Ռեգուլյար բենզինն այս պահին Վրաստանում 30 դրամով թանկ է, քան ՀՀ-ում. պատգամավորը՝ բենզինի և հացի գների փոփոխության մասին

«Իմ քայլը» խմբակցության պատգամավոր Գեւորգ Պապոյանն իր խորհրդարանական գործունեությունը պատկերացնում է ԱԺ տնտեսական հարցերի մշտական հանձնաժողովում:

- Պարոն Պապոյան, ոլորտում ի՞նչ խնդիրներ եք տեսնում եւ ինչ օրենսդրական նախաձեռնություններ եք պատրաստվում ներկայացնել:

- «Իմ քայլը» խմբակցության աշխատանքը պետք է նաեւ զուգահեռ լինի կառավարության աշխատանքին: Մենք ընդհանուր թիմ ենք եւ մեր ու կառավարության առաջարկած նախագծերը պետք է մի տրամաբանությամբ լինեն: Հիմա մի քանի գաղափարներ ունեմ, որոնք պետք է քննարկվեն խմբակցության ներսում, նոր ներկայացվեն հանրությանը:

- Հնարավո՞ր է՝ 7-րդ գումարման ԱԺ-ում ականատես լինենք մի երեւույթի, երբ խորհրդարանական մեծամասնութունն առողջ քննադատություն է հնչեցնում կառավարության հասցեին: Մինչ այս ականատես ենք եղել մի իրավիճակի, որ կառավարությունն ինչ ուղարկել է, ԱԺ մեծամասնությունը լուռ անցկացրել է:

- Ես վստահ եմ, որ հիմա էլ է այդպես: Մենք խմբակցությունում լուրջ քննարկումներ ենք ունենում, որի արդյունքում որոշումները կայացվում են: Չկա այդպիսի մեխանիզմ, որ կառավարությունից է եկել եւ առանց քննարկվելու պետք է գնա առաջ: Ցանկացած հարց ժամեր շարունակ քննարկվում է, վստահ եմ, որ այդ արատավոր պրակտիկան, որը նախկինում եղել է՝ չի լինելու: Միեւնույն ժամանակ պետք է հասկանանք, որ «Իմ քայլը» խմբակցությունը կառավարության հենարանն է Ազգային ժողովում:

- Պարոն Պապոյան, երբ կարծիքներ հնչեցին, որ նոր ԱԺ-ում չկա ընդդիմություն, «Իմ քայլ»-ից առանցքային դեմքեր հայտարարեցին, որ ընդդիմությունը ձեւավորվելու է ներսում: Այս օրերին արդեն մի քանի հարցեր են քննարկվել, արդեն զգացվո՞ւմ է այդ «ընդդիմության» ձեւավորումը:

- Դեռեւս լրջագույն օրենսդրական նախաձեռնություններ չեն եղել: Այս պահին ցանկացած հարց, գաղափար լուրջ մասնագիտական քննարկման է ենթարկվում: Լինում են նաեւ որոշակի քննադատություններ, որը մենք համարում ենք շատ նորմալ աշխատանքային գործընթաց:

- Նշվում է, որ քաղաքական հեղափոխության մասն ավարտված է եւ հիմա մեկնարկել է տնտեսական հեղափոխության փուլը: Տնտեսական հեղափոխություն իրականացնելու լրջագույն խոչընդոտները որո՞նք են:

- Տնտեսական հեղափոխությունն իրականում բազմաշերտ է: Պետք են ոչ միայն օրենսդրական բարեփոխումներ, ոչ միայն քաղաքական փոփոխություններ, այլեւ պետք է, որ մարդկանց գիտակցության մեջ փոփոխություններ տեղի ունենան: Տնտեսական հեղափոխությունը տեղի ունենալ չի կարող, եթե դրանցից որեւէ մեկը բացակայում է: Մեզանից յուրաքանչյուրը իր համար պետք է տնտեսական հեղափոխությունն իրականացնի: Պետության խնդիրն՝ օրենսդրական փոփոխություններով, վարչարարությամբ աջակցել մարդուն: Ցանկացած մարդ, ով ուզում է զբաղվել տնտեսական գործունեությամբ, նրանց համար չպետք է լինի որեւէ խանգարող հանգամանք: Մեր երկրում մինչ այս չի եղել այս ամեն ինչը, եղել է հովանավորչություն, կաշառակերություն եւ մարդկանց առաջին հերթին ոչ տնտեսական գործոններ են խանգարել:

- Հիմա չկան քաղաքական ճնշումներ, բայց ներդրումների աճ այնքան էլ չի զգացվում:

- Ներդրումների մասով մամուլում մանիպուլյացիա կա: Առաջին 9 ամիսներին օտարերկրյա ներդրումներն աճել են 20,7 տոկոսով: Այդ աճի մեծ մասը բաժին էր հասել վերջին եռամսյակին: Այսինքն՝ հուլիս, օգոստոս, սեպտեմբեր ամիսներին, որտեղ աճը նախորդ տարվա համեմատ հասել էր 50 տոկոսի: Նշել, որ չկան ներդրումներ, համաձայն չեն: Այլ հարց է, որ ներդրումները մեզ համար դեռեւս ցանկալի մակարդակի չեն:

- Պարոն Պապոյան, այս ընթացքում նաեւ առաջին անհրաժեշտության ապրանքների գնաճ եւ գնանկում է նկատվում: Մասնավորապես, բենզինն է 30 դրամով էժանացել, իսկ օրինակ հացը թանկացել է 10-20 դրամով: Սա ինչի՞ արդյունք է:

- Բենզինի գնանկումը կապված է միջազգային շուկայում նավթի գների անկման հետ: Ակնհայտ է, որ հետագա անկումն էլի է բերելու բենզինի գնի իջեցման կամ հակառակը: Մենք չունենք նավթ եւ ամբողջությամբ կախված ենք միջազգային գներից: Բենզինի գնանկումը ես միայն սրանով չեմ բացատրի: Մեր երկրում մարդիկ նախկինում բողոքում էին՝ ինչպես է ստացվում, որ նույն բենզինը Վրաստանում 30 դրամով էժան է, քան Հայաստանում: Հունվարի 21-ի դրությամբ 92 օկտանային բենզինը Վրաստանում 30 դրամով թանկ է, եթե կուրսերով փոփոխում ենք՝ 430 դրամ է, իսկ Հայաստանում ռեգուլյար բենզինը 400 դրամ է: Սա պայմանավորված է ազատ տնտեսական գործունեությամբ, կոռուպցիայի բացակայությամբ: Հացի գնաճի հետ կապված. մենք հիմնականում ալյուր ներկրող երկիր ենք եւ միջազգային շուկայում ցորենի գնի բարձրացում է տեղի ունեցել: Սա կապված է դրա հետ: Մենք պետք է աշխատենք միջազգային գների մեղմման վրա: Մի շատ կարեւոր արձանագրում պետք է իրականացնենք՝ մեր գնաճը, որ եղել է 1,8 տոկոս, սահմանվածից շատ ավելի ցածր է եղել: Սա կարեւոր ցուցանիշ է, նույնիսկ կար կարծիք, որ կարելի էր մի փոքր ավելի բարձր գնաճ ունենալ, դա կբերեր հավելյալ տնտեսական աճի:

Պարոն Պապոյան, կրկին անդրադառնանք քաղաքական հարցերի: Կարծիքներ կան, որ «Իմ քայլը» խմբակցության պատգամավորներից շատերն անփորձ են եւ դա կազդի աշխատանքի որակի վրա: Դուք արդեն հարմարվե՞լ եք խորհրդարանական աշխատանքին եւ կիսո՞ւմ եք այդ կարծիքները:

- Խորհրդարանում փորձառություն ունենալու համար պետք է լինել խորհրդարանում: Ես կարծում եմ, որ ԱԺ բոլոր պատգամավորներն առաջին անգամ են լինում Ազգային ժողովում: Շատ կարեւոր արձանագրում է: Ինչ վերաբերվում է փորձառությանը՝ շատերը չունեն փորձ, շատ պարզ պատճառով: Ես ինքս 10 տարի աշխատել եմ մասնավոր սեկտորում: Կային նաեւ արհեստական արգելքներ, որ հաղթում էիր մրցույթում, բայց չէին հրավիրում պետական համակարգում աշխատելու: Մեզանից շատերն այդ պատճառով մասնավոր սեկտորում են աշխատել:

Տպել
3497 դիտում

Հայաստանը ներկայացրել է ՄԱԿ-ի կայուն զարգացման նպատակների իրականացման Ազգային կամավոր գնահատման երկրորդ զեկույցը

Շենգավիթ վարչական շրջանի զբոսաշրջային վայրերում կրկնակի շրջայցի արդյունքում խախտումներ չեն հայտնաբերվել

Արցախում տարբեր զինատեսակների հմտություններն են սովորում ԱԱԾ հատուկ նշանակության վարչության տղաները. հետեւել է նախագահը

UNESCO-ն բազմիցս իր մտահոգություններն է հայտնել Թուրքիայի Սբ. Սոֆիայի կարգավիճակի հարցով

Այսօր ու վաղը սպասվում են ամպրոպային բնույթի ինտենսիվ անձրևներ, տեղ-տեղ՝ կարկուտ, ուժեղ քամի

Հիբրիդային պատերազմ սեփական ժողովրդի դեմ

Նոր մանրամասներ Երևանում ռումբի տեղադրման կեղծ ահազանգից․ ոստիկանություն է հրավիրվել Մանվել Գրիգորյանի փաստաբանը

ՃՈ-ն պարզում է Երևանում դիվանագիտական համարանիշներով վթարի մասնակից Mercedes-ի վարորդի ինքնությունը

Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից

Կազմակերպվում է Երևանի Ֆիրդուս թաղամասի քաղաքային միջավայրի վերակենդանացման այլընտրանքային առաջարկների մրցույթ

«Վստրեչի ապեր»-ը հայտնաբերվել է եւ տեղափոխվել «Արմավիր» ՔԿՀ

Լոզանում բացվել է բեյսբոլի և սոֆտբոլի համաշխարհային կոնֆեդերացիայի նոր շտաբ. ներկա է եղել ՄՕԿ նախագահ Թոմաս Բախը

Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա

Վթար Երևան-Մեղրի ավտոճանապարհին. 3 տուժածներից երկուսի վիճակը ծանր է գնահատվում

Կայքի տնօրենը հրապարակման մասին փաստեր չունի, ակնկալել է հետաքրքրություն շարժել. ծառայողական քննության հետքերով

ԱԻՆ փրկարարները որոնում են 2 շաբաթ առաջ կորած քաղաքացուն՝ Քաղցրաշեն գյուղի դաշտերում

Արցախում կորոնավիրուս է հաստատվել 1 մարդու մոտ՝ նախկին օջախներից մեկի շրջանակից

Հաստատվել է կորոնավիրուսի 577 նոր դեպք. գրանցվել է 8 մահ, երկուսը՝ այլ հիվանդությունից

5-6 բալ ուժգնությամբ երկրաշարժ Վրաստանի Բակուրիան քաղաքից 21 կմ հարավ-արևելք. զգացվել է Հայաաստանում

Կանխվել են 23-ամյա եւ 42-ամյա քաղաքացիների ինքնասպանության փորձերը Երեւանի Հաղթանակի կամրջից