Անվավեր քվեաթերթիկների վրա այս անգամ հումորներ համարյա չկային․ դրանք անցել էին համացանցի տիրույթ

Նախօրեին՝ դեկտեմբերի 9-ին, տեղի ունեցան խորհրդարանական արտահերթ ընտրությունները, որոնց մասնակցեցին ընտրելու իրավունք ունեցող 2,593,120 քաղաքացիներից 1,262,164-ը կամ ընտրողների 48,63 տոկոսը։

Այս ընտրություններին մասնակցում էր 11 քաղաքական ուժ՝ 9 կուսակցություն եւ երկու դաշինք, եւ ըստ քվեարկության վերջնական արդյունքների՝ ընտրվեցին 3 քաղաքական ուժեր՝ «Իմ քայլը» դաշինքը՝ 70,43 տոկոսով, ԲՀԿ-ն՝ 8,27 տոկոսով եւ «Լուսավոր Հայաստան» կուսակցությունը՝ 6,37 տոկոսով։

2017 թվականի ընտրությունների հետ համեմատած՝ այս տարվա անվավեր քվեաթերթիկների քանակը զգալիորեն պակաս էր՝ 4675, իսկ նախորդ տարի դրանք եղել են 6675-ը։

Անցյալ տարվա ընտրությունների անվավեր քվեաթերթիկները հիմնականում միտումնավոր վնասման կամ միտումնավոր սխալ քվեարկության արդյունք էին։ Դրանց մեծ մասի վրա քաղաքական հումորներ էին, անգամ՝ հայհոյանքներ։ Այնինչ, այս տարի, ինչպես փոխանցում են ընտրատեղամասերում հերթապահած լրագրողները, անվավեր քվեաթերթիկները մեծամասամբ քվեարկության ձեւի խախտման դեպքեր էին։ Կարող ենք ենթադրել, որ արտահերթ այս ընտրություններին քաղաքացիներն իրենց ձայնի կարեւորությունն առավել են գիտակցել, եւ հումորները, որոնք գրվում էին քվեաթերթիկներին, այս անգամ տեղ են գտել համացանցում։ «Հայկական ժամանակ»-ը «Ֆեյսբուք» սոցիալական ցանցից առանձնացրել է դրանցից մի քանիսը, որոնք վերաբերում են տարբեր քաղաքական ուժերին եւ բուն ընտրությանը․

«Սաղ հեչ՝ կարեւորը Մուկուչյանը հաշվել ա սովորել»,-գրել է Ծով Ալիզե Բանուչյան անունով օգտատերը՝ երբ հայտնի դարձան քվեարկության վերջնական արդյունքները։

««Իմ Լոնքը» դաշինք»,-քվեարկության արդյունքների հրապարակումից հետո գրել է օգտատեր Ռուբեն Ղազարյանը, երբ «Իմ քայլը» դաշինքն արդեն ստացել էր 70 տոկոսից ավելի ձայն։

«Մինչեւ հիմա նայում եմ թվերին, վախում եմ՝ փոխվեն»,-գրել է Գեւորգ Տեր-Գաբրիելյան անունով օգտատերը։

«Միայն ի՞նձ է զարմացնում ՀՅԴ-ի այսպիսի բարձր տոկոսը։ - Ուղղակի գյուղերում մարդիկ կարդացել են «ՀԵՂԱՓՈԽԱԿԱՆ» դաշնակցություն, մտածել են Նիկոլն ա»,-գրել է օգտատերերից մեկը, երբ ՀՅԴ-ի ձայների քանակը մի պահ անցավ նաեւ ՀՀԿ-ի ձայների քանակից։

«Սասուն Միքայելյանն ու ՀՀԿ-ն պայքարում են 40,000 ձայնի շեմը հաղթահարելու համար»,-գրել է օգտատեր Տիգրան Ազիզյանը։ Ի դեպ, միայն Սասուն Միքայելյանը ստացել էր 31 հազարից ավելի քվե։

«Հլը հելի, Դաշնակ Դրո, հել, նայի՝ ձերոնք ինչ են անում»,-գրել է օգտատերերից մեկը, երբ ՀՅԴ կուսակցության քվեների քանակը մի ընտրատեղամասում գերազանցում էր «Իմ քայլ»-ը դաշինքի քվեների քանակին։ Շարունակությունը՝ «Հելի, Դաշնակ Դրո, ձերոնք կրում են», քվեների հաշվարկի ավարտին՝ «Քնի՜, Դաշնակ Դրո, քնի՜»։

Երբ Շանթ հեռուստաընկերությունը ԿԸՀ-ից առաջ ընկած քվեաթերթիկների հաշվարկին հընթացս հրապարակում էր քվեարկության արդյունքները՝ օգտատերերից մեկը գրեց․ «Աչքիս «Շանթ»-ն էլ ԿԸՀ-ին ա գաղտնալսում։

Մեկ այլ օգտատեր գրել է․ ««Սասնա Ծռերին» ԱԺ մտնելու համար հեչ էլ ձեր քվեն պետք չի, մտքներին տեղ լինի ուղղակի»։

Վովա Հակոբյան անունով օգտատերը գրել է․ «Պարոն Nikol Pashinyan / Նիկոլ Փաշինյան, եւ այդ մեկ Մուկուչյանին զանգողը ԴՈ՛Ւ ես, եւ այդ մեկ զանգողը ԴՈ՛Ւ ես, եւ այդ մեկ զանգողը ԴՈ՛Ւ ես։ 
Եվ ուրեմն՝ հիիիի-մաաա, հիիի-մաաա, հիիի-մաաա»։

Այս ցանկը կարելի է դեռ շարունակել․ ընտրությունների արդյունքների հրապարակումից հետո հումորները մեկը մյուսին հերթ չէին տալիս։

Տպել
20995 դիտում

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները