Արամ Հարությունյանը Հայաստանում է գտնվում. նրա պաշտպանը հաստատեց, որ նրան չեն թույլատրել լքել երկիրը

ՀՀ ԱԺ նախկին պատգամավոր, բնապահպանության նախկին նախարար Արամ Հարությունյանը Հայաստանում է գտնվում:

Այս մասին դատարանի որոշման հրապարակումից հետո, պատասխանելով մեր հարցին, ասաց նրա պաշտպան Կարեն Հակոբյանը:

Արամ Հարությունյանը որպես մեղադրյալ է ներգրավվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով (առանձնապես խոշոր չափերով կաշառք ստանալը) եւ 190-րդ հոդվածի 3-րդ մասի 1-ին կետով (առանձանպես խոշոր չափերով փողերի լվացում): Հարությունյանի նկատմամբ հայտարարվել է հետախուզում. երեկ նախաքննական մարմինը նրան կալանավորելու միջնորդություն էր ներկայացրել դատարան: Դատարանը նրան այսօր կալանավորելու որոշում կայացրեց:

Հարցին, թե Հարությունյանը ինչ դիրքորոշում է հայտնել մեղադրանքի հետ կապված, պաշտպանը պատասխանեց. «Քրեական գործը քննվել է շուրջ երեք տարի, բնականաբար այդ ընթացքում իր դիրքորոշումը այնպիսինն է եղել, որ չի ընդունում ոչ մի մեղադրանք եւ ըստ էության մեղադրանք ընդունելն էլ անտրամաբանական կլինի, ոովհետեւ այնպիսի անհեթեթ մեղադրանք է վերագրվում, որ դա ընդունելը անհնար է»,- ասաց Հակոբյանը:

Ըստ մեղադրանքի` Արամ Հարությունյանը, 2007թ. հունիսի 8-ից զբաղեցնելով ՀՀ բնապահպանության նախարարի պաշտոնը, միաժամանակ հանդիսանալով ռազմավարական նշանակություն ունեցող օգտակար հանածոներ պարունակող ընդերքի տեղամասերի նկատմամբ հանքային իրավունքի ձևավորման միջգերատեսչական մրցութային հանձնաժողովի նախագահ, գործարար Ս. Հ.-ին հանքերևակումների ուսումնասիրության 10 հատուկ լիցենզիաներ տրամադրելու գործընթացն իրականացնելու, հետագայում ուսումնասիրության ժամկետները երկարացնելու և հանքերի շահագործման թույլտվություն ստանալու հարցը նրա օգտին լուծելուն նպաստելու համար գործարարից պահանջել և ստացել է առանձնապես խոշոր չափերով՝ 4.2 մլրդ ՀՀ դրամին համարժեք 14 մլն ԱՄՆ դոլար կաշառք:

Անդրադառնալով մեղադրանքի այս հատվածին, Կարեն Հակոբյանն ասաց. «Այդ լիցենզիաները որեւէ բանի համար պիտանի չեն եղել: Լիցենզիաների նշանակությունը կայացել է ընդամենը նրանում, որ այդ լիցենզիաներով հնարավորություն է եղել կոնկրետ բնակավայրում ինչ-որ հետազոտություն կատարել, դա չի տվել որեւէ առավելություն՝ հետագայում հանք շահագործելու, այդ հանքն արտոնյալ պայմաններով այլ սուբյեկտների համեմատ ձեռք բերելու: Այդ պայմաններում, երբ որ ընդամենը մարդը պետք է ուսումնասիրություն կատարի ու իր հետազոտությունները ներկայացնի ընդհանոր երկրի երկրաբանական ֆոնդին, այդ պայմաններում, կներեք, ոչ մի տրամաբանություն չկա, որ նման ինչ-որ լիցենզիաների համար որեւէ մեկը 14 միլիոն դոլար գումար վճարի»: Մեր ճշտող հարցին՝ այսինքն, Հարությունյանը չի՞ ընդունում, որ առանձնապես խոշոր չափի կաշառք է ստացել, Հակոբյանն ասաց, որ որեւէ չափի մեղադրանք իր պաշտպանյալը չի ընդունում:

2018 թվականի հոկտեմբերի 24-ին վարչապետ Նիկոլ Փաշինյանն Ազգային ժողովի ամբիոնից հայտարարել էր, որ ԱԺ պատգամավորի նկատմամբ կա գործ, որն արդեն 100 տոկոսով ապացուցված է: Դա կաշառքի գործ է: «էդ պատգամավորը կալանավորվելու է, եւ դա լինելու է 3-րդ Հանրապետության պատմության ամենախոշոր կաշառքի դեպքը, որը իր թելերով տանելու է ուրիշ բարձրաստիճան պաշտոնյաների հետեւից»:  Փաշինյանի այս հայտարարության վերաբերյալ, պաշտպանն ասաց. «Բնականաբար, քննությունը պետք է կատարվի եւ ամեն ինչ պարզաբանվի, ես չեմ ուզում քննությանը պիտակավորեմ, բայց անկախ ամեն ինչից՝ նման բարձրաստիճան պաշտոնատար անձի հայտարարությունները չեմ կարծում, որ բացասական իմաստով ազդեցություն չունենան քննության ընթացքի վրա»: Հարցին՝ քաղաքական ենթատեքստ տեսնո՞ւմ եք, Հակոբյանը պատասխանեց, որ եթե նման հայտարարություն անելու ցանկություն լինի, ապա իր վստահորդի համաձայնությամբ կանի: «Ներկայումս, կարծում եմ, քննությունը կշարունակվի եւ նաեւ այս մեղադրանքն էլ կհերքվի, որովհետեւ իմ ասած օբյեկտիվ փաստերը չեն կարող թույլ տալ, որ նման մեղադրանք ընդհանրապես գոյություն ունենա»,- հավելեց Կարեն Հակոբյանը: Դիտարկմանը՝ եթե հիմնավոր չէ, ինչո՞ւ չի ներկայանում եւ ապացուցում իր անմեղությունը, պաշտպանն ասաց, թե մեղավորությունն ու անմեղությունը ապացուցելու խնդիրը իրավաբաների գործն է, իմ վստահորդը բազմիցս ցուցմունք տվել է նախաքննության ընթացքում տարիներ շարունակ եւ մենք կաշխատենք մեղադրանքը հերքելու ուղղությամբ:

Ավելի վաղ «ՀԺ»-ն գրել էր, որ Արամ Հարությունյանը փորձել է հեռանալ Հայաստանից, սակայն «Զվարթնոց» օդանավակայանում թույլ չեն տվել դուրս գալ երկրից՝ կանխելով նրա մեկնումը: Հարությունյանի պաշտպանը հաստատեց մեր այս տեղեկությունը՝ նշելով. «Նման խնդիր եղել է, պարոն Հարությունյանը օրինական կարգով, իր կնոջ բուժման նպատակով ցանկացել է մեկնել երկրից, սակայն ապօրինաբար, ՀՀ օրենսդրության պահանջների խախտմամբ, առանց որեւէ իրավական հիմքի սահմանային անցակետերում արգելվել է վերջինիս ելքը Հանրապետությունից»,- հավելեց նա: Նա նշեց, որ օրենքով միայն կասկածյալի եւ մեղադրյալի ելքն ու մուտքն է, որ կարող է սահմանափակվել համապատասխան որոշման առկայության դեպքում: Այդ ընթացքում նա գործով վկայի կարգավիճակ է ունեցել:

Պաշտպանը նշեց, որ այդ առնչությամբ պաշտպանական կողմը քննությունն իրականացնող մարմնին հաղորդում է ներկայացրել եւ եթե վարույթն իրականացնող մարմինն է արգելել, ապա այդ հարցով պետք է զբաղվեն այլ իրավասու մարմիններ: Մեր հարցին, թե ի՞նչ են պատճառաբանել, երբ չեն թույլատրել նրան մեկնել Հայաստանից, պաշտպանը նշեց, որ պատճառաբանել են, թե վարույթն իրականացնող մարմնի կողմից արգելք է սահմանված:

Կարեն Հակոբյանը տեղեկացրեց, որ Հարությունյանին կալանավորելու որոշումը անպայման կվիճարկեն:

Հարությունյանի նկատմամբ հետախուզում է հայտարարվել:

ՀՀ հատուկ քննչական ծառայության տարածած հաղորդագրությունը ամբողջությամբ այս հղումով

Տպել
1926 դիտում

Երկրաշարժ Մարմարաշեն գյուղից 3 կմ հարավ-արևելք. ուժգնությունը կազմել է 3 բալ

«Արարատ Ցեմենտ»-ում, ՀԷՑ-ում, «Նոր Զովքի» ցանցում ԱԱՏՄ-ն իրականացրել է կասեցումներ, իսկ Նոր Նորքում՝ ուժեղացված ստուգայց

Հայաստանում ՌԴ ավելի քան 1330 քաղաքացի մասնակցել է ՌԴ Սահմանադրության փոփոխությունների քվեարկությանը

Վայքից դեպի Զեդեյա ճանապարհին բախվել են շտապ օգնության «Ford»-ն ու «Toyota Camry»-ն. 9 տուժած կա

Քվեաթերթիկների 99,9%-ի հաշվարկով, ՌԴ ընտրողների 77,93%-ը կողմ են Սահմանադրության փոփոխություններին

Պատգամավորներն առաջարկում են դատավորներին բարձր թոշակ տալ. նախկին դատավորը մեկնաբանում է նախագիծը

ՌԴ-ում Սահմանադրական փոփոխությունների հանրաքվեի ձայների կեսի հաշվարկով կողմ է քվեարկել 76,24%-ը. նախնական

Ռոբերտ Քոչարյանը հրաժարվել է ՔԿԾ-ի դեմ հայցից. դատարանի որոշմամբ՝ վարույթը կարճվել է

Արմեն Թավադյանի գործով դատական ծախսերը մոտ 2.5 մլն դրամ են. պաշտպանը միջնորդեց վերացնել նրա գույքի կալանքը

Տեղի է ունեցել Իրանի, Ռուսաստանի ու Թուրքիայի նախագահների` Սիրիայի հարցով առցանց գագաթնաժողովը

Լուսակունք համայնքում կկառուցվի լուսավորության ցանց եւ ոռոգման ջրատարի ներքին ցանցի հիմնանորոգման աշխատանքներ

Գյումրու ինֆեկցիոնում կորոնավիրուսով 89 հիվանդ է բուժվում. հունիսի 30-ին հաստատվել է 57 նոր դեպք

Սուբվենցիոն ծրագրերով Նորատուսում կկառուցվի համայնքապետարանի շենք եւ կասֆալտապատվեն ճանապարհներ

Ծիրանատոնն էլ այս տարի հեռավար նշվեց. ծառ տնկելու, մշակույթի ու արվեստի դասեր՝ «Յոթ մուսաների» այգում

Արսեն Թորոսյանն այսօր այցելել է Վեդու և Արտաշատի բժշկական կենտրոններ

Արագածոտնի մարզում այս տարի իրականացվող սուբվենցիոն ծրագրերն ավելացել են 3 անգամ

Գյումրիում քննական 3 կենտրոն է ձևավորվել՝ թիվ 10, 11, 21 դպրոցներում

Հատակը, պատերը, կրպակները, կահույքը, երեխաների խաղասենյակները, զուգարանները ախտահանվում են օրական առնվազն 2 անգամ. ԱԱՏՄ

Ձայների 25 %-ի հաշվարկով ՌԴ-ում ընտրողների 73,24 տոկոսը կողմ է Սահմանադրության փոփոխություններին

Գոռն այս երգով կոչ է անում պաշտպանվել կորոնավիրուսից. վարչապետը հրապարակել է Գոռ Մխիթարյանի նոր երգի տեսահոլովակը