Մանկապարտեզում երեխաներին ցամաք հաց ու վաֆլի են տալիս. ահազանգեր եւ պարզաբանումներ

Վերջին օրերին մեզ հայտնի դարձավ միանգամից երկու տարբեր մանկապարտեզներում երեխաներին տրվող սննդի հետ կապված խնդիրների մասին: Ահազանգերից մեկը վերաբերում էր Երեւանի համար 135 մանկապարտեզին: Նշվում էր, որ քնից արթնացած փոքրիկներին հետճաշիկին միայն հաց ու վաֆլի են տալիս: Մյուսը վերաբերում էր Էջմիածնի համար 5 «Գարուն» մանկապարտեզին: Այս դեպքում էլ նշվում էր, որ սաները նախաճաշին ընդամենը ցամաք հաց են ուտում:

Երեւանի համար 135 մանկապարտեզի տնօրեն Գոհար Մաթեւոսյանը վստահեցրեց, որ հաց ու վաֆլին, անպայման լինում են որեւէ հեղուկի հետ: Մեր այցելության օրը եւս երեխաները արթանալուց հետո հաց ու վաֆլի էին ուտելու: Բայց դրա հետ նախատեսված էր նաեւ հյութ, որը թղթի փաթեթավորումներով դրված էր խոհանոցում: Մանկապարտեզում ներկայացվեցին թղթի կտրոններ՝ կերակրացանկի գրառումներով: Ասացին, որ դրանք օրվա սննդի նմուշների հետ պահվում են 48 ժամ: Ըստ այդմ, նախաճաշին եղել էր հաց ու կաթ, ճաշին՝ հաց, կաղամբով ու մսով ապուր, բրնձով փլավ եւ կոնֆետ, որոնց նմուշները ապակե տարաների մեջ էին:

«Հեղուկներն անընդհատ փոփոխվում են թեյի տեսքով, հյութի տեսքով, թարմ մրգով ենք պատրաստում, կամ՝ չրով ու չամիչով: Աշխատում ենք, որ մեր երեխաների սնունդը խայտաբղետ լինի: Աշխատում ենք այնպես բաշխել, որպեսզի կերակրացանկը չկրկնվի. մի օր թանապուր է, մի օր կաղամբով ապուր է, մի օր մակարոնով ապուր է: Միշտ տարբեր ենք տալիս»,- ասաց Գոհար Մաթեւոսյանը: Հաջորդ օրն, ըստ նրա, նախաճաշին պետք է լիներ հաց եւ սպիտակաձավար, ճաշին՝ հավով, ոլոռով ապուր, վերմիշելով փլավ, կոնֆետ, իսկ հետճաշիկին՝ հաց, պանիր ու թեյ:

Մանկապարտեզի տնօրենի խոսքով՝ ծնողները երբեւէ չեն բողոքել երեխաներին տրվող սննդից: «Անկեղծ եմ ասում, որ բողոք լիներ, ես շատ վատ կզգայի ինձ»,- նշեց նա: Մանկապարտեզին սնունդը տրամադրում է Երեւանի քաղաքապետարանը՝ շաբաթական մեկ անգամ: Նախակրթական հաստատությունը միայն ներկայացնում է քանակի պահանջարկը՝ ըստ երեխաների թվի: Համար 135 մանկապարտեզում գործում է չորս խումբ, գրանցված երեխաների թիվը 132 է, մեր այցելության օրը հաճախել էին 101-ը:

Ինչ վերաբերում է Էջմիածնի «Գարուն» մանկապարտեզում երեխաների նախաճաշը միայն հացից բաղկացած լինելու մասին տեղեկությանը, տնօրեն Արփինե Թադեւոսյանը դա կտրականապես հերքեց: «Ես դրան բացատրություն չունեմ, քանի որ ինձ մոտ այդպիսի բան ընդհանրապես ամբողջ կյանքում չի եղել: Ծնողներն անընդհատ մեր մանկապարտեզում են, իրենք տեսնում են: Դա ես չեմ կարող պատկերացնել՝ ինչքան սուտ լուր է եւ ուզում եմ ասել՝ որ ժամին ուզում եք, մեր դռները միշտ բաց են, կարող եք գալ ե՛ւ նախաճաշին, ե՛ւ ճաշին, ե՛ւ հետճաշիկին, տեսնել ե՛ւ մեր ճաշերը, ե՛ւ համտեսել, ե՛ւ համոզվել, որ ընդհանրապես այդպիսի բան գոյություն չունի մեր մանկապարտեզում: Դա չգիտեմ՝ ինչ խոսակցություն է, բայց մեր մանկապարտեզի մասին չէ»,- հայտարարեց Արփինե Թադեւոսյանը:

Առավոտյան, ըստ նրա, երեխաները կերել են թթվասեր, կաթնաշոռ, հաց, ճաշին՝ կարմիր լոբով, վերմիշելով ապուր, իսկ հետճաշիկին՝ բրնձով շիլա, հաց, կարամել: «Մեր կերակրացանկը միշտ կախված է պատին՝ ե՛ւ խմբասենյակում, ե՛ւ խոհանոցում, եւ մենք ամեն օր վերցնում ենք նմուշներ, որոնք 48 ժամ պահվում են մեր սառնարաններում, միշտ կարող եք մոտենալ եւ տեսնել»,- ասաց «Գարուն» մանկապարտեզի տնօրենը: Նա նույնպես վստահեցրեց, թե ծնողները սննդի վերաբերյալ դժգոհություններ չեն հայտնում. «Կարող եմ ասել հակառակը, որ ծնողները մոտենում են եւ հարցնում՝ ինչպես է խոհարարը պատրաստում ճաշը, նախաճաշը կամ հետճաշիկը, քանի որ երեխաները դրանք ուզում են տանն էլ ուտել»:

Այդուամենայնիվ, «Գարուն» մանկապարտեզում երեխաներին տրվող սննդից դժգոհություններ են ստացել նաեւ Էջմիածնի քաղաքապետարանի կրթության բաժնում: Դրանք, սակայն, գոնե առայժմ չեն հաստատվել: Բաժնի պետ Լիլիթ Հակոբյանը, պատասխանելով մեր հարցմանը, ասաց. «Բողոքներ ինքս էլ շատ եմ լսել, բայց դրանք եղել են ճաշի մասին, որ դրա մեջ միս չի լինում՝ չնայած նախատեսվում է: Գնացել եմ, անձամբ համոզվել եմ, որ երեխաները միս են ուտում: Տեսել եմ իմ աչքով, որ չափաբաժինն անգամ համապատասխանում էր ճաշացանկով դուրս գրվածին: Նախաճաշի վերաբերյալ գանգատներ չեմ լսել: Ամեն դեպքում հետեւողական ենք, բաժնից գոնե երկու շաբաթը մեկ այցելում են»:

Հարցին, թե հնարավոր համարո՞ւմ է, որ «Գարուն» մանկապարտեզի մասին ստացվող բողոքներն ուղղորդված են եւ սեւացնելու նպատակ ունեն, կրթության բաժնի պետը պատասխանեց. «Չեմ կարծում, որովհետեւ ոչ մի ծնող չի ապրում մեկ ուրիշին սեւացնելու ցանկությամբ»: Բայց նաեւ հավելեց. «Անկեղծ ասած՝ ինձ էլ հենց այնպես զանգել են, ասել ու ոչ մեկը չի ներկայացել: Ես չգիտեմ ով է եղել: Բայց հետամուտ եղել եմ»:

Տպել
4241 դիտում

ՀՀ վարչապետն ու ՆԱՏՕ-ի գլխավոր քարտուղարը քննարկել են Հայաստան-Ադրբեջան խաղաղության պայմանագիրը

Տրոլեյբուսը հայտնվել է խրամուղում. շինարարը կտուգանվի

Նիկոլ Փաշինյանը շնորհավորել է Վլադիմիր Պուտինին

Վարչապետի որոշմամբ` նշանակվել է ՊԵԿ նախագահի առաջին տեղակալ

Մենք դավաճան, հող ծախող չենք, ձեր թիկունքում ոչ մի բան չենք անելու, թողեք այս ճանապարհով գնանք. Փաշինյանը՝ տավուշցիներին

«Երևան Սիթին» տուգանվել է 10 միլիոն, «Հայփոստ»-ը՝ 2,6 միլիոն դրամով

Առանձնապես խոշոր չափի «Մեթամֆետամինի» ապօրինի շրջանառություն երիտասարդ կնոջ և տղամարդու կողմից. նրանք կալանավորվել են

Նիկոլ Փաշինյանը «TikTok»-ում նոր շարք է սկսել (տեսանյութ)

Ընդդիմությունն ասում է՝ Տավուշի գյուղերն ուզում է տա, Խրեմլուի ղեկավարը ո՞վ է. Փաշինյան

Պակիստանում երկրաշարժ է գրանցվել

Փետրվարին 150 հարկ վճարողի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Կոտայքում միմյանց բախվելուց հետո մեքենաներից մեկը գլխիվայր շրջվել է. կա տուժած

Մի քանի ժամ լույս չի լինի Երևանի և 7 մարզի մի շարք հասցեներում

Որ բանկերի քարտապանները կարող են օգտվել հետվճարի ծրագրից

ԵՄ արտգործնախարարները վերահաստատել են իրենց աջակցությունը Հայաստանին

Դիլիջանի ոլորանները փակ են բեռնատարների համար, մի շարք շրջաններում ձյուն է տեղում

ԱԺ-ն նոր պատգամավոր ունի. Դավիթ Կարապետյանը երդմամբ ստանձնել է պատգամավորի մանդատը

Բախվելուց հետո մեքենաներից մեկը բռնկվել է. ներսում հայտնաբերվել է 4 ուղևորի դին, վարորդի վիճակը ծանր է (լուսանկարներ)

«Միր» քարտերը կդադարեն աշխատել Հայաստանի գրեթե բոլոր բանկերի բանկոմատներում

Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման

Սահմանը կանցնի իմ տան միջով, զինվորների ներկայության դեպքում ինչպե՞ս ենք ապրելու էդ տանը. վարչապետը պատասխանել է բնակչին

Սա մեր ապագան կառուցելու միակ տարբերակն է, հեշտ հարց չէ. վարչապետը՝ Կիրանցի բնակիչներին (տեսանյութ)

Վարչապետը տիկնոջ հետ ներկա է գտնվել «...և նորից Գարուն» ներկայացմանը (լուսանկարներ)

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ