Խորհրդարանական եռօրյա բուռն քննարկումներ կառավարության ծրագրի շուրջ

Ազգային ժողովում եռօրյա քննարկումից հետո երեկ՝ փետրվարի 14-ին, ավարտվեց կառավարության ծրագրի նախագծի քննարկումը։ Ծրագիրն ընդունվեց 88 կողմ եւ 40 դեմ ձայներով․ անհրաժեշտ էր 67 քվե։

Այս երեք օրերին խորհրդարանում բուռն քննարկում էր ծավալվում ծրագրի շուրջ․ փետրվարի 12-ի նիստում ՀՀ վարչապետ Նիկոլ Փաշինյանի կողմից ծրագրի նախագծի ներկայացումից հետո հիսունից ավելի պատգամավոր հերթագրվեց նրան հարցեր տալու համար, ապա հաջորդ օրը քառասունից ավելի պատգամավոր էլ հերթագրվեց ելույթների համար:

Ի սկզբանե վարչապետն իր առաջին ելույթում ասաց, որ, ինչպես նշված է այս ծրագրի հենց առաջին պարբերությունում, առաջիկա հինգ տարիներին ՀՀ կառավարության գործունեությունը միտված է լինելու բարձր տեխնոլոգիական, արդյունաբերական, բնապահպանական բարձր չափանիշներին համապատասխանող, արտահանմանը միտված մրցունակ եւ ներառական տնտեսություն կառուցելուն։

Խորհրդարանական երեք խմբակցություններն, ըստ էության, բանավիճում էին հիմնականում մեկ մտքի շուրջ․ մի կողմից՝ «ծրագրում չկան կոնկրետ թվեր եւ թիրախներ, ինչպե՞ս ենք հետո գնահատելու կատարված աշխատանքը», մյուս կողմից՝ «առանց կոնկրետ թվերի էլ է հնարավոր հասնել տնտեսական հեղափոխության եւ զարգացման»։

Ծրագրում թվերի բացակայության վերաբերյալ քննադատությունը հնչեցրին կառավարությանն ընդդիմադիր «Բարգավաճ Հայաստան» եւ «Լուսավոր Հայաստան» խմբակցության պատգամավորները։

Մասնավորապես, ԼՀԿ խմբակցության պատգամավոր Մանե Թանդիլյանն իր խոսքում նշեց, որ թեեւ գաղտնիք չէ, որ կառավարության ծրագիրը թվերով հագեցված չէ, այնուամենայնիվ, իր կարծիքով, տնտեսությունն արտացոլվում է թվերի միջոցով, եւ այս կոնտեքստում հարց ուղղեց Փաշինյանին․

«Հաշվի առնելով այն, որ արտահանումը դիտվում է տնտեսության առաջընթացի հիմնական շարժիչ ուժ, ուզում եմ պարզել՝ այս տարվա 7,8 տոկոսը որպես արտահանման աճ զգալի ա՞ճ է համարվում այս ծրագրի տեսանկյունից, թե՞ ոչ, եւ ինչպե՞ս եք դուք գնահատում՝ զգալի է, թե ոչ։ Եւ 2-3 տարի անց ծրագրի կոնկրետ ո՞ր գրվածի չիրականցման դեպքում, պարոն Փաշինյան, Դուք կասեք, որ այն վտանգված է»։ 

Փաշինյանը պատասխանեց, որ առանձնապես կա 3 կոնկրետ չափանիշ՝ աղքատության եւ գործազրկության ծավալները, հարկերի եւ ՀՆԱ-ի ցուցանիշը, արտահանման ծավալներն ու տնտեսական աճը։ Վարչապետը հավելեց, որ Թանդիլյանի նշած ցուցանիշը, ինչքան էլ տարօրինակ թվա, հեղափոխական աճ է, որովհետեւ այն տեղի է ունեցել հանքարդյունաբերության էական կրճատման պայմաններում։ Ինչ վերաբերում է աղքատությանը եւ դրա վերացման չափելի ցուցանիշներին՝ պատասխանելով ԼՀԿ խմբակցության պատգամավորի հարցին՝ Նիկոլ Փաշինյանը նկատեց, որ եթե առաջիկա տարիներին ծայրահեղ աղքատությունը նվազի, ինքը կհամարի, որ ծրագիրն այդ մասով չի ձախողել։ Թանդիլյանը, սակայն, մնաց իր կարծիքին՝ նշելով, որ ծայրահեղ աղքատությունը խայտառակություն է, եւ միայն այդ խայտառակության վերացումն իր համար հեղափոխական տնտեսության արդյունք չէ։

Ծրագրում թվերի բացակայության մասին խոսեց նույնիսկ ԲՀԿ խմբակցության ղեկավար Գագիկ Ծառուկյանը՝ ասելով, թե՝ «եթե հեղափոխության համար անհրաժեշտ էր ունենալ դուխ եւ կամք, ապա տնտեսական հեղափոխության համար հարկավոր է փող, փողի աղբյուր, ժամկետներ ու մեխանիզմ»։

Միեւնույն ժամանակ՝ ԲՀԿ խմբակցությունն առաջարկեց կառավարության ծրագիրը լրացնել նոր՝ 9-րդ գլխով, որտեղ կամրագրվեն ծրագրի կատարման երաշխիքները, սպասվող ռիսկերը, ծրագրի իրականացման կոնկրետ գործիքակազմը, մեխանիզները, եւ ըստ տարիների պարտականությունները՝ մինչեւ 2023 թվականը։ Սրան ի պատասխան՝ ԱԺ նախագահ Արարատ Միրզոյանն արձագանքեց, որ որեւէ իրավական ընթացակարգ նախատեսված չէ կառավարության ծրագրի նախագծում լրացումներ անելու համար, հետեւաբար կառավարության կողմից ցանկություն ունենալու դեպքում անգամ չի կարող այդ առաջարկը ներգրավվել, սակայն կան կառավարության ծրագրից բխող փաստաթղթեր, որտեղ կառավարությունը կարող է առաջարկներ ներգրավել։

ԼՀԿ խմբակցությունից էլ մի շարք պատգամավորներ իրենց ելույթներում բազմիցս նշեցին, թե այս օրերի քննարկումներն անցան որոշակի անհադուրժողականության եւ մուննաթի մթնոլորտում: Խմբակցության ղեկավար Էդմոն Մարուքյանն իր խոսքում նշեց, որ զարմանում է, թե ինչպես է ընդդիմադիր ուժը իշխանություն դառնալուց հետո կարճ ժամանակում այդքան անհանդուրժող դառնում ընդդիմության նկատմամբ։

Անդրադառնալով Մարուքյանի ելույթին եւ հնչած այն մտքերին, թե հեղափոխություն, ըստ էության, չի եղել, Փաշինյանն իր ելույթում ասաց․

«Ձեզ համար իհարկե հեղափոխություն չի եղել, որովհետեւ որտեղ ձեր քաղաքական բովանադակությունը առաջ էր ստեղծվում, հիմա նույն տեղում ստեղծվում է։ Հլը մի հատ դեմներդ ու կողքերդ նայեք․․․բա որ հեղափոխություն չի եղել, դուք 18 հոգով ի՞նչ գործ ունեք էստեղ նստած»։

Չնայած որոշակի տարաձայնություններին՝ վարչապետը ներողություն խնդրեց պատգամավորներից, եթե վերջիններս իր խոսքում մուննաթ կամ հեգնանք են զգացել։ Փաշինյանն այս օրերի քննարկումները, ընդհանուր առմամբ, համարեց խիստ հաջողված՝ նշելով, որ 7-րդ գումարման նորընտիր խորհրդարանը համարում է նոր որակի խորհրդարան եւ այս օրերի քննարկումները ցույց տվեցին դա։

Երեք խմբակցությունների պատգամավորներն էլ իրենց ելույթներում նշեցին, որ իրենցից որեւէ մեկը չի ուզում, որ այս կառավարությունը ձախողի, ավելին, ինչպես նշեց ԲՀԿ խմբակցության պատգամավոր Նաիրա Զոհրաբյանը՝ ձախողումը չի լինելու միայն խորհրդարանական մեծամասնության եւ կառավարության ձախողումը, այլ բոլորինը:

Տպել
1499 դիտում

ՀՀ նախագահի պարտականությունները ժամանակավոր կկատարի Ազգային ժողովի նախագահը

Էմիլ Տարասյանն ազատվել է Հանրապետության նախագահի աշխատակազմի ղեկավարի պաշտոնից

Արմեն Սարգսյանը հայտարարել է ՀՀ նախագահի պաշտոնից հրաժարականի մասին

Յուրաքանչյուրը կարող է նպաստել իր համայնքի խնդիրների լուծմանը. Աննա Ասատրյանը՝ հայկական արտադրության չրերի հեղինակ

Վարորդներին խորհուրդ է տրվում երթևեկել բացառապես ձմեռային անվադողերով

Փրկարարներն արգելափակումից դուրս են բերել 38 բեռնատար ավտոմեքենա

Իջևանի գարեջրի չգործող գործարանում հրդեհ է բռնկվել

Ալմաթիում երկրաշարժ է տեղի ունեցել

Իտալիայում մոտ 2000 բժիշկ աշխատանքից հեռացվել է կորոնավիրուսային պատվաստումների բացակայության պատճառով

Տիչինայի փողոցում պայթյունի պատճառ է դարձել ստորգետնյա գազատարից արտահոսքը, այն վերականգնվում է․ «Գազպրոմ Արմենիա»

Հրդեհ Երևանում գտնվող կահույքի խանութի տանիքում

Վրաերթ-վթար Երևանում. բժիշկները պայքարում են տուժողի կյանքի համար. վարորդը դիմել է փախուստի

Արցախում հաստատվել է կորոնավիրուսով վարակվելու 4 նոր դեպք. 6 հիվանդի վիճակը ծայրահեղ ծանր է

Շրջանների զգալի մասում սպասվում է ձյուն. ինչ եղանակ է սպասվում առաջիկա օրերին

Բայդենը քննարկել է Ուկրաինայի շուրջ ստեղծված իրավիճակն ու Ռուսաստանի հետ բանակցություններն իր օգնականների հետ

Հրդեհ «Ապաչի» գործարանի տարածքում, այրվել է վագոն-տնակը

Ժամանակավորապես դադարեցվել է Մալաթիա-Սեբաստիա վարչական շրջանի մի շարք հատվածների գազամատակարարումը

Պեկինը ձմեռային Օլիմպիական խաղերին ընդառաջ կպահպանի կորոնավիրուսով պայմանավորված արտակարգ իրավիճակը

Սև ծովում հրդեհ է բռնկվել 700 տոննա մազութ տեղափոխող լցանավի վրա

Փրկարարները օգնության են հասել Ֆրանսիայի Հանրապետության քաղաքացիներին

Երևանի Տիչինայի փողոցում տեղի է ունեցել պայթյուն՝ հրդեհի բռնկմամբ

Վաղը վարչապետ Նիկոլ Փաշինյանը հանդես կգա առցանց ասուլիսով (պաշտոնական)

Փրկարարներն արգելափակումից դուրս են բերել 13 բեռնատար ավտոմեքենա

Եվրոպայի 2022 թվականի մշակութային մայրաքաղաք է դարձել Լիտվայի Կաունաս քաղաքը

Այրվել է Երևանի Նանսենի փողոցի շենքերից մեկի տանիքը

Հայաստանում հաստատվել է կորոնավիրուսի 814 նոր դեպք․ առողջացել է 109 մարդ

Համավարակի ազդեցությամբ կրթական աղքատությունը դարձել է աշխարհում նոր տիպի անհավասարության ցայտուն ցուցանիշ․ Անդրեասյան

Սյունիքի մարզի Գորիս-Սիսիան և Տաթև-Շինուհայր ճանապարհահատվածներում բուք է

Էլեկտրաէներգիայի պլանային ընդհատումներ են սպասվում Երևանում և երեք մարզերում

«Սիրում եմ». պաշտպանության նախարարի ու նրա կնոջ պարը՝ սիրո երգիչ Հայկոյի երգի հնչյունների ներքո (տեսանյութ)

Տիկին Դավոյանը տեղյակ է խնդրի վերաբերյալ. նախարարությունն արձագանքել է պատգամավորի հրապարակած լուսանկարին

Ինչու պիտի այսօր այսքան անտեսվի հայ մամուլը. զրույց Պոլսի «Մարմարա» թերթի խմբագրապետ 95-ամյա Ռոպէր Հատտէճյանի հետ

Հետախուզվողները ներկայացել են ոստիկանություն. նրանցից մեկը կալանավորվել է

Տեր Սահակ քահանա Սահակյանն ազատվել է Արագածոտնի թեմի հոգևոր պարտականություններից

Վարչապետն այս պահին խորհրդակցություն է անցկացնում Կառավարությունում, նա դեռ չի ժամանել Պապիկյանի հարսանյաց միջոցառմանը

Շինուհայր-Տաթև ավտոճանապարհը դժվարանցանելի է

Երևանի Շիրազի փողոցում բախվել են ավտոբուսը և «Մերսեդես» մակնիշի մեքենան. մեկ օրում 13 պատահար է գրանցվել

Հայ-հունական դիվանագիտական հարաբերությունների 30 ամյակը նշում ենք քաղաքական ամենաբարձր մակարդակի կապերով. Մկրտչյան

Վերին Խոտանան-Տաթև ավտոճանապարհին ավտոմեքենաներ են արգելափակվել

Սիրուշոն վարակվել է կորոնավիրուսով