«Թուֆենկյան»-ի մոտ տեղի ունեցած սպանության գործով հետախուզվողները արտահանձնվել են Հայաստան (տեսանյութ)

Փետրվարի 5-ին Վրաստանից Հայաստան արտահանձնվեցին Ալբերտ Բլբուլյանն ու Արմեն Կարադավիդովը։ Նրանք 2017 թվականի սեպտեմբերի 15-ից հետախուզվում էին մի խումբ անձանց կամ կազմակերպված խմբի կողմից, շատերի կյանքի համար վտանգավոր եղանակով կատարված սպանության, երկու կամ ավելի անձանց սպանության փորձի և ապօրինի կերպով զենք-զինամթերք ձեռք բերելու, իրացնելու, պահելու, փոխադրելու կամ կրելու մեղադրանքով։ Հայտնաբերումը վրաց գործընկերների հետ Հայաստանի ոստիկանության արդյունավետ համագործակցության դրվագներից է: 

ՀՀ ոստիկանության աշխատակիցները լայնածավալ ու համակարգված օպերատիվ- հետախուզական միջոցառումների արդյունքում, սերտորեն փոխգործակցելով Վրաստանի Հանրապետության ներքին գործերի նախարարության գործընկերների հետ, 2017 թվականի հոկտեմբերի 19-ին Վրաստանում հայտնաբերել են 37-ամյա Բլբուլյանին ու 35-ամյա Կարադավիդովին: 

Հիշեցնենք, որ 2017-ի սեպտեմբերի 14-ին՝ ժամը 13-ն անց 30-ի սահմաններում ոստիկանության ՊՊԳՎ Կենտրոնական պահպանության բաժի ոստիկաններից մեկը ահազանգել էր բաժին ու հայտնել, որ Թուֆենկյան կենտրոնի կողմից կրակոցների ձայներ են լսվում: Նույնաբովանդակ ահազանգ էր ստացվել նաև 911 ծառայություն: Ոստիկանության Երևան քաղաքի վարչության օպերատիվ կառավարման կենտրոն զանգած տղամարդն էլ հայտնել էր, որ Թուֆենկյան հյուրանոցի մոտ կայանված իր ավտոմեքենան կրակոցներից վնասվել է, ինքն էլ սրահում է: 

Ահազանգերից րոպեներ անց քաղաքացիների հոսքը դեպքի վայրում արգելվեց՝ փորձաքրեագիտական ու քննչական գործողություններ էին կատարվում: Այդ պահի դրությամբ հայտնի էր, որ մի տղամարդ է հրազենային վիրավորումով տեղափոխվել հիվանդանոց: Վնասվել էր նրա աջ բազուկն ու կրծքավանդակը: Վիրավորը Ալավերդու բնակիչ 39-ամյա Վահագն Աբգարյանն էր: Թուֆենկյան հյուրանոցի մոտ հայտնաբերվեց տղամարդու դի՝ հրազենային վնասվածքներով: Սպանվածը ևս Ալավերդուց էր՝ 43-ամյա Գագիկ Մոսինյան: Պարզվեց, որ միասին են եղել, երբ նրանց ուղղությամբ կրակել են, նաև, որ հրազեն գործադրողները երեքով են եղել: Դեպքի վայրում հայտնաբերվեց «Ֆոլքսվագեն»: Նախնական տվյալներով՝ կասկածյալներն այդ մեքենայում են եղել: Հանցագործությունից հետո, թողնելով մեքենան, ոտքով փախել էին: Դեպքի վայրի զննությամբ հայտնաբերվեց գործարանային համարով «Կալաշնիկով» ինքնաձիգ՝ դատարկ պահունակով, նաև «Մակարով» ատրճանակ՝ լիցքավորված 3 փամփուշտով, 5.45 մմ տրամաչափի 26 հատ կրակված պարկուճ, 4 հատ 9 մմ տրամաչափի կրակված պարկուճ: 

Ժամերի ընթացքում ոստիկանության քրեական հետախուզության, կազմակերպված հանցավորության դեմ պայքարի գլխավոր վարչությունների, նաև Երևան քաղաքի ու Լոռու մարզային վարչությունների ծառայողները պարզեցին առանձնապես ծանր հանցագործությունը կատարած անձանց ինքնությունը՝ Երևանի բնակիչ 62-ամյա Ռաֆիկ Խաչատրյան, Ալավերդու բնակիչներ Ալբերտ Բլբուլյան և Արմեն Կարադավիդով: 

Դեպքի հաջորդ օրը՝ սեպտեմբերի 15-ին, նրանց մեղադրանք առաջադրվեց ու հայտարարվեց հետախուզում՝ խափանման միջոցը կալանք: Մեկ շաբաթ անց՝ սեպտեմբերի 22-ին, ոստիկանները Կոտայքի մարզում հայտնաբերեցին ու քրեական հետախուզության գլխավոր վարչություն բերման ենթարկեցին 60-ամյա Ռաֆիկ Մկրտչյանին: 
Վրաստանում հայտնաբերված ու Հայստան տեղափոխված Ալբերտ Բլբուլյանին և Արմեն Կարադավիդովին ոստիկանության Կենտրոնական բաժնի ծառայողները ներկայացրել են դեպքի նախաքննությունը վարող մարմնին՝ հարցաքննության։ 

Դեպքի հանգամանքներն ու յուրաքանչյուրի դերակատարումը նախաքննությամբ պարզվում են:

Տպել
1152 դիտում

Հուլիսյան դեպքերը ցույց տվեցին, որ մեզ հետ պետք չէ խոսել ուժի լեզվով. վարչապետն ընդունել է Արցախի ԱԺ պատվիրակությանը

ՃՈ Իջեւանի հաշվառման-քննական բաժանմունքի պետը 75.000 դրամ կաշառքի դիմաց կազմակերպել է քննության դրական արդյունք. ԱԱԾ

Դատարանի բակում ոստիկանները դիմակ են բաժանում ցուցարարներին

Երեխաները վարակվում են եւ վարակում. միայն հունիս-օգոստոս ամիսներին ՀՀ-ում 2311 երեխա է վարակվել կորոնավիրուսով

Օգոստոսին տնտեսական ակտիվության ցուցանիշը նվազել է 9․8 տոկոսով

Աշտարակ քաղաքի Մուղնի թաղամասում այրվել են ավտոմեքենաներ

«Ես 50-100 քաղաքացու հետ շփվում եմ, սիրտս լցվում է». ըստ Ծառուկյանի՝ ՀՀ-ում մարդիկ կործանման եզրին են

Կարծում եմ` նոր թեկնածուի կարիք ունենք. Վահե Գրիգորյան

Այս որոշումը հեշտ չի տրվել, բայց կարեւոր է իմ սկզբունքների եւ արժեքների հետ ներդաշնակ լինել. Գ. Աբրահամյան

Ինձ լավ եմ զգում, ջերմությունս 36.6 է, վաղուց չեմ հիվանդացել. Հրայր Թովմասյան

Գեորգի Ավետիսյանի՝ պաշտոնից ազատվելը մեթիլով օղիների կամ ալկոգելի շուկայի հետ կապելն աբսուրդ է. Անուշ Հարությունյան

ՌԵ/ՀԿԵ Հայաստանում՝ աշխատանք սեփական ռիսկին

Հայ դպրոցականները 4 մեդալ են նվաճել Ինֆորմատիկայի միջազգային օլիմպիադայում

ՀՀ վարչապետի շնորհակալագրերով են խրախուսվել 100-ից ավելի բուժաշխատողներ և պետական համակարգի աշխատակիցներ

Երևանի «Մեգա Մոլլ» առևտրի կենտրոնի մոտակայքում քաղաքացի է վրաերթի ենթարկվել

«Թվայնացումը պետական կառավարման համակարգի հեռանկարային զարգացման հիմքն է». Հակոբ Արշակյանը՝ ՌԴ-ի կոնֆերանսին

Ծովագյուղի ղեկավարը 30-50 անձանց հետ հարձակվել է «Գազպրոմ»-ի աշխատակիցների վրա. տուժել է նաեւ Գավառի ոստիկանապետը

Գագիկ Ծառուկյանը դուրս եկավ դատարանից. պաշտպանն ինքնաբացարկի միջնորդություն է ներկայացրել դատավորին

«100-ից ավելի մարդու են կանչում հարցաքննության, երբ ոչ մի բովանդակություն չկա». Էնֆիաջյանը՝ ընտրակաշառքի գործի մասին

Գայանե Աբրահամյանը հրաժարականի դիմում է ներկայացրել․ ԱԺ նախագահ