարկվել