Կողքից է տպավորություն, թե հեշտ էր. Գեւորգյանը՝ ՀՀ 2019 թ. կանանց շախմատի չեմպիոն դառնալու մասին

Հայաստանի կանանց շախմատի 2019 թ. չեմպիոն Մարիա Գեւորգյանն ընդգծում է, որ հաղթանակը հեշտ չի տրվել: Հունվարի 12-20-ը կայացած մրցաշարի սկզբում նա կարողացավ իր ձեռքը վերցնել առաջատարությունը ու այդպես էլ առաջ շարժվել: Այդուհանդերձ, ինչպես նշեց «Հայկական ժամանակ»-ի հետ զրույցում, կողքից ստեղծված տպավորությունը, թե հեշտորեն է նվաճել չեմպիոնությունը, չի համապատասխանում իրականությանը:

«Կողքից այդպիսի տպավորություն է բոլորի մոտ, բայց իրականում շատ մեծ աշխատանք է կատարվել թեկուզ մինչեւ մրցաշարը, ու մրցաշարի ընթացքում էլ ինձ համար առաջին պարտիաններն էր շատ դժվար խաղալը: Հետո բացվեցի, սկսեց ստացվել, ու ինչ-որ տեղ նաեւ հակառակորդներիս խաղերն այնպես դասավորվեցին, որ ավելի հեշտ ստացվեց ամեն ինչ»,- ասաց նա:

Մարիան չեմպիոն դարձավ 7 միավորով: Նա համապատասխանաբար 2-րդ ու 3-րդ տեղերը զբաղեցրած Սուսաննա Գաբոյանին ու Սիրանուշ Ղուկասյանին գերազանցեց 1.5 միավորով: Մրցաշարը նա սկսեց առաջին տուրում հաղթելով Աստղիկ Հակոբյանին: Անկախ արդյունքից՝ այդ պարտիան առանձնացնում է որպես իր համար ամենաբարդը:   

«Առաջին պարտիան էր շատ բարդ, որովհետեւ մոտ 2 ամիս առաջ էի խաղացել կլասիկ մրցաշար ու չէի կարողանում տեմպի մեջ մտնել»,- բացատրեց նա:

Հայաստանի 2019 թ. առաջնությունը դրա միջնամասում լքեց գործող չեմպիոն Մարիա Կուրսովան: Վատառողջ լինելու պատճառով նա 5-րդ տուրից սկսած չշարունակեց, եւ 7-րդ տուրում նախատեսված նրա ու Գեւորգյանի պարտիան չկայացավ: Կուրսովայի բացակայությունը, ըստ Գեւորգյանի, վերջնական արդյունքի վրա այդքան էլ չի ազդել:

«Մարիա Կուրսովայի՝ մրցաշարում մնալը, ինչպես վերջում արդյունքը ցույց տվեց, այդքան բան չէր փոխի: Ես կցանկանայի նրա դեմ խաղալ, որովհետեւ բարդ հակառակորդ է: Կցանկանայի բարդ հակառակորդ ունենալ»,- ասաց նա:

Վերջին 4 տարիների ընթացքում սա Գեւորգյանի 3-րդ չեմպիոնությունն է Հայաստանի առաջնություններում: Առաջինն է եղել նաեւ 2016 եւ 2017 թթ.: Որպես չեպիոն նա համալրեց ՀՀ կանանց հավաքականի կազմը, որը 2019 թ. ընթացքում երկիրը ներկայացնելու է միջազգային մրցաշարերում:

Նշում է, որ փետրվարին մասնակցելու է Բելգիայի ակումբային առաջնությանը, հետո հանդես կգա Եվրոպայի անհատական առաջնությունում: Մինչեւ այդ գուցե լինի կանանց թիմային աշխարհի առաջնությունը, բայց դեռ պարզ չէ, իսկ հոկտեմբերին տեղի կունենա Եվրոպայի թիմային առաջնությունը:

ՀՀ շախմատի առաջնությունն անց է կացվել Տիգրան Պետրոսյանի անվան շախմատի տանը: Զուգահեռաբար ընթանում էր նաեւ տղամարդկանց ՀՀ 2019 թ. առաջնությունը: Այդտեղ էլ Արման Փաշիկյանն էր մրցաշարի սկզբում իր ձեռքը վերցրել առաջատարի դերը, որը բաց չթողեց մինչեւ վերջ: Նա հաղթեց 6.5 միավորով ու ընդգրկվեց ՀՀ տղամարդկանց հավաքականում:

Փաշիկյանի համար սա 2-րդ չեմպիոնությունն է ՀՀ առաջնություններում: Առաջին անգամ տիտղոսը նվաճել էր 10 տարի առաջ: Տղամարդկանց պայքարում 2-րդ տեղը զբաղեցրեց Հայկ Մարտիրոսյանը (5.5 միավոր), իսկ 3-րդը՝ Սամվել Տեր-Սահակայանը (5):

Տպել
1177 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ