Պետք է հնարավոր պայմանները ստեղծենք, որ մեր դատավորները սրա-նրա ձեռքին նայելու անհրաժեշտություն չունենան․ վարչապետ

Եթե մենք ուզում ենք դատական համակարգ ունենանք, պետք է հնարավոր պայմանները ստեղծենք, որպեսզի մեր դատավորները առնվազն օբյեկտիվորեն սրա-նրա ձեռքին նայելու մեծ անհրաժեշտություն չունենան: Այս մասին այսօր կառավարության նիստի ժամանակ ասաց ՀՀ վարչապետ Նիկոլ Փաշինյանը՝ խոսելով դատավորներին եւ Բարձրագույն դատական խորհրդի անդամներին սոցիալական փաթեթի շահառուների շրջանակում ներառելու հարցի մասին։

Նշենք, որ կառավարությունն այսօր որոշում կայացրեց դատավորներին եւ Բարձրագույն դատական խորհրդի անդամներին ներառել սոցիալական փաթեթի շահառուների շրջանակում։ Այս նախագծով ակնկալվում է կարգավորել դատավորների՝ պետական միջոցների հաշվին առողջության ապահովագրության պայմանները եւ չափը սահմանելու վերաբերյալ հարաբերությունները, ապահովել դատավորների՝ հանրային ծառայողի համար սահմանված սոցիալական երաշխիքներից օգտվելը:

Այս հարցի քննարկման ժամանակ վարչապետը նշեց, որ մի կողմից պետք է խստորեն պայքարենք կոռուպցիայի դեմ, ապօրինի որոշումների դեմ, բայց մյուս կողմից պետք է այդ ապօրինի որոշումների ծագման սոցիալական բաղադրիչը հնարավորինս փոքրացնելու քայլեր ձեռնարկենք, եւ այդ քայլերից մեկն էլ, ըստ ամենայնի, այս որոշման ընդունումն է, ինչպես ինքն ասաց՝ «որ դատավորները սրա-նրա ձեռքին նայելու անհրաժեշտություն չունենան»․

«Իհարկե, այս կարգի որոշումները պոպուլյար չեն եւ չեն էլ կարող պոպուլյար լինել, բայց այս տարի կայացրած որոշումներով մենք պետպատվերից օգտվող քաղաքացիների շրջանակը ընդլայնեցինք՝ մոտ 250 հազար քաղաքացի»,- ասաց Փաշինյանը:

Վարչապետը նշեց, որ կարող է հարց առաջանալ, թե այս երկրում քաղաքացիների հարցերը լուծված են, հիմա անցնում ենք դատավորներին, բայց, իր կարծիքով, երբ մենք քայլ ենք արել եւ 250 հազար քաղաքացիների ընդգրկել ենք այդ համակարգում, ապա բալանսավորված եւ խելամիտ քայլ է 230 դատավորների նույնպես ընդգրկել այս համակարգի մեջ»:

Վարչապետը կարեւոր համարեց այս քննարկումը եւ նշեց, որ պետական կառավարման համակարգի գործունեության թափանցիկության աննախադեպ մակարդակը հնարավորթյուն է տալիս բաց, ուղիղ, ազնիվ, բայց ոչ ափալ-թափալ եւ էմոցիոնալ քննարկում ունենալ եւ հասնել ճիշտ եւ բալանսավորված որոշումների։

Փաշինյանը հավելեց, որ պետական կառավարման համակարգի գրավչությունը որակյալ աշխատուժի համար պետք է բարձրացվի, քանի որ նաեւ այդ որակից է կախված քաղաքացիների կյանքում փոփոխությունների որակը, արդյունավետությունն ու արագությունը․

«Կարող ենք գերանդին առնել եւ ամբողջ պետական համակարգը աջ-ձախ մի քայլ հնձել բոլորին, բայց դրա արդյունքով կառաջանան հետեւանքներ, որոնք տասնյակ տարիներում հնարավոր չի լինի հաղթահարել՝ նույնիսկ ամենաէֆեկտիվ կառավարման դեպքում: Ես ուզում եմ սա շատ հստակ արձանագրենք, որ պետական կառավարման համակարգը եւ պետությունը զգայուն է մարդու օրգանիզմի նման եւ ոչ ճիշտ լուծումներ նշանակելը կարող է բերել մահացու հետեւանքների»:

Մյուս կողմից Փաշինյանն արձանագրեց, որ արդի քաղաքական շրջանը յուրաքանչյուրի վրա դնում է առանձնահատուկ պատասխանատվություն, եւ պետական կառավարման բոլոր մարմինների խնդիրն է գործել հեղափոխության բերած արժեքների տրամաբանության, ՀՀ օրենքների եւ Սահմանադրության շրջանակներում․

«Սա հոկտեմբերյան սոցիալիստական հեղափոխությունը չէ, որտեղ հաղթողները պարտվողներին գնդակահարում են պատերի տակ, կամ բաժանում են սպիտակների եւ կարմիներիի, կամ սեւերի եւ սպիտակների։ Եւ ուզում եմ ասել, սա սիրո եւ համերաշխության հեղափոխություն է, եւ յուրաքանչյուրը փոխվելու, նոր արժեքային համակարգ որդեգրելու շանս պիտի ունենա, եւ մենք գիտենք, որ հակառակի շանսը գոյություն չունի եւ չպիտի ունենա»,-ասաց վարչապետը։

Տպել
1170 դիտում

Հայաստանյայց Առաքելական Սուրբ Եկեղեցին տոնախմբել է Համբարձման տոնը

Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Քրեական ոստիկանության և ՊԵԿ ծառայողները թմրամիջոցներ են հայտնաբերել. բերման է ենթարկվել 27-ամյա մի երիտասարդ

Գնել Սանոսյանն ընդունել է Եվրոպայի խորհրդի Կոնգրեսի տնօրեն Ռաֆայել Բենեդիկտին

Երբ նոր էի սկսել նվագել, պապիկս ասաց՝ դա պաշտոն չէ, որ ես քեզ տամ, ինքդ պիտի հասկանաս՝ քոնն է, թե չէ. Ջիվան Գասպարյան

Ծիծեռնակաբերդի խճուղին շարունակում է մնալ երկկողմանի փակ

Հայտնի է «Դիմադրություն» շարժման այսօրվա հանրահավաքի մասնակիցների թիվը

Բուլղարիայի ԱԳՆ-ն ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերը

Բյուրականի անտառպետությունում հրդեհաշիջման աշխատանքներին մասնակցել է նաև ՊՆ ուղղաթիռ. ուսումնավարժանք է անցկացվել

ՀՀ վարչապետը Չեռնոգորիայի նախագահին է ներկայացրել ԼՂ հիմնախնդրի խաղաղ կարգավորման հայկական կողմի դիրքորոշումը

Ինչ ունեցվածք են հայտարարագրել ընդդիմադիր պատգամավոր Հռիփսիմե Ստամբուլյանը և նրա ամուսինը՝ Վահե Անդրիասյանը

Ընթանում է «Դիմադրություն» շարժման հերթական հանրահավաքը

Նա ծաղրի է ենթարկվում և չի արժանանում հարգանքի. ուսուցիչների՝ աշխատանքը թողնելու խնդիրը վերջին շրջանում մտահոգիչ է

Զորամասերից մեկում հավաք-խորհրդակցություն է կայացել

ՀՀ առաջին տիեզերական արբանյակի կողմից արված լուսանկարները կօգտագործվեն արտակարգ իրավիճակների կանխարգելմանը և կառավարմանը

Կառավարությունը գումար կհատկացնի Լոռի Բերդ ամրոցի պարսպի հյուսիսարևելյան հատվածի ամրակայման և մասնակի վերականգնման համար

Աննա Հակոբյանը Դավոսում մասնակցել է «Կին քաղաքական առաջնորդներ» ամենամյա միջոցառմանը

ՀՀ բռնցքամարտի ֆեդերացիան ամփոփել է 1-ին մրցահերթը. այսօր հաղթանակ է տոնել հայաստանյան 3 պատվիրակ

Դոլարի փոխարժեքը նվազել է եւս 3,5 դրամով. ՀՀ կենտրոնական բանկը հրապարակել է նոր փոխարժեքներ

Աբովյանում վեց ժամ ջուր չի լինի

Ընդդիմադիրները բողոքի ակցիա են իրականացնում Կառավարության դիմաց

ՊԵԿ-ը հրապարակել է համալիր հարկային ստուգումների տարեկան ծրագիրը

ՀՀ Ազգային ժողովն արտահերթ նիստ կգումարի հունիսի 3-ին

Չեռնոգորիայի նախագահը հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիկոլ Փաշինյանը տեսակապի միջոցով մասնակցել է Բիշքեկում անցկացվող Եվրասիական տնտեսական ֆորումի աշխատանքներին (տեսանյութ)

Կարեն Անդրեասյանը հանդիպել է Ագնե Բիլոտաիտեին. հանդիպմանը անդրադարձել են երկկողմ հետաքրքրություն ներկայացնող հարցերի

Ինեկոբանկն Android օգտատերերի համար գործարկում է Mastercard քարտերով NFC վճարումները

ՀՀ վարչապետն ընդունել է Հակամարտությունների գոտիներում ժառանգության պաշտպանության միջազգային դաշինքի գործադիր տնօրենին

Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Պաշտոնական այցով Հայաստան է ժամանել Չեռնոգորիայի նախագահ Միլո Ջուկանովիչը (լուսանկարներ)

Դաշնակցությունը որևէ գործարան, օբյեկտ չունի, դաշնակցականի ունեցվածքը տարբեր է, քաղաքական ուժինը՝ տարբեր. Սաղաթելյան

Միրզոյանը ընդունել է Հակամարտությունների գոտիներում ժառանգության պաշտպանության միջազգային դաշինքի տնօրենին (տեսանյութ)

Ելնելով Հայաստանում տիրող իրավիճակից՝ ցանկացա բեմադրել այս ներկայացումը. պրեմիերա Ազնավուր քոլեջի ուսանողական թատրոնում

Կալանքի երկարաձգման միջնորդությունը չբավարարվելու հետևանքով մեղադրյալը նոր հանցագործություններ է կատարել և թաքնվել

Առանձին շրջաններում սպասվում է կարճատև անձրև. առաջիկա օրերի եղանակային կանխատեսումը

Կառավարությունը 200 մլն դրամով ավելացրել է 2022 թ. մարզական ֆեդերացիաներին հատկացվող ֆինանսական միջոցները

ՀՀ նախագահը շնորհավորական ուղերձ է հղել իր վրաց գործընկերոջը ազգային տոնի առթիվ

Ամենայն հայոց կաթողիկոսը վավերացրել է Իրաքի հայոց թեմի առաջնորդի ընտրությունը

Դատախազությունն Առուշ Առուշանյանի դատավճռի դեմ վերաքննիչ բողոք է ներկայացրել

ԲԴԽ-ում ընդունել են զոհված զինծառայողների ծնողների՝ 30 հոգուց բաղկացած խմբին