Կրեմլում անհանգիստ են ԱՄՆ-ի ֆինանսավորած լաբորատորիաներով

Դեկտեմբերի 17-ին Ռուսաստանի արտաքին գործերի նախարար Սերգեյ Լավրովը ծավալուն հարցազրույց է տվել «Կոմսոմոլսկայա Պրավդա» լրատվականին, որում անդրադարձել է նաեւ Հայաստանին: ՌԴ արտաքին գերատեսչության ղեկավարը, մասնավորապես, խոսել է Հայաստանում եւ նախկին խորհրդային այլ երկրներում տեղակայված ամերիկյան կենսաբանական լաբորատորիաների մասին: Լրատվականի թղթակից Դարյա Ասլամովան խնդրահարույց էր համարել Հարավային Կովկասում ամերիկյան լաբորատորիաների առկայությունը եւ հետաքրքրվել, թե ինչու է Ռուսաստանը «թույլատրել 2016 թ. երեք ամերիկյան կենսաբանական լաբորատորիաների կառուցումը» ռազմավարական դաշնակից Հայաստանի տարածքում:

Ի պատասխան դրան Լավրովը հայտնել էր, որ Երեւանն ու Մոսկվան մշակում են փաստաթուղթ, որով երաշխավորվելու է օտարերկրացի զինվորականների բացակայությունը Հայաստանի տարածքում:

«Համաձայնագիրը երաշխավորելու է, որ այնտեղ օտարերկրյա զինվորականներ չեն լինելու, եւ այն ամենը, ինչ արվում է այնտեղ, թափանցիկ է լինելու՝ սպառնալիքների եւ ռիսկերի բացակայության երաշխիքների առումով»,- նշել է Լավրովը:

Այդ հայտարարությունը տարընթերցումների առիթ հանդիսացավ, քանի որ տարածվում էր զրույցի ընդհանուր համատեքստից դուրս, եւ տպավորություն էր ստեղծվում, թե իբր խոսքը Հայաստանում օտարերկրյա զինվորականների ներկայությունն արգելող համաձայնագրի մասին է: ՀՀ ԱԳՆ խոսնակ Աննա Նաղդալյանը, մեկնաբանելով Ռուսաստանի ԱԳՆ ղեկավար Սերգեյ Լավրովի հայտարարությունը, նշել է, որ խոսքը կենսաբանական լաբորատորիաների մասին է:

Դեկտեմբերի 15-ին մամուլի ասուլիսի ընթացքում այս թեմային անդրադարձավ նաեւ Հայաստանում Ռուսաստանի դեսպան Սերգեյ Կոպիրկինը: Պատասխանելով «օտարերկրացի զինվորականների ներկայությունն արգելող» համաձայնագրի վերաբերյալ հարցին՝ Կոպիրկինը նշեց, որ ռուսական եւ հայկական կողմերի միջեւ կա երկխոսություն:

«Ես կցանկանայի մի փոքր փոխել տոնայնությունը, Դուք ասում եք «պայմանագիր», «համաձայնագիր», «արգելող»...  Ո՞վ, ո՞ւմ, ի՞նչ կարող է արգելել։ Խոսքը գնում է երկու սուվերեն, հավասար իրավունքներ ունեցող պետությունների համագործակցության մասին։ Հավատացեք ինձ, հարաբերությունները հենց այս հենքի վրա էլ կառուցվում են։ Որքանով որ ես տեղյակ եմ, ռուսական եւ հայկական կողմերի միջեւ կա երկխոսություն կենսաբանական լաբորատորիայի գործունեության շուրջ»,- ասաց նա՝ հավելելով, որ նախկին խորհրդային այլ երկրներում կենսաբանական լաբորատորիաների խնդիրը «անհանգստացնում է իրենց»:

Նրա խոսքով ՝ հայկական կողմի հետ երկխոսությունը կառուցողական հունով է ընթանում։ ՌԴ դեսպանի ասուլիսից հետո ՀՀ ԱԳՆ խոսնակը եւս մեկ անգամ պարզաբանեց ստեղծված իրավիճակը:

«Ստիպված եմ եւս մեկ անգամ կրկնել, որ խոսքը Հայաստանի սանիտարահամարաճարակային վերահսկողության բարձրացումն ապահովող լաբորատորիաների մասին է, որտեղ աշխատում են բացառապես հայ մասնագետներ: Լաբորատորիաները Հայաստանինն են եւ քաղաքացիական բնույթ են կրում: Հայաստանի պարագայում այստեղ ռազմական ներկայության մասին խոսք չկա», - «Հայկական ժամանակ»-ի հետ զրույցում ասաց Նաղդալյանը:

Կրեմլին վաղուցվանից են անհանգստացնում հետխորհրդային տարածքում առկա, ամերիկյան ֆինանսավորմամբ ստեղծված լաբորատորիաները: Անհանգստության պատճառներից է մասնավորապես այն, որ լաբորատորիաները կառուցվել են ԱՄՆ ՊՆ-ի միջոցներով: Մտավախություն կա, որ այդ լաբորատորիաներում գաղտնի հետազոտություններ են կատարվում կենսաբանական զենքի ստեղծման եւ օգտագործման ուղղությամբ:

Այս թեման ակտիվացել էր սեպտեմբերին, երբ Վրաստանի պետանվտանգության նախկին նախարար Իգոր Գեորգաձեն փաստաթղթեր հրապարակեց, որտեղից հայտնի է դառնում, որ Վրաստանում գործող կենսաբանական լաբորատորիաները հնարավոր է զբաղվում են կենսաբանական զենքի մշակմամբ եւ մարդկանց վրա փորձարկումներով:

2008 թ. Հայաստանում ԱՄՆ ֆինանսավորմամբ ստեղծվել են մի քանի լաբորատորիաներ: Դրանք զբաղվում են վիրուսների հայտնաբերման եւ դրանց արագ չեզոքացման հնարավորությունների զարգացմամբ: Այդուհանդերձ, Վրաստանում գործող լաբորատորիաները եւս չէին հայտարարում մարդկանց վրա կատարվող փորձերի մասին:

Ինչ վերաբերվում է Ռուսաստանի եւ Հայաստանի միջեւ պատրաստվող փաստաթղթին, ապա դրա անհրաժեշտությունը բխում է դեռեւս 2016 թ. հոկտեմբերի 14-ին Երեւանում կայացած Հավաքական անվտանգության խորհրդի նիստում կայացրած որոշումներից: Նիստի ընթացքում դիտարկվել է մինչեւ 2025թ. ՀԱՊԿ հավաքական անվտանգության ռազմավարության նախագիծը, որն արձանագրում է «նոր՝ այդ թվում բակտերիոլոգիական զենքերից բխող սպառնալիքների չեզոքացման մեխանիզմների ստեղծման անհրաժեշտությունը»: Դա ենթադրում է ՀԱՊԿ անդամ երկրներում գործող ԱՄՆ ՊՆ-ի կողմից ֆինանսավորվող լաբորատորիաների գործունեության վերաբերյալ իրավական բազայի ստեղծում եւ դրանցում ստուգումներ իրականացնող մարմինների եւ մեխանիզմների կազմավորում:

Հայաստանում այդ մեխանիզմն արդեն որոշակիորեն գործարկվել է: Սեպտեմբերին ՀՀ վարչապետ Նիկոլ Փաշինյանը «Կոմերսանտին» տված հարցազրույցում նշել էր, որ ռուսաստանցի մասնագետներն իր թույլտվությամբ եղել են այդ լաբորատորիաներում եւ համոզվել, որ այնտեղ ոչ մի վտանգավոր բան չկա: Բացի դրանից, Փաշինյանը հայտնել էր, որ պատրաստ է քննարկել այդ լաբորատորիաների համատեղ օգտագործման հարցը:

Ակնհայտ է, որ հայաստանյան լաբորատորիաները, եթե անգամ ինչ-որ տվյալներ են ուղարկում ԱՄՆ, Վրաստանի լաբորատորիաներից տարբերվող գործառույթ են կատարում: Իսկ բազմաթիվ պնդումները, որ դրանք լիովին ՀՀ կառավարության հսկողության տակ են, գրեթե զրոյացնում են դրանցում կենսաբանական զենք ստեղծելու հավանականությունը: Ինչ վերաբերվում է Փաշինյանի՝ լաբորատորիաները համատեղ օգտագործելու առաջարկին, ապա ռուսական կողմն, ամենայն հավանականությամբ, դրական կարձագանքի դրան՝ համապատասխան իրավական բազայի ստեղծումից հետո:

Տպել
1792 դիտում

Վարչապետը մարտի 1-ին Հանրապետության հրապարակում հանրահավաքի և երթի է հրավիրում

Պահանջում ենք բանակը չներքաշել քաղաքական պրոցեսների մեջ, երկրի անվտանգությունը չստորադասել սեփական քաղաքական շահերին. ՊՆ

Վարչապետի աշխատակազմն անհիմն է համարում և չի ընդունում նախագահի աշխատակազմից ստացված առարկությունները. Արսեն Թորոսյան

Զինծառայողների հարազատները դեռ Արցախում են, բայց որոնողական աշխատանքները չեն վերսկսվում. ռուսական կողմը բանակցում է

ԳՇ պետին պաշտոնանկ անելու միջնորդությունը կրկին ուղարկում եմ Հանրապետության նախագահին. Նիկոլ Փաշինյան

Մնալով ազատության մեջ կարող են խոչընդոտել գործի քննությանը. ՔԿ-ն պարզաբանել է Շահումյան գյուղի 5 բնակչի կալանավորումը

Անհրաժեշտություն է առաջացել նորից ծավալել կորոնավիրուսային բժշկական կենտրոններ. Գևորգ Սիմոնյան

Բավրայի սահմանային անցակետում հետախուզվող է հայտնաբերվել

Գերագույն հոգևոր խորհուրդն ավարտեց աշխատանքները. Մայր Աթոռ

Ադրբեջանը դեռևս պատրաստ չէ քայլեր ձեռնարկելու Հարավային Կովկասում խաղաղության և կայունության համար. Աննա Նաղդալյան

ՀՀ նախագահը առարկություններով վերադարձրեց ԳՇ պետին պաշտոնից ազատելու հրամանագրի նախագիծը

Նախագահ Սարգսյանն ամբողջությամբ և խորապես գիտակցում է իրեն բաժին հասած պատասխանատվությունը սերունդների առաջ. Բաբաջանյան

Հայ-ադրբեջանական շփման գծում սահմանային իրադրությունը կայուն է

Խորությամբ զգում եմ ձեր ցավը և պատրաստ եմ աջակցել ձեզ. ՀՀ նախագահը հանդիպել է անհետ կորածների ընտանիքների անդամների հետ

ՃՈ երկու տեսուչի մեղադրանք է առաջադրվել․ Ներքին անվտանգության վարչության բացահայտումը (տեսանյութ)

Ադրբեջանական կողմը մանիպուլյացիայի է ենթարկում հայ գերիների ցուցակը. Արա Այվազյան

Ընդդիմությունը հանրահավաք է անցկացնում Բաղրամյան պողոտայում

Օդի ջերմաստիճանը փետրվարի 27-ից 28-ը կբարձրանա 3-ից 4 աստիճանով և նույնքան կնվազի մարտի 1-ին ու 2-ին

ՀՀ նախագահը Օնիկ Գասպարյանին ազատելու վերաբերյալ որևէ որոշում չի կայացրել, դեռ ժամանակ ունի

Հայաստանի և Ռուսաստանի պաշտպանության նախարարները հեռախոսազրույցում քննարկել են տարածաշրջանային իրավիճակը. «Արմենպրես»

Նախագահ Արմեն Սարգսյանը հանդիպել է ԱԺ խմբակցություններում չընդգրկված մի խումբ պատգամավորների հետ (տեսանյութ)

Ադրբեջանը չի կարող որևէ դեր ունենալ Արցախ օտարերկրացիների մուտքի ընթացակարգերում, դա մեր բացառիկ իրավունքն է. Բեգլարյան

Նարեկ Մալյանին մեղադրանք է առաջադրվել

ՀՀ արտգործնախարարն անդրադարձել է Ադրբեջանի գործընկերոջ հետ հնարավոր հանդիպմանը. «Արմենպրես»

Վանաձորում վրաերթի է ենթարկվել 7-ամյա տղա. անցած մեկ օրում ՀՀ -ում 7 ՃՏՊ է արձանագրվել

Վանաձորում եղբայրներ են դանակահարվել. ձերբակալվել է 26-ամյա երիտասարդ

2020 թվականին քրեական ենթամշակույթին առնչվող 16 դեպք է արձանագրվել

Արարատ Միրզոյանը հարգանքի տուրք է մատուցել Սումգայիթի ջարդերի զոհերի հիշատակին

ՊԵԿ նախագահը քննարկել է կոմիտեի տեղեկատվական տեխնոլոգիաների ոլորտի նախագծերը

Ներկայացվել է «Հայոց լեռների գաղտնիքներից» անիմացիոն տեսանյութը՝ սուրդո թարգմանությամբ

Լրամշակվում է Երիտասարդական պետական քաղաքականության 2021-2025 թթ. ռազմավարության նախագիծը

Վիճաբանություն և դանակահարություն Ազատության հրապարակում. կա ձերբակալված

Վարդենյաց լեռնանցքը դժվարանցանելի է կցորդիչով տրանսպորտային միջոցների համար

Կոչ ենք անում միջազգային հանրությանը դատապարտել սումգայիթյան ցեղասպանությունը և Ադրբեջանի հայատյաց քաղաքականությունը

Հրապարակվել է կեղծված ձևաթուղթ. Դիլիջանի համայնքապետ Դավիթ Սարգսյանն անդրադարձել է իր անձի հետ կապված հրապարակումներին

Ադրբեջանում պահվող հայկական կողմի բոլոր զինծառայողները և քաղաքացիական անձինք կարգավիճակով գերիներ են. ՄԻՊ

Վարչապետը հարգանքի տուրք է մատուցել Սումգայիթի ոճրագործության զոհերի հիշատակին (լուսանկարներ)

Սումգայիթյան ջարդերը պատասխանն էին Արցախի ժողովրդի՝ իր պատմական հայրենիքում կյանքի անօտարելի իրավունքի բարձրաձայնման

ՀՀ նախագահն ու Արման Թաթոյանը քննարկել են գերիների վերադարձի, սահմանամերձ համայնքների բնակիչների հետ կապված հարցերը

Սննդից ու կացարանի ապահովումից բացի առաջնային է տեղահանված արցախցիների կրթության իրավունքի իրացումը. Կարինե Գյադուկյան