Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

ՀՀ վարչապետի պաշտոնակատարի տիկին, «Իմ քայլը» և «City of smile» բարեգործական հիմնադրամների հոգաբարձուների խորհրդի նախագահ Աննա Հակոբյանը Շվեյցարիայի Համադաշնություն այցի երկրորդ օրը՝ դեկտեմբերի 13-ին Բեռնում հանդիպել է Շվեյցարիա-Հայաստան խորհրդարանական բարեկամության խմբի համանախագահ Դոմինիկ դե Բումանի, փոխնախագահ Մարիան Ստրեյֆ-Ֆելլերի, Շվեյցարիայի Համադաշնության Ազգային խորհրդի փոխնախագահ, բարեկամության խմբի անդամ Իզաբել Մորեի, Ազգային խորհրդարանի պատգամավոր, բարեկամության խմբի անդամ Սիբել Արսլանի, Շվեյցարիա-Հայաստան բարեկամության խմբի գլխավոր քարտուղար Սարգիս Շահինյանի  հետ: Աննա Հակոբյանին ուղեկցում էին Շվեյցարիայի Համադաշնությունում ՀՀ գործերի ժամանակավոր հավատարմատար Անահիտ Հարությունյանն ու «Իմ քայլը» հիմնադրամի գործադիր տնօրեն Հովհաննես Ղազարյանը:

Կարևորելով հանդիպումն ու բարեկամության խմբի անդամներին անվանելով անձնական բարեկամներ, Աննա Հակոբյանն առաջին հերթին շնորհակալություն է հայտնել Շվեյցարիայի ժողովրդին պատմության դժվարագույն ժամանակներում հայ ժողովրդի կողքին կանգնելու և աջակցելու համար: «Շնորհակալությունը երբեք շատ ու ուշացած չի լինում, և ես շնորհակալություն եմ հայտնում շվեյցարացի ժողովրդին Հայոց ցեղասպանության ճանաչման և դատապարտման գործում ունեցած մեծ աշխատանքի, Սպիտակի երկրաշարժի ժամանակ հայ ժողովրդին ցուցաբերած հսկայական ու անմոռանալի աջակցության համար, ինչպես նաև այն օժանդակության համար, որ հայ ժողովուրդը ստացել է վերջին երեսուն տարվա ընթացքում»,-ասել է Աննա Հակոբյանը՝ հավելելով, որ հեղափոխությունից հետո Հայաստանում հաստատված նոր իրողությունները նոր դռներ են բացելու երկկողմ ավելի բարձր մակարդակի համագործակցության համար:

Աննա Հակոբյանն իր խոսքում անդրադարձել է նոր Հայաստանում կանանց դերակատարությանը՝ հավելելով, որ կանանց ներգրավվածության առումով դեռևս ահագին աշխատանք կա կատարելու:

Հանդիպման ընթացքում Աննա Հակոբյանը, հյուրերի խնդրանքով, ներկայացրել է իր նախաձեռնած «Կանայք հանուն խաղաղության» արշավը՝ շեշտելով, որ արշավի հիմնական առանցքը Ղարաբաղյան հակամարտությունն է, քանի որ եթե երկրում խաղաղություն չլինի, որևէ այլ նախաձեռնություն հնարավոր չի լինի իրականացնել: «Արշավի նպատակն այն է, որ քանի դեռ գնում են բանակցություններ հակամարտության կարգավորման ուղղությամբ, կողմերը միմյանց վրա չկրակեն, երկու ժողովուրդների զավակները չզոհվեն և պետական այրերը բանակցությունների սեղանի մոտ՝ խաղաղ պայմաններում կարգավորեն խնդիրը»,-ասել է Աննա Հակոբյանը՝ անկեղծանալով, որ Հայաստանում իր նախաձեռնությունը շատ լայն արձագանք է գտել, և նրան են միացել ինչպես Ապրիլյան մարտական գործողությունների ժամանակ զոհվածների մայրերը, այնպես էլ հասարակական-քաղաքական ակտիվ գործունեություն վարող կանայք: Աննա Հակոբյանի գնահատմամբ՝  շատ լավ կլիներ, որ արշավն արձագանք գտներ նաև միջազգային հանրության շրջանում, և որքան շատ կանայք միանան նախաձեռնությանն՝ այնքան խաղաղություն ցանկացող կանանց ձայնն ավելի լսելի կդառնա:

Անդրադառնալով «Իմ քայլը» և «City of smile»  հիմնադրամների գործունեությանը, տիկին Հակոբյանը նշել է, որ հիմնադրամների նպատակն է աջակցել՝ լուծելու այն խնդիրները, որոնք ինչ-ինչ պատճառներով կառավարությունը դեռևս չի կարող լուծել: «City of smile» հիմնադրամն ունի մեկ նպատակ՝ կանխարգելել քաղցկեղը: «Հիմնադրամի առաջին նպատակն է անվճար բուժօգնություն տրամադրել մինչև 25 տարեկան քաղցկեղով հիվանդ մարդկանց: Հիմնադրամի գործունեության մի քանի ամիսների ընթացքում արդեն անվճար բուժում է ստանում  63 հոգի: Սակայն ավելի մեծ նպատակ էլ ունենք՝ Հայաստանում տարածաշրջանում քաղցկեղի դեմ պայքարի առաջին մեծ կենտրոնը ստեղծել»,- ասել է Աննա Հակոբյանը:

«Շնորհավորում եմ Ձեզ այն փայլուն հաղթանակի կապակցությամբ, որ կատարվեց գարնանը: Պետք է փաստեմ, որ այսօր առավել քան երբևէ մեր երկու երկրները մոտ են իրար: Ձեր երկրում տեղի ունեցած հեղափոխությունը կրթական ու գիտակցության բարձր մակարդակի արդյունք էր, որ խաղաղ ճանապարհով կարողացաք արձանագրել այդ փոփոխությունները»,-ասել է Շվեյցարիա-Հայաստան խորհրդարանական բարեկամության խմբի համանախագահ Դոմինիկ դե Բումանը՝ հավելելով, որ այսօրվա հանդիպումն էլ կարող է համարվել հարաբերությունների վերածնունդ: Մարիան Ստրեյֆ-ֆելլերն էլ շեշտել է, որ իրեն հատկապես ոգևորել է հասարակության մեջ կանանց դերի բարձրացմանն ուղղված Աննա Հակոբյանի քայլերը:

«Ձեր օրինակը կարող է վարակիչ լինել և նպաստել, որպեսզի կանայք ավելի ակտիվ լինեն: Ինձ հատկապես հիացրեց «Կանայք հանուն խաղաղության» արշավը. այդ նախաձեռնության հիմքը զգացմունքներն են և այստեղ կանայք կարող են միմյանց լավ հասկանալ»,- եզրափակել է Մարիան Ստրեյֆ-ֆելլերը:

Հանդիպումից հետո տրված ճաշի ընթացքում կողմերը շարունակել են քննարկել ապագա համագործակցության ուղիները, ներկայացրել մի շարք առաջարկություններ: Ճաշին մասնակցել է Հայաստան-Շվեյցարիա առևտրային պալատի նախագահ Մայք Բարոնյանը: 

Տպել
6215 դիտում

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Ռեստորանում «Ջերմուկ»-ի շիշը կոտրվել է, ապակյա բեկորը վնասել է 32-ամյա երիտասարդի աչքը

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք