Նիկոլ Փաշինյանը՝ Պուտինի հետ սպասվելիք հանդիպման ու ՀԱՊԿ ներկայացուցչի այցերի մասին

ՀՀ վարչապետի ժամանակավոր պաշտոնակատար Նիկոլ Փաշինյանը ՌԴ նախագահ Վլադիմիր Պուտինի հետ քննարկելու է նաեւ գազի գնի բարձրացման հարցը: Այս մասին երեկ Վանաձոր կատարած այցի ժամանակ լրագրողների հետ զրույցում ասել է Նիկոլ Փաշինյանը.

«Ամեն ինչ էլ քննարկելու ենք, բոլոր հարցերն էլ քննարկելու ենք»:

Լրագրողի դիտարկմանը, որ կա տեղեկատվության արտահոսք, ըստ որի, նախատեսվում է  30 տոկոսով թանկացնել գազի գինը, Նիկոլ Փաշինյանն ասել է. «Ես նման տեղեկատվություն չունեմ, որ պետք է թանկանա, մենք պայմանավորվել ենք, որ պետք է այդ հարցը քննարկենք: Ես հիմա չեմ ուզում որեւէ կանխորոշող բան ասել, հույս ունեմ, որ բանակցությունները հաջող կընթանան»:

Անդրադառնալով ՀԱՊԿ գլխավոր քարտուղարի պաշտոնում Հայաստանի ներկայացուցչի նշանակմանը, Նիկոլ Փաշինյանը նշել է.

«Մենք ասել ենք, որ մենք ունենք թեկնածու, եւ հարցը պետք է որոշվի կոնսենսուսով, եւ մենք պետք է փորձենք հասնել կոնսենսուսի: Ես նաեւ նախկինում եմ ասել, որ գլխավոր քարտուղարի պաշտոնը ընդմիշտ վերապահված չէ Հայաստանի Հանրապետությանը, դա ռոտացիոն սկզբունք է, եւ մեր ժամկետը մի օր պետք է ավարտվի: Մեզ համար խնդիրը գլխավոր քարտուղարի պաշտոնը եւ կարգավիճակը չէ, մեզ համար խնդիրը ՀԱՊԿ բովանդակությունն է, եւ ինչպես նախկինում ասել եմ, փոխադարձ պայմանավորվածությունների հստակեցումն ու ճշգրտումն է եւ այս հարցի շուրջ կոնսենսուսի հասնելը»:

Նիկոլ Փաշինյանը հիշեցրել է՝ եղել են ժամանակներ, երբ ՀԱՊԿ-ում այդ ռոտացիոն սկզբունքը չի գործել, եւ նույն մարդը տարիներ շարունակ եղել է գլխավոր քարտուղար.

«Գլխավոր քարտուղարի հարցը չի այստեղ, որովհետեւ գլխավոր քարտուղարի ժամկետը կավարտվի, ռոտացիան կփոխվի, հետո էլի կհասնի Հայաստանին, բայց խնդիրը ավելի խորն ու բովանդակային է, եւ ես անկեղծ ասած գոհ եմ այս ընթացքում տեղի ունեցած ու տեղի ունեցող քննարկումներից, որովհետեւ շատ բաց ու անկեղծ քննարկումներ են տեղի ունեցել, ինչը երբեք ՀԱՊԿ-ում տեղի չի ունեցել, եւ մենք մեր անվտանգ միջավայրը հասկանալով պետք է հասկանանք՝ ՀԱՊԿ-ին լուրջ վերաբերվել, թե ոչ»,-ասել է Նիկոլ Փաշինյանն ու վստահեցրել, որ իրենք միշտ էլ կառուցողական են եղել:

Լրագրողի դիտարկմանը, որ Բելառուսի թեկնածուն շրջում է ՀԱՊԿ անդամ երկրներով, բայց Հայաստան չի եկել, Նիկոլ Փաշինյանն ասել է, որ այս պահին, քանի դեռ քննարկումները շարունակվում են, նպատակահարմար չեն գտել.

«Մենք ոչ թե մերժել ենք, այլ ասել ենք, որ այս փուլում նպատակահարմար չէ, քննարկումները կշարունակվեն»:

Տպել
3055 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ