Հրաժարական են ներկայացրել Գորայքի համայնքապետն ու ավագանու 6 անդամից 4-ը

Մարտի 1-ին հրաժարական են ներկայացրել Սյունիքի մարզի Գորայք համայնքի ղեկավար Առուստամ Առուստամյանը եւ համայնքի ավագանու 6 անդամից 4-ը:

ՀԺ-ի հետ զրույցում Գորայք խոշորացված համայնքի ղեկավար Առուստամ Առուստամյանն ասաց, որ կոնկրետ իր հրաժարականը կապված է ավագանու անդամների հետ ունեցած անձնական խնդիրների հետ, ինչն էլ ժամանակի ընթացքում վնասել է գործնական հարաբերությունները. «Իմ ու ավագանու 2 անդամների մեջ խնդիր էր առաջացել, վերջնական որոշում ընդունեցի ի շահ ժողովրդի, որ գոնե բյուջեն հաստատվի, ծրագրերից հետ չմնանք»,-ասաց նա՝ մանրամասնելով. «Անձնական խնդիրներ կային, որոնք իրենք բերեցին, գործի հետ կապեցին, իմ ներկայացրած բյուջեն՝ աշխատավարձի հաստիքացուցակով 52 մլն էր, իրենք ասում էին, թե շատ է, բայց բերին հաստատին 54 մլն-ից ավելին, էլեկտրիկի հաստիք կար, որը մեզ պետք չէր այլեւս, ու քանի որ էդ էլեկտրիկը ավագանու հայրն էր, նորից բերեց-մտցրեց հաստիքացուցակ»:

Համայնքի արդեն նախկին ղեկավարի խոսքով՝ խնդիրները վաղուցվա են, սակայն սրվել են հունվարրից հետո. «Գալիս հող էին ուզում, փող էին ուզում, չեմ տվել… լարվածություն սկսվեց, նիստերը սկսեցին բոյկոտել, չէին գալիս…ի շահ ժոովրդի որոշեցի ես էլ, իրենք էլ հրաժարական տանք, որ նոր համայնքի ղեկավար ու նոր ավագանի լինի, նորմալ աշխատեն, թե չէ էս ձևով մինչեւ 2021-ը շարունակել հնարավոր չէր»:

Առուստամյանի խոսքով՝ հրաժարական են ներկայացրել ավագանու 6 անդամներից 4-ը, որոնց մեջ են նաեւ իր ընդդիմախոսները, մյուս 2 անդամներից մեկը չի ներկայացել, մյուսն էլ բարկացել հեռացել է ու դիմում չի գրել:

Գորայքի ղեկավար Առուստամ Առուստամյանը համայնքի ղեկավար է ընտրվել առաջին անգամ 2005 թվականին, իսկ 2016-ից ընտրվել է արդեն խոշորացված համայնքի ղեկավար:

Սյունիքի մարզպետարանի ՏԻՄ վարչությունից հայտնեցին, որ մարտի 1-ին կայացած Գորայքի ավագանու արտահերթ նիստի ընթացքում, ՀՀ ՏԻՄ օրենքի համաձայն, կազմվել է արձանագրություն՝ համայնքի ղեկավարի եւ ավագանու լիազորությունները վաղաժամկետ դադարեցնելու վերաբերյալ: Այն ներկայացվել է Սյունիքի մարզպետարան եւ եռօրյա ժամկետում կուղարկվի  ՀՀ վարչապետին  ու ՀՀ տարածքային կառավարման եւ զարգացման  նախարարություն:

Օրենքով սահմանված կարգով եւ ժամկետներում կնշանակվի համայնքի ղեկավարի պաշտոնակատար, եւ Գորայքում կկայանան համայնքի ղեկավարի ու ավագանու արտահերթ ընտրություններ:

ՀԺ-ն առաջիկայում կփորձի զրուցել նաեւ հրաժարական ներկայացրած ավագանու անդամների հետ:

Տպել
1209 դիտում

Կառավարությունը ԲԷՑ-ին թույլատրեց «Կասկադ-էներգո» ՍՊԸ-ի հետ 8 մլն 857 հազար դոլարով պայմանագիր կնքել

30-ամյա տղամարդը, բերման ենթարկվելու ժամանակ, ոստիկանների նկատմամբ բռնություն է գործադրել

ԱԱԾ հաշվեկշռում գտնվող շենքը թալանելու գործով երկու անձի մեղադրանք է առաջադրվել. նրանք կալանավորվել են

ԱԱԾ-ին ամրացված շենքը մրցույթով կօտարվի․ գումարի մի մասը կհատկացվի ԱԱԾ աշխատակիցների բնակարանային խնդիրը լուծելու համար

«Նորք» ինֆեկցիոն հիվանդանոցում հայկական արտադրության վերելակ է տեղադրվել (լուսանկար)

Սուրբ Սոֆիայի տաճարը կրկին ցանկանում են դարձնել մզկիթ․ Ռուստամ Բաքոյանը մտահոգություն հայտնեց

ՀՀ Կառավարությունն արտոնություն տրամադրեց «ԱՐՄԵՆԻԱ ՎԱՅՆ»-ին եւ «ՍԱՆԷՆԵՐՋԻ»-ին

«Մուլտի գրուպ» կոնցեռնին պատկանող Մղարթի ոսկու հանքավայրում խախտումների համար նշանակվել է 100 հազար դրամ տուգանք

Շահութահարկի կանոնի փոփոխության արդյունքում տնտեսության մեջ առնվազն 64 մլրդ դրամի շրջանառություն է մնացել․ փոխվարչապետ

Վարչապետի որոշմամբ՝ Զարեհ Սինանյանը մեկնում է 4 շաբաթյա արձակուրդ

Գնում են դրսից տղա բերելու տրամաբանությամբ՝ լինի Բրյուսելից, թե Մոսկվայից. չի ստացվելու. Ա.Սիմոնյանը՝ ՄԻԵԴ որոշման մասին

ԱԺ-ն ավարտեց արտահերթ նստաշրջանը․ քննարկված բոլոր նախագծերն ընդունվեցին

Փրկարարները Գետահովիտ գյուղի ջրատարից դուրս են բերել ավտոմեքենան

Տանը սպասող քաղաքացի արդեն մի քանի օր է՝ չունենք․ ամենօրյա վիճակագրությունը բացասական միտում ցույց չի տալիս․ Թորոսյան

2020 թվականի 1-ին կիսամյակում ապահովվել է 680.3 մլրդ դրամ հարկային եկամուտներ

Պետական սահմանի խախտման 5 դեպք, սահմանային ռեժիմի խախտման՝ 27. ԱԱԾ-ն ամփոփում է սահմանապահ զորքերի աշխատանքը

Հայաստանի Հանրապետության քաղաքացին կորոնավիրուսից մահանալու մատերիալ չէ․ վարչապետ

«Լոռիի» ֆուտբոլիստի մոտ կորոնավիրուս է հայտնաբերվել. նա հոսպիտալացվել է

Երեկ ախտահանման աշխատանքներ են կատարվել Ստեփանակերտում, Շահումյանի շրջանում և Ասկերան քաղաքում

Ստեփանակերտում կորոնավիրուսի ևս մեկ նոր դեպք է հաստատվել. վարակակիրը բուժաշխատող է