Տղամարդկանց եւ կանանց հինգ պահանջմունքները ամուսնության ոլորտում. դասը ծնողների բողոքն է առաջացրել

«Տղամարդկանց հինգ հիմնական պահանջմունքներն ամուսնության ոլորտում. 1) սեռական բավարարվածություն, 2) հանգստի ուղեկից, 3) հմայիչ կին, 4) տնային տնտեսության վարում, 5) հիացմունք: Կանանց հինգ հիմնական պահանջմունքներն ամուսնության ոլորտում. 1) քնքշություն, 2) խոսելու, զրուցելու հնարավորություն, 3) ազնվություն եւ անկեղծություն, 4) ֆինանսական աջակցություն, 5) ընտանիքին նվիրվածություն»:

Մեջբերումը 10-րդ դասարանի հասարակագիտություն առարկայի դասագրքից է, որի վրա սոցցանցի իր էջում ուշադրություն է հրավիրել ծնողներից Զարուհի Հովհանննիսյանը եւ որը դրանից հետո արագորեն տարածում գտավ եւ արժանացավ քննադատությունների:

«Ես՝ որպես իրավապաշտսպան եւ հավասարության դիսկուրսի ակտիվ մասնակից, խտրականության դեմ պայքարող անհատ, իհարկե մտահոգված էի, որ դեռեւս մեր դասագրքերը խթանում են անհավասարությունը սեռերի միջեւ, գենդերային դերերի բաշխումը ընտանիքում ներկայացնում են բավական կարծրատիպային տեսանկյունից՝ նորից գերակա դերը տալով տղամարդուն: Շատ ստորադասված է կնոջ դերը, իսկ տղամարդունը կարծես ամեն ինչով գերակա: Դա առաջինը, իհարկե, նկատել էին իմ երեխաները, որոնք դասարանում սկսել էին բարձրաձայնել անհավասարության իրենց պատկերացրած տարբերակը եւ հանդիպել էին քննադատության ե՛ւ ուսուցչի կողմից, ե՛ւ աշակերտների, որոնք հենց կարծրատիպային պատկերացում ունեն ընտանիք ինստիտուտի մասին»,- «Հայկական ժամանակ»-ի հետ զրույցում մանրամասնեց Զարուհի Հովհաննիսյանը:

Նրա կարծիքով, որոշիչը դասագիրքն է եւ ուսուցիչներին վերապատրաստելիս դասարգրքում գրվածը մատուցվում է որպես վերին ատյանի ճշմարտություն, իսկ աշակերտների քննադատական մոտեցումը չի խրախուսվում: «Գենդերային կարծրատիպերի դեմ պայքարը, կանանց եւ տղամարդկանց հավասար իրավունքների ու հավասար հնարավորությունների համար պայքարը պետության կողմից ստանձնած պարտավորություն է, եւ նաեւ գոյություն ունեն օրենքներ դրանց համար, բայց դասագիրքը, փաստորեն, մեկ դար առաջ հրապարակված կամ ուսումնասիրված արդյունքների վրա է հենվել»,- փաստեց մեր զրուցակիցը:

Խնդրո առարկա դասը բավական ծավալուն է եւ այնտեղ հանդիպում են նաեւ այսպիսի մտքեր. «Նոր դարի ու հազարամյակի սկիզբը միայն ժամանակային սահման չէ, այն նաեւ մարդկային քաղաքակրթության զարգացման նոր փուլ է նշանավորում: Աշխարհը փոխվում է արագընթաց եւ անկանխատեսելիորեն: Փոխվում են նաեւ շատ արժեքներ ու ավանդական պատկերացումներ, այդ թվում՝ ընտանեկան դերերի եւ հարաբերությունների մասին», «Համերաշխ ընտանիքը կարող է ինքը կարգավորել դերային հարաբերությունները, օրինակ՝ նրանք կարող են փոխադարձ համաձայնությամբ որոշակի ժամանակով փոխել դերերը կամ որեւէ դեր համատեղ կատարել: Նման փոխհամաձայնությունը նույնպես ընտանեկան երջանկության գրավականն է»:

Մասնավորապես վերջինին անդրադառնալով՝ Զարուհի Հովհաննիսյանից հետաքրքրվեցինք՝ օրինակ դա չի՞ հավասարակշռում թվարկված պահանջմունքների հնգյակները: «Դե գիտե՞ք, կարծրատիպը տալուց հետո եթե ասում ես՝ կարող են այդպես անել, դա նշանակում է՝ քիչ թե շատ նվազեցնում ես ընտրության հնարավորությունը: Եթե տաս նաեւ տարբեր այլ ընտրություններ եւ նշես տարբեր ընտրությունների այդ հնգյակները, միգուցե: Բայց այստեղ մեր խնդիրն է նաեւ սերունդներին տալ պատկերացումների հնարավորինս հստակ սխեմաներ: Եթե սխեման տրվում է այսպիսին եւ ասվում է, որ հետագայում կարող են կոնֆլիկտներ լինել անհամապատասխանության տեսանկյունից, արդեն խնդիր է առաջանում: Ամեն դեպքում երեխայի պատկերացումներում դա եղել է ու երեխան տանը սկսկել է խոսել դրա մասին, որ դասարանում ունեցել է կոնֆլիկտ պատկերացումների անհամապատասխանության»,- ասաց նա:

Կրթության ազգային ինստիտուտի հասարակագիտության մասնագետ Կարինե Հարությունյանը նկատեց, որ սոցցանցում հրապարակվել է նյութի միայն մի փոքր հատվածը եւ շրջանցվել է աշակերտներին ուղղված պահանջը՝ քննարկել դասի մեջ տեղ գտած մտքերը եւ դիրոքորոշում հայտնել դրանց վերաբերյալ, ինչպես նաեւ քննարկման համար առաջարկվող մյուս թեմաները: «Դասը ունի նպատակ, կառուցվածք եւ գործնական աշխատանքների մաս»,- արձանագրեց նա:

«Հոգեբանները տարբեր տեսություններ են ներկայացնում: Մենք չենք վերցնում ու ասում՝ սա է ճիշտը: Համեմատում ենք, համադրում ենք, վերլուծում ենք: Դասի տրամաբանությունն այն է, որ երեխաները կարողանան բանավեճ իրականացնել՝ հիմնավորելով մեր ազգայինը, մեր ավանդականը, իրենց կարծիքները, սոցիալական դերերի հավասարության սկզբունքը եւ վերլուծելու կարողություններ ձեռք բերեն: Մեջբերված այդ հատվածով տեսանելի չէ դասի կառուցվածքը, դա ընդամենը մի կտոր է, որտեղից դուրս են թողել ամերիկացի հոգեբանի անունն ու ասածը, ու ընդամենը ներքեւի մի պարբերությունն են նկարել»,- նշեց կրթության ազգային ինստիտուտի աշխատակիցը: Դասագրքի տվյալ հատվածում մեջբերված է ամերիկացի հոգեբան Ու. Ֆ. Հարլիի եզրակացությունները եւ մինչեւ կանանց ու տղամարդկանց հինգ պահանջմունքներին անդրադառնալը նշվում է, որ «Հարլին առանձնացնում է տղամարդկանց եւ կանանց հնգական հիմնական պահանջմունքներ, որոնց բավարարումն ապահովում է ամուսնության կայունությունը, իսկ անբավարարվածությունը հանգեցնում է կոնֆլիկտների՝ ընդհուպ ամուսնալուծության»:    

Տպել
2796 դիտում

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան

Պետական սահմանում պահպանվել է օպերատիվ մարտավարական կայուն իրավիճակ

Ֆրանսիական Ալպերում ձնահյուսի պատճառով չորս մարդ է մահացել

Օտարերկրացի ապագա բժիշկները 100+33 ծառ տնկեցին «Եռաբլուր» զինվորական պանթեոնում

Իսպանիայում ՀՀ դեսպանության ներկայացուցիչները մասնակցել են նացիզմից Եվրոպայի ազատագրման օրվա միջոցառմանը

Կամո Ցուցուլյանը նշանակվել է ՀՀ ոստիկանության պետի տեղակալ

Թաղավարդ և Մեծ Թաղեր գյուղերի գերեզմանատները ոչնչացնելու դեպքերի վերաբերյալ հրապարկումներն ուղարկվել է ԱՀ ոստիկանություն

Հետախուզվողը հայտնաբերվեց Հանրապետության հրապարակում

Երևանի քաղաքապետարանի ենթակայությամբ գործող մանկապարտեզներում կվերսկսվի երեխաների ընդունելությունը

Գյումրիում կարդիականացվի փողոցային լուսավորության համակարգը

Ներքին Հանդ-Ծավ ճանապարհից 20-ամյա տղամարդ է բերման ենթարկվել

Ադրդեջանի կողմից հայկական դիրքերի գրավման փորձ չի եղել, լուրը չի համապատասխանում իրականությանը. Info chechk

Նիկոլ Փաշինյանն Արկադի Տեր-Թադևոսյանին շնորհված Հայրենիքի շքանշանը հանձնել է նրա որդուն՝ Հայկ Տեր-Թադևոսյանին

Շաբաթ և կիրակի օրերին պոլիկլինիկաներում պատվաստումների համար սահմանվել են հերթապահություններ

«Mitsubishi montero»-ն ընկել է Ասկերանի գետը. մեքենայում նաև վարորդի 80-ամյա տատն է եղել

Սփյուռքահայ բժիշկները հայրենիքի համար ծանր ժամանակահատվածում եղել են թիկունքի զինվորները

Քրեական գործ է հարուցվել Երևանում հնչած կրակոցների դեպքի առթիվ. սպանվածը 1984 թվականին ծնված տղամարդ է

Կայացել է «Երաժշտություն հանուն ապագայի» կրթաթոշակառուների համերգը

Օդի ջերմաստիճանը կնվազի 5-ից 7 աստիճանով. լեռնային շրջաններում ձյուն է սպասվում

Պուտինը Հայրենական պատերազմում հաղթանակի 76-րդ տարեդարձի առթիվ շնորհավորել է Փաշինյանին և ՀՀ քաղաքացիներին. «Արմենպրես»

Շիրակի մարզպետն ու Գյումրու քաղաքապետը հարգանքի տուրք են մատուցել հանուն հայրենիքի նահատակվածների հիշատակին

Շատինցի տղամարդն ու գյուղի անասնապահը արջ են սպանել

«Շուշիս». Ստեփանակերտում բացվել է բերդաքաղաքի հայկականությունը փաստող հետազոտությունների ցուցահանդես. «Արցախպրես»

Ռուս խաղաղապահները Լեռնային Ղարաբաղում ականազերծել են շուրջ 2087 հա տարածք

Նիդերլանդներում հայ կնոջ դանակահարության դեպքը ճշտվում է. լուսանկարի կինը ողջ ու առողջ է. դեսպանություն

Պետք է համախմբվենք, չկորցնենք հույսը, որ Շուշին հետ բերենք. Սասուն Միքայելյանն ու ԵԿՄ-ն այցելել են Եռաբլուր

Արցախի ՄԻՊ-ն առցանց հանդիպում է ունեցել «Վերադարձ դեպի Քաշաթաղ» հկ-ի ներկայացուցիչների հետ

Ստեփանակերտ-Դրմբոն ավտոճանապարհին մեքենան ձորն է ընկել. տուժածը տեղափոխվել է զինվորական հոսպիտալ

Նախագահ Արմեն Սարգսյանի անունից ծաղկեպսակ է դրվել «Եռաբլուր» զինվորական պանթեոնում

Արցախում հաստատվել է կորոնավիրուսի 13 նոր դեպք. ստացիոնար բուժում է ստանում 16 մարդ

Դեպքի վայր ժամանած փրկարարներն օգնություն են ցուցաբերել քաղաքացիներին

Կորոնավիրուսի 411 նոր դեպք է հաստատվել. առողջացել է 814, մահացել՝ 16 մարդ

ՀՀ տարածքում կա դժվարանցանելի ավտոճանապարհ, Լարսը բաց է

Տուն, վագոն-տնակ, անասնագոմ. հրդեհի 5 ահազանգ ՀՀ մարզերից

Կրակոցներ Երևանում. կա մեկ զոհ, մեկ վիրավոր. shamshyan.com

Արկադի Տեր -Թադևոսյանին Հայաստանի Ազգային հերոսի կոչում է շնորհվել

Արտենիի կամրջից մեքենան ձորն է գլորվել. տուժածների վիճակը ծանր է

Երևանի Մարգարյան փողոցում ծայրահեղ անընդունելի և դատապարտելի դեպք է տեղի ունեցել. Հակոբ Կարապետյան