Առնվազն զուգարանների հարցը մի քանի մեծ ավտոկայաններում պետք է լուծվի. Աշոտ Մնացականյան

Երեկ ՀՀ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը այցելել էր Երեւանի Կենտրոնական ավտոկայան: Նա ֆեյսբուքյան ուղիղ եթերի միջոցով ցուցադրեց, թե այդտեղ հակասանիտարական ինչ խայտառակ վիճակ է։ Ավտոկայանի զուգարաններում, որից պետք է օգտվեն անձնակազմն ու ուղեւորները, տասնյակ տարիներ որեւէ վերանորոգման աշխատանք չի կատարվել։ Նախարարը նաեւ նշել էր, որ կառավարությունը գործուն ջանքեր է գործադրելու՝ իրավիճակը բարելավելու համար։

«Առնվազն զուգարանների հարցը մի քանի մեծ ավտոկայաններում պետք է լուծվի»,- այս մասին «Հայկական ժամանակ»-ի հետ զրույցում ասաց «Հայավտոկայարան» ՓԲԸ-ի գլխավոր տնօրեն Աշոտ Մնացականյանը:

- Պարոն Մնացականյան, ի՞նչ քայլեր են իրականացվում ավտոկայանների բարեկարգման համար:

- Ես 1 ամիս առաջ գրությունով տեղեկացրել եմ, որ առնվազն զուգարանների հարցը մի քանի մեծ ավտոկայաններում պետք է լուծվի, այսինքն, բարեկարգվի, վերանորոգվի, որովհետեւ ոչ մի տեղ բարվոք վիճակում չեն:

- Դա բոլո՞ր ավտոկայաններին է վերաբերվում:

- Քանի որ այս պահին բյուջեն չի ներում, հնարավորության սահմաններում գոնե մեծ ավտոկայանները` Վանաձորինը, Գյումրունը եւ Երեւանի 3 ավտոկայարանները` Հյուսիսայինը Կենտրոնականը եւ Հարավայինը, պետք է բարեկարգվեն:

Այս պահին նույնիսկ քննարկումներ կան ներդրողների հետ, ուզում են ներդրում անել Հարավային ավտոկայանում եւ կա նաեւ քննարկում մեկ այլ տնտեսվարողի հետ, որը պատրաստ է 300 հազար դոլար ներդրում անել Կենտրոնական ավտոկայանի տարածքի վրա: Դա ոչ միայն շենքի բարեկարգմանն է վերաբերվում, այլ նաեւ այնտեղ կանաչ գոտի ստեղծելուն:

- Իսկ այդտեղ ներդրում կատարելը շահավե՞տ է: Արդյո՞ք ներդրում կատարողը կկարողանա՞ հետ բերել իր ծախսած գումարները:

- Օրինակ, մենք սպասարկումը վարձակալությամբ տրամադրում ենք այդ ընկերությանը, նրանք բարեկարգում են իրականացնում, իսկ հետո կարող են մեր համաձայնությամբ ենթավարձակալությամբ տալ այդ տարածքները: Այսինքն, մարժայով է լինելու իր եկամուտը: Նրանք կանխատեսում ունեն, որ իրենց արած ներդրումի հիման վրա կկարողանան ավելի թանկ գնով վարձակալությամբ տալ եւ այդտեղից իրենց եկամուտը այդ տարբերությունով ապահովել:

- Ւսկ ի՞նչ չափով է վերանորոգում իրականացվելու:

- Դեռեւս վերջնական պայմանավորվածություն չկա: Պետք է գրավոր առաջարկ ներկայացնեն, ես, պետգույքի կառավարման կոմիտեի նախագահ Նարեկ Բաբայանը եւ տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը քննարկենք: Բայց ըստ բանավոր խոսակցությունների՝ շենքը` արտաքին տեսքով, նույնիսկ տանիքը պետք է վերանորոգվի: Առաջարկ է եղել նաեւ, որ այնտեղ բանկի մասնաճյուղ լինի: Այսինքն, ցիվիլ լինի, ներսում չվացուցակները լինեն, օդանավակայան որ մտնում ենք՝ ինչպե՞ս է: Սպասասրահը պետք է կարգի բերվի, որովհետեւ այնտեղ անբարվոք վիճակ է, բոլոր նստարանները ջարդած եւ անբարեկարգ վիճակում են: Այսինքն, պետք է քաղաքացին այդտեղ սպասելուց իրեն արժանավայել զգա:

- Իսկ մոտավոր ժամկետ կարո՞ղ եք նշել, երբ կարող է արդեն բարեկարգվեն ավտոկայարանները, եթե այս ծրագիրը լինի:

- Եթե սա լինի, կարծում եմ, մինչեւ ամառվա վերջ ռեալ փոփոխությունները` արտաքին տեսքի առումով, կտեսնենք: Նորմալ բուժկետ պետք է լինի, մոր եւ մանկան սրահ պետք է լինի, վարորդների հանգստի սենյակ պետք է լինի: Շատ միջպետական փոխադրողներ մեզ հետ պայմանագիր չեն կնքել, որովհետեւ ասում են՝ դուք սպասարկում չեք իրականացնում: Իսկ մենք մեր այս քայլով եւ դրա շարունակական քայլերով փորձում ենք այդ խնդիրը կարգավորել:

Սա լավ է նաեւ բնակչության համար: Ավտոկայանն իրենից լուրջ բան է ներկայացնում, ուղղակի մարդիկ պիտի իմանան, որ դա ավտոկայան է: Հիմա, որ ասում են՝ ավտոկայան, մարդիկ պատկերացնում են ինչ-որ քանդած տեղ` անբարեկարգ, այդպես է ասոցացվում մարդկանց մոտ, մտածում են՝ գնան, այնքան որ իրենց երթուղայինը նստեն, գնան: Եթե մարդը գնում է, օրինակ, կես ժամ նստում է տրանսպորտի մեջ` մինչեւ ժամը գա, շարժվի, կարող է գնալ այդ սպասասրահում նստել եւ հանգիստ սպասել, ներսում «Wi-fi» է լինելու, ձմեռը տաքացվելու է: Այսինքն, քաղաքացու համար դա հարմարավետ է: Ոչ միայն բիզնես շահն է լուծվում` ներդրողի, այլեւ քաղաքացու հարմարավետության հարցն է լուծվում:

Այստեղ իրականում բարդ բան չկա, սա առաջ էլ է հնարավոր եղել անել, ուղղակի կամք է պետք ցուցաբերել ու անընդհատ փնտրել: Հաստատ վերջնական արդյունքը կարող է շատ լավ լինել:

Տպել
3366 դիտում

Գիշերը հրետակոծվել են Մարտունին, Ասկերանի վերին ենթաշրջանի գյուղերը. ներկայում տեղային մարտեր են. ՊԲ

Ջալալ Հարությունյանին շնորհվել է «Արցախի հերոս» բարձրագույն կոչում

Չպետք է թույլ տանք, որ արյան գնով ազատագրված ու պաշտպանված Արցախը բանակցության սեղանին զոհ դառնա․ Արամ Ա

Սոթք-Քարվաճառ ավտոճանապարհը շարունակում է փակ մնալ

ԱՄՆ-ի Գլենդել քաղաքը ճանաչել է Արցախի անկախությունը

ԱԱԾ-ն ոչ թե Վ. Մանուկյանով, այլ պարտության քարոզ տանող ամբողջ ցանցով պետք է զբաղվի. սա հեղաշրջման կոչ է. Տեր-Աբրահամյան

Էրդողանը զանգահարել է Պուտինին. քննարկել են նաեւ Լեռնային Ղարաբաղում տիրող իրավիճակը

Ղարաբաղում կռվող վարձկանները հիմնականում ռազմական էլիտար ստորաբաժանումների նախկին անդամներ են

Պատերազմի բնույթը փոխվել է, մեր զինված ուժերը վարում են բարդ մարտեր լեռներում, անտառներում, կիրճերում. ՊՆ ներկայացուցիչ

Բաքվի «Նիզամի» կինոկենտրոնը հրաժարվել է ցուցադրել Մել Գիբսոնի ֆիլմերը հայերին աջակցություն հայտնելու պատճառով

Միջազգային վերիֆիկացիոն մեխանիզմների ներդրումն այլընտրանք չունի. ԱԳՆ հայտարարությունը

Զոհրաբ Մնացականյանն ընդունել է Հայաստանում գտնվող Ֆրանսիայի Ազգային Ժողովի պատգամավորների գլխավորած պատվիրակությանը

ԱԺ-ն վավերացրեց «Վարձկանների հավաքագրման, օգտագործման, ֆինանսավորման և ուսուցման դեմ» միջազգային կոնվենցիան

Դու հաղթող ես, հայ ժողովուրդ: Գնա եւ վերցրու քո հաղթանակը, կանգնիր եւ կերտիր քո հաղթանակը. վարչապետի ուղերձը ժողովրդին

Ադրբեջանի հրթիռակոծության հետևանքով ընդհանուր սպանվել է 39 խաղաղ բնակիչ՝ 1 մանկահասակ աղջիկ, 7 կին և 31 տղամարդ. ԱՀ ՄԻՊ

Վիվա-ՄՏՍ-ի աշխատակիցները սկսում են ամենամսյա աջակցության ծրագիր

Ռազմական դրության ընթացքում որոշակի արարքներ կատարելու համար կսահմանվեն ավելի խիստ պատժաչափեր․ ԱԺ-ն ընդունեց նախագիծը

Ովքեր պատրաստ են հենց վաղը միանալ մեզ, խնդրում եմ զանգահարել. Աննա Հակոբյանը՝ իրենց ջոկատին միանալ ցանկացողներին

Վարչապետ Նիկոլ Փաշինյանը ժամը 21:00-ին ուղերձով դիմելու է ժողովրդին

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին