Սիդնեյի Սուրբ Հարություն առաջնորդանիստ եկեղեցում Հայրապետական Սուրբ Պատարագ է մատուցվել (լուսանկարներ)

Փետրվարի 3-ին ձեռամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Սուրբ Պատարագ է մատուցվել Ավստրալիայի և Նոր Զելանդիայի հայոց թեմի Սիդնեյ քաղաքի Սուրբ Հարություն առաջնորդանիստ եկեղեցում:

Մայր Աթոռ Սուրբ Էջմիածնի տեղեկատվական համակարգից տեղեկացնում են, որ  պատարագի արարողությանը ներկա էին Նյու Սաութ Վելսի նահանգապետուհի Գլադիս Բերեջիկլյանը, Խորհրդարանի անդամ և նախարար Փոլ Ֆլեչըրը, Քրիստոնյա Դեմոկրատ կուսակցության հիմնադիր և նախագահ Ֆրեդ Նայլը, Հայր Թովմաս Վարկիզը, Նյու Սաութ Վեյլզ էկումենիկ խորհրդի նախագահ Րեյ Վիլիըմսը, Ավստրալիայի էկումենիկ խորհրդի ընդհանուր քարտուղար Էլիզաբեթ Սթոնը, Ղպտի Եկեղեցու առաջնորդ Դանիել եպիսկոպոսը, Էմմանուել սինագոգի խորհրդի նախագահ Կուեն Հարիսը, թեմական ու ծխական խորհուրդների անդամներ, հայկական կազմակերպությունների ներկայացուցիչներ և բարերարներ:

Ամենայն Հայոց Կաթողիկոսը թափորով ամպհովանիի ներքո առաջնորդվել է դեպի տաճար, ուր մասնակցությամբ բարեպաշտ հայորդիների և բազում հյուրերի մատուցել է Սուրբ և Անմահ Պատարագ:Սուրբ Պատարագին որպես առընթերականեր սպասավորում էին Մայր Աթոռի Արտաքին հարաբերությունների և արարողակարգի բաժնի պատասխանատու Գերաշնորհ Տ. Նաթան արքեպիսկոպոս Հովհաննիսյանը և Ավստրալիայի և Նոր Զելանդիայի հայոց թեմի առաջնորդ Գերաշնորհ Տ. Հայկազուն եպիսկոպոս Նաջարյանը։

Արարողության ընթացքում Գարեգին Բ Ամենայն Հայոց Կաթողիկոսը իր օրհնությունն ու պատգամն է բերել հավաքված ժողովրդին: «Հովվապետական Մեր այցերի ընթացքին հավատավոր մեր ժողովրդի և զավակների հետ մեր հանդիպումներն են առավել ամրացնում մեր այն համոզումը, որ Քրիստոսի Սուրբ Եկեղեցուն ամուր կապված հայ ժողովուրդը, աշխարհի ամենահեռավոր անկյուններում անգամ, պահելու է իր ազգային, քրիստոնեական ինքնությունը:

  Փառք ենք մատուցում Տիրոջը, որ արժանացնում է Մեզ շնորհին ձեզ հետ միասին գոհության աղոթք բարձրացնելու երկինք` Սուրբ Պողոս առաքյալի խոսքերը կրկնելով.  «Ողջույն տվեք միմյանց սուրբ համբույրով» (Ա Կորնթ. ԺԶ 20): Պողոս առաքյալն ինքը, իբրև ընտրյալ անոթ և Տիրոջ խոսքի անվեհեր քարոզիչ, շրջում էր քրիստոնեական նորաստեղծ համայնքներում` այդպիսով սուրբ ողջույնի միջոցով իրար կապելով միմյանցից հազարավոր կիլոմետրեր հեռու գտնվող քրիստոնյա եղբայրներին ու քույրերին: Այսօր Մենք էլ՝ իբրև Ս. Գրիգոր Լուսավորչի Աթոռի գահակալ, եկել ենք ձեզ բերելու սուրբ ողջույնները համայն հայության նվիրական կենտրոն Սուրբ Էջմիածնից և Հայրապետական մեր պատգամը փոխանցելու այստեղ հավաքված մեր սիրելի զավակներին», - ասել է Հայոց Հայրապետը: 

Նորին Սրբությունն ընդգծել է, որ պատմության բերած դժվարին հանգամանքների ու տառապանքների պատճառով աշխարհասփյուռ դարձած հայ ժողովուրդը խաչելության իր երկար ճանապարհներն ավարտել է hարության արևածագերով` իբրև լույսի ու զորության աղբյուր մշտապես ճանաչելով մեր Տիրոջը՝ Քրիստոսին, ում Հարության զորությամբ կրկին ուժ է առել ինքնակազմակերպվելու և պահպանելու  ազգային քրիստոնեական իր դիմագիծը: Ըստ Վեհափառի՝ որտեղ էլ ապրել է քրիստոնյա հայորդին, աշխարհի ամենահեռավոր ու մոռացված ծագերում անգամ, նրա հոգին ծաղկել է Արարատի զավակը լինելու հայրենասիրական ոգով և հաղթանակած Փրկչի հարության զորությամբ, նա ուխտել է`մնալ մյուռոնադրոշմ, հավատարիմ զավակը Սուրբ Էջմիածնի, որով անշեղորեն կրել է կնիքը հարության և շնորհը Քրիստոսի որդեգրության:Իր խոսքում Ամենայն Հայոց Կաթողիկոսը գոհունակությամբ հաստատել է. «Մենք անչափ ուրախ ենք և մխիթարված, որ Ավստրալիո հայ համայնքը նոր զարթոնք է ապրում, զորացնում հավատի իր կյանքը` համախմբված Հայ Եկեղեցու շուրջ, վերարժևորելով մեր պատմության փառավոր հիշատակները և նախնյաց ժառանգությունը: Դուք եք այսօր հայ ժողովրդի դեսպանները հեռավոր Ավստրալիայում, ձեզանով նաև այստեղ գիտեն հայոց քրիստոնյա, հավատավոր հոգին, Հայ Եկեղեցին, մեր ժողովրդի հնամյա ու հարուստ ժառանգությունն ու մշակույթը, խաղաղության, ազատության, արարելու սերը:

Սիրելիներ, պատասխանատու ենք մեր ժամանակի համար, և մեր գործերով է, որ այն պիտի արձանագրվի իբրև վերականգնումի ժամանակաշրջան`լցված Քրիստոսով ազատ հոգու և մտածողության, քրիստոնեական մեր նկարագրի ամրագրման ու վերարժևորման ոգով: Մեր նոր ձեռքբերումներով ու հաղթանակներով է, որ պիտի առաջ ընթանա ժամանակը Հայրենիքի և Սփյուռքի վերաշինության, ժամանակը` մեր գաղթօջախներում ազգային կյանքի վերազարթոնքի, մշակույթի, գիտության ու կրթության զարգացման  և ծաղկունքի: Քրիստոս է մեր ճանապարհը, որին ճանաչել են մեր հայրերը, և որին ճանաչում ենք մենք` անվարան հավատալով ու հաղորդակից դառնալով Նրա հարության կենսագործող ու վերանորոգող զորությանը»:Հայոց Հայրապետն իր հորդորն ուղղել է ավստրալահայությանը՝   շարունակել ապրել նույն ջերմեռանդ հավատով և ազգային նախանձախնդրությամբ` հավատի ու աստվածահաճո գործերի համադրմամբ շենացնելով Հայ Եկեղեցու շուրջ համախմբված իրենց համայնքը: Նորին Սրբությունը հորդորել է հիշել ու իրենց հայրենասեր հոգիներում պահել Տերունահիմն Սուրբ Էջմիածինը, որի Իջման Սուրբ Սեղանի առջև երկրպագել և Աստծուն են փառաբանել մեր պատմության բերրի անդաստանի անխոնջ մշակներն ու սպասավորները:

«Մայր Տաճարիս վեհափառ գմբեթները, որոնք դիմակայել են պատմության աշխարհավեր փորձություններին ու զանազան վայրագ քանդումներին, ժամանակների արժեքաբանական մարտահրավերներին, այսօր հպարտորեն կանգուն են` իբրև մարմնացումը հայ քրիստոնեական ոգու և ինքնության:

Հանապազ մտաբերե՛ք  Հայաստանի սրբազան լեռները, զուլալ գետերը, մեր կապուտակ ու ջինջ Սևանը, Արարատի վեհապանծ բարձունքները, մեր ազգային պայքարի ու հերոսացումի վկա Սարդարապատը և Արցախը, Հայոց ցեղասպանության սուրբ նահատակների հիշատակը հավերժացնող երկնամուխ Ծիծեռնակաբերդը։ Ձեր ազգային կյանքի մեջ միշտ վա՛ռ պահեք հին մարմնի մեջ նոր ոգով վեր հառնող, հայ քրիստոնեական քաղաքակրթությունը մարմնավորող մեր փառապանծ վանքերն ու եկեղեցիները, որտեղ ամեն մի քար, հողի ամեն մի պատառիկ սրբագործված են մեր փառավոր նախնյաց մշտամրմունջ աղոթքով ու հայրենանվեր սիրով, նահատակության արյամբ ու պայքարի քրտինքով:Հաղորդակի՛ց  դարձեք, ձեր գործերով ու ձեր նվիրական զգացումներով,  նորակերտ Հայաստանին, հայրենիքում իրենց հանապազ տքնությամբ արարող, հայրենյաց սահմաններն անսասան պահող ձեր եղբայրներին ու քույրերին, որոնք վերստին մեր ազգային, քրիստոնեական արժեքներին իրենց նվիրվածությունն ու հավատարմությունը ամբողջ աշխարհին ի ցույց դրեցին՝ հաստատելով, որ ամենաճգնաժամային պահերին իսկ հայ ժողովուրդը գիտի Քրիստոսի սուրբ պատվիրանների համաձայն առաջնորդվել և իր հայրենիքն անշեղորեն տանել դեպի նոր ու լուսավոր ապագա:  Հայրենիքն է իր անքակտելի կապերով միացնում աշխարհասփյուռ հայերիս, «որի մեջ և կանք և պարծենում ենք Աստծո փառքի լույսով» (Հռոմ. 5.2):

Նոր արշալույս է բացվում ի Հայաստան, Արցախ և ի Սփյուռս` նոր հույսերով, ապահով, բարօր ու երջանիկ կյանք կերտելու վճռական տրամադրությամբ  և կամքով: Հայրենիքից ձեզ եկող լուրերն այսօր զգեստավորված են ոգեշնչումի ու քաջալերության թևերով, և մենք ամենքս պետք է մեր կարելին անենք` միավորելու մեր ուժերը և զորացնելու մեր ազգային-քրիստոնեական հասարակությունը, կերտելու առաջընթացի ու հանդուրժողականության, սիրո և եղբայրության տիպար և այդ ոգով ու նկարագրով կերտելու ամեն հայի հուսալի ու շեն բնօրրան հայրենիքը: Արդարև, հազարամյակների մեր պատմության օրինակն ու  հարուստ ժառանգությունը, երկիր շենացնելու և մշակույթ զարգացնելու փորձը,  ազատության հանդեպ հոգու և մտքի աննահանջ ձգտումը - այս ամենն  ունենք ավելիով, որովհետև կանգնած ենք մեր նախնյաց հզոր ու անպարտելի ուսերի վրա, և դրանով մեր աչքերի առաջ բացվում են լուսավոր հորիզոնները մեր հայրենիքի:

Թող Աստված զորացնի մեր ողջ ժողովրդին՝ միասնականությամբ հասնելու իրագործմանը մեր արդար իղձերի, մեր պետության առավել հզորության և համայն հայության բարօրության ու պայծառության», - նշել է Հայոց Հովվապետը:

Նորին Սրբությունը նաև ողջունել է ներկայությունն Ավստրալիայի պետական այրերի, դիվանագիտական առաքելությունների ներկայացուցիչներին, քույր Եկեղեցիների ներկայացուցիչների՝ այն նկատելով վկայություն հայ համայնքի, մեր Սուրբ Եկեղեցու հանդեպ բարեկամության ու եղբայրական ջերմ զգացումների:

Իր աղոթքը բարձրացնելով Ավստրալիայի և նրա ժողովրդի շեն ու բարօր կյանքի համար՝ Վեհափառ Հայրապետը Տիրոջ օրհնությունն ու զորակցությունն է հայցել Ավստրալիայի և Նոր Զելանդիայի հայոց թեմի առաջնորդին, հոգևոր դասին, թեմական և ծխական խորհուրդների պատվարժան անդամներին և իր ավստրալահայ զավակներին՝ իրենց հավատը,  հայրենապաշտ ու եկեղեցանվեր ոգին ամուր պահելու մաղթանքով:Այս առիթով Ամենայն Հայոց Կաթողիկոսը որպես գնահատանք նվիրյալ ծառայության և արտահայտություն հայրական սիրո Գերաշնորհ Տ. Հայկազուն եպիսկոպոս Նաջարյանին շնորհել է եպիսկոպոսական պանակե: Եկեղեցու հոգևոր հովիվ Տ. Ավետիս քահանա Համբարձումյանին շնորհվել է քահանայական լանջախաչ:

Սուրբ Պատարագի ընթացքում Վեհափառ Հայրապետի օրհնությամբ Հայկազուն Սրբազանի կողմից ընթերցվել է Հայրապետական Սրբատառ կոնդակը, որով Հայաստանյայց Առաքելական Սուրբ Եկեղեցու «Սուրբ Սահակ-Սուրբ Մեսրոպ» պատվո բարձր շքանշան շնորհվեց տիկին Գլադիս Բերեջիկլյանին ազգօգուտ և եկեղեցանվեր իր ծառայության համար:

Հայրապետական այցելության առիթով եկեղեցուն ընծայվել է Տիրոջ Սուրբ Ծննդյան պատկեր՝ մաղթանքով, որ նրա առջև վերառաքվող աղոթքներով համայնքը շարունակի հավատի մեջ զորանալ, լավատեսության հույսով ու աննվազ կամքով կառուցել իր երազների երկիրը:

Տպել
1854 դիտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը