Քաղաքապետարանի ենթակայությամբ գործող շուրջ 20 երթուղում ավտոբուսները ավելի լավ կաշխատեն

Երեւանի քաղաքապետարանը մտադիր է հասարակական տրանսպորտի աշխատանքը բարելավելու միջանկյալ լուծումներ գտնել՝ չսպասելով խնդրի ամբողջական կարգավորմանը, որն, ինչպես բազմիցս հայտարարվել է, կարող է տեղի ունենալ առնվազն երկու տարի հետո:

Նախորդ իշխանությունների օրոք «Դաբլյու Վայ Ջի Ինտերնեյշնլ Լիմիթիդ» միջազգային խորհրդատվական ընկերությունը Երեւանի համար մշակել էր երթուղային նոր ցանց: Ներկայիս իշխանությունները դրա վերաբերյալ ունեին որոշակի վերապահումներ: Մասնավորապես նրանց մեջ հարցեր էին առաջացել ուղեւորահոսքի քանակի, ուղեվարձի հաշվարկման սկզբունքների վերաբերյալ: Լրացուցիչ այս հարցումներին կազմակերպությունը պետք է պատասխաներ հունվար-փետրվար ամիսներին: Երեւանի ավագանու նախորդ նիստի ժամանակ քաղաքապետի առաջին տեղակալ Հրաչյա Սարգսյանից տեղեկացանք, որ այդ պարզաբանումները դեռ չկան եւ կլինեն փետրվարի վերջին:

Ինչ վերաբերում է առայժմ առկա ռեսուրսների սահմաններում հասարակական տրանսպորտի աշխատանքը որոշ չափով կարգավորելու որոշմանը, փոխքաղաքապետը մեր զրույցում ասաց, որ ավտոբուսային այն երթուղիներում, որոնք շահագործում է քաղաքապետարանի ենթակայությամբ գործող «Երեւանի ավտոբուս» ՓԲԸ-ն, տրանսպորտը կաշխատի ավելի մեծ հաճախականությամբ եւ ավելի երկարատեւ: Խոսքը վերաբերում է N3, N4, N5, N10, N12, N13, N14, N15, N20, N22, N28, N33, N35, N38, N41, N53, N54 եւ N55 ավտոբուսներին:

«Այս պահի դրությամբ, այն երթուղիներում, որոնք սպասարկվում են «Երեւանի ավտոբուս» ընկերության միջոցով, հաճախականությունը մենք ակտիվացնելու ենք: Բնակիչները հիմնականում դժգոհում են, որ երեկոյան ժամերին տրանսպորտ չի լինում, որպեսզի կարողանան օգտվել եւ առավոտյան էլի խնդիր են ունենում տրանսպորտից օգտվելու: Այսինքն՝ հաճախականությունը այդ ժամերին ավելի քիչ է»,- նշեց Հրաչյա Սարգսյանը:

Նա դժվարացավ ասել, թե ավտոբուսները երեկոյան մինչեւ ժամը քանիսն են աշխատելու: Այսինքն՝ որքա՞ն ավելի երկարատեւ. «Այս պահի դրությամբ ժամ ասել չեմ կարող, քանի որ հիմա փոփոխություններ ենք անում եւ կարծում եմ հնարավորություն կլինի»:

Քաղաքապետի առաջին տեղակալի փոխանցմամբ, փորձում են նաեւ հնարավորություն ստեղծել, որպեսզի վերը նշված ավտոբուսային երթուղիներից օգտվող ուղեւորները նախապես կարողանան տեղեկանալ, թե երբ է ժամանելու իրենց անհրաժեշտ ավտոբուսը: «Թեկուզ այս պահի դրությամբ՝ սմարթֆոնի ծրագրային լուծումների միջոցով: Հետագայում նաեւ քննարկվում է, որ ունենանք համապատասխան երթուղիների չվացուցակ, որպեսզի կանգառներում էլ դա կարողանանք արտացոլել: Այդ փոփոխությունները նոր ավտոբուսների ներկրման հետ ընդհանրապես կապ չունեն, այդ իսկ պատճառով հիմա որոշում ենք կայացրել նախնական քննարկումներ իրականացնել, հասկանալ բյուջեն, ֆինանսավորման աղբյուրները: Ես ձեզ վստահեցնում եմ՝ եթե քաղաքացին գիտի՝ օրինակ 20 րոպե կամ կես ժամ հետո է ավտոբուսը լինելու, ինքը չի գա այդքան ժամանակ սպասի: Իսկ սպասելը բացասական տրամադրություններ է ձեւավորում»,- ասաց Սարգսյանը՝ հավելելով. «Կարծում եմ գոնե այդ հատվածով միջանկյալ մի փոքր լուծում կտանք: Իհարկե, երթուղային ցանցում մեր խնդիրները շատ են: Առօրյա խնդիրները ոչ միայն աղբահանությունն է, այլ նաեւ տրանսպորտային համակարգը: Ես ինքս հասարակական տրանսպորտից եմ օգտվում շաբաթ-կիրակի օրերին ու լավ տիրապետում եմ: Իմ ընտանիքի մնացած անդամները՝ նույնպես: Այնպես որ անմիջապես եմ շփվում այդ խնդիրներին: Եվ նույն այդ խնդիրները կան՝ վարորդների չսափրված լինելը, հեռախոսով խոսելը, ծխելը»:

Հայտնի է, որ քաղաքային նախկին իշխանությունները շատ անգամներ են հայտարարել, թե առկա են բավական մեծ թվով ավտոբուսներ, որոնք չեն շահագործվում՝ համապատասխան կարգ ունեցող վարորդների բացակայության պատճառով: Հրաչյա Սարգսյանը վստահեցրեց, որ նման խնդիր այժմ չկա: «Ճիշտ է, երբ որ ես քաղաքապետարանում չէի, նախկին իշխանությունների կողմից այդ հարցը բարձրացվում էր: Այս պահի դրությամբ կարող եմ ասել, որ Երեւանի ենթակայության տակ գտվող «Երեւանի ավտոբուս» ՓԲԸ-ում վարորդների խնդիր չունենք: Այսինքն՝ վարորդները համալրված են, աշխատում են: Խնդիր չկա»,- նշեց նա:

Փոխքաղաքապետը վստահեցրեց նաեւ, որ կպահպանվեն վարորդների իրավունքները եւ չի լինի այնպես, որ ավտոբուսների չվացուցակը վերանայելուց հետո նրանք աշխատեն օրական 12 ժամ կամ ավելի. «Նույն մարդը այդքան չի աշխատի, քանի որ դա խնդիր է առաջացնում ե՛ւ վարորդների համար, ե՛ւ քաղաքացիների անվտանգության խնդիրն այդտեղ կա: Վարորդը 12 ժամ այդ ծանրաբեռնվածությամբ չի կարող աշխատել: Նա պետք է մեքենան վարի այս խցանումների մեջ, ստանա ուղեվարձը, մանրը վերադարձնի, հետեւի, որ քաղաքացին առանց վճարելու չիջնի: Բավական բարդ է: Մարդը չի կարող երկար այդպես աշխատել, էներգիան կսպառվի ու անվտանգության խնդիր էլ կառաջանա»:

Ֆեյսբուքյան գրառումներ

Այսօր առավոտյան հայտնի դարձավ, որ մի շարք ավտոբուսային երթուղիներում վարորդները գործադուլ են հայտարարել: Խնդրին ֆեյսբուքի իր էջում անդրադարձավ քաղաքապետի մամուլի քարտուղար Հակոբ Կարապետյանը: «Երեւանի քաղաքապետ Հայկ Մարությանը նախօրեին «Երեւանի ավտոբուս» ՓԲԸ-ի աշխատակազմին է ներկայացրել ընկերության պետի ժամանակավոր պաշտոնակատար Ռուբեն Սարգսյանին: Ընկերությունը 19 երթուղի է սպասարկում շուրջ 180 ավտոբուսով: Բացի այդ, ընկերության հավաքակայանում շուրջ 70 չօգտագործված ավտոբուս կա: Դրանք քաղաքապետի հանձնարարությամբ առաջիկայում գիծ դուրս կբերվեն՝ համալրելով քաղաքապետարանի կողմից սպասարկվող երթուղիների ցանկը: Մինչեւ մայրաքաղաքի նոր տրանսպորտային համակարգի ամբողջական ներդրումը, միջանկյալ նոր երթուղիներ ու շարժակազմ կներգրավվի: Երթուղիների ավելացմանն ու ընկերության գործառույթների ընդլայմանը զուգահեռ, «Երեւան ավտոբուս»-ում տեղի կունենան փոփոխություններ, մասնավորապես, տեխնոլգիական վերազինման եւ նոր աշխատակիցների ներգրավման առումով: Ընկերությունում նախատեսվող փոփոխությունները, մասնավորապես, տնօրենի փոփոխությունը մտավախություն է առաջացրել որոշ վարորդների մոտ, որ դրանց հետեւանքով կվատթարանան նրանց աշխատանքային պայմանները: Հայկ Մարությանը վստահեցրել է աշխատակիցներին, որ կրճատումներ ու կադրային փոփոխություններ ընկերությունում չեն լինելու, աշխատանքի պայմանները ոչ միայն չեն վատթարանալու, այլեւ հակառակը՝ սպասվում են բարելավումներ կանոնավոր աշխատաժամանակի եւ վարձատրության մասով: 
Այնուհանդերձ, այսօր առավոտյան ընկերության մի քանի վարորդներ հրաժարվել են դուրս գալ երթուղի՝ պահանջելով նախկին տնօրենի վերադարձը: Ժամը 09:00-ի դրությամբ, սակայն, երթուղիների կանոնավոր աշխատանքը վերականգնվել է»,- գրել է Կարապետյանը: 

Երեւանի ավագանու «Իմ քայլը» խմբակցության անդամ Աշոտ Սարգսյանը նույնպես ՖԲ իր էջում հայտնել է, որ քաղաքապետ Հայկ Մարությանի կարգադրությամբ շուրջ 70 չօգտագործված ավտոբուսները կմտնեն երթուղի: ««Երեւանի ավտոբուս» ՓԲԸ ընկերության հավաքակայանում շուրջ 70 չօգտագործված ավտոբուս կա: Տրանսպորտի խնդիր ունեցող քաղաքում, որտեղ մարդիկ կանգած են երթեւեկում, կա 70 ավտոբուս, որը չէր օգտագործվում։ Հարց՝ ինչո՞ւ»,- եզրափակել է նա:

Տպել
5784 դիտում

Ազատությունը կամովին չի տրվում կեղեքողի կողմից. Ուկրաինայի ԶՈՒ գերագույն հրամանատարը հայերենով գրառում է կատարել

Ժամը 10:00-ի դրությամբ հայ-ադրբեջանական սահմանին իրադրության փոփոխություն չի արձանագրվել

Ծայրահեղ ծանր վիճակում ԲԿ է տեղափոխվել 10-ամյա երեխա, որն ինքնագլորից է ընկել

Մայրն ասաց՝ աղջիկը կրկին սկսել է երազել․ «UPSHIFT Իջևան»-ն ամփոփեցին ՀՀ-ում ԱՄՆ դեսպանը, ՅՈՒՆԻՍԵՖ-ն ու Գյումրու ԵՆԿ-ն

Ոտնաձայներ լսելով՝ մտածել է, թե մոտեցողը հակառակորդն է և ինքնաձիգից կրակահերթ է արձակել ծառայակցի ուղղությամբ․ ՔԿ

Քննարկվում է հայ-ադրբեջանական սահման ԵԱՀԿ առաքելություն ուղարկելու հարցը

Արցախում կապի տարբեր միջոցների օգտագործմամբ խարդախությամբ քաղաքացիներից հափշտակվել է ավելի քան 31մլն դրամ

«Նորքի տուն-ինտերնատ»-ն առաջիկայում կունենա նոր վերանորոգված մասնաշենք

Շարունակվում է ՏԻՄ ընտրություններին քարոզչություն կատարելուն հարկադրելու վարույթի նախաքննությունը

14 տոկոս աճը բավականին դրական ցուցանիշ է. տնտեսության ո՞ր ոլորտներն են տուժում սահմանային լարումների հետևանքով

ՊՆ-ն հանրային վայրերում զինծառայողների համար իրերի հավաքագրման և սոցցանցային դրամահավաքի դեպքերով կդիմի իրավապահներին

Վահագն Խաչատուրյանը հանդիպել է Հայաստանի արդյունաբերողների և գործարարների միության նախագահի հետ

Բերքառատում այրվում է մոտ 1000 հակ պահեստավորված անասնակեր

Երեք ամսում խոսել, կարդալ և գրել հայերեն․ մեկնարկել է հայրենադարձների համար անվճար դասընթացների այս տարվա վերջին փուլը

Հայ-կիպրական միջպետական հարաբերություններն առանձնանում են դաշնակցային բնույթով․ վարչապետի ուղերձը Նիկոս Անաստասիադիսին

100-ամյակները բոլորած ու անցած Ասանեթը, Մարգարիտը, Վարդն ու Խանումը․ Շիրակի մարզը երկարակյաց 4 բնակիչ ունի

Դաշտադեմ գյուղում այրվում է մոտ 20 հա խոտածածկույթ

Արցախի Հանրապետության Անվտանգության խորհրդի նիստ կհրավիրվի․ առաջարկը խորհրդարանական ուժերի կողմից է

Ինչ ունեցվածք է հայտարարագրել Էդմոն Մարուքյանը

Վյաչեսլավ Վոլոդինի հրավերով Ալեն Սիմոնյանը պաշտոնական այցով կմեկնի Մոսկվա

21-ամյա վարդենիսցին բակ է մտել ցանկապատի վրա անցք բացելով, իսկ տուն՝ պատուհանը կոտրելով

Ներկայացվել են «Հայավտոկայարան»-ը կոնցեսիոն կառավարման հանձնելու, 3 դոպլերային ռադիոլոկատոր ձեռք բերելու և այլ ծրագրեր

Տարեցների միջազգային օրը ևս մեկ հնարավորություն է մեծարելու մեր ավագ սերնդին, ընդգծելու նրանց անփոխարինելի դերը և արժեքը

«Զիլ»-ը բախվել է մեկ այլ մեքենայի և վրաերթի ենթարկել 33-ամյա կնոջը

24-ամյա հետախուզվողը ներկայացվել է դատարան

Անկարան չի ճանաչի Դոնեցկի և Լուգանսկի, Խերսոնի և Զապորոժիեի մարզերի միացումը Ռուսաստանի Դաշնությանը

Պլանային ջրանջատում Երևանի Քանաքեռ-Զեյթուն, Արաբկիր և Կենտրոն վարչական շրջաններում

Վահրամ Դումանյանը Մեխիկոյում հանդիպել է Հունաստանի գործընկերոջ և Կիպրոսի մշակույթի նախարարի տեղակալի հետ

Աննա Հակոբյանի նամակը՝ դեռ չծնված հայ աղջկան

«ԱՐՄԵԴ» համակարգի պացիենտները իրենց հետազոտությունների արդյունքները կկարողանան տեսնել առցանց

Փանիկցիները «Տելեգրամ»-ով թմրանյութ էին ձեռք բերել, տարբեր վայրերում տեղադրել ու բռնվել

ՀՀ փոխվարչապետը և Ճապոնիայի դեսպանը ընդգծել են երկկողմ հարաբերություններում ներուժի իրացման անհրաժեշտությունը

Գայ գյուղի բնակիչը ջերմատանը կանեփ է աճեցրել

Ստացվել է 6 ահազանգ՝ հանրապետության տարբեր տարածքներում բռնկված հրդեհների վերաբերյալ

Չինաստանի հետ հարաբերությունների հետագա զարգացումը առաջնահերթ կարևորություն ունեն Հայաստանի համար․ ՀՀ վարչապետ

Սուբվենցիոն ծրագրերի տեմպերից գոհ չեմ, հորդորում եմ լինել առավել զգոն․ Նազելի Բաղդասարյան

Մարտական դիրքում հրազենային վիրավորումով հայտնաբերվել է պարտադիր ժամկետային զինծառայողի դի

Աշոցք-Վարդաղբյուր ճանապարհին ավտոմեքենա է շրջվել․ տուժածներից մեկի վիճակը ծանր է

Ասում են՝ չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը