Մանկապարտեզի 6 դաստիարակները, թողնելով 103 երեխաներին, եկել են համայնքապետարան. պարզաբանում

Իջևան համայնքի մանկապարտեզները նախկինում աշխատել են  5-օրյա աշխատանքային շաբաթ, 7-ժամյա աշխատանքային օր ռեժիմով,  դաստիարակները վարձատրվել են հաստիքային 1 միավոր  դրույքաչափով: Ըստ  ՀՀ կրթության տեսչական մարմնի 05.11.2018թ-ին կատարված ստուգման N1 ակտի, մանկապարտեզները պետք է աշխատեն 5-օրյա աշխատանքային շաբաթ, 8-ժամյա աշխատանքային օր ռեժիմով և դաստիարակի համար հաստիքային 1,12 միավոր դրույքաչափով:

Այս մասին հայտնում են Իջեւանի համալնքապետարանից՝ ի պատասխան «Մանկապարտեզի տնօրենը հրաժարվել է աշխատակիցներին նկատողություն հայտարարել եւ ազատվել է պաշտոնից» հոդվածի:

Պարզաբանման մեջ նշվում է.

«Այս և ակտում նշված այլ հարցերի հետ կապված, Իջևան համայնքի ղեկավարը  2018թ-ի  դեկտեմբերին հրավիրել է խորհրդակցություն մանկապարտեզների տնօրենների հետ, նրանց հանձնարարել շտկել թերությունները և աշխատակիցներին տեղյակ պահել նոր աշխատառեժիմի մասին: Էլմիրա Մարտիրոսյանը  առարկություններ է հայտնել աշխատանքային նոր ռեժիմի հետ կապված: 2019թ-ի հունվարի 9-ին թիվ 1 մանկապարտեզի բոլոր 6 դաստիարակները, թողնելով մանկապարտեզի 103 երեխաներին, եկել են համայնքապետարան՝ հանդիպելու կրթության, մշակույթի և սպորտի բաժնի պետի հետ, աշխատաժամանակի փոփոխման պատճառները ճշտելու համար: Համայնքապետարանում դաստիարակները գտնվել են 2 ժամ, որի մասին  14.01.2019թ-ին գրավոր բացատրություն են ներկայացրել մանկապարտեզի տնօրենի ժ/պ Է. Խաչատրյանին, նշելով, որ տնօրենը չի բացատրել աշխատառեժիմի փոփոխության պատճառը և ստիպված պատասխան են փնտրել  քաղաքապետարանում:

Բաժնի պետը հանգամանորեն բացատրել է, որ պետք է աշխատել կրթության և գիտության նախարարի հրամանին համաձայն, որ աշխատաժամանակի ավելացման հետ կապված նրանք վարձատրվելու են 1,12 միավոր դրույքաչափով: Նրանք հանդիպել են նաև համայնքի ղեկավարի հետ, քննարկելու աշխատավարձը հետագայում  բարձրացնելու հարցը: Համայնքի ղեկավարը, մտահոգված լինելով երեխաների անվտանգության հարցով, նշել է, որ անհրաժեշտության դեպքում պետք է իրեն հրավիրեին մանկապարտեզ, և ոչ թե թողնին երեխաներին և բացակայեին աշխատավայրից:

Համայնքի ղեկավար Վարդան Ղալումյանը, տնօրեն Էլմիրա Մարտիրոսյանին հրավիրել է  համայնքապետարան, դեպքի առթիվ  բացատրություն ստանալու համար: Տնօրենը հայտնել է, որ տեղյակ չէ աշխատակիցների աշխատանքի վայրը լքելու մասին, որ աշխատակիցներից ոմանք չեն ենթարկվում իր պահանջներին, և երբ պատշաճ չեն կատարում իրենց պարտականությունները,  չցանկանալով վատամարդ դառնալ, նրանց կարգապահական տույժի չի ենթարկում: Քաղաքապետը հանձնարարել է շուտափույթ շտկել իրավիճակը, սակայն Մարտիրոսյանը ասել է, որ ի վիճակի չէ: Քանի որ Է. Մարտիրոսյանը չի կարողանում պատշաճ իրականացնել տնօրենի պարտականությունները, նրան առաջարկվել է թողնել տնօրենի պաշտոնը և տեղափոխվել այլ աշխատանքի: Նրան առաջարկվել է երեք այլ աշխատանք, ընդ որում նաև համայնքապետարանում, ավելի բարձր աշխատավարձով, սակայն Մարտիրոսյանը մերժել է և արձակուրդ վերցնելու դիմում  ներկայացրել, որը մերժվել է: Հաջորդ օրը մանկապարտեզի տնօրենը առանց տեղյակ պահելու իր բացակայության մասին, չի ներկայացել աշխատանքի, իր հետ տանելով կազմակերպության կլոր կնիքը, որով կազմալուծվում է մանկապարտեզի աշխատանքը: Համայնքապետարանը չի կարողացել կապ հաստատել տնօրենի հետ: Անհրաժեշտությունից ելնելով մանկապարտեզում նշանակվել է տնօրենի ժ/պ, հրավիրվել է ավագանու արտահերթ նիստ, քննարկելու նշված հարցը: Համայնքի ավագանին Է. Մարտիրոսյանին առաջարկել է մասնակցել նիստին, սակայն նա ցուցաբերելով անհարգալից վերաբերմունք ավագանու հանդեպ, հրաժարվել է մասնակցել նիստին և չի առաջարկել հետաձգել այն: Համայնքի ավագանին 2 ձեռնպահ, 6 կողմ ձայնով տվել է համաձայնություն  համայնքի ղեկավարի առաջարկությանը՝ Էլմիրա  Մարտիրոսյանին ազատել տնօրենի պարտականություններից:  

Էլմիրա Մարտիրոսյանի աշխատանքից ազատելու վերաբերյալ քաղաքապետի կարգադրություն չկա: Վերջինս, սակայն, աշխատանքի չի ներկայանում, մանկապարտեզի կնիքը չի հանձնում տնօրենի ժ/պ-ին և խաթարում է կազմակերպության բնականոն աշխատանքը: Նշենք նաև, որ քաղապետը պաշտոնավարում է 2011թ-ից և քաղաքապետարանից ու ենթակա կազմակերպություններից որևէ նախկին աշխատակցի աշխատանքից չի ազատել, այդ թվում տիկին Մարտիրոսյանին, ում հետ աշխատել է  8 տարի:

Մանկապարտեզների հետ կապված հարցերը մշտապես գտնվում են համայնքապետարանի ուշադրության կենտրոնում: Մանկապարտեզների գերծանրաբեռնվածությունը թեթևացնելու նպատակով վերջին հինգ տարիների ընթացքում գործող մանկապարտեզներում բացվել են երեք նոր խմբեր և երեք խումբ ունեցող ևս մեկ մանկապարտեզ: Ավարտին են մոտենում ևս երկու նոր մանկապարտեզների կառուցման աշխատանքները: Համայնքապետարանի կրթության բաժինը մանկապարտեզներում   իրականացնում է մշտական վերահսկողություն, հաճախակի այցելությունների, խորհրդակցությունների, մեթոդական ցուցումնեի,  հանձնարարությունների  միջոցով»:

Հիշեցնենք, որ Իջեւանում գործող մանկապարտեզների աշխատակիցներից ավելի վաղ ահազանգեր էինք ստացել, որ այս տարվա սկզբից քաղաքապետարանը պարտադրում է աշխատել մեկ ժամ ավելի, իսկ հավելյալ վարձատրություն չի առաջարկում: Հետագայում էլ N1 մանկապարտեզի տնօրեն Էլմիրա Մարտիրոսյանն էր հայտարարել, որ ազատվել է զբաղեցրած պաշտոնից: Դրա պատճառաբանությունները նույնպես բերվում-կապվում են նշված փոփոխության հետ:

Տպել
7527 դիտում

Վանեցյանը, Ծառուկյանը, Մինասյանը պատրա՞ստ են աշխատել վարչապետ. Կարեն Սիմոնյան (տեսանյութ)

Արսեն Թորոսյանը հեռախոսազրույց է ունեցել ՌԴ դաշնային ծառայության ղեկավար Աննա Պոպովայի հետ

Արմավիրի Չերեմուշկա թաղամասում քաղաքացին սպառնում է ինքնասպան լինել

Մեկնարկել են Քարվաճառ տանող մոտ 17 կմ երկարությամբ ճանապարհի ասֆալտապատման աշխատանքները

Գոռ Երիցյանն ու Նարեկ Աբգարյանը կմարզվեն Մայք Թայսոնի մարզչի մոտ

Ճգնաժամը կհամարեմ վերջացած, երբ տեսնեմ ՍԴ ընտրված անձանց գործունեությունը. Սոֆյա Հովսեփյան (տեսանյութ)

Ադրբեջանը պետք է հրաժարվի ռազմական շանտաժի և սպառնալիքների քաղաքականությունից, նստի բանակցային սեղանի շուրջ. ԱՀ ԱԳՆ

Իսրայելական ընկերությունները 2 կազմակերպության 155 մլն դոլար են վճարել, որն օգտագործվել են Ադրբեջանի վերնախավի համար

Հայաստանի շախմատի պատանեկան հավաքականը դարձել է Եվրոպայի առցանց առաջնության բրոնզե մեդալակիր

Կրկին պայթյուն Լիբանանում. նախնական վարկածով՝ այրվում են «Հզբոլլահ»-ի զենքի պահեստները

Ելփին գյուղում բռնկված հրդեհը մեկուսացված է. մարզային փրկարարական վարչությունում հայտարարվել է հավաք

Այսօրվա գործողությունները պետք է միտված լինեն 2050թ-ի ՀՀ-ին. Արման Բոշյան (տեսանյութ)

«Կան անհերքելի փաստեր». մահացած ծննդկանի հարազատները նշում են, որ չեն նահանջելու, ԲԿ-ից պնդում են՝ բժիշկը մեղավոր չէ

«Արարատը» այլևս ստիպված չի լինի խաղադաշտեր վարձակալել․ նորոգվում են Ձորաղբյուրի մարզաբազայի խաղադաշտերը

Փայտե մահակներ, երկաթյա ձողեր, քարեր. Գնդեվազում կան բերման ենթարկվածներ ու ձերբակալվածներ (տեսանյութ)

ՀՀ քննչական կոմիտեի նախագահ Հայկ Գրիգորյանն ընդունել է ՀՀ-ում Իտալիայի արտակարգ և լիազոր դեսպանին

Նախկին համակարգի քաղաքական ուժերը չեն կարող առաջնորդել ընդդիմությանը. Արման Բոշյան (տեսանյութ)

Վարազդատ Հարոյանը հեռացել է «Ուրալից». պատճառը՝ խաղային պրակտիկայի բացակայությունն է

Երևանում մանկատան սաները պարբերաբար բռնության են ենթարկվել, զրկված եղել կեցության նվազագույն պայմաններից (տեսանյութ)

«Տրակտորիստի աղջիկը». պատգամավորի անեկդոտը՝ «Դոսյե»-ի թեմայով (տեսանյութ)